Kavita Khobro

ಕವಿತಾ ಟ್ರಸ್ಟಾಚಿ ಕವಿತಾ ವಾಚನ್ ಸರ್ತ್: 44 ಜಣಾಂ ಕವಿತಾ ಫೆಸ್ತ್ ಸಂದರ್ಭಾರ್ ಜಾಂವ್ಚ್ಯಾ ಫೈನಲಾಕ್

ಕವಿತಾ ಟ್ರಸ್ಟಾಚಿ ಕವಿತಾ ವಾಚನ್ ಸರ್ತ್: 44 ಜಣಾಂ ಫೈನಲಾಕ್

ಕೊಂಕಣಿ ಕವಿತೆಚೆ ಸಮಗ್ರ್ ವಾಡಾವಳಿ ಖಾತೀರ್ ವಾವುರ್‍ಚ್ಯಾ ಕವಿತಾ ಟ್ರಸ್ಟಾನ್ ಆಪ್ಲಿ ವರ್ಸಾವಾರ್ ಕವಿತಾ ವಾಚನ್ ಸರ್ತ್ ಹ್ಯಾಚ್ ಸಪ್ಟೆಂಬರ್ ಆನಿ ಒಕ್ಟೋಬರ್ ಮ್ಹಯ್ನ್ಯಾಂನಿ ಕರ್ನಾಟಕ ತಶೆಂ ಗೊಂಯಾಂತ್ ಚಲೊವ್ನ್ ವೆಲಿ. ಪಣಜಿ, ಮಡ್ಗಾಂವ್, ಮಂಗ್ಳುರ್, ಬಂಟ್ವಾಳ್, ಉಡುಪಿ ತಶೆಂ ಮೂಡಬಿದ್ರಿಂತ್ ಚಲಲ್ಲ್ಯಾ ಪ್ರಾಥಮಿಕ್ ಪಾಂವ್ಡ್ಯಾಚೆ ಹೆ ಸರ್ತೆಂತ್ 220 ಜಣಾಂನಿ ಭಾಗ್ ಘೆತಲ್ಲೊ ಆಸುನ್ ಲ್ಹಾನಾಂಚ್ಯಾ ವಿಭಾಗಾಂತ್ 19 ಭುರ್ಗಿಂ ಆನಿ ವ್ಹಡಾಂಚ್ಯಾ ವಿಭಾಗಾಂತ್ 25 ಯುವಜಣಾಂ ಫೈನಲಾ ಖಾತೀರ್ ವಿಂಚುನ್ ಆಯ್ಲ್ಯಾಂತ್.

2016 ಜನೆರ್ 10 ತಾರಿಕೆರ್ ಮಂಗ್ಳುರ್ ಶಕ್ತಿನಗರಾಂತ್ ಆಸ್ಚ್ಯಾ ವಿಶ್ವ ಕೊಂಕಣಿ ಕೇಂದ್ರಾಂತ್ ಚಲ್ಚ್ಯಾ ಕವಿತಾ ಫೆಸ್ತ್ ಸಂದರ್ಭಾರ್ ಹೆಂ ಫೈನಲ್ಸ್ ಚಲ್ತಲೆಂ.

ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್ ಹಾಂಚ್ಯಾ ಪ್ರಾಯೋಜಕ್ಪಣಾಖಾಲ್ ಚಲ್ಚೆ ಚಾಫ್ರಾ ದೆಕೊಸ್ತಾ ಸ್ಮಾರಕ್ ಕವಿತಾ ವಾಚನ್ ಸರ್ತೆಚೆಂ ಹೆಂ ದುಸ್ರೆಂ ವರಸ್ ಜಾವ್ನಾಸಾ ತರ್ ರೋಹನ್ ಆನಿ ಲವೀಟಾ ಮೊಂತೇರೊ ಪ್ರಾಯೋಜಕ್ಪಣಾಖಾಲ್ ಚಲ್ಚಿ ಯುವಜಣಾಂಚಿ ಸರ್ತ್ ಆಂವ್ದುಂ ಪಾಂಚ್ವ್ಯಾ ವರ್ಸಾಂತ್ ಆಸಾ.

Finalists of Children's Poetry Reciting Competition

ಹೆ ಸರ್ತೆಚೆಂ ವಿಶೇಸ್ ಕಿತೆಂಕಿ ಮ್ಹಳ್ಯಾರ್ ಭಾಗ್ ಘೆತಲ್ಯಾಂನಿ ಸ್ವತಾಚಿ ಯಾ ಹೆರ್ ಖಂಯ್ಚ್ಯಾಯ್ ಕವಿಚಿ ಕವಿತಾ ವಾಚುಂಯೆತಾ. ಹೆ ಪ್ರಕ್ರಿಯೆಂತ್ ಭುರ್ಗಿಂ ಕವಿತೆಚೆ ಬೂಕ್ ವಾಚ್ತಾತ್, ಜಾಳಿ ಸುವಾತೆಂನಿ ಕವಿತಾ ಸೊಧ್ತಾತ್, ತ್ಯೊ ವಾಚುನ್ ತಾಂಚೊ ಅರ್ಥ್ ಸಮ್ಜುಂಚೆಂ ಪ್ರೇತನ್ ಕರ್‍ತಾತ್, ಕೊಂಕಣಿಚ್ಯೊ ವೆವೆಗ್ಳ್ಯೊ ಬೋಲಿ ಆಯ್ಕತಾತ್ ಆನಿ ಭೋವ್ ಲ್ಹಾನ್ ಪ್ರಾಯೆರ್ ಕವಿತೆ ಥಂಯ್ ಆಕರ್ಶಿತ್ ಜಾತಾತ್.

ಕವಿತಾ ಟ್ರಸ್ಟಾಚೊ ವಾವ್ರ್ 2001 ಇಸ್ವೆಂತ್ ದುಬಾಯ್ ಶೆರಾಂತ್ ಸುರು ಜಾಲ್ಲೊ. 2007 ಇಸ್ವೆಂತ್ ಹೆಂ ಟ್ರಸ್ಟ್ ರಿಜಿಸ್ಟರ್ಡ್ ಜಾಲೆಂ. ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ವಿಜೇತ್ ಕವಿ ಮೆಲ್ವಿನ್ ರೊಡ್ರಿಗಸ್ ಹ್ಯಾ ಟ್ರಸ್ಟಾಚೊ ಸ್ಥಾಪಕ್ ಅಧ್ಯಕ್ಷ್. ಕಿಶೂ ಬಾರ್ಕೂರ್, ಎವ್ರೆಲ್ ರೊಡ್ರಿಗಸ್, ಎಂಡ್ರ್ಯೂ ಡಿಕುನ್ಹಾ, ವಿತೊರಿ ಕಾರ್ಕಳ್ ಆನಿ ವಿಲಿಯಮ್ ಪಾಯ್ಸ್ ಹೆರ್ ಟ್ರಸ್ಟಿ.

 

ಭಾತ್ಮಿ: ವಿತೊರಿ ಕಾರ್ಕಳ್


कविता ट्रस्टाची कविता वाचन सर्त: ४४ जणां फैनलाक

कोंकणी कवितेचे समग्र वाडावळी खातीर वावुरच्या कविता ट्रस्टान आपली वर्सावार कविता वाचन सर्त ह्याच सप्टेंबर आनी ओक्टोबर म्हयन्यांनी कर्नाटक तशें गोंयांत चलोवन वेली. पणजी, मडगांव, मंगळूर, बंटवाळ, उडुपी तशें मूडबिद्रींत चलल्ल्या प्राथमीक पांवड्याचे हे सरतेंत २२० जणांनी भाग घेतल्लो आसून ल्हानांच्या विभागांत १९ भुरगीं आनी व्हडांच्या विभागांत २५ युवजणां फैनला खातीर विंचून आयल्यांत.

२०१६ जनेर १० तारिकेर मंगळूर शक्तीनगरांत आसच्या विश्व कोंकणी केंद्रांत चलच्या कविता फेस्त संंदर्भार हें फैनल्स चलतलें.

नेल्सन आनी लवीना रोड्रीक्स हांच्या प्रायोजकपणाखाल चलचे चाफ्रा देकोस्ता स्मारक कविता वाचन सरतेचें हें दुसरें वरस जावनासा तर रोहन आनी लवीटा मोंतेरो प्रायोजकपणाखाल चलची युवजणांची सर्त आंवदूं पांचव्या वर्सांत आसा.


Finalists of Youth Poetry Reciting Competition

हे सरतेचें विशेस कितेंकी म्हळ्यार भाग घेतल्यांनी स्वताची या हेर खंयच्याय कविची कविता वाचुंयेता. हे प्रक्रियेंत भुरगीं कवितेचे बूक वाचतात, जाळी सुवातेंनी कविता सोधतात, त्यो वाचून तांचो अर्थ समजुंचें प्रेतन करतात, कोंकणिच्यो वेवेगळ्यो बोली आयकतात आनी भोव ल्हान प्रायेर कविते थंय आकर्शित जातात.

कविता ट्रस्टाचो वावर २००१ इस्वेंत दुबाय शेरांत सुरू जाल्लो. २००७ इस्वेंत हें ट्रस्ट रिजिस्टर्ड जालें. साहित्य अकाडेमी प्रशस्ती विजेत कवी मेल्विन रोड्रीगस ह्या ट्रस्टाचो स्थापक अध्यक्ष. किशू बारकूर, एवरेल रोड्रीगस, एंडऱ्यू डिकुन्हा, वितोरी कारकळ आनी विलियम पायस हेर ट्रस्टी.

 

भातमी: वितोरी कार्कळ



Title : ಕವಿತಾ ಟ್ರಸ್ಟಾಚಿ ಕವಿತಾ ವಾಚನ್ ಸರ್ತ್: 44 ಜಣಾಂ ಕವಿತಾ ಫೆಸ್ತ್ ಸಂದರ್ಭಾರ್ ಜಾಂವ್ಚ್ಯಾ ಫೈನಲಾಕ್

Please fill in the form below with your feedback/ suggestions .

Fields marked with * are necessary



Disclaimer : Please write your correct name and email address. Kindly do not post any personal, abusive, defamatory, infringing, obscene, indecent, discriminatory or unlawful or similar comments. kavitaa.com/konkanipoetry.com will not be responsible for any defamatory message posted under this article.

Please note that sending false messages to insult, defame, intimidate, mislead or deceive people or to intentionally cause public disorder is punishable under law. It is obligatory on kavitaa.com / konkanipoetry.com to provide the IP address and other details of senders of such comments, to the authority concerned upon request.

Hence, sending offensive comments using kavitaa.com / konkanipoetry.com will be purely at your own risk, and in no way will kavitaa.com / konkanipoetry.com be held responsible.