Kavita Kular

ಎಕ್ಲೆಂ

ಸಂಪಾದಕೀಯ್:

ಭುರ್ಗ್ಯಾಂಚಿಂ ಭೊಗ್ಣಾಂ ಸಮ್ಜುಂಚಿಂ ತರೀ ಕೊಣೆಂ?

ನವ್ಯಾ ಯುಗಾಂತ್ ಆಮಿ ಜಿಯೆವ್ನ್ ಆಸಾಂವ್. ಆದಿಂ ಬಾಪಯ್ ಘೊಳುನ್ ಹಾಡ್ತಾಲೊ. ಆವಯ್ ರಾಂದುನ್ ವಾಡ್ತಾಲಿ. ಆತಾಂ ದೊಗಾಂಯ್ ನೋಕ್ರೆಕ್ ವೆತಾತ್. ಘರಾ ಜಿಂ ಭುರ್ಗಿಂ ಆಸಾತ್, ತಾಂಚಿ ಜತನ್ ಕರ್‍ತಲಿಂ, ಶಿಕಪ್ ಘೆತಲಿಂ, ಭೊಗ್ಣಾಂ ಸಮ್ಜತಲಿಂ, ಖೆಳ್ ಖೆಳ್ತಲಿಂ, ಮೊಗಾನ್ ದೋನ್ ಸಬ್ದ್ ಉಲಯ್ತಲಿಂ ಕೊಣ್ ಆಸಾತ್? ಕೊಣೂಯ್ ನಾಂತ್.

ಮಾಗೀರ್ ಹಿ 'ಸಿಂಗಲ್ ಮದರ್' ಜಾಂವ್ಕ್ ಪುರೊ. ತಿಣೆ ತರ್ ಕರ್‍ಚೆಂ ತರೀ ಕಿತೆಂ? ಹೆ ಹಾಲ್-ಹವಾಲ್ ಕೊಣಾಕ್ ಸಮ್ಜತಾತ್? ಎಕೆ ಸಂಕೀರ್ಣ್ ಪರಿಸ್ಥಿತಿಂತ್ಲ್ಯಾನ್ ಆಯ್ಚಿ ಸಮಾಜ್ ಪಾಶಾರ್ ಜಾವ್ನ್ ವೆತಾ. ಆಯ್ಚ್ಯಾ ಸಮಾಜಾಂತ್ಲಿಂ ಭುರ್ಗಿಂ ಜ್ಯಾ ಗೊಂದೊಳಾಂತ್ಲ್ಯಾನ್ ಪಾಶಾರ್ ಜಾತಾತ್, ತೊ ನಿವ್ರಾಂವ್ಕ್ ಕೊಣಾಚ್ಯಾನಯ್ ಸಾಧ್ಯ್ ನಾ. ರೂಪಾಲಿನ್ ಸಂಪ್ಯಾ ಉತ್ರಾಂನಿ ಆಪುರ್ಬಾಯೆಚಿ ಕವಿತಾ ಆಮ್ಚೆ ಮುಖಾರ್ ದವರ್‍ಲ್ಯಾ.

-ಮೆಲ್ವಿನ್ ರೊಡ್ರಿಗಸ್

ಕವಿತಾ:

 

 

 

 

 

 

ಎಕ್ಲೆಂ

ಟಕ್ ಟಕ್...ಟಕ್ ಟಕ್...
ಹಾಂವೆಂ ಫೊರ್ಸಾನ್ ದಾರಾರ್ ಮಾರ್‍ಲೆಂ
ಕೊಣೆ ಆಯ್ಕಲೆಂ ನಾ ಜಾವ್ಯೆತ್
ಬೊಲ್ಸಾಂತ್ಲೆ ಚಾವಿಯೆನ್ ‌ದಾರ್ ಉಘಡ್ಲೆಂ 
'ಮಮ್ಮಾ ಹಾಂವ್‌ ಪಾವ್ಲೆಂ, ಖಂಯ್ ಗೆ ತುಂ'
ಬೆಜಾರ್ ನಾ ಜಾಲ್ಯಾರ್‌ ಪುರೊ!
ಲಾಯ್ಟ್ ಪೆಟಯ್ತ್ ಹಾಂವ್‌ ಭಿತರ್‌ ಸರ್‍ಲೆಂ
ಅರೆಚ್ಯಾ! ಮಮ್ಮಾ ಯೇವ್ನಾ ದಿಸ್ತಾ
ಕಾಮಾರಚ್ ಆಸ್ತಲಿ ಆಜೂನ್ 
ಹಾಂವ್‌ ಸಾಪ್ಪ್ ವಿಸ್ರಲೆಂ
ಬೆಗಾಂತ್ಲಿ ತಸ್ರೀಪ್ ಮೆಜಾರ್ ದವ್ರತ್
ಹಾಂವ್‌ ವೊಂಠಾಂತ್ಲೆಂ ವೊಂಠಾಂತ್ ಪುಟ್ಪುಟ್ಲೆಂ
ಮಮ್ಮಾ ಆಸ್ಪಾಚಿ ಆಜ್‌ ‌ಘರಾ
ಮನಾಕ್ ಆಜ್‌ ಖೂಬ್‌ ದಿಸ್ಲೆಂ
ಸಗ್ಳ್ಯಾಂತ್ ಪಯ್ಲಿಂ ಟಿ.ವಿ ಲಾಯ್ಲೊ
ಘರಾನ್ ‌ಕೊಣ್ ಉಲಯ್ಲ್ಯಾವರಿ ದಿಸ್ಲೆಂ
ಮೆಜಾರ್ ದವ್ರೀಲ್ಲೆಂ ಜೆವಣ್ ಘೆವ್ನ್
ಹಾಂವ್‌ ಟಿ.ವಿ ಸಾಮ್ಕಾರ್ ಬಸ್ಲೆಂ
ಎಕ್ಲೆಂ ‌ಘರಾ ಯೆವಪ್. ಟಿ.ವಿ ಪಳೊವಪ್
ಸುರ್ವೆಕ್ ಸುರ್ವೆಕ್ ಬರೆಂ ದಿಸ್ತಾಲೆಂ
ಆತಾ ಘೆವ್ನ್ ಜೆವ್ಯಾಂ ದಿಸನಾ
ಪುಣ್ ಕೊಣಾಕ್‌ ಹಾಂವ್‌ ಸಾಂಗ್ತಲೆಂ?
ಖೂಬ್‌ ಖೂಬ್‌ ಉಲೊಂವ್ಚೆಂ ಆಸ್ತಾ
ಉಲಯ್ತ್ ಬಸ್ತಾ ವಣ್ತಿ ‌ಕಡೆನ್
ಅಭ್ಯಾಸ್‌ ಖೆಳ್‌ ಕರ್‍ತಾಂ ಎಕ್ಲೆಂ
ಉಲೊಂವ್ ತರಿ ಕೊಣಾ ‌ಕಡೆನ್ ?
ಸದಾಂಚ್ ಮ್ಹಣತ್ ಆಸ್ತಾತ್ ದೊಗಾಂಯ್
ಆಮಿ ‌ಲ್ಹಾನ್ ಆಸ್ತಾನಾ
ಅಶೆಂ ಕರ್‍ತಾಲಿಂ, ತಶೆಂ ಕರ್‍ತಾಲಿಂ
ಪುಣ್ ತುಮ್ಚೆ ‌ಲ್ಹಾನ್‍ಪಣಾಂತ್ ಖಂಯ್
ತುಮೀಯ್ ಅಶಿ ರಾವ್ತಾಲಿಂ ?
ಆಜ್‌ ಆಮ್ಕಾಂ ಮೆಳ್ತಾ
ತೆ ತೆನ್ನಾ ತುಮ್ಕಾಂ ಮೆಳ್ಳೆಂ ನಾ
ಪುಣ್ ತುಮ್ಕಾಂ ತೆನ್ನಾಂ ಮೆಳ್ತಾಲೆಂ
ತೆಂ ಆಮ್ಕಾಂಯ್ ಮೆಳುಂಕ್ ಪಾವ್ಲೆಂ ನಾ
ಟಕ್ ಟಕ್.. ಟಕ್ ಟಕ್ ..ಜಾಂವ್ಚೆ ಪಯ್ಲಿಂ
ಅಭ್ಯಾಸ್‌ ‌ಕರುನ್ ಸೊಪೊಂವ್ಕ್ ಜಾಯ್
ಮೂಡ್ ಬರೊ ಆಸ್ಲ್ಯಾರ್ ಪುರೊ
ಖೂಬ್‌ ಕಿತೆಂ ಉಲೊಂವ್ಕ್ ಜಾಯ್

-ರೂಪಾಲಿ ಕೀರ್ತನಿ

संपादकीय:

भुरग्यांचीं भोगणां समजुंचीं तरी कोणें?

नव्या युगांत आमी जियेवन आसांव. आदीं बापय घोळून हाडतालो. आवय रांदून वाडताली. आतां दोगांय नोकरेक वेतात. घरा जीं भुरगीं आसात, तांची जतन करतलीं, शिकप घेतलीं, भोगणां समजतलीं, खेळ खेळतलीं, मोगान दोन सब्द उलयतलीं कोण आसात? कोणूय नांत.

मागीर ही 'सिंगल मदर' जावंक पुरो. तिणे तर करचें तरी कितें? हे हाल-हवाल कोणाक समजतात? एके संकीर्ण परिस्थितिंतल्यान आयची समाज पाशार जावन वेता. आयच्या समाजांतलीं भुरगीं ज्या गोंदोळांतल्यान पाशार जातात, तो निवरावंक कोणाच्यानय साध्य ना. रूपालीन सोंप्या उतरांनी आपुरबायेची कविता आमचे मुखार दवरल्या.

-मेल्विन रोड्रीगस

कविता

अेकलें

टक टक...टक टक...
हांवे फोर्सान दारार मारलें
कोणे आयकले ना जावये
बोल्सांतले चावयेन दार उघडलें
'मम्मा हांव पावले, खंय गे तूं'
बेजार ना जाल्यार पुरो!
लायट पेटयत हांव भितर सरलें
अरेच्या! मम्मा येउना दिसता
कामारच आसतली अजून
हांव साप्प विसरलें
बेगांतली तसरीप मेजार दवरत
हांव ओठांतलेओठांत पुटपुटलें
मम्मा आसपाची आज घरा
मनाक आज खूब दिसलें
सगळ्यांत पयलीं टी.वी लायलो
घरान कोण उलयल्यावरी दिसलें
मेजार दवरील्ले जेवण घेवन
हांव टी.वी सामकार बसलें
एकलें घरा येवप, टी.वी पळोवप
सुर्वेक सुर्वेक बरें दिसतालें
आता घेऊन जेवनय दिसना
पुण कोणाक हांव सांगतले ?
खूब खूब उलोवचे आसता
उलयत बसता वणती कडेन
अभ्यास खेळ करता एकलें
उलोंव तरी कोणा कडेन ?
सदांच म्हणत आसतात दोगांय
आमी ल्हान आसताना
अशें करताली तशे करताली
पूण तुमचे ल्हान पणांत खंय
तुमीय अशी रावताली ?
आज आमका मेळता
ते तेन्ना तुमकां मेळ्ळे ना
पूण तुमकां तेन्ना मेळ्ताले
ते आमकाय मेळूंक पावले ना
टक टक.. टक टक ..जावचे पयलीं
अभ्यास करून सोपोवंक जाय
मूड बरो आसल्यार पुरो 
खूब कितें उलोवंक जाय

-रुपाली किर्तनी



Title : ಎಕ್ಲೆಂ

Please fill in the form below with your feedback/ suggestions .

Fields marked with * are necessary



Disclaimer : Please write your correct name and email address. Kindly do not post any personal, abusive, defamatory, infringing, obscene, indecent, discriminatory or unlawful or similar comments. kavitaa.com/konkanipoetry.com will not be responsible for any defamatory message posted under this article.

Please note that sending false messages to insult, defame, intimidate, mislead or deceive people or to intentionally cause public disorder is punishable under law. It is obligatory on kavitaa.com / konkanipoetry.com to provide the IP address and other details of senders of such comments, to the authority concerned upon request.

Hence, sending offensive comments using kavitaa.com / konkanipoetry.com will be purely at your own risk, and in no way will kavitaa.com / konkanipoetry.com be held responsible.


 A  B  C  D  E  F  G  H  I  J  K  L  M
 
 N  O  P  Q  R  S  T  U  V  W  X  Y  Z