ದೋಹಾ ಖತಾರಾಂತ್ಲ್ಯಾ ನಿವಾಸಿಂಕ್ ಕೊಂಕಣಿ ಕವಿತಾ ಬರೊಂವ್ಚಿ ಸರ್ತ್
ದೋಹಾ ಖತಾರಾಂತ್ಲ್ಯಾ ಮೆಂಗಲೋರ್ ಕಲ್ಚರಲ್ ಎಸೋಸಿಯೇಶನಾನ್ ದೋಹಾ ಖತಾರಾಂತ್ ವಸ್ತಿ ಕರ್ಚ್ಯಾ ಕೊಂಕಣಿ ಉಲೊವ್ಪಿ ಮಂಗ್ಳುರ್ಗಾರಾಂ ಖಾತೀರ್ ಕೊಂಕಣಿ ಕವಿತಾ ಬರೊಂವ್ಚೊ ಸ್ಪರ್ಧೊ ಮಾಂಡುನ್ ಹಾಡ್ಲಾ.
ಆಸಕ್ತವಂತಾಂನಿ ತಾಂಚ್ಯೊ ಕವಿತಾ ಸಪ್ಟೆಂಬರ್ 15 ತಾರಿಕೆ ಭಿತರ್ ಧಾಡುನ್ ದೀಂವ್ಕ್ ಆಯೋಜಕಾಂನಿ ವಿಚಾರ್ಲಾಂ.
ನೆಮಾಂ:
1. ಪ್ರಾಯೆಚಿ ಬಂಧಡ್ ನಾ. ಸ್ಪರ್ಧಿಕಾಂನಿ ಮಂಗ್ಳುರ್ಚ್ಯಾ ಖಂಯ್ಚ್ಯಾಯ್ ಕೊಂಕಣಿ ಉಲೊವ್ಪಿ ಸಮುದಾಯಾಚ್ಯಾ, ಪುಣ್ ಖತಾರಾಂತ್ ವಸ್ತಿ ಕರ್ಚ್ಯಾಂನಿ ಹಾಂತುಂ ಭಾಗ್ ಘೆವ್ಯೆತಾ. (ಖತಾರಾಂತ್ಲಿ ಐ.ಡಿ. ಗರ್ಜೆಚಿ)
2. ಧಾಡ್ಚಿ ಕವಿತಾ ಕೊಂಕಣಿಂತ್ ಆಸೊನ್, ಹಾತ್ ಬರ್ಪಾಚಿ ಯಾ ಟೈಪ್ ಕೆಲ್ಲಿ ಆಸುಂಯೆತಾ. ಕನ್ನಡ, ರೋಮಿ ಯಾ ದೇವನಾಗರಿಂತ್ ಬರಯಿಲ್ಲಿ ಜಾಲ್ಯಾರ್ ಪರ್ವಾ ನಾ.
3. ಧಾಡ್ಚಿ ಕವಿತಾ ಸ್ಪರ್ಧಿಕಾಚಿ ಸ್ವಂತ್ ಆಸೊಂಕ್ ಜಾಯ್.
4. ಕವಿತಾ ಸ್ವತಾ ಹಾಡ್ನ್ ದಿವ್ಯೆತಾ ಯಾ ಈಮೇಯ್ಲಾಚೆರ್ ಧಾಡುಂಯೆತಾ. ಈಮೇಯ್ಲ್ ಪತ್ತೊ: mcaqatar@gmail.com ಈಮೇಯ್ಲಾಚೆರ್ ಧಾಡ್ಚ್ಯಾಂನಿ PDF ಫಾಯ್ಲ್ ಕರ್ನ್ ಧಾಡುಂಕ್ ಜಾಯ್.
5. ಕವಿತಾ A4 ಗಾತ್ರಾಚ್ಯಾ ಕಾಗ್ದಾರ್ ಎಕಾ ಪಾನಾಕ್ ಮಿಕ್ವೊಂಕ್ ನಜೊ.
6. MCA ಸಾಂದ್ಯಾಂಲಾಗಿಂ ಯಾ ಈಮೇಯ್ಲಾರ್ ಕವಿತಾ ಪಾವೊಂಕ್ ನಿಮಾಣಿ ತಾರೀಕ್ ಸಪ್ಟೆಂಬರ್ 15.
7. ಕೊಂಕಣಿಚೆ ನಾಂವ್ ವಸ್ತೆ ಕವಿ ಹ್ಯೊ ಕವಿತಾ ವೊರವ್ನ್ ಪಳೆತಲೆ. ತಾಂಚೆಂ ತೀರ್ಪ್ ಸರ್ವಾಂಕ್ ಬಾಂದ್ಚೆ ತಸಲೆಂ.
ಕವಿತಾ ಧಾಡ್ತಲ್ಯಾಂನಿ ತಾಂಚೆಂ ನಾಂವ್, ಪ್ರಾಯ್, ಸೆಕ್ಸ್ (ದಾದ್ಲೊ ಯಾ ಸ್ತ್ರೀ), ತಪ್ಪಾಲ್ ವಿಳಾಸ್, ಮೊಬಾಯ್ಲ್ ನಂಬರ್ ಆನಿ ಈಮೇಯ್ಲ್ ಪತ್ತೊ ಕವಿತಾ ಸಾಂಗಾತಾ ಲಗ್ತಿ ಕರಿಜಾಯ್.
ಗಲ್ಫ್ ವೋಯ್ಸ್ ಒಫ್ ಮೆಂಗಲೋರ್ - 4 ಖತಾರ್ ಸೆಮಿ ಫೈನಲ್ಸ್ , ಅಲ್ ಘಜಲ್ ಕ್ಲಬ್ಬಾಂತ್ ಸಪ್ಟೆಂಬರ್ 26 ತಾರಿಕೆರ್ ಚಲ್ಚ್ಯಾ ಸಂದರ್ಭಾರ್ ಜಿಕ್ಲಲ್ಯಾಂಚಿಂ ನಾಂವಾಂ ಜಾಹೀರ್ ಕರ್ತಲ್ಯಾಂವ್. ತ್ಯಾ ಸಂದರ್ಭಾರ್ ಪರ್ಗಟ್ ಜಾಂವ್ಚ್ಯಾ ಸ್ಮರಣಿಕಾಚೆರ್ ಅತ್ಯುತ್ತಮ್ ತೀನ್ ಕವಿತಾ ಪರ್ಗಟ್ ಕರ್ತಲ್ಯಾಂವ್.
ಕಸಲ್ಯಾಯ್ ಸವಾಲಾಂಕ್ ಸಂಪರ್ಕ್ ಕರುಂಕ್ ಪತ್ತೊ: mcaqatar@gmail.com or cell 55619592.