1. ಹ್ಯೆ ಸರ್ತಿಂತ್ ಪಂದ್ರಾ ಥಾವ್ನ್ ತೀಸ್ ವರ್ಸಾಂ ಭಿತರ್‍ಲ್ಯಾ ವ್ಯಕ್ತಿಂನಿ ಭಾಗ್ ಘೆವ್ಯೆತಾ. हे सरतींत पंदरा थावन तीस वरसां भितरल्या व्यक्तिंनी भाग घेव्येता.

2. ಪ್ರಾಯೆ ಬಾಬ್ತಿಂ ರುಜ್ವಾತ್ ಗರ್ಜೆಚಿ. प्राये बाबतीं रुजवात गरजेची.

3. ಭಾಗ್ ಘೆತಲಿಂ ಕೊಂಕಣಿ ಭಾಷಿಕಚ್ ಆಸಜಾಯ್ ಮ್ಹಣೊನ್ ನಾ. भाग घेतलीं कोंकणि भाषिकच आसजाय म्हणोन ना.

4. ಭಾಗ್ ಘೆತಲ್ಯಾಂನಿ ಸ್ವತಾಚಿ ಯಾ ಹೆರ್ ಖಂಯ್ಚ್ಯಾಯ್ ಕವಿಚಿ ಏಕಚ್ ಕೊಂಕಣಿ ಕವಿತಾ ವಾಚಿಜಾಯ್. भाग घेतलयंनी स्वताची या हेर खंयच्याय कविची एकच कोंकणी कविता वाचीजाय.

5. ವಾಚ್ಚಿ ಕವಿತಾ ತಿ ವಾಚ್ತಾಸ್ತಾನಾ ಉಣ್ಯಾರ್ ದೇಡ್ ಮಿನುಟಾಂ ಆನಿ ಚಡ್ ಮ್ಹಳ್ಯಾರ್ ತೀನ್ ಮಿನುಟಾಂಚಿ ಆಸುಂಯೆತಾ. वाच्ची कविता ती वाचतासताना उण्यार देड मिनुंटां आनी चड म्हळ्यार तीन मिनुटांची आसुंयेता.

6. ಭಾಗ್ ಘೆತಲ್ಯಾಂನಿ ಆಪ್ಣೆಂ ವಾಚ್ಚ್ಯಾ ಕವಿತೆಚಿ ಏಕ್ ಪ್ರತಿ ಸರ್ತೆ ದಿಸಾ, ಪ್ರಾಯೆಚೆ ರುಜ್ವಾತೆಸವೆಂ, ವ್ಯವಸ್ಥಾಪಕಾಂಕ್ ದೀಜಾಯ್. ಹಿ ಪ್ರತಿ ಟೈಪ್ ಕೆಲ್ಲಿ ಆಸೊಂಕ್ ಜಾಯ್. ಹೆ ಪ್ರತಿಯೆಂತ್ ಕವಿತಾ ಸಾಂಗಾತಾ, ಕವಿತೆಚೆಂ ಆನಿ ಕವಿಚೆಂ ನಾಂವ್, ವಾಚ್ಪ್ಯಾಚೆಂ ನಾಂವ್, ಪತ್ತೊ, ಫೊನ್ ನಂಬರ್, ಈಮೇಯ್ಲ್ ಪತ್ತೊ, ಪ್ರಾಯ್ ಬರಯಿಲ್ಲಿ ಆಸೊಂಕ್ ಜಾಯ್. भाग घेतल्यांनी आपणें वाचच्या कवितेची एक प्रती सरते दिसा, प्रायेचे रुजवाते सवें, व्यवस्थापकांक दीजाय. ही प्रती टैप केल्ली आसोंक जाय. हे प्रत्येंत कविता सांगाता, कवितेचें आनी कविचें नांव, वाचप्याचें नांव, पत्तो, फोन नंबर, ईमेय्ल पत्तो, प्राय बरयल्ली आसोंक जाय.

7. ಹಿ ಸರ್ತ್ ದೋನ್ ಹಂತಾಂನಿ ಜಾತಲಿ. ही सर्त दोन हंतांनी जातली.

8. ಪಯ್ಲ್ಯಾ ಹಂತಾಚೊ ಸ್ಪರ್ಧೊ ಮಂಗ್ಳುರ್ ಆನಿ ಗೊಂಯಾಂತ್ ಒಕ್ಟೋಬರ್ / ನವೆಂಬರ್ ಮ್ಹಯ್ನ್ಯಾಂನಿ ಚಲ್ತಲೊ. ಮಂಗ್ಳುರಾಂತ್ ಚಲ್ಚೆ ಸರ್ತೆಕ್ ಗೊಂಯ್ ಸೊಡ್ನ್ ಕರ್ನಾಟಕ ತಶೆಂ ಹೆರ್ ರಾಜ್ಯಾಚ್ಯಾಂನಿ ಭಾಗ್ ಘೆವ್ಯೆತಾ. पयल्या हंताचो स्पर्धो मंगळूर आनी गोंयांत ओक्टोबर / नवेंबर म्हयन्यांनि चलतलो. मंगळुरांत चलचे सर्तेक गोंय सोडन कर्नाटक तशें हेर राज्याच्यांनी भाग घेव्येता.

9. ಗೊಂಯಾಂತ್ ಚಲ್ಚೆ ಸರ್ತೆಕ್ ಫಕತ್ ಗೊಂಯ್ಚ್ಯಾ ಸ್ಪರ್ಧಿಕಾಂಕ್ ಆವ್ಕಾಸ್. गोंयांत चलचे सर्तेक फकत गोंयच्या स्पर्धिकांक अवकास.

10. ಪಯ್ಲ್ಯಾ ಹಂತಾಚೆ ಸರ್ತೆಕ್ ಸ್ಪರ್ಧಿಕಾಂಕ್ ಖರ್ಚಾ ಬಾಬ್ತಿಂ ಕಸಲೇಂಯ್ ಭಾತೆಂ ಕವಿತಾ ಟ್ರಸ್ಟ್ ದೀನಾ. पयल्या हंताचे सर्तेक स्पर्धिकांक खर्चा बाबतीं कसलेंय भातें कविता ट्रस्ट दीना.

11. ಮಂಗ್ಳುರಾಂತ್ ಧಾ ತಶೆಂ ಗೊಂಯಾಂತ್ ಧಾ - ಅಶೆಂ ಜುಮ್ಲಾ ವೀಸ್ ಸ್ಪರ್ಧಿಕ್ ನಿಮಾಣ್ಯಾ ಹಂತಾಚೆ ಸರ್ತೆಕ್ ವಿಂಚುನ್ ಯೆತಲಿಂ. मंगळूरांत धा तशें गोंयांत धा - अशें जुमला वीस स्पर्धीक निमाण्या हंताचे सर्तेक विंचून येतलीं.

12. ನಿಮಾಣ್ಯಾ ಹಂತಾಚಿ ಸರ್ತ್ ಕವಿತಾ ಫೆಸ್ತ್ ಸಂದರ್ಭಾರ್ ಹರ್‍ಯೆಕಾ ವರ್ಸಾ ಜನೆರ್ ಮ್ಹಯ್ನ್ಯಾಚ್ಯಾ ದುಸ್ರ್ಯಾ ಆಯ್ತಾರಾ ಚಲ್ತಲಿ. ಭಾಗ್ ಘೆಂವ್ಚ್ಯಾ ಸ್ಪರ್ಧಿಕಾಂಕ್ ಪಯ್ಣಾ ಭಾತೆಂ, ರಾವ್ಪಾಚೊ ಖರ್ಚ್ ಕವಿತಾ ಟ್ರಸ್ಟ್ ದಿತಲೆಂ. निमाण्या हंताची सर्त कविता फेस्त संदर्भार हरयेका वरसा जनेर म्हयन्याच्या दुसर्‍या आयतारा चलतली. भाग घेंवच्या स्पर्धिकांक पयणा भातें, रावपाचो खर्च कविता ट्रस्ट दितलें.

13. ನಿಮಾಣ್ಯಾ ಹಂತಾಕ್ ಕವಿತಾ ವಾಚ್ತಲ್ಯಾಂನಿ ವಾಚ್ಯೆತ್ ಜಾಲ್ಲ್ಯೊ ತೀನ್ ಕವಿತಾ ಕವಿತಾ ಟ್ರಸ್ಟಾಕ್ ಎಕಾ ಮ್ಹಯ್ನ್ಯಾ ಆದಿಂ ಪಾವೀತ್ ಕರಿಜಾಯ್. ಸರ್ತೆ ದಿಸಾ ಕವಿತಾ ಟ್ರಸ್ಟಾನ್ ವಿಂಚಲ್ಲಿ ಏಕ್ ಕವಿತಾ ಮಾತ್ರ್ ತಾಂಕಾಂ ವಾಚನ್ ಕರುಂಕ್ ಆವ್ಕಾಸ್. निमाण्या हंताक कविता वाचतल्यांनी वाच्येत जाल्ल्यो तीन कविता, कविता ट्रस्टाक एका म्हयन्यां आदीं पावीत करीजाय. सर्ते दिसा कविता ट्रस्टान विंचल्ली एक कविता मात्र तांकां वाचन करूंक आवकास.

14. ಕವಿತಾ ವಾಚ್ತಾನಾ ಕವಿತೆಚೆಂ ಆನಿ ಕವಿಚೆಂ ನಾಂವ್ ಸಾಂಗುಂಯೆತಾ ಸೊಡ್ಲ್ಯಾರ್ ಹೆರ್ ಖಂಯ್ಚೋಯ್ ವಿವರ್ ದೀಂವ್ಕ್ ಆವ್ಕಾಸ್ ನಾ. कविता वाचताना कवितेचें आनी कविचें नांव सांगुंयेता सोडल्यार हेर खंयचोय विवर दींवक आवकास ना.

15. ಕವಿತಾ ವಾಚನಾ ವೆಳಾರ್, ಕವಿತೆಂತ್ಲೊ ವಿಷಯ್ ಲೊಕಾಕ್ ಸಲೀಸಾಯೆನ್ ಕಳೊಂವ್ಚ್ಯಾಂತ್ ವಾಚಕಾಕ್ ಆಸ್ಚಿ ಪ್ರತಿಭಾ ಲೆಕಾಕ್ ಧರ್‍ತಲ್ಯಾಂವ್ ಸೊಡ್ಲ್ಯಾರ್ ಕವಿತಾ ನ್ಹಯ್. ತರಿಪುಣ್ ವಿಂಚ್ಲಲಿ ಕವಿತಾ ಇನಾಮ್ ಜೊಡ್ಚ್ಯಾಕ್ ಪೂರಕ್ ಜಾತಾ ಮ್ಹಣೊನ್ ಸಮ್ಜೊಂಚೆಂ. ತಾಳೊ, ಸುಡಾಳಾಯ್ ಹೇಂಯ್ ಗರ್ಜೆಚೆಂ. कविता वाचना वेळार, कवितेंतलो विषय लोकाल सलीसायेन कळोंवच्यांत वाचकाक आसची प्रतिभा लेकाक धरतल्यांव सोडल्यार कविता न्हय. तरिपूण विंचलली कविता इनाम जोडच्याक पूरक जाता म्हणोन समजोंचें. ताळो, सुडाळाय हेंय गरजेचें.

16. ಭಾಗ್ ಘೆತಲ್ಯಾಂನಿ ತಾಂಚಿಂ ನಾಂವಾಂ, ಪತ್ತೊ, ಫೊನ್ ನಂಬರ್ kavitatrust@gmail.com ಹ್ಯಾ ಈಮೇಯ್ಲಾಕ್ ಬರೊವ್ನ್ ಧಾಡ್ಲ್ಚೊ. ಫೊನ್ ನಂಬರ್: 9980136297. भाग घेतल्यांनी तांचीं नांवां, पत्तो, फोन नंबर kavitatrust@gmail.com ह्या ईमेय्लाक बरोवन धाडच्यो. फोन नंबर : 9980136297

17. ಸರ್ತೆಚೊ ಜಾಗೊ, ತಾರೀಕ್ ಭಾಗ್ ಘೆತಲ್ಯಾಂಕ್ ಆಮಿ ಈಮೇಯ್ಲಾರ್ ಯಾ ಫೊನಾಚೆರ್ ಕಳಯ್ತಲ್ಯಾಂವ್. सर्तेचो जागो, तारीक, भाग घेतल्यांक आमी ईमेय्लार या फोनाचेर कळयतल्यांव.

ತೀನ್ ಇನಾಮಾಂ ಆಸ್ತಲಿಂ. तीन इनामां आसतलीं

ಪಯ್ಲೆಂ: ರುಪಯ್ 2500 ತಶೆಂ ಟ್ರೋಫಿ ಆನಿ ಸರ್ಟಿಫಿಕೆಟ್; पयलें : रुपय 2500 तशें ट्रॊफी आनी सर्टीफिकेट;
ದುಸ್ರೆಂ: ರುಪಯ್ 2000 ತಶೆಂ ಟ್ರೋಫಿ ಆನಿ ಸರ್ಟಿಫಿಕೆಟ್; दुसरें : रुपय 2000 तशें ट्रॊफी आनी सर्टीफिकेट;
ತಿಸ್ರೆಂ: ರುಪಯ್ 1000 ತಶೆಂ ಟ್ರೋಫಿ ಆನಿ ಸರ್ಟಿ ಫಿಕೆಟ್; तिसरें: रुपय 1000 तशें ट्रॊफी आनी सर्टीफिकेट.