ಡೆಲ್ಲಿಂತ್ ಚಲ್ಚ್ಯಾ ವರ್ಲ್ಡ್ ಪೊಯೆಟ್ರಿ ಫೆಸ್ಟಿವಲಾಕ್ ಕೊಂಕಣಿ ಕವಿ ಮೆಲ್ವಿನ್ ರೊಡ್ರಿಗಸ್
ಹ್ಯಾಚ್ ಮಾರ್ಚ್ ಮ್ಹಯ್ನ್ಯಾಚೆ 21 ತಾರ್ಕೆಥಾವ್ನ್ 24 ತಾರ್ಕೆ ಪರ್ಯಾಂತ್ ಡೆಲ್ಲಿಚ್ಯಾ ರಬೀಂದ್ರ ಭವನಾಂತ್ ಆಸ್ಚ್ಯಾ ಸಾಹಿತ್ಯ ಅಕಾಡೆಮಿ ಸಭಾಸಾಲಾಂತ್ "ವರ್ಲ್ಡ್ ಪೊಯೆಟ್ರಿ ಫೆಸ್ಟಿವಲ್ -ಸಬದ್" ಚಲ್ಚೆಂ ಆಸೊನ್, ಹ್ಯಾ ಫೆಸ್ತಾಂತ್ ಪರಿವೀಕ್ಷಕ್ ಮ್ಹಣೊನ್ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ವಿಜೇತ್ ಕೊಂಕಣಿ ಕವಿ ಮೆಲ್ವಿನ್ ರೊಡ್ರಿಗಸ್ ಹಾಂಕಾಂ ಆಪೊವ್ಣೆಂ ಆಯ್ಲಾಂ.
ಚ್ಯಾರ್ ದಿಸಾಂಚ್ಯಾ ಹ್ಯಾ ಫೆಸ್ತಾಂತ್ 22 ದೇಶಾಂಚೆ ಪನ್ನಾಸಾಂ ವಯ್ರ್ ಕವಿ ಭಾಗ್ ಘೆತಲೆ. ಅಸಲೊ ಏಕ್ ಅಪ್ರೂಪಾಚೊ ಸುಯೋಗ್ ಮಂಗ್ಳುರ್ಚ್ಯಾ ಕೊಂಕಣಿ ಕವಿಕ್ ಲಾಭ್ಚೊ ಹೆಂಚ್ ಪಯ್ಲೆ ಪಾವ್ಟಿಂ.
ಸ್ಪಾನಿಶ್ ಕವಿ ಅಂತೊನಿಯೊ ಕೊಲಿನಾಸ್, ಜರ್ಮನ್ ಕವಯಿತ್ರಿ ಇಂಗ್ರಿಡ್ ಫಿಕ್ಟನರ್, ಐರಿಷ್ ಕವಯಿತ್ರಿ ಲೊರ್ನಾ ಶೊಗ್ನೆಸ್ಸಿ, ಐರಿಷ್ ಕವಯಿತ್ರಿ ಮೋಯಾ ಕ್ಯಾನೊನ್, ವೆಲ್ಶ್ ಕವಿ ರಿಚರ್ಡ್ ಗ್ವಿನ್ನ್, ಇಟಾಲಿಯನ್ ಕವಯಿತ್ರಿ ಟಿಝಿಯಾನಾ ಸೆರಾ ರೊಸ್ಕೊ, ಬಾಂಗ್ಲಾದೇಶಾಚೊ ಕವಿ ಬೆಲಾಲ್ ಚೌಧುರಿ, ಫ್ರೆಂಚ್ ಕವಯಿತ್ರಿ ಜೆರಾರ್ಡ್ ನೊಯ್ರೆಟ್, ಶ್ರೀಲಂಕಾಚಿ ಕವಯಿತ್ರಿ ಜೀನ್ ಅರಸನಾಯಗಮ್, ಸಿಯಾಚೆಲೀಶ್ ಕವಯಿತ್ರಿ ಹೆಲ್ಡಾ ಮೇರಿ, ನೇಪಾಲಿ ಕವಿ ತುಳಸಿ ದಿವಾಸಾ ಜೋಶಿ, ಬ್ರಿಟಿಷ್ ಕವಿ ಜೊರ್ಜ್ ಜಿರ್ತೆಸ್, ಆಸ್ಟ್ರೇಲಿಯಾಚೊ ಕವಿ ಲೆಸ್ ವಿಕ್ಸ್, ಫಿಲಿಫೈನ್ಸಾಚಿ ಕವಯಿತ್ರಿ ಮರ್ರಾ ಲಾನೊಟ್, ಜೆಕೊಸ್ಲೊವಾಕಿಯಾಚೊ ಕವಿ ಮಿಲೊಸ್ಲಾವ್ ಟೊಪಿನ್ಕಾ, ಪಾಲೆಸ್ತೀನಿ ಕವಿ ನಜ್ವಾನ್ ಡಾರ್ವಿಶ್, ಮ್ಯಾಸಿಡೋನಿಯಾಚೊ ಕವಿ ನಿಕೋಲಾ ಮ್ಯಾಡ್ಜಿರೋವ್, ಡ್ಯಾನಿಷ್ ಕವಯಿತ್ರಿ ಪಿಯಾ ಟ್ಯಾಪ್ಡ್ರುಪ್, ನೈಜಿರಿಯಾಚೊ ಕವಿ ಟ್ಯಾನುರೆ ಒಜೇಯ್ದ್, ಸಿರಿಯಾಚಿ ಕವಯಿತ್ರಿ ಮರಾಮ್ ಅಲ್-ಮಸ್ರಿ, ಸ್ಪೇಯ್ನಾಚೊ ಕವಿ ಓಸ್ಕರ್ ಕ್ರೂಜ್, ಬೆಂಗಾಲಿ ಕವಯಿತ್ರಿ ಮಂದಾಕ್ರಾಂತಾ ಸೇನ್, ಮಣಿಪುರಿ ಕವಿ ಇಬೋಪಿಶಾಕ್ ಸಿಂಘ್, ಒಡಿಯಾ ಕವಿ ರಮಾಕಾಂತಾ ರಥ್, ಹಿಂದಿ ಕವಿ ಕುಂವರ್ ನಾರಾಯಣ್, ಗುಜರಾಥಿ ಕವಿ ಸೀತಾಂಶು ಯಶಚಂದ್ರ, ರಾಜಸ್ತಾನಿ ಕವಿ ಅರ್ಜುನ್ ದೇವ ಚರಣ್, ಮರಾಠಿ ನಾಟಕ್ಕಾರ್ ಆನಿ ಕವಿ ಭಾಲಚಂದ್ರ ನೆಮಾಡೆ, ಹಿಂದಿ ಕವಿ ಕೇದರ್ನಾಥ್ ಸಿಂಘ್, ಪಂಜಾಬಿ ಕವಯಿತ್ರಿ ಡೊ. ವನಿತಾ, ಇಂಗ್ಲಿಷ್ ಕವಯಿತ್ರಿ ಮಮಾಂಗ್ ದಾಯ್, ಕನ್ನಡ ಕವಿ ಎಚ್. ಎಸ್. ಶಿವಪ್ರಕಾಶ್, ಮಲಯಾಳಮ್ ಕವಿ ಆನಿ ವಿಮರ್ಶಕ್ ಕೆ. ಸತ್ಚಿದಾನಂದನ್, ಕಾಶ್ಮೀರಿ ಆನಿ ಇಂಗ್ಲಿಷ್ ಲೇಖಕ್ ತಶೆಂ ಕವಿ ಶಫಿ ಶೌಖ್, ತೆಲುಗು ಕವಿ ಕೆ ಶಿವ ರೆಡ್ಡಿ, ಒಡಿಯಾ ಕವಿ ಸೀತಾಕಾಂತ್ ಮಹಾಪಾತ್ರ್ - ತಸಲೆ ಫಾಮಾದ್ ಕವಿ ಹ್ಯಾ ಫೆಸ್ತಾಂತ್ ಭಾಗ್ ಘೆತಲೆ.
ಸಾಹಿತ್ಯ ಅಕಾಡೆಮಿಕ್ ಸಾಟ್ ವರ್ಸಾಂ ಭರಲ್ಲ್ಯಾ ಸಂದರ್ಭಾಕ್ ಲಾಗೊನ್ ಜಾಯ್ತಿಂ ಕಾರ್ಯಕ್ರಮಾಂ ಆಯೋಜಿತ್ ಕೆಲ್ಯಾಂತ್ ಆಸ್ತಾಂ ತ್ಯಾ ಪಯ್ಕಿ ಹೆಂ ಏಕ್ ಪ್ರಮುಕ್ ಕಾರ್ಯಕ್ರಮ್.
डेल्लिंत चलच्या वर्ल्ड पॉयेट्री फेस्टीवलाक कोंकणी कवी मेल्विन रोड्रीगस
ह्याच मार्च म्हयन्याचे २१ तार्केथावन २४ तार्के पर्यांत डेल्लिच्या रबींद्र भवनांत आसच्या साहित्य अकाडेमी सभासालांत "वर्ल्ड पॉयेट्री फेस्टीवल -सबद" चलचें आसोन, ह्या फेस्तांत परिवीक्षक म्हणोन साहित्य अकाडेमी प्रशस्ती विजेत कोंकणी कवी मेल्विन रोड्रिगस हांकां आपोवणें आयलां.
च्यार दिसांच्या ह्या फेस्तांत २२ देशांचे पन्नासां वयर कवी भाग घेतले. असलो एक अपरूपाचो सुयोग मंगळूरच्या कोंकणी कवीक लाभचो हेंच पयले पावटीं.
स्पानीश कवी अंतोनियो कोलिनास, जर्मन कवयित्री इंग्रीड फिकटनर, ऐरीष कवयित्री लोर्ना शोग्नेस्सी, ऐरीष कवयित्री मोया क्यानोन, वेलश कवी रिचर्ड ग्विन्न, इटालियन कवयित्री टिझियाना सेरा रोसको, बांगलादेशाचो कवी बेलाल चौधुरी, फ्रेंच कवयित्री जेरार्ड नोयरेट, श्रीलंकाची कवयित्री जीन अरसनायगम, सियाचेलीश कवयित्री हेलडा मेरी, नेपाली कवी तुळसी दिवासा जोशी, ब्रिटीष कवी जोर्ज जीर्तेस, आसट्रेलियाचो कवी लेस विक्स, फिलिफैन्साची कवयित्री मर्रा लानोट, जेकोसलोवाकियाचो कवी मिलोसलाव टोपिनका, पालेसतीनी कवी नज्वान डार्वीश, म्यासिडोनियाचो कवी निकोला म्याडजिरोव, ड्यानीष कवयित्री पिया ट्यापड्रूप, नैजिरियाचो कवी ट्यानुरे ओजेयद, सिरियाची कवयित्री मराम अल-मस्री, स्पेयनाचो कवी ओसकर क्रूज, बेंगाली कवयित्री मंदाक्रांता सेन, मणिपुरी कवी इबोपिशाक सिंघ, ओडिया कवी रमाकांता रथ, हिंदी कवी कुंवर नारायण, गुजराथी कवी सीतांशू यशचंद्र, राजसतानी कवी अर्जून देव चरण, मराठी नाटककार आनी कवी भालचंद्र नेमाडे, हिंदी कवी केदरनाथ सिंघ, पंजाबी कवयित्री डो. वनिता, इंगलीष कवयित्री ममांग दाय, कन्नड कवी एच. एस. शिवपरकाश, मलयाळम कवी आनी विमर्शक के. सतचिदानंदन, काश्मीरी आनी इंगलीष लेखक तशें कवी शफी शौख, तेलुगू कवी के शीव रेड्डी, ओडिया कवी सीताकांत महापात्र - तसले फामाद कवी ह्या फेसतांत भाग घेतले.
साहित्य अकाडेमीक साट वर्सां भरल्ल्या संदर्भाक लागोन जायतीं काऱ्यक्रमां आयोजीत केल्यांत आसतां त्या पयकी हें एक प्रमूक काऱ्यक्रम.