ಸಂಪಾದಕೀಯ್:
ಮಾತ್ಯಾವಯ್ಲೆಂ ವೊತ್ ಥಂಡ್ ಕರ್ಚೆಂ ಕಶೆಂ?
ದೊನ್ಪಾರಾಚೆರ್ ಖಂತ್ ಉಚಾರ್ಪಿ ಕವಿತಾ ಹಿ. ಖರ್ ದೊನ್ಪಾರಾಂ ಭಾಯ್ರ್ ವೊತಾಕ್ ಚಲೊಂಕ್ ಕೊಣಾಕ್ ಬರೆಂ ಲಾಗತ್? ಖಂಯ್ಚ್ಯಾಯ್ ಜಿವಾಕ್ ಲೆಗುನ್ ಸಾವ್ಳೆಚಿ ಆಶಾ ಭೊಗತ್. ವಾರ್ಯಾಚೊ ಮೋಗ್ ಉಸತ್. ಪುಣ್ ಭೊಂವ್ತಣಿ ಕರ್ಪಲ್ಲೆ ರೂಕ್ ಆನಿ ವೇಗ್ ನಾಸ್ತಾಂ ಥೊಂಟೆಂ ಜಾಲ್ಲೆಂ ವಾರೆಂ ಆಸಾ ಜಾಲ್ಯಾರ್! ಹ್ಯಾವೆಳಾ ಮನ್ ರಾಗಾನ್ ಕಡ್ಕಡೊಂಕ್ ಆಸಾ ಆನಿ ಮಾತ್ಯಾಚೆರ್ ವೊತಾಚೊ ಹುಲಪ್ ಆನಿಕಯ್ ಚಡೊಂಕ್ ಆಸಾ.
ಪುಣ್ ಹಾಂಗಾಚೊ ಕವಿ ವೆಗ್ಳೆಂಚ್ ಚಿಂತ್ತಾ. ದೊನ್ಪಾರ್ ಲೆಗುನ್ ಸಾವ್ಳಿ ಆಶೆತಾ ಕೊಣ್ಣಾ ಮ್ಹಣೊನ್ ತಾಚೆಂ ಚಿಂತಪ್. ಆನಿ ಹ್ಯಾ ಚಿಂತ್ಪಾಕ್ ಲಾಗುನ್ ತಾಚ್ಯಾ ಮಾತ್ಯಾ ವಯ್ಲೆಂ ವೊತ್ ಥಂಡ್ ಕರುಂಕ್ ತೊ ಸಕ್ತಾ.
-ಮೆಲ್ವಿನ್ ರೊಡ್ರಿಗಸ್
ಕವಿತಾ:
ದೊನ್ಪಾರ್
ಚುಕಿಲ್ಲೆ ತೆ ವಾಟೆರ್
ದಿಸ್ಲಿಂ ಪಾಚ್ವಿಂಚಾರ್ ಶೆತಾಂ,
ಅನ್ವಳ್ಖಿ ಜಾಂವ್ ತಿ ವಾಟ್
ಥಂಯ್ ವಳ್ಖಿಚೀಂಚ್ ಗಣಿತಾಂ.
ರಖ್ರಖೀತ್ ವೊತ್
ಕಡ್ಕಡೀತ್ ದೊನ್ಪಾರ್,
ಆಂಗಾರ್ ವೊಡ್ಪಾಕ್ ನಾ
ಝಾಡಾಪೆಡಾಂಚಿ ಝಾಲರ್.
ಖಿಣ್ಭರ್ ದಿಸ್ಲೆಂ
ಖಂಯ್ ಯೇವ್ನ್ ಫಸ್ಲೆಂ,
ದಿಸ್ಲಿ ದೊನ್ಪಾರಾಂಚಿ ಕಾಕ್ಳುಟ್
ವೊಗೀಚ್ ತಿಕಾ ಶಿಣ್ಲೆಂ.
ದೊನ್ಪಾರೂಯ್ ಆಸುಂಸ್ತಾ ಆಸ್ತಲಿ ನ್ಹಯ್
ಮನ್ಶಾಂಚೆ ಸಾವ್ಳೆಕ್,
ಉಮ್ಗಲೆಂ ಮ್ಹಾಕಾ ತೆನ್ನಾ
ಸ್ವತಾ ಭಿತರಚ್ ಹಾಂವ್ ಕುಡ್ಕುಡ್ಲೆಂ.
-ಅನ್ವೇಷಾ ಸಿಂಗ್ಬಾಳ್
संपादकीय
मात्यावयलें वोत थंड करचें कशें?
दोनपाराचेर खंत उचारपी कविता ही. खर दोनपारां भायर वोताक चलोंक कोणाक बरें लागत? खंयच्याय जिवाक लेगून सावळेची आशा भोगत. वारयाचो मोग उसत. पूण भोंवतणी कर्पल्ले रूक आनी वेग नासतां थोंटें जाल्लें वारें आसा जाल्यार! ह्यावेळा मन रागान कडकडोंक आसा आनी मात्याचेर वोताचो हुलप आनिकय चडोंक आसा.
पूण हांगाचो कवी वेगळेंच चिंत्ता. दोनपार लेगून सावळी आशेता कोण्णा म्हणोन ताचें चिंतप. आनी ह्या चिंत्पाक लागून ताच्या मात्या वयलें वोत थंड करुंक तो सक्ता.
-मेल्विन रोड्रीगस
कविता:
दनपार
चुकिल्ले ते वाटेर
दिसली पांचवीचार शेतां,
अनवळखी जाव ती वाट
थंय वळखीचीच गणितां.
रखरखीत वत
कडकडीत दनपार,
आंगार ओडपाक ना
झाडापेडांची झालर.
खीणभर दिसलें
खंय येवन फसलें,
दिसली दनपाराची काकुळट
ओगीच तिका शिणलें.
दनपारूय आसुंसता आसतली न्हय
मनश्यांचे सावळेक,
उमगलें म्हाका तेन्ना
स्वता भितरच हांव कुडकूडलें..
-अनवेषा सिंगबाळ
