Kavita Khobro

ಕೊಂಕಣಿ ಕವಿತಾ ವಾಚನ್ ಸರ್ತ್: ಮಡ್ಗಾವಾಂತ್ 12 ಜಣಾಂಚಿ ವಿಂಚವ್ಣ್

ಅಖಿಲ್ ಭಾರತ್ ಕೊಂಕಣಿ ಕವಿತಾ ವಾಚನ್ ಸರ್ತ್: ಮಡ್ಗಾವಾಂತ್ 12 ಜಣಾಂಚಿ ವಿಂಚವ್ಣ್

ಹ್ಯಾಚ್ ಸಪ್ಟೆಂಬರ್ 7 ತಾರಿಕೆರ್, ಗೊಂಯ್ಚ್ಯಾ ಮಡ್ಗಾವಾಂತ್ ಕವಿತಾ ಟ್ರಸ್ಟಾನ್ ಚಲಯಿಲ್ಲ್ಯಾ ಅಖಿಲ್ ಭಾರತ್ ಕೊಂಕಣಿ ಕವಿತಾ ವಾಚನ್ ಸರ್ತೆಚ್ಯಾ ಪ್ರಾಥಮಿಕ್ ಫೆರಿಯೆಂತ್ ಬಾರಾ ಜಣ್ ಯುವಜಣಾಂಚಿ ವಿಂಚವ್ಣಿ ಜಾಲ್ಯಾ. ಅಶೆಂ ವಿಂಚುನ್ ಆಯಿಲ್ಲಿಂ ಯುವಜಣಾಂ 2013 ವರ್ಸಾ ಜನೆರ್ 13 ತಾರಿಕೆರ್ ಮಂಗ್ಳುರ್ ಲಾಗ್ಸಾರ‍್ಚ್ಯಾ ತುಂಬೆ ಗಾಂವಾಂತ್ ಚಲ್ಚ್ಯಾ ಕವಿತಾ ಫೆಸ್ತ್ ಸಂದರ್ಭಾರ್ ನಿಮಾಣೆ ಫೆರಿಯೆಂತ್ ಭಾಗ್ ಘೆತಲಿಂ.

 

ಕೊಂಕಣಿ ಭಾಷಾ ಮಂಡಳ್, ಗೊಂಯ್ ಹಾಂಚ್ಯಾ ಸಹಕಾರಾನ್ ಮಡ್ಗಾವಾಂತ್ ಆಸ್ಚ್ಯಾ ತಾಂಚ್ಯಾಚ್ ಸಭಾಸಾಲಾಂತ್ ಚಲಲ್ಲೆ ಹೆ ಸರ್ತೆಕ್ ಎಂಡ್ರ್ಯೂ ಎಲ್ ಡಿಕುನ್ಹಾ, ವಿಲಿಯಮ್ ಪಾಯ್ಸ್ ತಶೆಂ ಕಿಶೂ ಬಾರ್ಕೂರ್ ವೊರಯ್ಣಾರ್ ಜಾವ್ನ್ ಬಸಲ್ಲೆ. ಚೊವ್ತೀಸ್ ಯುವಜಣಾಂನಿ ಹೆ ಸರ್ತೆಂತ್ ಭಾಗ್ ಘೆತಲ್ಲೊ.

ಸುರ‍್ವೆರ್ ಭಾಷಾ ಮಂಡಳಾಚೊ ಅಧ್ಯಕ್ಷ್ ಚೇತನ್ ಆಚಾರ್ಯಾನ್ ಸರ್ವಾಂಕ್ ಯೆವ್ಕಾರ್ ದಿಲೊ ತರ್, ಕವಿತಾ ಟ್ರಸ್ಟ್ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸಾನ್ ಸ್ಪರ್ಧ್ಯಾಚ್ಯಾ ನೆಮಾಂವಿಶಿಂ, ಟ್ರಸ್ಟಾಚ್ಯಾ ವಾವ್ರಾವಿಶಿಂ ಮ್ಹಾಯೆತ್ ದಿಲಿ. ವಿತೊರಿ ಕಾರ್ಕೊಳಾನ್ ಹ್ಯಾ ಸ್ಪರ್ಧ್ಯಾವೆಳಾರ್ ಸಹಕಾರ್ ದಿಲ್ಲೊ.

ಹೆ ಸರ್ತೆವೆಳಾರ್ ಖ್ಯಾತ್ ಗಾವ್ಪಿ ಪೂರ್ಣನಂದಾಚಾರಿ, ಕವಿ ಉದಯ್ ಮ್ಹಾಂಬ್ರೊ, ಮಾಯಾ ಖರಂಗಟೆ, ಕೊಂಕಣಿ ಭಾಷಾ ಮಂಡಳ್ ಕಾರ್ಯದರ್ಶಿ ಅನ್ವೇಷಾ ಸಿಂಗಬಾಳ್ ಹಾಜರ್ ಆಸಲ್ಲಿಂ.

ಸರ್ತೆಚ್ಯಾ ನೆಮಾಂ ಪ್ರಕಾರ್ ಸ್ಪರ್ಧ್ಯಾದಿಸಾ ಫಕತ್ ಸಾತ್ ಜಣಾಂಕ್ ವಿಂಚುನ್ ಕಾಡಲ್ಲೆಂ ತರೀ, ಮಂಗ್ಳುರ್ ಆನಿ ಉಡುಪಿಚೆ ಸ್ಪರ್ಧೆ ಸಂಪ್ಲ್ಯಾ ಉಪ್ರಾಂತ್ ಹೆರ್ ಪಾಂಚ್ ಜಣಾಂಚಿ ವಿಂಚವ್ಣಿ ಪರ್ಗಟ್ ಕೆಲಿ.

ಫೈನಲಾಕ್ ವಿಂಚುನ್ ಆಯಿಲ್ಲ್ಯಾಂಚಿಂ ನಾಂವಾಂ ಹೆಪರಿಂ ಆಸಾತ್:

ವಿಶ್ವ ಪ್ರತಾಪ್ ಪವಾರ್, ಸುಶ್ಮಿತಾ ಪೈ, ಅನಿಕೇತ್ ಅರ್ಜುನ್, ಮಂಗೇಶ್ ಪಿ. ವೆವಾಲಿ ಡಿ’ಸೋಜಾ, ರಂಜೀತಾ ಗೋಸಾವಿ, ಮಿಲಿಂದ್ರಾ ಜಿ. ವೆಳಿಪ್, ಸಿದ್ಧಿ ಟಿ ಶೆಟ್ ರಾಯ್ಕರ್, ಹಾಯ್ಸಿಂತ್ ಮೊಂತೇರೊ, ವೈಷ್ಣವಿ ಎಮ್., ಕಾಜೋಲ್ ನಾಯ್ಕ್ ಆನಿ ಹೇತಲ್ ಶಾಹ್.



हेतल शाह, काजोल नायक, मिलिंद्रा वेळिप
ಹೇತಲ್ ಶಾಹ್, ಕಾಜೋಲ್ ನಾಯ್ಕ್, ಮಿಲಿಂದ್ರಾ ವೆಳಿಪ್




रंजीता गोसावी, विश्व प्रताप पवार, सुश्मिता पै
ರಂಜೀತಾ ಗೋಸಾವಿ, ವಿಶ್ವ ಪ್ರತಾಪ್ ಪವಾರ್, ಸುಶ್ಮಿತಾ ಪೈ

मंगेश पि,, वैष्णवी एम., वेवाली डिसोजा
ಮಂಗೇಶ್ ಪಿ., ವೈಷ್ಣವಿ ಎಮ್., ವೆವಾಲಿ ಡಿ’ಸೋಜಾ



अनिकेत अर्जुन, हायसींत मोंतेरो, सिद्धि टी शेट रायकर
 ಅನಿಕೇತ್ ಅರ್ಜುನ್, ಹಾಯ್ಸಿಂತ್ ಮೊಂತೇರೊ, ಸಿದ್ಧಿ ಟಿ ಶೇಟ್ ರಾಯ್ಕರ್

अखील भारत कोंकणी कविता वाचन सर्त: मडगावांत १२ जणांची विंचवण

ह्याच सपटेंबर ७ तारिकेर, गोंयच्या मडगावांत कविता ट्रसटान चलयिल्ल्या अखील भारत कोंकणी कविता वाचन सर्तेच्या प्राथमीक फेरियेंत बारा जण युवजणांची विंचवणी जाल्या. अशें विंचून आयिल्लीं युवजणां २०१३ वर्सा जनेर १३ तारिकेर मंगळूर लागसार‍्च्या तुंबे गांवांत चल्च्या कविता फेसत संदर्भार निमाणे फेरियेंत भाग घेतलीं.

कोंकणी भाषा मंडळ, गोंय हांच्या सहकारान मडगावांत आसच्या तांच्याच सभासालांत चलल्ले हे सर्तेक एंड्र्यू एल डिकुन्हा, विलियम पायस तशें किशू बार्कूर वोरयणार जावन बसल्ले. चोवतीस युवजणांनी हे सर्तेंत भाग घेतल्लो.

सूर‍्वेर भाषा मंडळाचो अध्यक्ष चेतन आचार्यान सर्वांक येवकार दिलो तर, कविता ट्रसट अध्यक्ष मेलवीन रोड्रिगसान स्पर्ध्याच्या नेमांविशीं, ट्रसटाच्या वावराविशीं म्हायेत दिली. वितोरी कार्कोळान ह्या स्पर्ध्यावेळार सहकार दिल्लो.

हे सर्तेवेळार ख्यात गावपी पूर्णनंदाचारी, कवी उदय म्हांबरो, माया खरंगटे, कोंकणी भाषा मंडळाची कार्हदर्शी अन्वेषा सिंगबाळ हाजर आसल्लीं.

सर्तेच्या नेमां प्रकार स्पर्ध्यादिसा फकत सात जणांक विंचून काडल्लें तरी, मंगळूर आनी उडुपिचे स्पर्धे संपल्या उपरांत हेर पांच जणांची विंचवणी पर्गट केली.

फैनलाक विंचून आयिल्ल्यांचीं नांवां हेपरीं आसात:

विश्व प्रताप पवार, सुश्मिता पै, अनिकेत अर्जून, मंगेश पी. वेवाली डी’सोजा, रंजीता गोसावी, मिलिंद्रा जी. वेळीप, सिद्धी टी शेट रायकर, हायसिंत मोंतेरो, वैषणवी एम., काजोल नायक आनी हेतल शाह.



Title : ಕೊಂಕಣಿ ಕವಿತಾ ವಾಚನ್ ಸರ್ತ್: ಮಡ್ಗಾವಾಂತ್ 12 ಜಣಾಂಚಿ ವಿಂಚವ್ಣ್

Please fill in the form below with your feedback/ suggestions .

Fields marked with * are necessary



Disclaimer : Please write your correct name and email address. Kindly do not post any personal, abusive, defamatory, infringing, obscene, indecent, discriminatory or unlawful or similar comments. kavitaa.com/konkanipoetry.com will not be responsible for any defamatory message posted under this article.

Please note that sending false messages to insult, defame, intimidate, mislead or deceive people or to intentionally cause public disorder is punishable under law. It is obligatory on kavitaa.com / konkanipoetry.com to provide the IP address and other details of senders of such comments, to the authority concerned upon request.

Hence, sending offensive comments using kavitaa.com / konkanipoetry.com will be purely at your own risk, and in no way will kavitaa.com / konkanipoetry.com be held responsible.