Poems

ರಾಂದ್ಲೆಂ ರಾಂದಪ್

ಚಾ. ಫ್ರಾ. ದೆಕೊಸ್ತಾ

ಕವಿತಾ:

ರಾಂದ್ಲೆಂ ರಾಂದಪ್

ರಾಂದ್ಲೆಂ ರಾಂದಪ್ ಚಿಂತ್ಲ್ಯಾಪರಿಂ ಪಾನಾರ್ ಪಾವನಾ
ನಾಂಗಾ ನಾ, ನಾ, ನಾಂಗಾ ನಾ, ನಾ

ರಾತ್ ಮ್ಹಣಾ ಮೆಣಾಲಾಗಿಂ ವಾತ್ ಜಳ್ಟಾನಾ
ರಾತಯ್ ಆಸಾ, ವಾತಯ್ ಆಸಾ ತುಂಚ್‍ಮುಂಗೊ ನಾ

ಲೆಂವ್ಟ್ಯಾ ನಾಕಾಕ್ ಆದಿಂಚ್ ಕಶಿ ಗಜಾಲ್ ಕಳ್ಳಿ ನಾ
ಜಾಯ್ ಲೆಗುನ್ ಬಾವ್ಲಿ ಜಾಲ್ಯಾರ್ ಪರ್ಮಳ್ ದಿಂವ್ಚಿ ನಾ

ಉಮಾಳ್ಯಾಂಚೊ ಕಾಟ್ ಜಿರೊನ್ ದೂಕ್ ಗಳ್ಟಾನಾ
ಗಳಯಿಲ್ಲೆಂ ದೂಕ್ ದೊಳೊ ಪರತ್ ಘೆಂವ್ಚೊ ನಾ

ತಾನೆಕ್ ಮ್ಹಣ್ ನಿರ್ವೊಗ್ ನಾಸ್ತಾಂ ದರ್ಯಾಕ್ ಉಡ್ಟಾನಾ
ದರ್ಯಾ ತಾಚಿ ತಾನ್ ಭಾಗಯ್ ತುಜಿ ಭಾಗ್ಚಿ ನಾ

ಸಾಯ್ಬಿಣಿಚ್ಯಾ ಮೊಗಾನ್ ವಾಟ್ಲೆಕ್ ಪಾವ್ಲಿ ಘಾಲ್ತಾನಾ
ಮೋಗಯ್ ಗೆಲೊ, ಪಾವ್ಲೀಯ್ ಗೆಲಿ ಪರತ್ ಯೆಂವ್ಚಿ ನಾ

-ಚಾ.ಫ್ರಾ. ದೆಕೊಸ್ತಾ