ಕಾಶಿನಾಥ ಶಾಂಭಾ ಲೊಲಿಯೆಂಕಾರಾಕ್ ಸಾಹಿತ್ಯ ಅಕಾಡೆಮಿಚಿ ಪ್ರಶಸ್ತಿ

ಪ್ರತಿಷ್ಠಿತ್ ಕೇಂದ್ರ ಸಾಹಿತ್ಯ ಅಕಾಡೆಮಿಚಿ 2012 ವರ್ಸಾಚಿ ಪ್ರಶಸ್ತಿ ಕಾಶಿನಾಥ ಶಾಂಭಾ ಲೊಲಿಯೆಂಕಾರ್ ನಾಂವಾನ್ ಬರೊಂವ್ಚ್ಯಾ ಎಸ್. ಡಿ. ತೆಂಡುಲ್ಕಾರಾಚ್ಯಾ ‘ಕಾವ್ಯಸೂತ್ರ್’ ಕವಿತಾ ಪುಸ್ತಕಾ ಖಾತೀರ್ ಫಾವೊ ಜಾಲ್ಯಾ. ಹಿ ಪ್ರಶಸ್ತಿ ಏಕ್ ಲಾಕ್ ರುಪಯ್ ನಗ್ದೆನ್ ಆನಿ ಯಾದಸ್ತಿಕಾ ಆಟಾಪ್ತಾ. ಸಾಹಿತ್ಯ ಅಕಾಡೆಮಿನ್ ಹ್ಯಾಚ್ ದಶೆಂಬ್ರಾಚೆ 20 ತಾರಿಕೆರ್ ಜಾಹೀರ್ ಕೆಲ್ಲ್ಯಾ ಪತ್ರಿಕಾ ಪರ್ಗಟ್ಣೆಂತ್ ಹಿ ಖಬರ್ ಕಳಯ್ಲ್ಯಾ. 2013 ಫೆಬ್ರೆರ್ ಮ್ಹಯ್ನ್ಯಾಚೆ 18 ತಾರಿಕೆರ್ ನವಿ ಡೆಲ್ಲಿಂತ್ ಜಾಂವ್ಕ್ ಆಸ್ಚ್ಯಾ ಸಂಭ್ರಮಾ ವೆಳಾರ್ ಹೊ ಬಹುಮಾನ್ ತಾಕಾ ಭೆಟಯ್ತಲೆ.

ಹ್ಯಾ ವರ್ಸಾ ಕೇಂದ್ರ ಸಾಹಿತ್ಯ ಅಕಾಡೆಮಿಚೊ ಹೊ ಪುರಸ್ಕಾರ್ ಚಡಿತ್ ಕರುನ್ ಕವಿಂಕ್ ಫಾವೊ ಜಾಲಾ. ಜ್ಯಾ ಭಾಸಾಂಚ್ಯಾ ಕವಿಂಕ್ ಹೊ ಮಾನ್ ಫಾವೊ ಜಾಲಾ ತ್ಯೊ ಆಸಾತ್: ಬೋಡೊ, ದೋಗ್ರಿ, ಇಂಗ್ಲಿಷ್, ಹಿಂದಿ, ಕನ್ನಡ, ಕಾಶ್ಮೀರಿ, ಕೊಂಕಣಿ, ಮಲಯಾಳಮ್, ಪಂಜಾಬಿ, ರಾಜಸ್ತಾನಿ, ಸಂಸ್ಕೃತ್ ಆನಿ ಉರ್ದು.

ಅ.ನಾ. ಮ್ಹಾಂಬ್ರೊ, ಹೇಮಾ ನಾಯ್ಕ್ ಆನಿ ಶೀಲಾ ಕೊಳಂಬ್‌ಕಾರ್ ಹಿಂ ಕೊಂಕಣಿ ವಿಂಚ್ಣುಕೆ ಸಮಿತಿಂತ್ ಆಸಲ್ಲಿಂ.

ಕಾಶಿನಾಥ್ ಶಾಂಭಾ ಲೊಲಿಯೆಂಕಾರಾಕ್ ಕವಿತಾ ಟ್ರಸ್ಟಾನ್ ದಿಂವ್ಚೊ ‘ಮಥಾಯಸ್ ಕುಟಮ್ ಕವಿತಾ ಪುರಸ್ಕಾರ್ - 2010' ಲಾಭ್ಲಾ. ಕಾಶಿನಾಥಾಚ್ಯೊ ಕವಿತಾ ವೆಗ್ಳ್ಯಾಚ್ ಥರೆಚ್ಯೊ. ತ್ಯೊ ವೆಗ್ಳ್ಯೊ - ಫಕತ್ ಕೊಂಕಣಿಕ್ ನ್ಹಯ್ ತರ್ ಆಖ್ಖ್ಯಾ ಭಾರತೀಯ್ ಸಾಹಿತ್ಯಾಂತ್.

ತಾಚಿಂ ಪಾಂಚ್ ಕವಿತೆಚಿಂ ಪುಸ್ತಕಾಂ ಯೆದೊಳ್ ಪರ್ಗಟ್ ಜಾಲ್ಯಾಂತ್. ‘ಕಾಶಿ ಮ್ಹಣ್ಟಾ’ (1982), `ಕಾಶಿಕ್ ಮ್ಹಣ್ಚೆಂಚ್ ಪಡ್ಟಾ’ (1998), `ಕಾಶಿನ್ ಮ್ಹಣ್ಪಾಚೆಂ ಸೊಡುಂಕ್ ನಾ’ (1999), `ಕಾವ್ಯಸೂತ್ರ್’ (2009) ಆನಿ 2010 ವರ್ಸಾ ಪರ್ಗಟ್ ಜಾಲ್ಲೆಂ ‘ಖಂಡ್ ಕಾವ್ಯ್’ ತಾಚಿಂ ಕಾವ್ಯಪುಸ್ತಕಾಂ. ಸಾಹಿತಿಕ್ ವಿಮರ್ಶಾಚೆಂ ಪುಸ್ತಕ್ ‘ವಾಲೊರ್’ ಆನಿ ‘ಕೋರಸ್’ ನಾಟ್ಕುಳ್ಯಾಂಚೆಂ ಪುಸ್ತಕ್ ತಾಣೆಂ ಪರ್ಗಟ್ ಕೆಲ್ಯಾಂತ್.

ಆಮಿ ಹೊ ಪುರಸ್ಕಾರಾಚೆರ್ ತಾಂಚೆಲಾಗಿಂ ಪ್ರತಿಕ್ರಿಯಾ ವಿಚಾರಲ್ಲ್ಯಾ ವೆಳಾರ್ ತಾಂಣಿ ಮ್ಹಳೆಂಕಿ ‘ಹಾಂವ್ ಬರಯ್ತಾಸ್ತಾನಾ ಪುರಸ್ಕಾರಾಚೊ ವಿಷಯ್ ಮತಿಂತ್ ಆಸನಾ. ಹಾಂವ್ ತೊ ಆಶೆವ್ನ್ ಆಸನಾ. ಆತಾಂ ಮೆಳ್ತಾನಾ ಖುಶಿ ಜಾಲ್ಯಾ ಬರೋಬರ್. ತುಮ್ಕಾಂ ಸರ್ವಾಂಕ್ ದೇವ್ ಬರೆಂ ಕರುಂ’.

ಆದ್ಲ್ಯಾ ವರ್ಸಾ ಹೊ ಪುರಸ್ಕಾರ್ ಮೆಲ್ವಿನ್ ರೊಡ್ರಿಗಸ್ ಹಾಚ್ಯ ‘ಪ್ರಕೃತಿಚೊ ಪಾಸ್’ ಪುಸ್ತಕಾ ಖಾತೀರ್ ಫಾವೊ ಜಾಲ್ಲೊ.

• ಕಾಶಿನಾಥಾಚ್ಯೊ ಕವಿತಾ ವಾಚುಂಕ್ ಹಾಂಗಾ ಚಿಚಾಯಾ

काशिनाथ शांभा लोलियेंकाराक साहित्य अकाडेमिची प्रशसती

प्रतिषठीत केंद्र साहित्य अकाडेमिची २०१२ वर्साची प्रशसती काशिनाथ शांभा लोलियेंकार नांवान बरोवंच्या एस. डी. तेंडुल्काराच्या ‘काव्यसूत्र’ कविता पुसतका खातीर फावो जाल्या. ही प्रशसती एक लाक रुपय नगदेन आनी यादसतिका आटाप्ता. साहित्य अकाडेमीन ह्याच दशेंबराचे २० तारिकेर जाहीर केल्ल्या पत्रिका पर्गटणेंत ही खबर कळयल्या.  २०१३ फेबरेर म्हयन्याचे १८  तारिकेर नवी डेल्लिंत जावंक आसच्या संभ्रमा वेळार हो बहुमान ताका भेटयतले.

ह्या वर्सा केंद्र साहित्य अकाडेमिचो हो पुरसकार चडीत करून कविंक फावो जाला. ज्या भासांच्या कविंक हो मान फावो जाला त्यो आसात: बोडो, दोग्री, इंगलीष, हिंदी, कन्नड, काश्मीरी, कोंकणी, मलयाळम, पंजाबी, राजसतानी, संसकृत आनी उर्दू.

अ.ना. म्हांबरो, हेमा नायक आनी शीला कोळंब‌कार हीं कोंकणी विंचणुके समितिंत आसल्लीं.

काशिनाथ शांभा लोलियेंकाराक कविता ट्रसटान दिवंचो ‘मथायस कुटम कविता पुरसकार - २०१०' लाभला. काशिनाथाच्यो कविता वेगळ्याच थरेच्यो. त्यो वेगळ्यो - फकत कोंकणीक न्हय तर आख्ख्या भारतीय साहित्यांत.

ताचीं पांच कवितेचीं पुसतकां येदोळ पर्गट जाल्यांत. ‘काशी म्हणटा’ (१९८२), `काशीक म्हणचेंच पडटा’ (१९९८), `काशीन म्हणपाचें सोडुंक ना’ (१९९९), `काव्यसूत्र’ (२००९) आनी २०१० वर्सा पर्गट जाल्लें ‘खंड काव्य’ ताचीं काव्यपुसतकां. साहितीक विमर्शाचें पुसतक ‘वालोर’ आनी ‘कोरस’ नाटकुळ्यांचें पुसतक ताणें पर्गट केल्यांत.

आमी हो पुरसकाराचेर तांचेलागीं प्रतिक्रिया विचारल्ल्या वेळार तांणी म्हळेंकी ‘हावं बरयतासताना पुरसकाराचो विषय मतिंत आसना. हावं तो आशेवन आसना. आतां मेळताना खुशी जाल्या बरोबर. तुमकां सर्वांक देव बरें करूं’.

आदल्या वर्सा हो पुरसकार मेलवीन रोड्रिगस हाच्य ‘प्रकृतिचो पास’ पुसतका खातीर फावो जाल्लो.