Kavita Lekhanam



ಮುಮ್ತಾಜಾಚ್ಯಾ ಮೊಗಾನ್ ಮಿಸ್ಳಲ್ಲ್ಯಾ ವಾರ್‍ಯಾಂತ್ ರಗ್ತಾಚೊ ವಾಸ್ 

 

ಕವಿತೆಕ್ ಭಾಸ್ ನಾ ಮ್ಹಣಾಲಿ ವೈದೇಹಿ ಕವಿತಾ ಫೆಸ್ತಾ ದಿಸಾ. ಕವಿತಾಚ್ ಏಕ್ ಭಾಸ್ ಮ್ಹಣಾಲಿ ತಿ. ಕಿತ್ಲೆಂ ಸತ್ ನ್ಹಯ್! ಕವಿ ಜೆ.ಬಿ. ಮೊರಾಯಸಾಚಿ ಹಿ ಕವಿತಾ `ಹೆಂ ವಾರೆಂ ನ್ಹಯ್ ಮ್ಹಜ್ಯಾ ಉಡಾಸಾಂತ್ಲೆಂ!' ನಿಜಾಯ್ಕಿ ಮನ್ಶಾಕ್ ಜಾಗೊಂವ್ಚೆ ತಸಲೆಂ. ಕವಿತೆ ಭಾಶೆಂತ್ ತೆಂ ಲಿಖ್ಲಾಂ ಜಾಲ್ಲೆ ವರ್‍ವಿಂ ಜರೂರ್ ಕಾಳ್ಜಾಂ ಜಿಕೊಂಕ್ ಸಕ್ತಾ. ಹಿಚ್ ತಾಂಕ್ ಗದ್ಯಾಕ್ ನಾ ಮ್ಹಣ್ಯೆತ್. ಗದ್ಯಾಂತ್ ಆಮಿ ಲಿಖ್ಲಲೆಂ ಪೊಯೆಟಿಕ್ ಜಾಲ್ಯಾರ್ ಮಾತ್ರ್ ಗದ್ಯ್ ಕಾಳ್ಜಾ ಮನಾಕ್ ಲಾಗ್ತಾ.

 

ಅಸಲಿ ತಾಂಕ್ ವಿಕ್ರಮ್ ಸೇತಾಚ್ಯಾ `ಸುಟೇಬಲ್ ಬೊಯ್', ವಿ ಎಸ್ ನಾಯ್ಪೊಲ್ `ಅಮಂಗ್ಸ್‌ಟ್ ದ ಬಿಲಿವರ್‍ಸ್' (ನೊನ್ ಫಿಕ್ಷನ್), ಶಿವರಾಮ್ ಕಾರಂತಾಚ್ಯಾ `ಚೋಮನ ದುಡಿ' ಆನಿ ಎಂ. ಕೆ. ಇಂದಿರಾನ್ ಬರಯಿಲ್ಲ್ಯಾ `ಫಣಿಯಮ್ಮ' ತ್ ಪಳವ್ಯೆತ್. ಜರೂರ್ ಜಾವ್ನ್ ಹಾಂಗಾಸರ್ ಆನ್ಯೇಕ್ ಕಾದಂಬರಿ ಉಲ್ಲೇಖ್ ಕರಿಜೆಚ್ ಪಡ್ತಾ ಮುಲ್ಕ್ ರಾಜ್ ಆನಂದ್ ಹಾಚಿ `ದ ಅನ್‌ಟಚೇಬಲ್'.

 

ಭೋವ್‌ಶ್ಯಾ ಖಂಯ್ಚ್ಯಾಯ್ ಪ್ರಕಾರಾನ್ ಕವಿತೆಚಿ ಭಾಸ್ ವ ಭಾವ್ ಆಪ್ಣಾಯ್ಲ್ಯಾ ಶಿವಾಯ್ ಸೊಭಿತ್ ಜಾಂವ್ಕ್ ಜಾಯ್ನಾ ಮ್ಹಳ್ಳಿ ಗಜಾಲ್ ಮ್ಹಜ್ಯಾ ಕಾಳ್ಜಾಕ್ ಭೊಗ್ಚಿ ಖರಿ ಸಂಗತ್. ಕಿತ್ಯಾಕ್ ಅಶೆಂ ಮ್ಹಣ್ ಕೊಣೆಂಯ್ ಸವಾಲ್ ಕೆಲ್ಯಾರ್, ಹ್ಯಾ ಮನ್ಶಾಕ್ ಕವಿತಾ ಕಳಿತ್ ನಾಂಗೀ ಮ್ಹಣ್ ದುಬಾವ್ ಉದೆಲ್ಯಾರ್ ತಾಂತುಂ ನವಲ್ ನಾ.


 


(ಜೆ. ಬಿ. ಮೊರಾಯಸಾಚಿ ಕವಿತಾ ವಾಚುಂಕ್ ಹಾಂಗಾ ಚಿಚಾಯಾ)

 

`ಹೆಂ ವಾರೆಂ ನ್ಹಯ್ ಮ್ಹಜ್ಯಾ ಉಡಾಸಾಂತ್ಲೆಂ' 

 

ಕಸಲಿಂ ಕವಿತಾಮಯ್ ಉತ್ರಾಂ. ಮೆಲ್ವಿನ್ ಲುದ್ರಿಗಾನ್ ಸುರ್‍ವೆರ್ ಭೋವ್ ಸಾರ್‍ಕ್ಯಾ ಉತ್ರಾಂನಿ ಝಳಕ್ ದಿಲ್ಲೆ ಬರಿಂ, ವಾರ್‍ಯಾಂತ್ ಖೊಟಿಂ ಘಡಿತಾಂ ಮಿಸ್ಳತಾನಾ! ವ್ಹಾ! ಸೀ ದ ಬ್ಯುಟಿ, ಯು ಕ್ಯಾನ್ ಸ್ಮೆಲ್ಲ್ ಇಟ್! ಏಕ್ ಉಸ್ವಾಸ್! ಫಕತ್ ಏಕ್ ಉಸ್ವಾಸ್, ಹ್ಯಾ ವಾರ್‍ಯಾಂತ್ ಮಿಸ್ಳಲ್ಲೆಂ ಸರ್ವಯ್ ಕುಡಿಂತ್ಲ್ಯಾ ಪೊಂತಾ ಪೊಂತಾ ರಗ್ತಾ ದ್ವಾರಿಂ ವ್ಹರ್‍ತಾನಾ, ಹೆಂ ವಾರೆಂ ಅತ್ವೆಂಚ್ ಮ್ಹಣ್ ಸಾಂಗ್ತಾ. ಕವಿಕ್ ಸೊಡ್ಲ್ಯಾರ್ ಹೆರ್ ಮನ್ಶಾಕ್ ಎಕ್ ಗಜಾಲ್ ಅಶೀಯ್ ವಿವರುಂಕ್ ಭಿಲ್ಕುಲ್ ಕಶ್ಟ್‌ಚ್. ದೆಕುನ್ ಕವಿತಾ ಕವಿತಾ ಜಾತಾ. ಪಾಂಚ್ ಸಬ್ದ್ ಕಿತ್ಲಿ ಅಗಾಧತಾ ಉಲಯ್ತಾತ್ ನ್ಹಯ್?

 

ಛೇ! ಅಸಲೆಂ ವಾರೆಂ ಹಾಂವೆಂ ಹಾಚೆ ಆದಿಂ ಸೆವ್‌ಲ್ಲೆಂ ನಾ. ಹ್ಯಾ ವಾರ್‍ಯಾಂತ್ ರಗ್ತಾಚೊ ವಾಸ್ ಆಸಾ! ಹುಲ್ಪೊಂಚ್ಯಾ ಮನ್ಶಾ ಮಾಸಾಚಿ ಘಾಣ್ ಆಸಾ! ಚಿತ್ಕಾರ್ ಆಸಾತ್! ಹುಲ್ಪೊಂಚ್ಯಾ ಖೊಮ್ಟಾಂಚಿ ಕರ್‍ಪೊಣಿ ಆಸಾ. ಆಸಲೆಂ ವಾರೆಂ ವ್ಹಾಳ್‌ಲ್ಲೆಂ ಮ್ಹಾಕಾ ಆಜೂನ್ ಉಡಾಸ್ ನಾ. ಆನಿ, ಉಡಾಸ್ ಆಸ್‌ಲ್ಲೆ ಪರಿಂ ಯೆದೊಳ್ ಅಸಲೆಂ ವಾರೆಂ ಮ್ಹಜ್ಯಾ ಜಿವಿಂತಾಂತ್ ವ್ಹಾಳ್‌ಲ್ಲೆಂ ನಾ. ಕಿತ್ಯಾಕ್ ಮ್ಹಳ್ಯಾರ್ ಜೆದ್ನಾಂ ಮುಂಬಂಯ್ತ್ ಏಕ್ ಪ್ರೇಮಿ ಸಾಂಜೆರ್ ತಾಚ್ಯಾ ಪ್ರೇಮಿಕಾಕ್ ರಾಕೊನ್ ಆಸ್ತಾನಾ ಹ್ಯಾಚ್ ವಾರ್‍ಯಾಂತ್ ಕಸಲಿ ಮಾಧಕತಾ ಆಸ್‌ಲ್ಲಿ! ಆಗ್ರಾ ಥಾವ್ನ್ ತಾಜ್ ಮಹಲಾಚೊ ಪರ್‍ಮಳ್ ಹೆಂ ವಾರೆಂ ತೆನ್ನಾಂ ವ್ಹಾವೊವ್ನ್ ಹಾಡ್ತಾಲೆಂ. ಮುಮ್ತಾಜಾಚ್ಯಾ ಮೊಗಾಚೆಂ ವಾರೆಂ. ಪೂಣ್ ಆಜ್ ಹ್ಯಾ ವಾರ್‍ಯಾಚೊ ಪರ್‍ಮಳ್ ವೆಗ್ಳೊಚ್ ಜಾಲಾ! ದೆವಾ! ಕಿತೆಂಗೀ ಅನಾಹುತ್ ಘಡ್ಲಾಂ ಮ್ಹಣ್ತಾ ಕವಿ ಭಾರಿಚ್ ಕವಿತಾಮಯ್ ಉತ್ರಾಂನಿ.

 

ಹೆ ಕವಿತೆಂತ್ ಗುಂಡಾಯೆನ್ ಬುಡ್ತಾನಾ ಕವಿಚೆ ನಾಜೂಕ್ ಮತಿಚೆರ್ ಆನಿ ಕಾಳ್ಜಾಚೆರ್ ಆಮ್ಚೆಂ ಗುಮಾನ್ ವೆತಾ. ಕಸಲೆಂ ಏಕ್ ನಾಜೂಕ್ ಕಾಳಿಜ್ ನ್ಹಯ್? ಏಕ್ ನಿತಳ್ ಜಿಣಿ ಉಲ್ಲಾಸಾನ್ ಜಿಯೆವ್ನ್ ಆಸ್‌ಲ್ಲೆಂ. ಹ್ಯಾ ಕಾಳ್ಜಾಮನಾನ್ ಮುಂಬಯ್ಚೆಂ ವಾರೆಂ ಹೆ ಪರಿಂ ಉಡಾಸ್ ದವರ್‍ಲಾಂ.

 

          ಭಾಗಿಂತ್ಲ್ಯಾ ಪ್ರೇಮಿಬರಿ

            ಸಾಂಜೆ ವೆಳಾಕ್ ರಾಕೊನ್ ರಾಂವ್ಚೆಂ 

                ತ್ಯಾ ಶೀತಳ್ ಸುಗಂಧ್‌ಭರಿತ್

                    ಲ್ಹಾರಾಂ ಲ್ಹಾರಾಂನಿ ವ್ಹಾಳ್ಚ್ಯಾ 

                        ಆಂಗಾಚೆರ್ ಖೆಳ್ಚ್ಯಾ 

                            ವಾರ್‍ಯಾ ಆಮಾಲಾಂತ್

                                ಪುರಾಸಾಣ್ ಮತಿಚಿ ಕುಡಿಚಿ

                                    ಜಾತಾಲಿ ನಪಯಿಂಚ್! 

 

ಕಸಲಿ ನಶಾ ಹ್ಯಾಚ್ ವಾರ್‍ಯಾಂತ್ ಲಿಪೊನ್ ಆಸ್‌ಲ್ಲಿ. ವ್ಹಾ ವ್ಹಾ! ಲ್ಹಾರಾಂ ಲ್ಹಾರಾಂನಿ ತಿ ವಾಳೊನ್ ಯೆತಾಲಿ. ಅಶೆಂ ಲ್ಹಾರಾಂ ಲ್ಹಾರಾಂನಿ ವ್ಹಾಳೊನ್ ಯೆತಾನಾ ಕುಡಿಚಿ ಪುರಾಸಾಣ್‌ಚ್ ನಪಯಿಂಚ್ ಜಾತಾಲಿ. ವ್ಹಯ್, ವ್ಹಯ್ ಹೆಂ ವಾರೆಂ ಆಜೂನೀ ಉಡಾಸ್ ಆಸಾ! ಮನ್‌ಯೀ ಕಶೆಂ ತರೀ ವಿಸ್ರತ್ ಹ್ಯಾ ಲ್ಹಾರಾಂಚ್ಯಾ ವಾರ್‍ಯಾಕ್! ಪೂಣ್ ಆತಾಂ ಜೆಂ ವಾರೆಂ ವ್ಹಾಳ್ತಾ ಹಾಂತುನ್ ರಗ್ತಾಂತ್ ಖೆಳ್‌ಲ್ಲ್ಯಾ `ಹೋಳಿ'ಚೊ ವಾಸ್ ಮಿಸ್ಳಲಾ.

 

೧೯೯೨ ಜೂನ್ ೬ ತಾರ್‍ಕೆರ್ ಹಿಂದೂ ಸಂಪ್ರದಾಯ್‌ವಾದಿಂನಿ ಬಾಬ್ರಿ ಮಸ್ಜೀದ್ ಧುಳ್ ಕೆಲಿ. ಹಾಚೆಂ ಫಾರಿಕ್ಪಣ್ ಜಾವ್ನ್ ಡಿ-ಕಂಪೆನಿನ್, ವ ದಾವೂದಾನ್ ಮಾರ್ಚ್ ೧೨, ೧೯೯೩ ಬೊಮಾದ್ವಾರಿಂ ಮುಂಬಯ್ ಹುಲ್ಪಾಯ್ಲೆಂ. ಟಾಯ್ಗರ್ ಮೆಮೊನಾಚ್ಯಾ ಕುಟ್ಮಾನ್ ಹಾಂತುನ್ ಭಾರಿಚ್ ಮಹತ್ವಾಚೊ ಪಾತ್ರ್ ಘೆತ್‌ಲ್ಲೊ. ರಗ್ತಾಚಿ ಬೊಬ್ ವಾರ್‍ಯಾಂತ್ ಮಿಸ್ಳಳಿ.

 

ಸತ್ ಸಾಂಗ್ಚೆಂ ತರ್ ಹಿ ಕವಿತಾ ವಾಚುನ್ ಏಕ್ ತರ್ ಡಿಪ್ರೆಸ್ ಜಾಲೊಂ. ಸತ್ ಕೊಡು ನ್ಹಯ್ಗೀ. ಏಕ್ ನಿತಳ್ ವಾರೆಂ ಕಶೆಂ ಪಾಡ್ ಜಾಲೆಂ ಮ್ಹಣ್ ಕವಿ ಜೆ.ಬಿ. ಮೊರಾಯಸಾನ್ ಭಾರಿಚ್ ಸುಕ್ಷಿಮ್ ರಿತಿನ್ ವರ್ಣಿಲಾಂ.

 

ಕವಿತಾ ಜಿವಿತಾಚೊ ಆರ್ಸೊ. ವಾಚ್‌ಲ್ಲೆ ತಿತ್ಲೆಂ ಆನಿಕೀ ಅರ್ಥ್ ದಿತೆಚ್ ವೆತಾ. ಖಂಯ್ಚೇಯ್ ಕವಿತೆಂತ್ ಸುಂರ್‍ಗಾರಾಯ್, ಜಿಣ್ಯೆ ಉಸ್ವಾಸ್, ನೊಸ್ತಾಲ್ಜಿಯಾ ತಸಲೆ ಕಾಳ್ಜಾಕ್ ರೆವೊಡ್ ಘಾಲ್ಚೆ ಗೂಣ್ ಭಾರಿಚ್ ಗರ್ಜ ಮ್ಹಣ್ ಮ್ಹಜೆಂ ಭೊಗಪ್. ಮನ್ಶಾಕುಳಾಚೊ ಹುಸ್ಕೊ ಜೆದ್ನಾಂ ಸುಂರ್‍ಗಾರಾಯೆಚ್ಯಾ ಜೊಕ್ತ್ಯಾ ಉತ್ರಾಂ ಸವೆಂ ಮನ್ಶಾಪಣಾಚ್ಯಾ ಲೆಪಾ ಸಂಗಿಂ ಕವಿತೆಂತ್ ನದ್ರೆಕ್ ಪಡ್ತಾ ತೆನ್ನಾಂ ಕವಿತಾ ಜಿಕ್ತಾ.

 

ಕವಿಚ್ಯಾ ಉಡಾಸಾಂತ್ಲೆಂ ವಾರೆಂ ಪರತ್ ಜರೂರ್ ವ್ಹಾಳೊಂದಿ!

 


- ಜೆರಿ ರಾಸ್ಕಿನ್ಹಾ, ಆಂಜೆಲೊರ್


ದಿಗಂತಾಚೆರ್ ದುರ್ಬಿಣ್: 


  • ಆಟ್ - ದೆವಾಕ್ ಲೋಂಚ್ ದಿಲ್ಲ್ಯಾನ್ ಟೆಂಡರ್ ಕಾಂಯ್ ವಯ್ರ್ ಪಡ್ತಾ?
  • ಸಾತ್ - ಮೋಗ್, ದೂಖ್ ಆನಿ ಆಂಧಿü
  • ಸ  - ಎ ವೊಕ್ ಇನ್ ದ ಕ್ಲವ್ಡ್‌ಸ್
  • ಪಾಂಚ್ - ಜಿಡ್ಡೆ ಆನಿ ಪರ್ನೆ ಉಡಾಸ್
  • ಚ್ಯಾರ್ - ಲಾಖ್ ತಾರಾಂಕ್ ಆಸ್ರೊ ಜಾಂವ್ಚೊ ಭರ್ವಸೊ - ಆಸ್ಮಾ ಮೂಡಬಿದ್ರಿ
  • ತೀನ್ - ಆವಿನಾ ಮಿಯಾರಾಚಿಂ ವಿಜ್ಮಿತ್ ಕರ್‍ಚಿಂ ಸವಾಲಾಂ
  • ದೋನ್ - ವೊಳಿ ವೊಳಿಂನಿ ಮಾತಿಯೆ ಮಾಂಯ್ಚೊ ಪರ್ಮಳ್
  • ಏಕ್ - ಕಣ್ಶೆಚೆಂ ಕಾಜಾರ್: ಚೊವ್ದಾ ಪಂಗ್ತೆಂ ಭಿತರ್ ಸರ್ಗ್ ಆನಿ ಸಂಸಾರ್

  • ಜೆರಿ ರಾಸ್ಕಿನ್ಹಾಚ್ಯೊ ಕವಿತಾ:

  • ಚೆಡ್ವಾ
  • ಸ್ವಾತಂತ್ರ್ಯೋತ್ಸವ್ 'ಸಾಟ್'
  • ರಡ್ಣೆಂ
  • ಹುಮಿಣ್
  • ಉಂಡಾಚೆಂ ಗಾಯಾನ್
  • ಭುಮಿ ವೈಂಕುಠ್ 

  • Please fill in the form below with your feedback/ suggestions about this article.
    Fields marked with * are necessary
    Your Name:  *
    E-mail:  *
    Present Place:  *
    Country:  *
    Phone:
    Address:
    Your Message:  *
    Security Validation
    Enter the characters in the image above
     
    Disclaimer: Please write your correct name and email address. Kindly do not post any personal, abusive, defamatory, infringing, obscene, indecent, discriminatory or unlawful or similar comments. kavitaa.com/konkanipoetry.com will not be responsible for any defamatory message posted under this article.

    Please note that sending false messages to insult, defame, intimidate, mislead or deceive people or to intentionally cause public disorder is punishable under law. It is obligatory on kavitaa.com / konkanipoetry.com to provide the IP address and other details of senders of such comments, to the authority concerned upon request.

    Hence, sending offensive comments using kavitaa.com / konkanipoetry.com will be purely at your own risk, and in no way will kavitaa.com / konkanipoetry.com be held responsible.

    ಚಾಫ್ರಾಲಿ ತಿ ಮೊಲಾದೀಕ್ ಚೀಟ್ : ರೂಪಾಲಿ ಮಾವ್ಜೊ ಕೀರ್ತನಿಚೆಂ ಆಪುರ್ಬಾಯೆಚೆಂ ಲೇಖನ್

    ಕವಿ ಕೆ. ವಿ. ತಿರುಮಲೇಶಾಕ್ ಸನ್ಮಾನ್ ಆನಿ ಅಭಿನಂದನ್: ಮೆಲ್ವಿನ್ ರೊಡ್ರಿಗಸಾಚಿ ಕಾವ್ಯಾಳ್ ಭೆಟ್

    ವಿಲ್ಸನ್ ಕಟೀಲ್ ಅಂಕಣಾಂತ್ ರಾಜ್ವಟ್ಕೆಚ್ಯಾ ಮೆಜಾವಯ್ಲಿ ಕವಿತಾ: ರುಡ್ಯಾರ್ಡ್ ಕಿಪ್ಲಿಂಗ್

    ದಿಗಂತಾಚೆರ್ ದುರ್ಬಿಣ್ ಅಂಕಣಾಂತ್ ಜೆರಿ ರಾಸ್ಕಿಞ್ ಆಂಜೆಲೊರ್: ಜಿಣಿ ಆನಿ ಕವಿತಾ

    ದಿಗಂತಾಚೆರ್ ದುರ್ಬಿಣ್: ಪುಸ್ತಕಾಂಚೆ ಫೊರ್, ಡಿಜಾಯ್ನ್, ತಾಂಚೊ ಪರ್ಮಳ್ - ಸರ್ವ್ ಕವಿತಾಮಯ್

    ಕವಿತಾ ಬರೊಂವ್ಚಿ ಕಶಿ? / कविता बरोंवची कशी? -ಕೆ. ವಿ. ತಿರುಮಲೇಶಾಚ್ಯಾ ಕನ್ನಡ ಲೇಖನಾಚೊ ಅನುವಾದ್

    ದಿಗಂತಾಚೆರ್ ದುರ್ಬಿಣ್ ಅಂಕಣಾಂತ್ ಕವಿ ಜೆರಿ ರಾಸ್ಕಿನ್ಹಾ: ಕವಿತಾ ಆನಿ ಭಾಸ್

    ಬೊಬ್ ಡೈಲನಾಕ್ ನೋಬೆಲ್: ಗಿತಾಂ-ಸಾಹಿತ್ಯಾ ಭೊಂವ್ತಿಂ ಸವಾಲಾಂ-ಮೆಲ್ವಿನ್ ಕೊಳಾಲ್‌ಗಿರಿಚೆಂ ಲೇಖನ

    ಕೊಂಕ್ಣಿ ಕವಿಂಚಿ ಆನಿ ಕವಿತೆಚಿ ಖುನಿ-3 :ಬಿ. ವಿ. ಬಾಳಿಗಾ ಆನಿ ಬಾಗ್ಲಾರ್ ರಾವಲ್ಲೊ ಕೊಂಬೊ

    ಕೊಂಕ್ಣಿ ಕವಿಂಚಿ ಆನಿ ಕವಿತೆಚಿ ಖುನಿ: ಚಾಫ್ರಾ 'ಕೊಂಕಣಿ ಸಾಹಿತ್ಯ್ ಕಲಾ ರತ್ನ್' ಕೆದಳಾ ಜಾಲ್ಲೊ?


    More Kavita Lekhanam »