ಕನ್ನಡ ಸಾಹಿತ್ಯ ಪರಿಷದೆಚೆ ಬಹುಭಾಷಾ ಕವಿಗೋಷ್ಠಿಂತ್ ಮೆಲ್ವಿನ್ ರೊಡ್ರಿಗಸ್

ಮಂಗ್ಳುರಾಂತ್ ಮಾರ್ಚ್ 15, 16 ಆನಿ 17 ತಾರಿಕೆಂನಿ ಚಲಲ್ಲ್ಯಾ ಸೊಳಾವ್ಯಾ ದಕ್ಷಿಣ ಕನ್ನಡ ಜಿಲ್ಲಾ ಕನ್ನಡ ಸಾಹಿತ್ಯ ಸಮೇಳನಾಚ್ಯಾ ದುಸ್ರ್ಯಾ ದಿಸಾ ಚಲಲ್ಲ್ಯಾ ಬಹುಭಾಷಾ ಕವಿಗೋಷ್ಟಿಂತ್ ಕೊಂಕಣಿ ಭಾಷೆ ತರ್ಫೆನ್ ಮೆಲ್ವಿನ್ ರೊಡ್ರಿಗಸಾನ್ ಭಾಗ್ ಘೆತ್ಲೊ. ಕೊಂಕಣಿ ಬೋಲಿ ಜಾವ್ನಾಸ್ಚ್ಯಾ ಕರಾಡಾಂತ್ ಎಸ್. ಎನ್. ಭಟ್ ಸೈಪಂಗಲ್ಲು ಹಾಂಣಿ ತಾಂಚಿ ಕವಿತಾ ಪೇಶ್ ಕೆಲಿ. ಮ್ಹಾಲ್ಘಡೊ ಕವಿ ವಿ. ಗ. ನಾಯಕ ಹಾಂಣಿ ಹೆ ಕವಿಗೋಷ್ಟಿಚೆಂ ಅಧ್ಯಕ್ಷಪಣ್ ಘೆತಲ್ಲೆಂ.

ಸಂಸ್ಕೃತ ಭಾಷೆಂತ್ ಡೊ. ಈ ಮಹಾಬಲ ಭಟ್ಟ, ಹಿಂದಿಂತ್ ಎಚ್. ಎಸ್. ಬೊಳ್ಮಾಡಿ, ಕನ್ನಡಾಂತ್ ಗಣೇಶ ಪ್ರಸಾದ ಪಾಂಡೇಲು, ಗಣೇಶ ಕುಳಮರ್ವ, ಭಾಸ್ಕರ ರೈ ಕುಕ್ಕುವಳ್ಳಿ, ತುಳುಂತ್ ಹರೀಶ ಮುಂಡ್ಕೂರು ಆನಿ ರಘು ಇಡ್ಕಿದು, ಬ್ಯಾರಿ ಭಾಷೆಂತ್ ಬಶೀರ್ ಅಹಮದ್ ಕಿನ್ಯ, ಮಲಯಾಳಮ್ ಭಾಷೆಂತ್ ರವೀಂದ್ರನ್ ಪಾಡಿ ಹಾಂಣಿ ತಾಂಚ್ಯೊ ಕವಿತಾ ವಾಚ್ಲ್ಯೊ.

ಅಧ್ಯಕ್ಷಪಣಾಚೆ ಬಸ್ಕೆ ಥಾವ್ನ್ ಉಲಯಿಲ್ಲ್ಯಾ ವಿ.ಗ. ನಾಯಕಾನ್ ಹೆರ್ ಭಾಷೆಂಚ್ಯಾ ಕವಿಂನಿ ತಾಂಚ್ಯೊ ಕವಿತಾ ಕನ್ನಡ ಪರಿಷದೆಂತ್ ವಾಚ್ತಾನಾ, ಕವಿತೆಚೊ ತೀರ್‍ಲ್ ತರೀ ಕನ್ನಡಾಂತ್ ಸಾಂಗಜಾಯ್ ಆನಿ ಪಾಯೋಜಕಾಂನಿ ತಾಂಚ್ಯೊ ಕವಿತಾ ಕನ್ನಡಾಂತ್ ಅನುವಾದ್ ಕರ್ನ್ ಸಭೆ ಮುಖಾರ್ ವಾಚುನ್ ಸಾಂಗಜಾಯ್ ಅಶೆಂ ಉಲೊ ದಿಲೊ.  ಕವಿತಾ ಖಂಯ್ಚೋಯ್ ಧರ್ಮ್ ಪೊಟ್ಲುನ್ ಧರ್‍ನ್ ರಾವನಾ ಮ್ಹಣೊನ್ ಸಾಂಗಲ್ಲ್ಯಾ ತಾಣೆಂ,  ಕವಿ - ಆಪ್ಲಿ ಕವಿತಾ ಬರಯ್ತಾನಾ ಮಾತ್ರ್ ಕವಿ ಶಿವಾಯ್ ಹೆರಾವೆಳಾರ್ ತೊ ಸಾದೊ ಮನೀಸ್. ತ್ಯಾ ದೆಕುನ್ ಲೊಕಾಂನಿ ತಾಚೆವಿಶಿಂ `ಕವಿ ಮ್ಹಳ್ಳೆ ದಿಷ್ಟಿನ್ ಪಳೆಂವ್ಚೆಂ ಸಾರ್ಕೆಂ ನ್ಹಯ್' -ಅಶೆಂ ಸಾಂಗ್ಲ್

ಕೊಂಗ್ರೆಸ್ ಮುಖೆಲಿ ಐವನ್ ಡಿಸೋಜಾನ್ ಯೆವ್ಕಾರ್ ದಿಲೊ ತರ್, ಮಹಮ್ಮದ್ ಬಡ್ಡೂರಾನ್ ಕಾರ್ಯೆಂ ಚಲಯ್ಲೆಂ.  ಶಿವರಾಮ್ ಕಾಸರಗೋಡುನ್ ಧನ್ಯವಾದ್ ಭೆಟಯ್ಲೆ.