|
ಎಮ್. ಪಿ. ರೊಡ್ರಿಗಸಾಚ್ಯಾ ‘ರುಮ್ಡಿ ಫುಲಾಂ’ ಪುಸ್ತಕಾಕ್ ಪ್ರಶಸ್ತಿ
ಕವಿತಾ ಪ್ರಕಾಶನಾನ್ ಪರ್ಗಟ್ ಕೆಲ್ಲ್ಯಾ ಎಮ್. ಪಿ. ರೊಡ್ರಿಗಸಾಚ್ಯಾ ‘ರುಮ್ಡಿ ಫುಲಾಂ’ ಪುಸ್ತಕಾಕ್ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೊ 2009 ವರ್ಸಾಚೊ ಪುಸ್ತಕ್ ಪುರಸ್ಕಾರ್ ಲಾಭ್ಲಾ. ಹ್ಯಾಚ್ ಮಾರ್ಚ್ 28 ತಾರಿಕೆರ್ ಸಾಂಜೆಚ್ಯಾ 5:30 ವೊರಾಂಚೆರ್ ಉಡುಪಿ ಮಹಾತ್ಮ ಗಾಂಧಿ ಕೊಲೆಜಿಚ್ಯಾ ಗೀತಾಂಜಲಿ ಮಂಟಪ ಸಭಾಂಗಣಾಂತ್ ಚಲ್ಚ್ಯಾ ಕಾರ್ಯಾವೆಳಾರ್ ಕರ್ನಾಟಕ ರಾಜ್ಯಾಚೊ ಘರ್ಮಂತ್ರಿ ಡೊ. ವಿ.ಎಸ್. ಆಚಾರ್ಯ ತಾಕಾ ಹಿ ಪ್ರಶಸ್ತಿ ದಿತಲೊ. ಆನ್ಯೇಕ್ಲೊ ಕೊಂಕಣಿ ಕವಿ ಸಿಜ್ಯೆಸ್ ತಾಕೊಡೆ ಹಾಚ್ಯಾ ‘ಸುಳ್ಸುಳೆ’ ನಾಂವಾಚ್ಯಾ ಹಾಸ್ಯ್ ಲೇಖನಾಂಚ್ಯಾ ಪುಸ್ತಕಾಕಯ್ ಹಿ ಪ್ರಶಸ್ತಿ ಲಾಭ್ಲ್ಯಾ ತರ್, ಮೈಸೂರಾಂತ್ ವಸ್ತಿ ಕರ್ಚೊ ಕವಿ ವಲ್ಲಿ ವಗ್ಗ, ಹಾಚ್ಯಾ ಸಮಗ್ರ್ ಸಾಹಿತ್ಯಾಖಾತೀರ್ ಗೌರವ್ ಪುರಸ್ಕಾರ್ ಲಾಭ್ಲಾ.
 
ಎಮ್. ಪಿ. ರೊಡ್ರಿಗಸ್, ಸಿಜ್ಯೆಸ್ ತಾಕೊಡೆ
ಗೌರವ್ ಪ್ರಶಸ್ತಿ ರು. 10,000 , ಮಾನ್ಪತ್ರ್, ಶೊಲ್, ಗಂಧಾಹಾರ್, ಪ್ರಮಾಣಪತ್ರ್ ತಶೆಂ ಯಾದಸ್ತಿಕಾ ಆಟಾಪ್ತಾ ತರ್, ಪುಸ್ತಕ್ ಪ್ರಶಸ್ತೆಕ್ ರು. 5000 ಸಾಂಗಾತಾ ಹೆರ್ ಸರ್ವಯ್ ಮರ್ಯಾದ್ಯೊ ಲಾಭ್ತಲ್ಯೊ.
  
ವಿ. ವಿ ಶೆಣೈ, ವಲ್ಲ್ವಿ ವಗ್ಗ, ರಿಚರ್ಡ್ ಕ್ಯಾಸ್ತಲಿನೊ
ಮಾರ್ಚ್ ಆಟ್ಟಾವೀಸ್ ತಾರಿಕೆರ್ ಚಲ್ಚ್ಯಾ ಕಾರ್ಯಾವೆಳಾರ್ ಲೋಕಸಭಾ ಸಾಂದೊ ಸದಾನಂದ ಗೌಡ, ಶಾಸಕ್ ರಘುಪತಿ ಭಟ್, ಕಾನಡಿ ಸಾಹಿತಿ ನಾ. ಡಿಸೋಜಾ, ಉದಯವಾಣಿ ಸಂಪಾದಕ್ ಸತೀಶ್ ಯು ಪೈ, ಉಡುಪಿ ನಗರಸಭೆಚೊ ಅಧ್ಯಕ್ಷ್ ದಿನಕರ ಶೆಟ್ಟಿ ಮುಕೆಲ್ ಸೈರೆ ಜಾವ್ನ್ ಯೆತಲೆ. ಕರ್ನಾಟಕ ಸಾಹಿತ್ಯ ಅಕಾಡೆಮಿಚೊ ಅಧ್ಯಕ್ಷ್ ನಾರಾಯಣ ಖಾರ್ವಿ ಹ್ಯಾ ಕಾರ್ಯಾಚೆಂ ಅಧ್ಯಕ್ಷಪಣ್ ಘೆತಲೆ.
ಜಯಶ್ರೀ ಕಾಮತ್, ಶಶಿಕಲಾ ಪೈ ಆನಿ ಕಸ್ತೂರಿ ಕಾಮತ್ ಹಾಂಚೆ ಥಾವ್ಮ್ ಸಂಗೀತ್ ಕಾರ್ಯೆಂ ಆಸ್ತಲೆಂ.
ಗೌರವ್ ಪ್ರಶಸ್ತೆಕ್ ವಲ್ಲಿ ವಗ್ಗ ನ್ಹಯ್ ಆಸ್ತಾಂ, ಕೊಂಕಣಿ ಭಾಷಾ ಸಂಘಟಕ್ ವಿ. ವಿ. ಶೆಣೈ ತಶೆಂ ಫಿಲ್ಮ್ ನಿರ್ದೇಶಕ್ ರಿಚರ್ಡ್ ಕ್ಯಾಸ್ತಲಿನೊ ಹಾಂಕಾಂಯ್ ವಿಂಚುನ್ ಕಾಡ್ಲಾಂ.
|
