ಬಿರಿಬಿರಿ ಪಾವ್ಸ್ ಸೀಸನ್ 5 ಗೋವಾ ಒಡಿಶನ್ಸ್
ಕವಿತಾ ಟ್ರಸ್ಟ್ ಹಾಂಣಿ ದಾಯ್ಜಿವರ್ಲ್ಡ್ ಟೆಲಿವಿಶನಾಚೆರ್ ಮಾಂಡುನ್ ಹಾಡ್ಚ್ಯಾ ಬಿರಿಬಿರಿ ಪಾವ್ಸ್ - ಸೀಸನ್ 5 ಕೊಂಕಣಿ ಕವಿತಾ ಸಾದರೀಕರಣ್ ಸರ್ತೆಚ್ಯಾ ರಿಯಾಲಿಟಿ ಶೋ-ಚೆಂ ಗೊಂಯ್ಚೆಂ ಒಡಿಶನ್ ಹ್ಯಾಚ್ ಜುಲಾಯ್ 26, 2026 ತಾರಿಕೆರ್ ಮಡ್ಗಾಂವ್ ಬೋರ್ಡಾ ಹಾಂಗಾಸರ್ ಆಸ್ಚ್ಯಾ ಸರ್ಕಾರಿ ಕೊಲೆಜಿಚ್ಯಾ ಸಭಾಸಾಲಾಂತ್, ಕೊಂಕಣಿ ಭಾಶಾ ಮಂಡಳ್ ಗೋವಾ ಹಾಂಚ್ಯಾ ಸಹಯೋಗಾನ್ ಚಲ್ಲೆಂ.
ಹಿ ಸರ್ತ್ ಪಂದ್ರಾ ವರ್ಸಾಂ ಭಿತರ್ಲ್ಯಾಂಕ್ ತಶೆಂ ಪಂದ್ರಾ ತೆಂ ತೀಸ್ ವರ್ಸಾಂ ಭಿತರ್ಲ್ಯಾಂಕ್ -ಅಶೆಂ ದೋನ್ ವಿಭಾಗಾಂನಿ ಚಲ್ಲಿ. ಹ್ಯಾ ಒಡಿಶನಾಚ್ಯಾ ಭುರ್ಗ್ಯಾಂಚ್ಯಾ ವಿಭಾಗಾಂತ್ ಆಟ್ಟಾವೀಸ್ ಜಣಾಂನಿ ಆನಿ ಯುವಜಣಾಂಚ್ಯಾ ವಿಭಾಗಾಂತ್ ಸತ್ರಾ ಜಣಾಂನಿ ಭಾಗ್ ಘೆತ್ಲೊ. ಕವಿ ಮೆಲ್ವಿನ್ ರೊಡ್ರಿಗಸಾನ್ ವೊರಯ್ಣಾರ್ ಜಾವ್ನ್ ಮುಕ್ಲ್ಯಾ ಪಾಂವ್ಡ್ಯಾ ಖಾತೀರ್ ಭುರ್ಗ್ಯಾಂಚಿ ತಶೆಂ ಯುವಜಣಾಂಚಿ ವಿಂಚವ್ಣಿ ಕೆಲಿ.
ಹಿ ಕಾರ್ಯಾವಳ್ ದಾಯ್ಜಿವರ್ಲ್ಡ್ ಟೆಲಿವಿಶನಾಚೆರ್ ಹ್ಯಾಚ್ ಆಗೋಸ್ತ್ ಮ್ಹಯ್ನ್ಯಾಚೆ 4 ತಾರಿಕೆ ಥಾವ್ನ್ ಪ್ರಸಾರ್ ಜಾತಲಿ.
बिरीबिरी पावस सीसन 5 गोवा ऑडीशन्स
कविता ट्रस्ट हांणी दायजीवर्ल्ड टेलीविशनाचेर मांडून हाडच्या बिरीबिरी पावस - सीसन 5 कोंकणी कविता सादरीकरण सर्तेच्या रियालिटी शो-चें गोंयचें ऑडीशन ह्याच जुलाय 26, 2026 तारकेर मडगांव बोर्डा हांगासर आसच्या सर्कारी कॉलेजीच्या सभासालांत, कोंकणी भाशा मंडळ गोवा हांच्या सहयोगान चल्लें.
ही सर्त पंद्रा वर्सां भितरल्यांक तशें पंद्रा तें तीस वर्सां भितरल्यांक -अशें दोन विभागांनी चल्ली. ह्या ऑडीशनाच्या भुरग्यांच्या विभागांत आट्टावीस जणांनी आनी युवजणांच्या विभागांत सत्रा जणांनी भाग घेतलो. कवी मेल्विन रोड्रीगसान वोरयणार जावन मुकल्या पांवड्या खातीर भुरग्यांची तशें युवजणांची विंचवणी केली.
ही कार्यावळ दायजीवर्ल्ड टेलीविशनाचेर ह्याच आगोस्त म्हयन्याचे 4 तारके थावन प्रसार जातली.