ದೆರೆಬೈಲಾಂತ್ ಕವಿಗೋಷ್ಟಿ, ಮೆಲ್ವಿನಾಕ್ ಮಾನ್ ತಶೆಂ ಕಾಮಾಸಾಳ್
ಹ್ಯಾಚ್ ಒಕ್ಟೋಬ್ರಾಚೆ 2 ತಾರಿಕೆರ್, ದೆರೆಬೈಲ್ ಹೋಲಿ ಫ್ಯಾಮಿಲಿ ಹಾಯರ್ ಪ್ರೈಮರಿ ಇಸ್ಕೊಲಾಚ್ಯಾ ಸಭಾಸಾಲಾಂತ್ `ದೆರೆಬೈಲ್ಚೆಂ ಫುಲ್' ಫಿರ್ಗಜೆ ಪತ್ರ್ ತಶೆಂ ಕವಿತಾ ಟ್ರಸ್ಟಾನ್ ಸಾಂಗಾತಾ ಮೆಳೊನ್ ಕವಿತಾ ಕಾಮಾಸಾಳ್ ತಶೆಂ ಕವಿಗೋಷ್ಟಿ ಮಾಂಡುನ್ ಹಾಡಲ್ಲಿ. ದೆರೆಬೈಲ್ ಇಗರ್ಜ್ ಹ್ಯಾ ವರ್ಸಾ ಆಪ್ಲೊ ಅಮೃತೋತ್ಸವ್ ಆಚರಣ್ ಕರ್‍ತಾ ಜಾಲ್ಲ್ಯಾನ್ ತೊ ಉಡಾಸ್ ಶಾಶ್ವಿತ್ ಉರೊಂವ್ಚೆಖಾತೀರ್ ಸಭಾರ್ ಕಾರ್ಯಕ್ರಮಾಂ ಮಾಂಡುನ್ ಹಾಡುನ್ ಆಸಾ. ಹ್ಯೆ ಶಿಂಕ್ಳೆಚೊ ಏಕ್ ಗಾಂಚ್ ಜಾವ್ನ್ ಹೆಂ ಕಾರ್ಯಕ್ರಮ್ ಚಲ್ಲೆಂ.
ಜಲ್ಮಾನ್ ದೆರೆಬೈಲ್ಚೊ ಜಾವ್ನಾಸಲ್ಲ್ಯಾ ಕವಿತಾ ಟ್ರಸ್ಟ್ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸಾನ್ ಚಲೊವ್ನ್ ವೆಲ್ಲ್ಯಾ ಕಾಮಾಸಾಳಾಂತ್ ಕವಿತಾ ಬರೊಂವ್ಕ್ ಗರ್ಜ್ ಆಸ್ಚ್ಯಾ ಭೋವ್ ಥೊಡ್ಯಾ ಮುಳಾವೆ ಸಂಗ್ತಿಂಚಿ ಪರಿಚಯ್ ಹಾಜರ್ ಆಸಲ್ಲ್ಯಾಂಕ್ ಲಾಭ್ಲಿ. ಕೊಣಾಯ್ಕಿ ಕವಿ ಜಾವ್ನ್ ರಚುಂಕ್ ಸಾಧ್ಯ್ ನಾ ಮ್ಹಣೊನ್ ಪಯ್ಲೆಂಚ್ ಸಾಂಗಲ್ಲ್ಯಾ ಮೆಲ್ವಿನಾನ್, ಹ್ಯಾ ಕಾಮಾಸಾಳೆ ಥಾವ್ನ್ ಅನ್ಭೋಗ್ ಜೊಡುನ್ ಎಕಾ ಪಾಂವ್ಡ್ಯಾರ್ ಆಸ್ಚಿ ಆಪ್ಲಿ ಕವಿತಾ, ಆನ್ಯೇಕಾ ಪಾಂವ್ಡ್ಯಾಕ್ ವ್ಹರೊಂಕ್ ಸಾಧ್ಯ್ ಆಸಾ ಮ್ಹಳೆಂ.
ಕವಿತೆಂತ್ಲಿ ಠರಾವಣ್ ಕಿತ್ಯಾಕ್ ಆನಿ ಕಿತ್ಲಿ ಗರ್ಜೆಚಿ ಮ್ಹಣೊನ್ ವಿವರಾವ್ನ್ ಸಾಂಗೊನ್ ಚಾಫ್ರಾಚಿ `ಮಿಟಾಕಣ್', ಮೆಲ್ವಿನಾಚಿ 'ವಿಕುನ್ ವಚೊನ್ ಸೂಂಬೆ', ಜೊಸಿ ಸಿದ್ಧಕಟ್ಟೆಚಿ 'ಬಾಯ್, ದಿವೊಡ್ ಆನಿ ಸುಕ್ಣೆಂ' ಆನಿ ಕಾಶಿನಾಥ್ ಶಾಂಭಾ ಲೊಳಿಯೆಂಕಾರಾಚಿ 'ಘರಾಂತ್ ಹಾಂವ್ ನಾ' ಕವಿತಾ ವಿಸ್ಕಳಾವ್ನ್ ಸಾಂಗ್ಲ್ಯೊ. ಉಪ್ರಾಂತ್ ಕವಿತೆಂತ್ ಪ್ರತಿಮ್, ಪ್ರತೀಕಾಂ ತಶೆಂ ರೂಪಕಾಂ ಕಶಿಂ ವಾಪರುಂಕ್ ಜಾತಾತ್ ಮ್ಹಣೊನ್ ಸಾಂಗೊನ್ ವೆತಾನಾ, ಸಿಜ್ಯೆಸ್ ತಾಕೊಡೆ ತಶೆಂ ಎಮ್. ಪಿ. ರೊಡ್ರಿಗಸ್ ಹಾಂಚ್ಯಾ ಕವಿತಾಂಚೆ ದಾಕ್ಲೆ ತಾಣೆ ದಿಲೆ. ಸಂಗೀತ್, ಮೀಟರ್, ಪ್ರಾಸ್, ಆದಿಪ್ರಾಸ್, ಅಂತ್ಯ್‌ಪ್ರಾಸ್, ಆಂತರಿಕ್ ಪ್ರಾಸ್, ಛಂದ್ - ಹ್ಯಾ ಸರ್ವಾಂವಿಶಿಂ ಥೊಡೆಂ ಗಿನ್ಯಾನ್ ವಾಂಟಲ್ಲ್ಯಾ ತಾಣೆಂ ಲುವೀಸ್ ಮಸ್ಕರೆಞಾಚಿ `ಕವಿತ್ವಾಚೆಂ ಗುಪೀತ್ ನಂದನಾವನ್' ಕವಿತೆಚೆಂ ಉದಾರಣ್ ದಿಲೆಂ.
ಪಂಚ್ವಿಸಾಂಕ್ ಮಿಕ್ವೊನ್ ಯುವಜಣಾಂನಿ ತಶೆಂ ಹೆರಾಂನಿ ಹೆ ಕಾಮಾಸಾಳೆಂತ್ ಭಾಗ್ ಘೆತಲ್ಲೊ.
ಉಪ್ರಾಂತ್ ಚಲಲ್ಲ್ಯಾ ಸಭಾಕಾರ್ಯಾವೆಳಿಂ ಫಿರ್ಗಜೆಚೊ ವಿಗಾರ್ ಫಾ. ಪೀಟರ್ ಡಿಸೋಜಾನ್ ಮೆಲ್ವಿನ್ ರೊಡ್ರಿಗಸಾಕ್ ಫುಲಾಂ ದೀವ್ನ್, ಶೊಲ್ ಪಾಂಗ್ರುನ್ ತಶೆಂ ಯಾದಸ್ತಿಕಾ ದೀವ್ನ್ ಮಾನ್ ಕೆಲೊ. ಹ್ಯಾ ಸಂದರ್ಭಾರ್ ಉಲಯಿಲ್ಲ್ಯಾ ತಾಂಣಿ ರಾಯಾಚ್ಯಾ ದರ್ಬಾರಾಂತ್ ರಾಯಾಚೆಂ ಗುಣ್‌ಗಾನ್ ಗಾಂವ್ಚೆ ಖಾತೀರ್ ಕವಿ ಕಿತೆಂ ಕರ್‍ತಾಲೆ ಮ್ಹಳ್ಳ್ಯಾಚೊ ವಿವರ್ ದಿಲೊ. ಮನೀಸ್ ಕಿತ್ಲೊ ಕಷ್ಟತಾ, ತಿತ್ಲಿ ತಾಚೆ ಕವಿತೆಚಿ ಶೈಲಿ ಬದ್ಲೊನ್ ವೆತಾ ಮ್ಹಣೊನ್ ಸಾಂಗಲ್ಲ್ಯಾ ತಾಂಣಿ ಕವಿತಾ ಬರಯ್ತಲ್ಯಾಕ್ ಭೊಗ್ಣಾಂ ಮಾತ್ರ್ ನ್ಹಯ್, ತಾಚ್ಯಾ ಪಾಟ್ಲ್ಯಾನ್ ಪಾಶಾಂವ್ ಆಸಜಾಯ್ ಪಡ್ತಾ ಮ್ಹಣೊನ್ ಸಾಂಗ್ಲೆಂ.
ಮಾನ್ ಸ್ವೀಕಾರ್ ಕೆಲ್ಲ್ಯಾ ಮೆಲ್ವಿನಾನ್ ಚಾಳೀಸ್ ವರ್ಸಾಂ ಆದಿಂ ಸಾತ್ ವರ್ಸಾಂ ಪರ್‍ಯಾಂತ್ ಶಿಕಪ್ ಜೊಡಲ್ಲ್ಯಾ ಪವಿತ್ರ್ ಜಾಗ್ಯಾರ್ ಆಜ್ ಆಪುಣ್ ಉಬೊ ಆಸಾಂ ಸಾಂಗೊನ್ ಆದ್ಲ್ಯಾ ಶಿಕ್ಷಕಾಂಚೊ ಉಡಾಸ್ ಕಾಡ್ಲೊ. ಕೊಣ್ ಮನೀಸ್ ಆಪ್ಲ್ಯಾ ಅಂತಸ್ಕರ್ನಾಚ್ಯಾ ತಾಳ್ಯಾಕ್ ಕಾನ್ ದೀಂವ್ಕ್ ಸಕ್ತಾ ಆನಿ ಯೆದೊಳ್ ಪಳೆನಾತಲ್ಲ್ಯಾ ಸಕ್ತೆಂಲಾಗಿಂ ಸಂವಾದ್ ಚಲೊಂವ್ಕ್ ಸಕ್ತಾ - ತವಳ್ ಏಕ್ ಅದ್ಭುತ್, ಅಪ್ರೂಪ್, ಆಪುಟ್ ಕವಿತಾ ಭುಂಯ್ ಪಡ್ತಾ. ಚ್ಯಾರ್-ಪಾಂಚ್ ಕವಿತಾ ಬರಯಿಲ್ಲ್ಯಾ ಫಾರಾ ಕೊಣಯ್ ಕವಿ ಜಾಯ್ನಾ. ಕವಿ ಜಾಂವ್ಕ್ ಶಿಕಪ್ ಗರ್ಜ್ ಆಸಾ, ವಾಚಪ್ ಗರ್ಜ್ ಆಸಾ. ಪಂಚೇಂದ್ರಿಯಾಂ ಸಗ್ಳಿಂ ಉಗ್ತಿಂ ದವರ್ನ್ ಭೊಂವ್ತಣಿಚ್ಯಾ ಗಜಾಲಿಂಲಾಗಿಂ ಸ್ಪಂದನ್ ಕರ್‍ಚಿ ಗರ್ಜ್ ಆಸಾ. ಮಾಗೀರ್ ಹಿ ಗರ್ಜ್ ಎಕಾ ದಿಸಾನ್ ಸಂಪ್ಚಿ ನ್ಹಯ್. ಹಾಕಾ ವರ್ಸಾಂ ವರ್ಸಾಂಚೆಂ ತಪಸ್ಸ್ ಗರ್ಜ್ ಆಸಾ ಅಶೆಂ ದೆರೆಬೈಲ್ಚ್ಯಾ ಉದೆತ್ಯಾ ಕವಿಂಕ್ ತಾಣೆಂ ಉಲೊ ದಿಲೊ ಆನಿ ಬರೆಂ ಮಾಗ್ಲೆಂ.
ಹ್ಯಾ ಸಂದರ್ಭಾರ್ ವೇದಿಚೆರ್ `ದೆರೆಬೈಲ್ಚೆಂ ಫುಲ್' ಪತ್ರಾಚೊ ಸಂಪಾದಕ್ ವಿಕ್ಟರ್ ಕೊರೆಯಾ, ಸಾಂಸ್ಕೃತಿಕ್ ಸಮಿತಿಚೊ ಅಧ್ಯಕ್ಷ್ ಅನಿಲ್ ಪತ್ರಾವೊ, ಫಿರ್ಗಜೆಚೊ ಉಪಾಧ್ಯಕ್ಷ್ ಉಲ್ಲಾಸ್ ಡಿಕೊಸ್ತಾ, ಕವಿ ಸ್ಟೀವನ್ ಕ್ವಾಡ್ರಸ್ ಹಾಜರ್ ಆಸಲ್ಲೆ. ನವೀನ್ ಕುಲ್ಶೇಕರಾನ್ ಮೆಲ್ವಿನ್ ರೊಡ್ರಿಗಸಾಚಿ ವೊಳಕ್ ಕರ್ನ್ ದಿಲಿ ತರ್, ವಿಕ್ಟರ್ ಕೊರೆಯಾನ್ ಕಾರ್ಯಕ್ರಮ್ ಚಲೊವ್ನ್ ವೆಲೆಂ.
ಉಪ್ರಾಂತ್ ಚಲಲ್ಲೆ ಕವಿಗೋಷ್ಟಿಚೆ ಸುಂಕಾಣ್ ಸ್ವೀವನ್ ಕ್ವಾಡ್ರಸಾನ್ ಘೆತಲ್ಲೆಂ. ಆಪ್ಲ್ಯಾ ಉಲೊವ್ಪಾಂತ್ ಕೊಂಕಣಿ ಕವಿತೆಕ್ ಪುರ್ವಿತಾಂಚೆಂ ಯೋಗದಾನ್ ಕಶೆಂ ಆನಿ ಕಿತ್ಲೆಂ ಮ್ಹಳ್ಳ್ಯಾ ವಿಶಯಾಚೆರ್ ತಾಂಣಿ ಬರ್ಪೂರ್ ಜಾಣ್ವಾಯ್ ವಾಂಟ್ಲಿ.
ಕವಿತಾ ದೆವಾಚ್ಯಾ ವೊಂಠಾಂತ್ಲೆಂ ಪಯಿಲ್ಲೆಂ ಉತರ್, ದೆಕುನ್ಂಚ್ ಸರ್‍ವ್ ಧರ್ಮಾಂಚೆ ಪವಿತ್ರ್ ಪುಸ್ತಕ್ ಜಾಂವ್ ವೇದ್, ಜಾಂವ್ ಕುರಾನ್, ಬಾಯ್ಬಲ್ ಕವಿತಾಂ ರುಪಿಂಚ್ ಆಸಾತ್. ಮೊಠ್ವಾಶ್ಯಾಂ ಘರಾಂನಿ ಬೈಬಲ್ ವಾಚ್ಚೆ ಪ್ರಾಸ್ ಚಡ್ ಗಾಯ್ತಾತ್.
ಸುಮಾರ್ ಪಾಂಯ್ಶಿಂ ವರ್ಸಾಂ ಥಾವ್ನ್ ಕೊಂಕ್ಣಿ ಸಾಹಿತ್ ವಾಡ್ಲಾಂ. ತಾಂತ್ಲ್ಯಾ ತಾಂತುಂಯೀ ಪಯಿಲ್ಲೆಂ ತೊಮಾಸ್ ಸ್ಟೀವನಾಚೆಂ (ಪಾದ್ರ್ ತೊಮಾಸ್ ಇಸ್ತೆವಾಂವ್ ಜೆಜ್ವಿತ್) 'ಕ್ರಿಸ್ತ್ ಪುರಾಣ್' ಕಾವ್ಯಾಂತ್ ಕೊಂಕ್ಣಿ ಭಾಗ್ ಥಂಯ್ ಹಾಂಗಾ ಆಮ್ಕಾಂ ವಾಚುಂಕ್ ಮೆಳ್ತಾತ್
'ಬಹುಚರ್ಚಿತ್' ಟಿಪ್ಪುಚೆ ಬಂಧಡೆ ವೆಳಿಂ ಪ್ರಾದ್ ಜೊಕಿಮ್ ಮಿರಾಂದಾಚೆಂ 'ರಿಗ್ಲೊ ಜೆಜು ಮೊಳ್ಯಾಂತ್' ಖಂಡ್ ಕಾವ್ಯೆಂ ಲೊಕಾಚ್ಯಾ ಸ್ಪಿರಿತಾಕ್ ಬಳ್ ದಿತಾಲೆಂ ಅಶೆಂ ಆಮಿ ಆಯ್ಕಾಲಾಂ. ಆಜ್ ಆಮಿ ವಾಪರ್‍ಚಿಂ ಸಬಾರ್ ಮಹತ್ವಾಚಿಂ ಕಾಂತಾರಾಂ 'ಪಾಪಿಯಾ ನಿರ್‍ಭಾಗ್ಯಾ', 'ಸರ್‍ಗಿಂ ಥಾವ್ನ್ ಜೆಜು ಸಂಸಾರಿಂ ಆಯ್ಲೊ' ಹ್ಯಾ ಕಾಳಾಚಿಂ. ಪ್ರಾದ್ ಪಾಸ್ಕಲ್ ರೇಗೊ, ಪ್ರಾದ್ ಮರಿಯಾಣ್ ಕುಲಾಸ್, ಪ್ರಾದ್ ಲುವಿಸ್ ಸೊಜ್ ಹ್ಯಾ ಕಾಳಾಚೆ ಮಹತ್ವಾಚೆ ಯಾಜಕ್ ಕವಿ
ಕೆನರಾಂತ್ಲ್ಯಾ ಕೊಂಕ್ಣಿ ಪುರ್‍ವಿತ್ ಕವಿಂ ಪಯ್ಕಿ ಸುರ್‍ವಾತೆಚ್ಯಾ ಕಾಳಾರ್ ಮಹತ್ವಾಚೆ ಮ್ಹಣುನ್ ದಿಸ್ಚೆ ದೋಗ್ ಕವಿ ಆಸಾತ್: ಮೊನ್ಸಿಞರ್ ರಾಯ್ಮುಂದ್ ಮಸ್ಕರೇಞ ಆನಿ ಮೊನ್ಸಿಞರ್ ಪಾವ್ಲು ಲುವಿಸ್ ಬುತೆಲ್.
ಕಾನಡಿ ಕೊಂಕ್ಣೆಚೊ ಮಹಾನ್ ತಪಸ್ವಿ ಶಿಲಾ ಮಿನೇಜ್ (ಸಿಲ್ವೆಸ್ಟರ್ ಮಿನೇಜಸ್) ಆಮ್ಕಾಂ ಏಕ್ ಯಶಸ್ವಿ ಭಾಷಾಂತರಿ, ಸಂಪಾದಕ್, ಲೇಕಕ್ ಅಶೆಂ ವಳ್ಕಿಚೊ ತರಿ ಸಂಯ್ಭಾನ್ ತೊ ವರ್‍ತೊ ಕವಿ ಮ್ಹಣ್ಚೆಂ ತಿತ್ಲೆಂಚ್ ಖರೆಂ. ಪುರ್‍ವಿತಾಂ ಮದೆಂ ಸಿಪ್ರಿಯಾನ್ ಕೊಸ್ಮಾ ಆಲ್ಬುಕರ್‍ಕ್ ಪಯ್ ಮ್ಹಣ್ಜೆ ಸ್ವಾಮಿ ಸುಪ್ರಿಯಾ ಕವಿ ಮಾತ್ರ್ ನ್ಹಯ್ ಪಂಡಿತ್ ಸಂಶೋಧಕ್ ಆನಿ ವರ್‍ತೊ ಮೀಮಾಂಸಕ್. ತಾಣೆಂ ಸಂಕುಲಿತ್ ಕೆಲ್ಲ್ಯಾ ದೋನ್ ಕವಿತಾ ಸಂಗ್ರಹಾಂಕ್ (ಕೇಂದ್ರ್) ಸಾಹಿತ್ ಅಕಾಡಮಿಚ್ಯೊ ಪ್ರಶಸ್ತ್ಯೊ ಲಾಬ್ಲ್ಯಾತ್.
ಹ್ಯಾಚ್ ಕಾಳಾಚೊ ಆನ್ಯೆಕ್ ಮಹತ್ವಾಚೊ ಕವಿ ಆಸಾ ಕಾಪುಚಿನ್ ಬಾಪ್ ವಯ್ಟಸ್ ಪ್ರಭುದಾಸ್, ತಾಚ್ಯಾ ಕವಿತೆಂನಿ ಆಮ್ಕಾಂ ದೆವಾಚೆ ಸೃಷ್ಟೆಚಿ ಗ್ರೇಸ್ತ್‌ಕಾಯ್ ಧರ್‌ಧರ್ ಮ್ಹಣುನ್ ಪಿಂತ್ರಾಂವ್ಚೆಂ ದಿಸೊನ್ ಯೆತಾ. ತಾಚೆಂ `ಶೆತ್ ಭಾಂಗ್ರಾಳೆಂ' ಕವನ್ ಚಾರ್ ಕಾಳ್ ಉರ್‍ಚೆ ತಸಲೆಂ ಮಾತ್ರ್ ನ್ಹಂಯ್ ಸಬಾರ್ ಕಾರಣಾಂ ಖಾತಿರ್ ದಾಕ್ಲೊ ದಿವ್ಪಿ (ಉಲ್ಲೇಖನೀಯ್) ಜಾವ್ನಾಸಾ.
ಹ್ಯಾಚ್ ಕಾಳಿಂ ಖಂಡಕಾವ್ಯಾಂ ಬರೊಂವ್ಚಿ ಶಯ್ಲಿ ಸುರ್‍ವಾತ್ಲಿ ಮಾ|ಬಾ| ಲಿಯೊ ಕುಟಿನ್ಹಾ ಆನಿ ಮಾ| ಬಾ| ಆಂತೊನ್ ಜುವಾಂವ್ ಸೊಜ್ (ಮರಿದಾಸ್) ಹ್ಯಾ ಶಯ್ಲೆಚೆ ಪ್ರಧಾನ್ ಅಧ್ವರ್ಯು ಮ್ಹಣುಂಯೆತಾ. ತರೀ ಬಾಪ್ ಮರಿದಾಸ್ ಪ್ರಾಸ್‌ದಾಸ್ ಜಾವ್ನ್ ಬರಯ್ತಾಲೆ ತೆಂ ಕವನ್ ವಾಚುಂಕ್ ಆನಿ ಅನ್ಬೊಗುಂಕ್ ವರ್‍ತಿ ಆತುರಾಯ್ ಜಾತಾಲಿ ಅಶೆಂ ಸಾಂಗಲ್ಲ್ಯಾ ಸ್ಟೀವನಾನ್ ಆಯ್ಲೆವಾರ್‍ಚೆ ಕವಿ ಜೊಸಿ ಸಿದ್ದಕಟ್ಟೆ, ಆಲ್ವಿ ಕಾರ್ಮೆಲಿತ್ ಆನಿ ಹೆರಾಂಚೊ ಉಲ್ಲೇಕ್ ಕೆಲೊ.
ಕವಿಗೋಷ್ಟಿಂತ್ ಎಂಡ್ರ್ಯೂ ಡಿಕುನ್ಹಾನ್ `ಆಬಾಚೆಂ ಘರ್' ಆನಿ `ನಿಸಣ್' ಕವಿತಾ ವಾಚ್ಲ್ಯೊ ತರ್, ಅನಿಲ್ ಪತ್ರಾವೊನ್ `ಕಾಳ್ಕೆರಾತಿಂ' ಆನಿ `ಮನ್ಶಾಚೆಂ ಜೀವನ್' ಕವಿತಾ ಸಾದರ್ ಕೆಲ್ಯೊ. ವಿನ್ಸಿ ಪಿಂಟೊ ಆಂಜೆಲೊರಾನ್ `ದೆವಾಚೆ ಪಾರ್ವೆ' ಅನಿ ಹೆರ್ ಚುಟ್ಕುಲಾಂನಿ ಸಭಾ ರಂಗಯ್ಲಿ ಜಾಲ್ಯಾರ್ ವಿಕ್ಟರ್ ಕೊರೆಯಾನ್ `ಪುನ್ವೆಚೆ ರಾತಿಂ' ಕವಿತಾ ವಾಚ್ಲಿ. ಪಾವ್ಲು ಮೊರಾಸಾನ್ `ಕಿರ್‍ಲೊನ್ ಖಿರ್‍ಚೆಂನಾಕಾ' ಕವಿತಾ ಸಾದರ್ ಕೆಲಿ ಜಾಲ್ಯಾರ್, ಫೆಲ್ಸಿ ಲೋಬೊನ್ ವಾಚಲ್ಲಿ `ಶಿಂವ್ತ್ಯಾ ಕಾಟೆಂ' ಸರ್ವಾಂಚಿಂ ಮನಾಂ ಜಿಕ್ಚ್ಯಾಂತ್ ಯಶಸ್ವಿ ಜಾಲಿ. ಲೊರೆನ್ಸ್ ಆಲ್ವರಿಸಾನ್ `ಕಾಜಾರಾಂ ಸರ್ಗಾರ್ ಜಾತಾತ್ಗಿ?' ಕವಿತಾ ವಾಚ್ಲಿ ಜಾಲ್ಯಾರ್, ಎಡ್ವರ್ಡ್ ಕುವೆಲೊನ್ `ಆಜ್ ಮ್ಹಾಕಾ ಫಾಲ್ಯಾಂ ತುಕಾ' ಕವಿತಾ ವಾಚ್ಲಿ. ಅವಿನಾಶ್ ಡಿಸೋಜಾನ್ ದೇಶ್ ಪ್ರೇಮಾವಿಶಿಂ ಕವಿತಾ ಸಾದರ್ ಕೆಲಿ ಜಾಲ್ಯಾರ್, ಸ್ಟೀವನ್ ಕ್ವಾಡ್ರಸಾನ್ ಉತ್ಪತ್ತಿ ಗೃಂಥಾಚೆರ್ ಆಧಾರುನ್ ಲಿಖುನ್ ಆಸ್ಚ್ಯಾ ಮ್ಹಾಕಾವ್ಯಾಚ್ಯೊ ಥೊಡ್ಯೊ ವೊಳಿ ವಾಚ್ಲ್ಯೊ ಆನಿ ಮೆಲ್ವಿನ್ ರೊಡ್ರಿಗಸಾನ್ `ಸುರ್ಯಾಚಿಂ ಸೊಧ್ನಾಂ' ಆನಿ `ಮಾರ್‌ಶ್ಯಾಸಾಚೆಂ ಮಾಗ್ಣೆಂ' ಕವಿತಾ ಸಾಂಗ್ಲ್ಯೊ. ಉಪ್ರಾಂತ್ ಸರ್ವಾಂಚೆ ಒತ್ತಾಯೆಕ್ ಆಪ್ಲಿ `ಝುಜ್' ಕವಿತಾ ಪೇಶ್ ಕೆಲಿ.
ವಿಕ್ಟರ್ ಕೊರೆಯಾನ್ ಧನ್ಯವಾದ್ ಭೆಟಯ್ಲೆ. ಹ್ಯಾ ಕಾರ್ಯಾಕ್ ದೆರೆಬೈಲ್ ಫಿರ್ಗಜೆಚಿಂ ಜಾಯ್ತಿಂ ಮನ್ಶಾಂ ಹಾಜರ್ ಆಸಲ್ಲಿಂ.
देरेबैलांत कविगोष्षटी, मेल्विनाक मान तशें कामासाळ
ह्याच ओक्कटोबराचे २ तारिकेर, देरेबैल होली फ्यामिली हायर प्रैमरी इसकोलाच्या सभासालांत `देरेबैल्चें फूल' फिर्गजे पत्र तशें कविता ट्रसटान सांगाता मेळोन कविता कामासाळ तशें कविगोषटी मांडून हाडल्ली. देरेबैल इगर्ज ह्या वर्सा आपलो अमृतोत्सव आचरण करता जाल्ल्यान तो उडास शाश्वीत उरोंवचेखातीर सभार काऱ्यक्रमां मांडून हाडून आसा. ह्ये शिंकळेचो एक गांच जावन हें काऱ्यक्रम चल्लें.
जल्मान देरेबैल्चो जावनासल्ल्या कविता ट्रसट अध्यक्ष मेलवीन रोड्रिगसान चलोवन वेल्ल्या कामासाळांत कविता बरोवंक गर्ज आसच्या भोव थोड्या मुळावे संग्तिंची परिचय हाजर आसल्ल्यांक लाभली. कोणायकी कवी जावन रचुंक साध्य ना म्हणोन पयलेंच सांगल्ल्या मेलविनान, ह्या कामासाळे थावन अनभोग जोडून एका पांवड्यार आसची आपली कविता, आन्येका पांवड्याक व्हरोंक साध्य आसा म्हळें.
कवितेंतली ठरावण कित्याक आनी कितली गर्जेची म्हणोन विवरावन सांगोन चाफ्राची `मिटाकण', मेलविनाची 'विकून वचोन सूंबे', जोसी सिद्धकट्टेची 'बाय, दिवोड आनी सुकणें' आनी काशिनाथ शांभा लोळियेंकाराची 'घरांत हांव ना' कविता विसकळावन सांगल्यो. उपरांत कवितेंत प्रतीम, प्रतीकां तशें रूपकां कशीं वापरुंक जातात म्हणोन सांगोन वेताना, सिज्येस ताकोडे तशें एम. पी. रोड्रिगस हांच्या कवितांचे दाकले ताणे दिले. संगीत, मीटर, प्रास, आदिपरास, अंत्यप्रास, आंतरीक प्रास, छंद - ह्या सर्वांविशीं थोडें गिन्यान वांटल्ल्या ताणें लुवीस मसकरेञाची `कवित्वाचें गुपीत नंदनावन' कवितेचें उदारण दिलें.
पंचविसांक मिकवोन युवजणांनी तशें हेरांनी हे कामासाळेंत भाग घेतल्लो.
उपरांत चलल्ल्या सभाकाऱ्यावेळीं फिर्गजेचो विगार फा. पीटर डिसोजान मेलवीन रोड्रिगसाक फुलां दीवन, शोल पांग्रून तशें यादसतिका दीवन मान केलो. ह्या संदर्भार उलयिल्ल्या तांणी रायाच्या दरबारांत रायाचें गूणगान गांवचे खातीर कवी कितें करताले म्हळ्ळ्याचो विवर दिलो. मनीस कितलो कषटता, तितली ताचे कवितेची शैली बदलोन वेता म्हणोन सांगल्ल्या तांणी कविता बरयतल्याक भोगणां मात्र न्हय, ताच्या पाटल्यान पाशांव आसजाय पडता म्हणोन सांगलें.
मान स्वीकार केल्ल्या मेलविनान चाळीस वर्सां आदीं सात वर्सां परयांत शिकप जोडल्ल्या पवित्र जाग्यार आज आपूण उबो आसां सांगोन आदल्या शिक्षकांचो उडास काडलो. कोण मनीस आपल्या अंतसकर्नाच्या ताळ्याक कान दीवंक सक्ता आनी येदोळ पळेनातल्ल्या सक्तेंलागीं संवाद चलोवंक सक्ता - तवळ एक अदभूत, अपरूप, आपूट कविता भुंय पडता. च्यार-पांच कविता बरयिल्ल्या फारा कोणय कवी जायना. कवी जावंक शिकप गर्ज आसा, वाचप गर्ज आसा. पंचेंद्रियां सगळीं उग्तीं दवर्न भोंवतणिच्या गजालिंलागीं स्पंदन करची गर्ज आसा. मागीर ही गर्ज एका दिसान संपची न्हय. हाका वर्सां वर्सांचें तपस्स गर्ज आसा अशें देरेबैल्च्या उदेत्या कविंक ताणें उलो दिलो आनी बरें मागलें.
ह्या संदर्भार वेदिचेर `देरेबैल्चें फूल' पत्राचो संपादक विकटर कोरेया, सांसकृतीक समितिचो अध्यक्ष अनील पत्रावो, फिर्गजेचो उपाध्यक्ष उल्लास डिकोसता, कवी स्टीवन क्वाड्रस हाजर आसल्ले. नवीन कुलशेकरान मेलवीन रोड्रिगसाची वोळक कर्न दिली तर, विकटर कोरेयान काऱ्यक्रम चलोवन वेलें.
उपरांत चलल्ले कविगोषटिचे सुंकाण स्वीवन क्वाड्रसान घेतल्लें. आपल्या उलोवपांत कोंकणी कवितेक पुर्वितांचें योगदान कशें आनी कितलें म्हळ्ळ्या विशयाचेर तांणी बर्पूर जाण्वाय वांटली.
कविता देवाच्या वोंठांतलें पयिल्लें उतर, देकुन्ंच सरव धर्मांचे पवित्र पुसतक जांव वेद, जांव कुरान, बायबल कवितां रुपिंच आसात. मोठवाश्यां घरांनी बैबल वाच्चे प्रास चड गायतात.
सुमार पांयशीं वरसां थावन कोंकणी साहीत वाडलां. तांतल्या तांतुंयी पयिल्लें तोमास स्टीवनाचें (पाद्र तोमास इसतेवांव जेज्वीत) 'क्रिसत पुराण' काव्यांत कोंकणी भाग थंय हांगा आमकां वाचुंक मेळतात
'बहुचर्चीत' टिप्पुचे बंधडे वेळीं प्राद जोकीम मिरांदाचें 'रिगलो जेजू मोळ्यांत' खंड काव्यें लोकाच्या स्पिरिताक बळ दितालें अशें आमी आयकालां. आज आमी वापरचीं सबार महत्वाचीं कांतारां 'पापिया नीरभाग्या', 'सरगीं थावन जेजू संसारीं आयलो' ह्या काळाचीं. प्राद पासकल रेगो, प्राद मरियाण कुलास, प्राद लुवीस सोज ह्या काळाचे महत्वाचे याजक कवी
केनरांतल्या कोंकणी पूरवीत कवीं पयकी सूरवातेच्या काळार महत्वाचे म्हणून दिसचे दोग कवी आसात: मोन्सिञर रायमुंद मसकरेञ आनी मोन्सिञर पावलू लुवीस बुतेल.
कानडी कोंकणेचो महान तपस्वी शिला मिनेज (सिलवेसटर मिनेजस) आमकां एक यशस्वी भाषांतरी, संपादक, लेकक अशें वळकिचो तरी संयभान तो वरतो कवी म्हणचें तितलेंच खरें. पूरवितां मदें सिपरियान कोस्मा आलबुकरक पय म्हणजे स्वामी सुपरिया कवी मात्र न्हय पंडीत संशोधक आनी वरतो मीमांसक. ताणें संकुलीत केल्ल्या दोन कविता संग्रहांक (केंद्र) साहीत अकाडमिच्यो प्रशसत्यो लाबल्यात.
ह्याच काळाचो आन्येक महत्वाचो कवी आसा कापुचीन बाप वयटस प्रभुदास, ताच्या कवितेंनी आमकां देवाचे सृषटेची ग्रेसतकाय धरधर म्हणून पिंत्रांवचें दिसोन येता. ताचें `शेत भांग्राळें' कवन चार काळ ऊरचे तसलें मात्र न्हंय सबार कारणां खातीर दाकलो दिवपी (उल्लेखनीय) जावनासा.
ह्याच काळीं खंडकाव्यां बरोंवची शयली सूरवातली मा|बा| लियो कुटिन्हा आनी मा| बा| आंतोन जुवांव सोज (मरिदास) ह्या शयलेचे प्रधान अध्वऱ्यू म्हणुंयेता. तरी बाप मरिदास प्रासदास जावन बरयताले तें कवन वाचुंक आनी अनबोगुंक वरती आतुराय जाताली अशें सांगल्ल्या स्टीवनान आयलेवारचे कवी जोसी सिद्दकट्टे, आलवी कार्मेलीत आनी हेरांचो उल्लेक केलो.
कविगोषटिंत एंडऱ्यू डिकुन्हान `आबाचें घर' आनी `निसण' कविता वाचल्यो तर, अनील पत्रावोन `काळकेरातीं' आनी `मनशाचें जीवन' कविता सादर केल्यो. विन्सी पिंटो आंजेलोरान `देवाचे पार्वे' अनी हेर चुटकुलांनी सभा रंगयली जाल्यार विकटर कोरेयान `पुन्वेचे रातीं' कविता वाचली. पावलू मोरासान `कीरलोन खीरचेंनाका' कविता सादर केली जाल्यार, फेल्सी लोबोन वाचल्ली `शिंवत्या काटें' सर्वांचीं मनां जिकच्यांत यशस्वी जाली. लोरेन्स आलवरिसान `काजारां सर्गार जातातगी?' कविता वाचली जाल्यार, एडवर्ड कुवेलोन `आज म्हाका फाल्यां तुका' कविता वाचली. स्टीवन क्वाड्रसान उत्पत्ती गृंथाचेर आधारून लिखून आसच्या म्हाकाव्याच्यो थोड्यो वोळी वाचल्यो जाल्यार, मेलवीन रोड्रिगसान `सूऱ्याचीं सोधनां' आनी `मारश्यासाचें मागणें' कविता सांगल्यो. उपरांत सर्वांचे ओत्तायेक आपली `झूज' कविता पेश केली.
विकटर कोरेयान धन्यवाद भेटयले. ह्या काऱ्याक देरेबैल फिर्गजेचीं जायतीं मनशां हाजर आसल्लीं.