Kavita Khobro

ಕವಿತಾ ವಾಚನ್ ಸರ್ತ್: ಉಡುಪಿ ಥಾವ್ನ್ 4 ಭುರ್ಗಿಂ, 3 ಯುವಜಣಾಂ ಫೈನಲಾಕ್

ಕವಿತಾ ವಾಚನ್ ಸರ್ತ್: ಉಡುಪಿ ಥಾವ್ನ್ 4 ಭುರ್ಗಿಂ, 3 ಯುವಜಣಾಂ ಫೈನಲಾಕ್

ಕವಿತಾ ಫೆಸ್ತಾಚಿ ತಯಾರಾಯ್ ಜಾವ್ನ್ ಚಲ್ಚ್ಯಾ ಕವಿತಾ ವಾಚನ್ ಸರ್ತೆಚೊ ಉಡುಪಿ ಪಾಂವ್ಡೊ 'ಉಜ್ವಾಡ್' ಪತ್ರಾಚ್ಯಾ ಸಹಕಾರಾನ್ ಹ್ಯಾಚ್ ಒಕ್ಟೋಬರ 10, ತಾರಿಕೆರ್ ಉಡುಪಿ ಬಿಸ್ಪಾಚ್ಯಾ ಘರ್‍ಚ್ಯಾ ಸಭಾಸಾಲಾಂತ್ ಚಲ್ಲೊ.  ಭುರ್ಗ್ಯಾಂಚ್ಯಾ ವಿಭಾಗಾ ಥಾವ್ನ್ 4 ಜಣಾಂ ಆನಿ ಯುವಜಣಾಂಚ್ಯಾ ವಿಭಾಗಾ ಥಾವ್ನ್ 3 ಜಣಾಂ ಫೈನಲಾಕ್ ವಿಂಚುನ್ ಆಯ್ಲ್ಯಾಂತ್.

ಸುರ್ವೆರ್ ಕವಿತಾ ಟ್ರಸ್ಟ್ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸಾನ್ ಸರ್ವಾಂಕ್ ಯೆವ್ಕಾರ್ ಮಾಗುನ್ ಸರ್ತೆಚ್ಯಾ ನೆಮಾಂವಿಶಿಂ ತಶೆಂಚ್ ಕವಿತಾ ಟ್ರಸ್ಟಾಚ್ಯಾ ವಾವ್ರಾವಿಶಿಂ ಮಾಹೆತ್ ದಿಲಿ. ಉಡುಪಿಚೊ ಬಿಸ್ಪ್ ಅ.ಮಾ.ದೊ. ಜೆರಾಲ್ಡ್ ಐಸಾಕ್ ಲೋಬೊ ಹಾಂಣಿ ಸ್ಪರ್ಧಿಕಾಂಕ್ ಬರೆಂ ಮಾಗುನ್ ‘ಉಡುಪಿಂತ್ ಜಾಯ್ತಿಂ ತಾಲೆಂತಾಂ ಆಸಾತ್. ತಾಂಣಿ ಅಸಲ್ಯಾ ವೆದಿಂ ಮಾರಿಫಾತ್ ತಿಂ ಉಜಳಾಯ್ಜೆ’ ಮ್ಹಣ್ ಬರೆಂ ಮಾಗ್ಲೆಂ. ಅಧ್ಯಕ್ಷಾನ್,  ಬಿಸ್ಪಾಕ್ ‘ಗಾಂಧಿಚೆಂ ಪರ್ಜಳಿಕ್ ಫುಡಾರ್ಪಣ್’ ಪುಸ್ತಕ್  ದೀವ್ನ್  ಮಾನ್ ಕೆಲೊ.









 

ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್ ಪ್ರಾಯೋಜಿತ್ ಚಾ.ಫ್ರಾ. ದೆಕೊಸ್ತಾ ಸ್ಮಾರಕ್ ಅಖಿಲ್ ಕರ್ನಾಟಕ ಭುರ್ಗ್ಯಾಂಚೆ ಕೊಂಕಣಿ ಕವಿತಾ ವಾಚನ್ ಸರ್ತೆಂತ್ 17 ಜಣಾಂ ಆನಿ ರೋಹನ್-ಲವೀಟಾ ಮೊಂತೇರೊ ಪ್ರಾಯೋಜಿತ್ ಅಖಿಲ್ ಭಾರತ್ ಯುವಜಣಾಂಚ್ಯಾ ಕೊಂಕಣಿ ಕವಿತಾ ವಾಚನ್ ಸರ್ತೆಚ್ಯಾ 10 ಜಣಾಂನಿ ವಾಂಟೊ ಘೆತ್ಲೊ. ಹ್ಯಾ ಪಾವ್ಟಿಂ ಎರ್ಮಾಳ್, ಗಂಗೊಳ್ಳಿ, ಭಟ್ಕಳ್, ಬಾರ್ಕೂರ್, ಕಲ್ಲ್ಯಾನ್ಪುರ್, ಪಾಂಬೂರ್, ಅತ್ತೂರ್, ಉಡುಪಿ, ಕುಂಟಾಲ್‍ನಗರ್ ಇತ್ಯಾದಿ ಜಾಗ್ಯಾಂ ಥಾವ್ನ್ ಸ್ಪರ್ಧಿಕಾಂ ಆಸಲ್ಲಿಂ.

ಫಳಿತಾಂಶ್: 15 ವರ್ಸಾಂ ಸಕಯ್ಲ್ಯಾಂಚೊ ವಿಭಾಗ್:
1. ವೀನಲ್ ಡೆಸಾ, ಅತ್ತೂರ್
2. ಲೆರಿಸಾ ಡಿಸೋಜ, ಕಲ್ಯಾನ್ಪುರ್
3. ರಿವೊನ್ ಡಾಯಸ್, ಉಡುಪಿ
4. ರಿಕಿತಾ ನಿಯೊಲಾ ಸಲ್ಡಾನ್ಹಾ, ಪಾಂಬೂರ್

 

15-30 ವರ್ಸಾಂ ಭಿತರ್ಲ್ಯಾಂಚೊ ವಿಭಾಗ್:
1. ಲವಿಟಾ ಪಿಂಟೊ ಗಂಗೊಳ್ಳಿ
2. ಮಿಶೆಲ್ ಆಂದ್ರಾದೆ, ಬಾರ್ಕೂರ್
3. ಮಹಮ್ಮದ್ ಶುರೇಯ್ಮ್, ಭಟ್ಕಳ್

ಟ್ರಸ್ಟಿ ಆಂಡ್ರ್ಯೂ ಎಲ್. ಡಿಕುನ್ಹಾ, ಎವ್ರೆಲ್ ರೊಡ್ರಿಗಸ್ ಆನಿ ಕವಿ ತಶೆಂ ಸಂಗೀತ್‌ಗಾರ್ ಎರಿಕ್ ಸೋನ್ಸ್ ಬಾರ್ಕೂರ್ ಹಾಂಣಿ ಸ್ಫರ್ಧ್ಯಾಚಿ ವರವ್ಣಿ ಕೆಲಿ. ವಿತೊರಿ ಕಾರ್ಕಳ್ ಆನಿ ಫ್ರಾಂಕ್ಲಿನ್ ಫೆರ್ನಾಂಡಿಸಾನ್ ಮಾಂಡಾವಳಿಂತ್ ಸಾಂಗಾತ್ ದಿಲೊ.

'ಉಜ್ವಾಡ್' ಸಂಪಾದಕ್ ಮಾ. ಚೇತನ್ ಲೋಬೊ, ಉಡುಪಿ ದಿಯೆಸೆಜಿಚೊ ಸಾರ್ವಜನಿಕ್ ಸಂಪರ್ಕ್ ಅಧಿಕಾರಿ ಮಾ. ಡೆನಿಸ್ ಡೆಸಾ, ಫಾ. ಎಡ್ವಿನ್ ಡಿಸೋಜಾ, ಫಾ. ರಿಚರ್‍ದ್, ಫಾ. ಮಾರ್ಟಿಸ್, ನಾಟಕಿಸ್ತ್ ಜೊನ್ ಎಮ್. ಪೆರ್ಮನ್ನೂರ್, ಬರವ್ಪಿ ಮೆಲ್ವಿನ್ ಕೊಳಲ್ ಗಿರಿ ಆನಿ ಸಬಾರ್ ಸ್ಫರ್ಧಿಕಾಂಚಿಂ ವ್ಹಡಿಲಾಂ ಹಾಜರ್ ಆಸಲ್ಲಿಂ.










 

ಕವಿತೆಚೊ ಭೊಂವಾರ್ ನಿರ್ಮಾಣ್ ಕರ್‍ಚ್ಯಾ ಟ್ರಸ್ಟಾಚ್ಯಾ ಕಾಮಾಚೊ ಫಳ್ ಆತಾಂ ದಿಸುಂಕ್ ಲಾಗ್ಲಾ. ಮೆಲ್ವಿನ್ ರೊಡ್ರಿಗಸ್, ಕೆ.ಎನ್ ರಾವ್ ದಾಂಡೇಲಿ, ಎಂಡ್ರ್ಯೂ ಡಿಕುನ್ಹಾ, ಸಿ. ಆಪೊಲಿನ್ ಬಾರೆಟ್ಟೊ, ಬಾ ಸಿಪ್ರಿಯನ್ ಲುವಿಸ್, ರಾನ್ ಉದ್ಯಾವರ್, ರೊಬರ್ಟ್ ಫೆರ್ನಾಂಡಿಸ್, ರಾಘವೇಂದ್ರ ರಾವ್, ಎಂ.ಪಿ. ರೊಡ್ರಿಗಸ್, ಕಾವ್ಯದಾಸ್, ಕಿಶೂ ಬಾರ್ಕೂರ್, ಸ್ಟ್ಯಾನಿ ಬೇಳಾ, ಗ್ವಾದಲೂಪ್ ಡಾಯಸ್, ಸುರೇಶ್ ಸಲ್ಡಾನ್ಹಾ, ಪಿ.ಜೆ. ಕರುಗಳ್ನಡೆ, ಇಕ್ಬಾಲ್ ಸಯೀದಿ, ಅಬಿದ್ ಅಬು ಸಿನಾ, ಉಬ್ಬ ಮೂಡಬಿದ್ರೆ ಆನಿ ಮಾವ್ರಿಸ್ ಡೆಸಾ ಹಾಂಚ್ಯೊ ಕವಿತಾ ಸಾದರ್ ಜಾಲ್ಯೊ. ಹ್ಯಾ ಕವಿಂಚಿಂ ನಾಂವಾಂ ಸರ್ವಾಂಕ್ ಕಳ್ಳಿಂ. ಕವಿತಾ ವಾಚ್ಚಿ ರೀತ್, ಸಾದರ್ ಕರ್‍ಚಿ ರೀತ್ ಸಬಾರಾಂಕ್ ಕಳ್ಳಿ.

ಮಂಗ್ಳುರಿ ಕ್ರಿಸ್ತಾಂವ್, ನವಾಯತಿ, ಜಿ ಎಸ್ ಬಿ ಆನಿ ಗೊಂಯ್ಚ್ಯಾ ಕ್ರಿಸ್ತಾಂವಾಂಚಿ ಬೋಲಿ ಆಯ್ಕುಂಕ್ ಮೆಳ್ಳ್ಯೊ. ನವಾಯತಿ ಬೊಲಿ ಆಯ್ಕುಂಕ್ ಬಿಸ್ಪ್ ಸಾಯ್ಬ್‌ಯಿ ಹಾಜರ್ ಆಸಲ್ಲೊ. ಅಶೆಂ ಕೊಂಕ್ಣೆಚಿ ವೈವಿಧ್ಯತಾ, ಕವಿತೆಚಿ ವೈವಿಧ್ಯತಾ ಪಯ್ಲೆ ಪಾವ್ಟಿಂ ಹಾಜರ್ ಜಾಲ್ಲ್ಯಾ ಸಬಾರಾಂಕ್ ದಿಸುನ್ ಆಯ್ಲಿ. ಭುರ್ಗ್ಯಾಂಕ್ ಪ್ರೋತ್ಸಾವ್ ದೀಂವ್ಕ್ ಟ್ರಸ್ಟಾಚೆಂ ಎಕೇಕ್ ಪುಸ್ತಕ್ ದಿಲೆಂ ಆನಿ ಪ್ರಮಾಣ್ ಪತ್ರಾಂ ವಾಂಟ್ಲಿಂ. ಎರಿಕ್ ಸೋನ್ಸ್ ಹಾಣೆ ಧನ್ಯವಾದ್ ದಿಲೆ.

-ವಿತೊರಿ ಕಾರ್ಕಳ್


कविता वाचन सर्त: उडुपी थावन ४ भुरगीं, ३ युवजणां फैनलाक

कविता फेस्ताची तयाराय जावन चलच्या कविता वाचन सरतेचो उडुपी पांवडो 'उजवाड' पत्राच्या सहकारान ह्याच ऑक्टोबर १०, तारिकेर उडुपी बिस्पाच्या घरच्या सभासालांत चल्लो. भुरग्यांच्या विभागा थावन ४ जणां आनी युवजणांच्या विभागा थावन ३ जणां फैनलाक विंचून आयल्यांत.

सुर्वेर कविता ट्रस्ट अध्यक्ष मेल्विन रोड्रीगसान सरवांक येवकार मागून सर्तेच्या नेमांविशीं तशेंच कविता ट्रस्टाच्या वावराविशीं माहेत दिली. उडुपिचो बिस्प अ.मा.दो. जेराल्ड इसाक लोबो हांणी स्परधिकांक बरें मागून 'उडुपींत जायतीं तालेंतां आसात. तांणी असल्या वेदीं मारिफात तीं उजळायजे' म्हण बरें मागलें. अध्यक्षान, बिस्पाक 'गांधीचें पर्जळीक फुडारपण' पुस्तक दीवन मान केलो.

नेल्सन आनी लवीना रोड्रीक्स प्रायोजीत चा.फ्रा. देकोस्ता स्मारक अखिल कर्नाटक भुरग्यांचे कोंकणी कविता वाचन सरतेंत १७ जणां आनी रोहन-लवीटा मोंतेरो प्रायोजीत अखिल भारत युवजणांच्या कोंकणी कविता वाचन सरतेच्या विभागांत १० जणांनी वांटो घेतलो. ह्या पावटीं एरमाळ, गंगोळ्ळी, भटकळ, बारकूर, कल्ल्यानपुर, पांबूर, अत्तूर, उडुपी, कुंटालनगर इत्यादी जाग्यां थावन स्परधिकां आसल्लीं.

फळितांश: १५ वर्सां सकयल्यांचो विभाग:
१. वीनल डेसा, अत्तूर
२. लेरिसा डिसोज, कल्यानपुर
३. रिवोन डायस, उडुपी
४. रिकिता नियोला सल्डान्हा, पांबूर

 

१५-३० वर्सां भितरल्यांचो विभाग:
१. लवीटा पिंटो गंगोळ्ळी
२. मिशेल आंद्रादे, बारकूर
३. मोहम्मद शुरेयम, भटकळ

ट्रस्टी आंडऱ्यू एल. डिकुन्हा, एवरेल रोड्रीगस, आनी कवी तशें संगीतगार एरीक सोन्स बारकूर हांणी स्परध्याची वरवणी केली. वितोरी कारकळ आनी फ्रांक्लीन फेरनांडिसान मांडावळींत सांगात दिलो.

'उजवाड' संपादक मा. चेतन लोबो, उडुपी दियेसेजिचो सार्वजनीक संपर्क अधिकारी मा. डेनीस डेसा, फा. एडविन डिसोजा, फा. रिचर्ड, फा. मार्टीस, नाटकिस्त जोन एम. पेर्मन्नूर, बरवपी मेल्विन कोळलगिरी आनी सबार स्परधिकांचीं व्हडिलां हाजर आसल्लीं.

कवितेचो भोंवार निर्माण करच्या ट्रस्टाच्या कामाचो फळ आतां दिसूंक लागला. मेल्विन रोड्रीगस, के.एन राव दांडेली, एंडऱ्यू डिकुन्हा, सी. आपोलिन बारेट्टो, बा सिपरियन लुविस, रान उद्यावर, रोबर्ट फेर्नांडिस, राघवेंद्र राव, एं.पी. रोड्रीगस, काव्यदास, किशू बारकूर, स्टॅनी बेळा, ग्वादलूप डायस, सुरेश सल्डान्हा, पी.जे. करुगळनडे, इकबाल सयीदी, अबीद अबू सिना, उब्बा मूडबिद्रे आनी माव्रीस डेसा हांच्यो कविता सादर जाल्यो. ह्या कविंचीं नांवां सरवांक कळ्ळीं. कविता वाचची रीत, सादर करची रीत सबारांक कळ्ळी.

मंगळुरी क्रिस्तांव, नवायती, जी एस बी आनी गोंयच्या क्रिस्तांवांची बोली आयकूंक मेळ्ळ्यो. नवायती बोली आयकूंक बिस्प सायबयी हाजर आसल्लो. अशें कोंकणेची वैविध्यता, कवितेची वैविध्यता पयले पावटीं हाजर जाल्ल्या सबारांक दिसून आयली. भुरग्यांक प्रोत्साव दीवंक ट्रस्टाचें एकेक पुस्तक दिलें आनी प्रमाण पत्रां वांटलीं. एरीक सोन्स हाणे धन्यवाद दिले.

-वितोरी कार्कळ

 




Title : ಕವಿತಾ ವಾಚನ್ ಸರ್ತ್: ಉಡುಪಿ ಥಾವ್ನ್ 4 ಭುರ್ಗಿಂ, 3 ಯುವಜಣಾಂ ಫೈನಲಾಕ್

Please fill in the form below with your feedback/ suggestions .

Fields marked with * are necessary



Disclaimer : Please write your correct name and email address. Kindly do not post any personal, abusive, defamatory, infringing, obscene, indecent, discriminatory or unlawful or similar comments. kavitaa.com/konkanipoetry.com will not be responsible for any defamatory message posted under this article.

Please note that sending false messages to insult, defame, intimidate, mislead or deceive people or to intentionally cause public disorder is punishable under law. It is obligatory on kavitaa.com / konkanipoetry.com to provide the IP address and other details of senders of such comments, to the authority concerned upon request.

Hence, sending offensive comments using kavitaa.com / konkanipoetry.com will be purely at your own risk, and in no way will kavitaa.com / konkanipoetry.com be held responsible.