ಕವಿತಾ ವಾಚನ್ ಸರ್ತ್: ಮಂಗ್ಳುರ್ ಥಾವ್ನ್ ಪಾಂಚ್ ಭುರ್ಗಿಂ, ಚ್ಯಾರ್ ಯುವಜಣಾಂ ವಿಂಚುನ್ ಆಯ್ಲಿಂ
ಕವಿತಾ ಟ್ರಸ್ಟ್ ಹಾಂಣಿ ಕೊಂಕಣಿ ನಾಟಕ್ ಸಭಾ ಹಾಂಚ್ಯಾ ಸಾಂಗಾತಾ ಮೆಳುನ್ ಹ್ಯಾಚ್ ಸಪ್ಟೆಂಬರ್ 13, 2015 ತಾರಿಕೆರ್ ಭುರ್ಗಿಂ, ಯುವಜಣಾಂ ತಶೆಂ ವ್ಹಡಾಂ ಖಾತೀರ್ ಮಂಗ್ಳುರ್‍ಚ್ಯಾ ಡೊನ್ ಬೊಸ್ಕೊ ಹೊಲಾಂತ್ ಕೊಂಕಣಿ ಕವಿತಾ ವಾಚನ್ ಸರ್ತ್ ಮಾಂಡುನ್ ಹಾಡ್ಲಿ. ಕೊಂಕಣಿ ನಾಟಕ್ ಸಭೆಚೊ ಅಧ್ಯಕ್ಷ್ ಫಾ. ಸಿಪ್ರಿಯನ್ ಡಿ'ಸೋಜಾ ಹಾಜರ್ ಆಸುನ್, ಹಾಜರ್ ಆಸಲ್ಲ್ಯಾ ಸರ್ವಾಂಕ್ ಸ್ವಾಗತ್ ಕೆಲೊ. ಕವಿತಾ ಟ್ರಸ್ಟ್ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸಾನ್ ಕವಿತಾ ವಾಚನ್ ಸರ್ತೆಚಿಂ ನೆಮಾಂ ಸಾಂಗುನ್, ಕವಿತಾ ಟ್ರಸ್ಟಾಚೊ ಶೆವೊಟ್ ಆನಿ ಕೊಂಕಣಿ ನಾಟಕ್ ಸಭೆಚೊ ವಾವ್ರ್ ಲೊಕಾಹುಜಿರ್ ದವರ್‍ಲೊ.
ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್ - ಚಾಫ್ರಾ ದೆಕೊಸ್ತಾ ಸ್ಮಾರಕ್ ದುಸ್ರಿ ಅಖಿಲ್ ಕರ್ನಾಟಕ ಕೊಂಕಣಿ ವಾಚನ್ ಸರ್ತ್ ಹ್ಯಾ ಸಂದರ್ಭಾರ್ ಚಲ್ಲಿ. ಡೊ. ದೇವದಾಸ್ ಪೈ, ರಿಜಿಸ್ಟ್ರಾರ್, ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ, ವಿಲಿಯಮ್ ಪಾಯ್ಸ್, ಟ್ರಸ್ಟಿ ಆನಿ ಎಂಡ್ರ್ಯೂ ಎಲ್ ಡಿಕುನ್ಹಾ, ಟ್ರಸ್ಟಿ - ಹೆ ವೊರಯ್ಣಾರ್ ಮ್ಹಣುನ್ ಆಸಲ್ಲೆ. ಎವ್ರೆಲ್ ರೊಡ್ರಿಗಸ್, ವಿತೊರಿ ಕಾರ್ಕಳ್ ಆನಿ ರೇಮಂಡ್ ಡಿಕುನ್ಹಾ ಹಾಂಣಿ ಸಹಕಾರ್ ದಿಲ್ಲೊ. ಪಂದ್ರಾ ವರ್ಸಾಂ ಸಕಯ್ಲ್ಯಾ ಪ್ರಾಯೆಚ್ಯಾ ಭುರ್ಗ್ಯಾಂಚ್ಯಾ ಹೆ ಸರ್ತೆಂತ್ ಸತ್ರಾ ಭುರ್ಗ್ಯಾಂನಿ ವಾಂಟೊ ಘೆತಲ್ಲೊ ಆಸುನ್, ಜನೆರ್ 10, 2016 ತಾರಿಕೆರ್ ಚಲ್ಚ್ಯಾ ಕವಿತಾ ವಾಚನ್ ಸರ್ತೆಚ್ಯಾ ಫೈನಲ್ಸಾಕ್ ಹಿಂ ಭುರ್ಗಿಂ ವಿಂಚುನ್ ಆಯ್ಲಿಂ:
ಪ್ರಿಥುಮಾ ಮೊಂತೇರೊ, ವಾಮಂಜೂರ್
ವೆನ್ಸಿಟಾ ಡಾಯಸ್, ಸೈಂಟ್ ಆಗ್ನೆಸ್
ಎಲ್ಡೊನ್ ವಿನೊಯ್ ಡಿಸೋಜಾ, ಬಜ್ಪೆ
ನೀಶೆಲ್ ಫ್ಲೋರಾ ಡಿ'ಆಲ್ಮೇಡಾ, ಕುಲ್ಶೇಕರ್
ಶೈನಾ ಡಿ'ಸಿಲ್ವಾ, ಬೋಂದೆಲ್
ಹೆ ಸರ್ತೆಚೊ ಪ್ರಾಯೋಜಕ್ ನೆಲ್ಸನ್ ರೊಡ್ರಿಕ್ಸ್ ಹ್ಯಾ ಸಂದರ್ಭಾರ್ ಹಾಜರ್ ಆಸುನ್ ಭಾಗ್ ಘೆತಲ್ಲ್ಯಾ ಸರ್ವಯ್ ಭುರ್ಗ್ಯಾಂಕ್ ತಾಣೆ ಪ್ರಮಾಣ್ ಪತ್ರಾಂ ವಾಂಟ್ಲಿಂ.
ರೋಹನ್ ಆನಿ ಲವೀಟಾ ಮೊಂತೇರೊ, ಅಖಿಲ್ ಭಾರತ್ ಕೊಂಕಣಿ ವಾಚನ್ ಸರ್ತ್ ಪಂದ್ರಾ ಥಾವ್ನ್ ತೀಸ್ ವರ್ಸಾಂ ಭಿತರ್‍ಲ್ಯಾ ಯುವಜಣಾಂಕ್ ಹ್ಯಾಚ್ ಸಂದರ್ಭಾರ್ ಚಲ್ಲಿ. ಹೆ ಸರ್ತೆಂತ್ ಪಂದ್ರಾ ಯುವಜಣಾಂನಿ ಪಾತ್ರ್ ಘೆತಲ್ಲೊ. ಫೈನಲ್ಸಾಕ್ ವಿಂಚುನ್ ಆಯಿಲ್ಲ್ಯಾ ಚವ್ಗಾಂ ಜಣಾಂಚಿಂ ನಾಂವಾಂ ಹೆಪರಿಂ ಆಸಾತ್:
ಎಡ್ಲಿನ್ ಡಿಸೋಜಾ, ಆಂಜೆಲೊರ್
ಫ್ರಿವಿಟಾ ಡಿಸೋಜಾ, ಸೈಂಟ್ ಎಲೋಶಿಯಸ್ ಡಿಗ್ರಿ ಕೊಲೆಜ್
ವಿನ್ಸ್‌ಟನ್ ಲೋಬೊ, ಉರ್ವಾ
ಶ್ವೇತಾ ಪೈ, ಮಂಜೇಶ್ವರ್
ಕವಿ ಸಿಜ್ಯೆಸ್ ತಾಕೊಡೆ ಆನಿ ಕೊಂಕಣಿ ಭಾಷಾ ಮಂಡಳಾಚಿ ಅಧ್ಯಕ್ಶಿಣ್ ಗೀತಾ ಸಿ. ಕಿಣಿ ಹ್ಯಾ ಸಂದರ್ಭಾರ್ ಹಾಜರ್ ಆಸುನ್ ಭಾಗ್ ಘೆತಲ್ಲ್ಯಾ ಸರ್ವಾಂಕ್ ತಾಂಣಿ ಪ್ರಮಾಣ್ ಪತ್ರಾಂ ವಾಂಟ್ಲಿಂ.
ಕೊಂಕಣಿ ನಾಟಕ್ ಸಭೆಚ್ಯಾ ಲೆಕಾರ್ ತೀಸ್ ವರ್ಸಾಂ ವಯ್ಲ್ಯಾಂಕ್ ಹ್ಯಾಚ್ ಸಂದರ್ಭಾರ್ ಕವಿತಾ ವಾಚನ್ ಸರ್ತ್ ಚಲುನ್ ಹ್ಯಾ ಸಕಯ್ಲ್ಯಾಂಕ್ ಇನಾಮಾಂ ಜಾಹೀರ್ ಜಾಲಿಂ.
ಪಯ್ಲೆಂ: ಸಿರಿಲ್ ಫೆರ್ನಾಂಡಿಸ್
ಸಮಾಧಾನಾಚಿಂ ಇನಾಮಾಂ: ಎಡ್ವಿನ್ ವಾಸ್ ಆನಿ ಐರಿನ್ ರೊಡ್ರಿಗಸ್
कविता वाचन सर्त: मंगळूर थावन पांच भुरगीं, च्यार युवजणां विंचून आयलीं
कविता ट्रस्ट हांणी कोंकणी नाटक सभा हांच्या सांगाता मेळून ह्याच सप्टेंबर 13, 2015 तारकेर भुरगीं, युवजणां तशें व्हडां खातीर मंगळूरच्या डॉन बोस्को हॉलांता कोंकणी कविता वाचन सर्त मांडून हाडली. कोंकणी नाटक सभेचो अध्यक्ष फा. सिप्रीयन डिसोजा हाजर आसून, हाजर आसल्ल्या सर्वांक स्वागत केलो. कविता ट्रस्ट अध्यक्ष मेल्विन रोड्रीगसान कविता वाचन सर्तेचीं नेमां सांगून, कविता ट्रस्टाचो शेवोट आनी कोंकणी नाटक स्भेचो वावर लोकाहुजीर दवरलो.
नेल्सन आनी लवीन रोड्रीक्स - चाफ्रा देकोस्ता स्मारक दुसरी अखिल कर्नाटक कोंकणी वाचन सर्त ह्या संदर्भार चल्ली. डॉ. देवदास पै, रिजिस्ट्रार, कर्नाटक कोंकणी साहित्य अकाडेमी, विलियम पायस, ट्रस्टी आनी एंड्र्य़ू एल् डिकून्हा, ट्रस्टी - हे वोरयणार म्हणून आसल्ले. एवरेल रोड्रीगस, वितोरी कार्कळ आनी रेमंड डिकून्हा हांणी सहकार दिल्लो. पंदरा वर्सां सकयल्या प्रायेच्या भुरग्यांच्या हे सर्तेंत सतरा भुरग्यांनी वांटो घेतल्लो आसून, जानेर 10, 2016 तारकेर चलच्या कविता वाचन सर्तेच्या फैनल्साक् हीं भुरगीं विंचून आयलीं.
प्रिथुमा मोंतेरो, वामंजूर
वेन्सिटा डायस, सैंत आग्नेस
एल्डोन विनोय डिसॊजा, बजपे
नीशेल फ्लोरा डिआल्मेडा, कुलशेकर
शैना डिसिल्वा, बोंदेल
हे सर्तेचो प्रायोजक नेल्सन रोड्रीक्स ह्या संदर्भार हाजर आसून भाग घेतल्ल्या सर्वय भुरग्यांक ताणे प्रमाण पत्रां वांटलीं.
रोहन आनी लवीटा मोंतेरो, अखिल भारत कोंकणी वाचन सर्त पंदरा थावन तीस वर्सां भितरल्या युवजणांक ह्याच संदर्भार चल्ली. हे सर्तेंत पंदरा युवजणांनी पात्र घेतल्लो. फैनल्साक विंचून आयल्ल्या चवगां जणांचीं नांवां हेपरीं आसात.
एडलीन डिसॊजा, आंजेलोर
फ्रिविटा डिसोजा, सैंट एलोशियस डिग्रि कॉलेज
विनस्टन लोबो, उरवा
श्वेता पै, मंजेश्वर
कवी सिज्येस ताकोडे आनी कोंकणी भाषा मंडळाची अध्यक्षिण गीता सि. किणी ह्या संदर्भार हाजर आसून भाग घेतल्ल्या सर्वांक तांणी प्रमाण पत्रां वांटलीं.
कोंकणी नाटक सभेच्या लेकार तीस वरसां वयल्यांक् ह्याच संदर्भार कविता वाचन सर्त चलून ह्या सकयल्यांक इनामां जाहीर जालीं.
पयलें: सिरिल फेरनांडीस
समाधानाचीं इनामां: एडवीन वास आनी आयरीन रोड्रीगस