ಕವಿತಾ ಟ್ರಸ್ಟಾ ಥಾವ್ನ್ ಕೊಂಕಣಿ ಕವಿತಾ ವಾಚನ್ ಆನಿ ಬರೊಂವ್ಚೆ ಸ್ಪರ್ಧೆ
ಕೊಂಕಣಿ ಕವಿತೆಚೆ ಸಮಗ್ರ್ ವಾಡಾವಳಿ ಖಾತೀರ್ ವಾವುರ್ಚ್ಯಾ 'ಕವಿತಾ ಟ್ರಸ್ಟ್' ಹಾಂಣಿ ಭುರ್ಗ್ಯಾಂ ಖಾತೀರ್ ತಶೆಂ ಯುವಜಣಾಂ ಖಾತೀರ್ ಕವಿತಾ ವಾಚನ್ ತಶೆಂ ಕವಿತಾ ಬರೊಂವ್ಚೆ ಸ್ಪರ್ಧೆ ಮಾಂಡುನ್ ಹಾಡ್ಲ್ಯಾತ್. ಹ್ಯಾ ಸ್ಪರ್ಧ್ಯಾಂಚೊ ವಿವರ್ ಯೆದೊಳಚ್ ಸಗ್ಳ್ಯಾ ಇಸ್ಕೊಲಾಂಕ್, ಕೊಲೆಜಾಂಕ್, ಸಂಸ್ಥ್ಯಾಂಕ್ ಆನಿ ಇಗರ್ಜಾಂಕ್ ಧಾಡುನ್ ದಿಲಾ ಆಸ್ತಾಂ ಆಸಕ್ತವಂತಾಂನಿ ಚಡಾನ್ಚಡ್ ಸಂಖ್ಯಾನ್ ಹಾಂತುಂ ಭಾಗ್ ಘೆಜಾಯ್ ಮ್ಹಣೊನ್ ಆಯೋಜಕಾಂನಿ ಉಲೊ ದಿಲಾ.
1. ಚಾರ್ಲ್ಸ್ ಆನಿ ತೆರೆಜಾ ರೊಡ್ರಿಗಸ್ ಸ್ಮಾರಕ್ ಆಟ್ವೊ ಅಖಿಲ್ ಭಾರತ್ ಕೊಂಕಣಿ ಕವಿತಾ ಬರೊಂವ್ಚೊ ಸ್ಪರ್ಧೊ.
Charles and Theresa Rodrigues
ಹಾಂತುಂ ಸವೆ ಥಾವ್ನ್ ಧಾವೆ ಕ್ಲಾಶಿಂತ್ ಶಿಕ್ಚ್ಯಾ ಭುರ್ಗ್ಯಾಂನಿ ಭಾಗ್ ಘೆವ್ಯೆತಾ. ಕವಿತಾ ಕೊಂಕಣಿ ಭಾಶೆಚ್ಯಾ ಖಂಯ್ಚ್ಯಾಯ್ ಲಿಪಿಂತ್ ಬರಯಿಲ್ಲಿ, ಪುಣ್ ಸ್ವತಾಚಿ ಆಸಜಾಯ್. ಕವಿತಾ ಉಣ್ಯಾರ್ ಸೊಳಾ ಪಂಗ್ತಿಂಚಿ ಜಾವ್ನಾಸೊನ್ ತಾಂತುಂ ಉಣ್ಯಾರ್ ಪನ್ನಾಸ್ ಸಬ್ದ್ ತರೀ ಆಸಜಾಯ್. ಭಾಗ್ ಘೆತಲ್ಯಾಂನಿ ತಾಂಚಿ ಕವಿತಾ ಧಾಡುನ್ ದಿಲ್ಲ್ಯಾ ಅರ್ಜೆಪತ್ರಾ ಸಾಂಗಾತಾ, ಇಸ್ಕೊಲ್ ಅಧಿಕಾರಿಂಚೆ ದಸ್ಕತೆ ಬರಾಬರ್ ಧಾಡುಂಕ್ ನಿಮಾಣಿ ತಾರಿಕ್ ನವೆಂಬರ್ 15. ಭಾಗ್ ಘೆತಲ್ಯಾ ಸರ್ವಾಂಕ್ ಪ್ರಮಾಣ್ ಪತ್ರ್ ಮೆಳ್ತಲೆಂ ಮಾತ್ರ್ ನ್ಹಯ್, ಜಿಕ್ಲಲ್ಯಾಂಕ್ 2000, 1000 ತಶೆಂ 750 ರುಪಯ್ ನಗ್ದೆನ್ ಇನಾಮ್ ಜಾವ್ನ್ ಮೆಳ್ತಲೆ.
2. ಚಾ. ಫ್ರಾ, ದೆಕೊಸ್ತಾ ಸ್ಮಾರಕ್ ಕೊಂಕಣಿ ಕವಿತಾ ವಾಚನ್ ಸ್ಪರ್ಧೊ. (ಪಂದ್ರಾ ವರ್ಸಾಂ ಸಕಯ್ಲ್ಯಾಂಕ್) : (ಪ್ರಾಯೋಜಕ್: ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್, ದುಬಾಯ್)
Cha. Fra. DCosta
Nelson, Lavina, Bianca and Bettina Rodricks, Dubai
3. ರೋಹನ್ ಆನಿ ಲವೀಟಾ ಮೊಂತೇರೊ, ಚವ್ತೊ ಅಖಿಲ್ ಭಾರತ್ ಕೊಂಕಣಿ ಕವಿತಾ ವಾಚನ್ ಸ್ಪರ್ಧೊ (ಪಂದ್ರಾ ಥಾವ್ನ್ ತೀಸ್ ವರ್ಸಾಂ ಭಿತರ್ಲ್ಯಾಂಕ್)
Rohan and Lavita Monteiro
ಹೆ ದೋನಯ್ ಸ್ಪರ್ಧೆ ದೋನ್ ಹಂತಾಂನಿ ಚಲ್ತಾತ್.
-
ಮಂಗ್ಳುರ್ (ಡೊನ್ ಬೊಸ್ಕೊ ಸಾಲ್, ಸಪ್ಟೆಂಬರ್ 7 – ಸಹಯೋಗ್: ಕೊಂಕಣಿ ನಾಟಕ್ ಸಭಾ);
-
ಪಣಜಿ (ಟಿ.ಬಿ. ಕೂನ್ಹಾ ಸಭಾಸಾಲ್. ಸಪ್ಟೆಂಬರ್ 11. ಸಹಯೋಗ್: ಕೊಂಕಣಿ ಭಾಷಾ ಮಂಡಳ್, ಗೊಂಯ್);
-
ಮಡ್ಗಾಂವ್ (ಕೊಂಕಣಿ ಭಾಷಾ ಮಂಡಳ್ ಶಾಳೆಚೆಂ ಸಭಾಸಾಲ್. ಸಪ್ಟೆಂಬರ್ 12. ಸಹಯೋಗ್: ಕೊಂಕಣಿ ಭಾಷಾ ಮಂಡಳ್, ಗೊಂಯ್);
-
ಬಂಟ್ವಾಳ್ (ಮೊಡಂಕಾಪ್ ಇಗರ್ಜೆ ಸಾಲ್, ಸಪ್ಟೆಂಬರ್ 14, ಸಹಯೋಗ್: ICYM, ಮೊಡಂಕಾಪ್);
-
ಉಡುಪಿ (ಇಗರ್ಜೆಚೆಂ ಡೊನ್ ಬೊಸ್ಕೊ ಸಾಲ್, ಸಪ್ಟೆಂಬರ್ 21, ಸಹಯೋಗ್: 'ಉಜ್ವಾಡ್' ಕೊಂಕಣಿ ಮ್ಹಯ್ನ್ಯಾಳೆಂ);
-
ಕಾರ್ಕೊಳ್ (ಜೆಜು ರಾಯಾಚಿ ಇಗರ್ಜ್, ಸಪ್ಟೆಂಬರ್ 28, ಸಹಯೋಗ್: ' ಉಜ್ವಾಡ್' ಕೊಂಕಣಿ ಮ್ಹಯ್ನ್ಯಾಳೆಂ)
ಹೊ ಸ್ಪರ್ಧೊ ಸಕಾಳಿಂಚ್ಯಾ ಧಾ ವೊರಾಂಚೆರ್ ಸುರು ಜಾತಾ. ಭಾಗ್ ಘೆತೆಲ್ಯಾ ಸಕ್ಡಾಂಕ್ ಪ್ರಮಾಣ್ ಪತ್ರ್ ಲಾಭ್ತಲೆಂ. ಹರ್ಯೆಕಾ ಜಾಗ್ಯಾಂನಿ ತೀನ್ ಥಾವ್ನ್ ಪಾಂಚ್ ಜಣಾಂಕ್ ಫೈನಲ್ಸಾಕ್ ವಿಂಚುನ್ ಕಾಡ್ತಲೆ. ಫೈನಲ್ಸ್ ಜನೆರ್ 11 ತಾರಿಕೆರ್ ಬಾರ್ಕೂರ್ ಚೌಳಿಕೆರೆಂತ್ 'ಕವಿತಾ ಫೆಸ್ತ್' ಸಂದರ್ಭಾರ್ ಚಲ್ಚೆಂ ಆಸೊನ್ ವಿಂಚುನ್ ಆಯಿಲ್ಲ್ಯಾಂಕ್ ನಗ್ದೆನ್ ಇನಾಮಾಂ, ಟ್ರೋಫಿ, ಪ್ರಮಾಣ್ ಪತ್ರಾಂ, ಪಯ್ಣಾಭಾತೆಂ, ರಾವ್ಪಾಚಿ, ಜೆವ್ಣಾಚಿ ವೆವಸ್ಥಾ ಮಾತ್ರ್ ನ್ಹಯ್ ಆಸ್ತಾಂ ರುಪಯ್ 300 ಮೆಳ್ತಲೆ.
ಪಯ್ಲ್ಯಾ ಹಂತಾಚ್ಯಾ ಸ್ಪರ್ಧ್ಯಾಕ್ ಭಾಗ್ ಘೆತೆಲ್ಯಾಂನಿ ತಾಂಚೆ ಕವಿತೆಚೆ ಪ್ರತಿಯೆ ಸಂಗಿಂ, ಸ್ಪರ್ಧ್ಯಾಚ್ಯಾ ದಿಸಾ ಅರ್ಧ್ಯಾ ಘಂಟ್ಯಾ ಪಯ್ಲೆಂ ನಾಂವ್ ನೊಂದಾವ್ಣಿ ಕರುಂಯೆತಾ. ವಾಚ್ಚಿ ಕವಿತಾ, ಸ್ವತಾಚಿ ಯಾ ಹೆರ್ ಕೊಣಾಯ್ಚಿ ಆಸುಂಯೆತಾ. ಕವಿತಾ ವಾಚ್ತಾನಾ ಉಣ್ಯಾರ್ ದೇಡ್ ಮಿನುಟಾಂ ಆನಿ ಚಡಿತ್ ಮ್ಹಳ್ಯಾರ್ ತೀನ್ ಮಿನುಟಾಂಚಿ ಆಸುಂಯೆತಾ.
ಸ್ಪರ್ಧ್ಯಾವಿಶಿಂ ಚಡಿತ್ ವಿವರ್ ಜಾಯ್ ಜಾಲ್ಯಾರ್ kavitatrust@gmail.com ಹಾಕಾ ಸಂಪರ್ಕ್ ಕರುಂಯೆತಾ. ಯಾ 9980136297 ಹ್ಯಾ ನಂಬ್ರಾಕ್ ಫೊನ್ ಕರುಂಯೆತಾ.