ಎ. ಟಿ. ಲೋಬೊ - ಕಾವ್ಯಾಳ್ ಜಿವಿತ್ ಕಾರ್ಯೆಂ ಮಾರ್ಚ್ 1 ತಾರಿಕೆರ್. ಸರ್ವಾಂಕ್ ಆಪೊವ್ಣೆಂ
ಕವಿತಾ ಟ್ರಸ್ಟಾಚೆಂ ಹ್ಯಾ ವರ್ಸಾಚೆಂ ತಿಸ್ರೆಂ ಕಾರ್ಯೆಂ ಜಾವ್ನ್ ಹ್ಯಾಚ್ ಮಾರ್ಚ್ ಮ್ಹಯ್ನ್ಯಾಚೆ 1 ತಾರಿಕೆರ್ ಆಯ್ತಾರಾ 'ಎ.ಟಿ. ಲೋಬೊ - ಕಾವ್ಯಾಳ್ ಜಿವಿತ್' ಕಾರ್ಯಾವಳ್ ಚಲ್ತಲಿ. ಹ್ಯಾ ಕಾರ್ಯಕ್ರಮಾಂತ್ ತೀನ್ ಸ್ತೆಸಾಂವಾಂ ಆಸುನ್, ಎ. ಟಿ. ಲೋಬೊಚ್ಯಾ ಕುಟ್ಮಾಕ್, ಇಷ್ಟಾಂಕ್ ಮೆಳುನ್ ಸಮಾಧಿಕ್ ಭೆಟ್ ದಿಂವ್ಚೆಂ ಏಕ್ ಪಯ್ಣ್ ಆಸ್ತಲೆಂ. ಹಿ ಕಾರ್ಯಾವಳ್ ಎ. ಟಿ. ಲೋಬೊ ಫೌಂಡೇಶನ್ ಹಾಂಚ್ಯಾ ಸಹಯೋಗಾನ್ ಚಲ್ಚಿ ಆಸುನ್, ಸುರ್ವಾತಿಚೆಂ ಕಾರ್ಯೆಂ ಎ. ಟಿ. ಲೋಬೊಚೊ ಭಾವ್ ಲೊರೆನ್ಸ್ ಲೋಬೊಚ್ಯಾ ಬಿಜೈ ಕಾಪಿಕಾಡ್ ಹಾಂಗಾ ಆಸ್ಚ್ಯಾ ಘರ್ಚ್ಯಾ ಆಂಗ್ಣಾಂತ್ ಸಾಂಜೆಚ್ಯಾ 4 ವೊರಾಂಚೆರ್ ಸುರು ಜಾತಲೆಂ.
ಹ್ಯಾ ಸಂದರ್ಭಾರ್ ದಿವಂಗತ್ ಲೇಖಕಾಚೆ ಭಾವ್ ಲೊರೆನ್ಸ್, ಇಗ್ನೇಶಿಯಸ್ ಆನಿ ಭಯ್ಣ್ ಮೊಂತಿ ಮೊಂತೇರೊ ಕವಿತಾ ಟ್ರಸ್ಟಾನ್ ಪರ್ಗಟ್ ಕರ್ಚೆಂ ಎ. ಟಿ. ಲೋಬೊಚ್ಯಾ ಕವಿತಾಂಚೆಂ ಪುಸ್ತಕ್ 'ಎ. ಟಿ. ಲೋಬೊ - ಏಕ್ ಕಾವ್ಯಾಳ್ ಪಯ್ಣ್' ಲೋಕಾರ್ಪಣ್ ಕರ್ತಲಿಂ. ದೆರೆಬೈಲ್ಚೊ ಸಂಗೀತ್ಗಾರ್ ಅನಿಲ್ ಪತ್ರಾವೊ (ಫಾಮಾದ್ ಪತ್ರಾವೊ ಭಾವಾಂ ಪಯ್ಕಿ ಎಕ್ಲೊ) ಲೇಖಕಾಚೆ ಎಕೆ ಖವಾಲಿಕ್ ತಾಳೊ ಬಸೊವ್ನ್ ಆಪ್ಲ್ಯಾ ಪಂಗ್ಡಾಬರಾಬರ್ ಗಾಯ್ತಲೊ. ವಿತೊರಿ ಕಾರ್ಕಳ್, ಕನ್ಸೆಪ್ಟಾ ಫೆರ್ನಾಂಡಿಸ್, ಪ್ರಿತುಮಾ ಮೊಂತೇರೊ, ಚಂದ್ರಿಮಾ ಮೊಂತೇರೊ - ಪುಸ್ತಕಾಂತ್ಲ್ಯೊ ಕವಿತಾ ವಾಚ್ತಲಿಂ. ಹ್ಯಾಚ್ ಸಂದರ್ಭಾರ್ ಟ್ರಸ್ಟಾಚೊ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸ್, ಲೇಖಕಾಚ್ಯಾ ಭಾವಾಂ ಆನಿ ಭಯ್ಣಿ ಸಾಂಗಾತಾ ಸಂವಾದ್ ಚಲಯ್ತಲೊ.
ದುಸ್ರೆಂ ಸ್ತೆಸಾಂವ್ ಕೊಟ್ಟಾರ್ ಕ್ರೊಸ್ ಆಸ್ಚ್ಯಾ ಕಲಾಕಾರ್ ರೈಮಂಡ್ ಆನಿ ವೆರೊನಿಕಾ ಲೋಬೊ ಹಾಂಚ್ಯಾ ಘರ್ಚ್ಯಾ ಆಂಗ್ಣಾಂತ್ ಚಲ್ತಲೆಂ. ಕಲಾಕಾರ್ ಫೆಲಿಕ್ಸ್ ಸಲ್ಡಾನ್ಹಾ ಆನಿ ಕಾರ್ಮೆಲಿಟಾ ಡಿಸೋಜಾ, ಎ. ಟಿ. ಲೋಬೊಚ್ಯಾ ನಾಟಕಾಂತ್ಲೆ ಥೊಡೆ ಉಡಾಸ್ ಜಿವಿಂ ಕರ್ತಲಿಂ. ಫೆಲ್ಸಿ ಲೋಬೊ, ಸೆಲಿನ್ ಸಿಕ್ವೇರಾ ಆನಿ ಜೊನ್ ಫೆರ್ನಾಂಡಿಸ್ ಲೇಖಕಾಚ್ಯೊ ಕವಿತಾ ವಾಚುನ್ ಸಾಂಗ್ತಲಿಂ.
ತಿಸ್ರೆಂ ಸ್ತೆಸಾಂವ್ ಬಿಜೈ ಇಗರ್ಜೆ ಸಿಮಿಸ್ತ್ರಿಂತ್ ಆಸ್ಚ್ಯಾ ಎ. ಟಿ. ಲೋಬೊಚ್ಯಾ ಸಮಾಧಿಲಾಗಿಂ ಆಸ್ತಲೆಂ. ಹ್ಯಾ ಸಂದರ್ಭಾರ್ ಕೆನರ ಕಮ್ಯುನಿಕೇಶನ್ಸ್ ಹಾಚೊ ದಿರೆಕ್ತೊರ್ ಫಾ. ರಿಚರ್ಡ್ ಡಿಸೋಜಾ 'ಮರ್ಣಾ ಉಪ್ರಾಂತ್ಲೆಂ ಜಿವಿತ್' ವಿಶಯಾಚೆರ್ ಉಜ್ವಾಡ್ ಫಾಂಕೊಂವ್ಚೆಂ ಉಲೊವ್ಪ್ ಕರ್ತಲೊ. ಕಲಾಕಾರ್ ಎಡ್ಡಿ ಸಿಕೇರ್, ವಿಲಿಯಮ್ ಪಾಯ್ಸ್ ಆನಿ ಮೆಲ್ವಿನ್ ಪೆರಿಸ್ ಲೇಖಕಾಚ್ಯೊ ಕವಿತಾ ಸಾದರ್ ಕರ್ತಲಿಂ. ಅನಿಲ್ ಪತ್ರಾವೊ ಕಾಂತಾರಾಚೆಂ ಮುಕೆಲ್ಪಣ್ ಘೆತಲೊ.
ಫೊಂಡಾಚೆರ್ ಫುಲಾಂ ಶಿಂವ್ರಾವ್ನ್, ವಾತಿ ಜಳೊವ್ನ್ ಎ. ಟಿ. ಲೋಬೊಕ್ ಶೃದ್ಧಾಂಜಲಿ ಭೆಟೊಂವ್ಕ್ ಸರ್ವಾಂಕ್ ಆವ್ಕಾಸ್ ಆಸಾ.
ಸಗ್ಳೆಂ ಕಾರ್ಯೆಂ ಜುಸ್ತ್ ಸಾಡೆ-ಚ್ಯಾರ್ ವೊರಾಂಕ್ ಸುರು ಜಾವ್ನ್ ಸಾಡೆ-ಸ ವೊರಾಂಚೆರ್ ಸಂಪ್ತಲೆಂ. ಚ್ಯಾರ್ ವೊರಾಂ ಥಾವ್ನ್ ಸಾಡೆ ಚ್ಯಾರ್ ಪರ್ಯಾಂತ್ ಚಾ-ಕಾಫಿಯೆಚಿ ವ್ಯವಸ್ಥಾ ಆಸಾ. ಪುಸ್ತಕಾಂಚೊ ವಿಕ್ರೋಯ್ ಆಸ್ತಲೊ. ವಾಹನಾಂ ನಾತಲ್ಲ್ಯಾಂಕ್ ತೀನ್ ಸ್ತೆಸಾಂವಾಂಕ್ ಪಾಂವ್ಚೆ ಖಾತೀರ್ ಬಸ್ಸಾಚಿ ವ್ಯವಸ್ಥಾ ಆಸಾ.
ಎ. ಟಿ. ಲೋಬೊ ಏಕ್ ಲೇಖಕ್, ಕಾದಂಬರಿಕಾರ್ ಆನಿ ನಾಟಕ್ಕಾರ್ ಮ್ಹಣುನ್ ಸರ್ವಾಂಕ್ ವೊಳ್ಕಿಚೊ. ಆತಾಂ ತಾಚ್ಯಾ ಕವಿತಾಂಚೊ ಸಂಗ್ರಹ್ ಪರ್ಗಟ್ ಕರುನ್ ಕವಿತಾ ಟ್ರಸ್ಟ್ ತಾಚೆಂ ನಾಂವ್ ಕವಿಂಚೆ ವಳೆರಿಂತ್ ನೋಂದ್ ಕರುನ್ ಆಸಾ. ತಿತ್ಲೆಂಚ್ ನ್ಹಯ್ ಮಾರ್ಚ್ 2 ತಾರಿಕೆರ್ ಲೇಖಕಾಚೊ 95 ವರ್ಸಾಂಚೊ ಜಲ್ಮಾದೀಸ್. ಹಾಚೆಂಯ್ ಆಚರಣ್ ಹ್ಯಾ ಸಂದರ್ಭಾರ್ ಚಲ್ತಲೆಂ.
ಸರ್ವಾಂಕ್ ಉಗ್ತೆಂ ಆಪೊವ್ಣೆಂ ಆಸಾ.
ए. टी. लोबो - काव्याळ जिवित कारयें मार्च १ तारिकेर. सरवांक आपोवणें
कविता ट्रस्टाचें ह्या वर्साचें तिसरें कारयें जावन ह्याच मार्च म्हयन्याचे १ तारिकेर आयतारा 'ए.टी. लोबो - कावयाळ जिवित' कार्यावळ चलतली. ह्या कार्यक्रमांत तीन स्तेसांवां आसून, ए. टी. लोबोच्या कुटमाक, इषटांक मेळून समाधिक भेट दिंवचें एक पयण आसतलें. ही कार्यावळ ए. टी. लोबो फौंडेशन हांच्या सहयोगान चलची आसून, सुर्वातिचें कारयें ए. टी. लोबोचो भाव लोरेन्स लोबोच्या बिजै कापिकाड हांगा आसच्या घरच्या आंगणांत सांजेच्या ४ वोरांचेर सुरू जातलें.
ह्या संदरभार दिवंगत लेखकाचे भाव लोरेन्स, इग्नेशियस आनी भयण मोंती मोंतेरो कविता ट्रसटान परगट करचें ए. टी. लोबोच्या कवितांचें पुस्तक 'ए. टी. लोबो - एक कावयाळ पयण' लोकारपण करतलीं. देरेबैल्चो संगीतगार अनील पत्रावो (फामाद पत्रावो भावां पयकी एकलो) लेखकाचे एके खवालीक ताळो बसोवन आपल्या पंगडाबराबर गायतलो. वितोरी कारकळ, कन्सेपटा फेर्नांडिस, प्रितुमा मोंतेरो, चंद्रिमा मोंतेरो - पुस्तकांतल्यो कविता वाचतलीं. ह्याच संदरभार ट्रसटाचो अध्यक्ष मेल्विन रोडरिगस, लेखकाच्या भावां आनी भयणी सांगाता संवाद चलयतलो.
दुसरें स्तेसांव कोट्टार क्रोस आसच्या कलाकार रैमंड आनी वेरोनिका लोबो हांच्या घरच्या आंगणांत चलतलें. कलाकार फेलिक्स सलडान्हा आनी कारमेलिटा डिसोजा, ए. टी. लोबोच्या नाटकांतले थोडे उडास जिवीं करतलीं. फेल्सी लोबो, सेलीन सिकवेरा आनी जोन फेर्नांडिस लेखकाच्यो कविता वाचून सांगतलीं.
तिसरें स्तेसांव बिजै इगर्जे सिमिस्त्रींत आसच्या ए. टी. लोबोच्या समाधिलागीं आसतलें. ह्या संदरभार केनर कम्युनिकेशन्स हाचो दिरेकतोर फा. रिचर्ड डिसोजा 'मरणा उपरांतलें जिवित' विशयाचेर उजवाड फांकोंवचें उलोवप करतलो. कलाकार एड्डी सिकेर, विलियम पायस आनी मेल्विन पेरिस लेखकाच्यो कविता सादर करतलीं. अनील पत्रावो कांताराचें मुकेलपण घेतलो.
फोंडाचेर फुलां शिंवरावन, वाती जळोवन ए. टी. लोबोक शृदधांजली भेटोवंक सरवांक आवकास आसा.
सगळें कारयें जुस्त साडे-च्यार वोरांक सुरू जावन साडे-स वोरांचेर संपतलें. च्यार वोरां थावन साडे च्यार पर्यांत चा-काफियेची व्यवस्था आसा. पुस्तकांचो विकरोय आसतलो. वाहनां नातल्ल्यांक तीन स्तेसांवांक पांवचे खातीर बससाची व्यवस्था आसा.
ए. टी. लोबो एक लेखक, कादंबरिकार आनी नाटक्कार म्हणून सरवांक वोळकिचो. आतां ताच्या कवितांचो संग्रह परगट करून कविता ट्रस्ट ताचें नांव कविंचे वळेरींत नोंद करून आसा. तितलेंच न्हय मार्च २ तारिकेर लेखकाचो ९५ वर्सांचो जल्मादीस. हाचेंय आचरण ह्या संदरभार चलतलें.
सरवांक उगतें आपोवणें आसा.