ಬೆಂಗ್ಳುರ್ ಉದ್ಯಾನ್‍ನಗರಿಂತ್ ಕೊಂಕಣಿ ಕಾವ್ಯಾಚರಣ್. ಮೆಲ್ವಿನ್ ರೊಡ್ರಿಗಸಾಲಾಗಿಂ ಸಂವಾದ್.

ಬೆಂಗ್ಳುರ್ ಉದ್ಯಾನ್‍ನಗರಿಂತ್ ಕವಿತಾ ಟ್ರಸ್ಟಾ ತರ್ಫೆನ್ ಪಯ್ಲೆ ಪಾವ್ಟಿಂ ಹ್ಯಾಚ್ ಜ್ಯೂನ್ ಮ್ಹಯ್ನ್ಯಾಚೆ 22 ತಾರಿಕೆರ್ ಚಲಲ್ಲಿ ಕವಿಗೋಷ್ಟಿ, ಹಾಜರ್ ಆಸಲ್ಲ್ಯಾ ಥೊಡ್ಯಾಚ್ - ಪುಣ್ ವಿಂಚ್ಲಲೆ ಕೊಂಕಣಿ ಪರ್ಜೆಚ್ಯಾ ಕಾಳ್ಜಾಮನಾಂನಿ ಶಾಸ್ವಿತ್ ಕವಿತೆಚೆ ದಾಧೊಸ್ಕಾಯೆಚಿ ಅದ್ಭುತ್ ಮ್ಹೊರ್ ದಾಂಬೂನ್ ಗೆಲಿ. ರಾಜಾಜಿನಗರಾಂತ್ಲ್ಯಾ ಕಾರ್ಮೆಲಿತ್ ಫ್ರಾದಿಂಚ್ಯಾ ಸದ್ಭಾವನಾ ಸಭಾಸಾಲಾಚೆ ಶಾಂತತೆಚ್ಯಾ ವಾತಾವರಣಾಂತ್ ರಂಗಲ್ಲೆ ಹೆ ಗೋಷ್ಟಿಚೆಂ ಸುಂಕಾಣ್, ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಥಾವ್ನ್ ಪುಸ್ತಕ್ ಪುರಸ್ಕೃತ್ ವಿಜೇತ್ ಕವಿ ಎಂಟನಿ ಬಾರ್ಕೂರ್ ಹಾಣೆ ಘೆತಲ್ಲೆಂ.

ಥಳೀಯ್ ಸಂಯೋಜಕಾಂ ಪಯ್ಕಿ ಎಕ್ಲೊ ಜಾವ್ನಾಸಲ್ಲ್ಯಾ, ಕವಿತಾ.ಕೊಮ್ ಜಾಳಿಜಾಗ್ಯಾರ್ ಆಪ್ಲ್ಯಾ 'ಮೊತಿಯಾಂಚಿಂ ಮೊಲಾಂ' ಅಂಕಣಾದ್ವಾರಿಂ ವೊಳ್ಕಿಚೊ ಮ್ಯಾಕ್ಸಿಮ್ ಲೋಬೊ ಹಾಣೆಂ ಚಾ.ಫ್ರಾ. ದೆಕೊಸ್ತಾಚ್ಯಾ 'ಖಂಯ್ ಪುರ್‍ಲಾ ಕವಿಕ್?' ಕವಿತೆ ಮಾರಿಫಾತ್ ಕಾರ್ಯಾಚೆ ಸುರ್‍ವೆರ್ ಸರ್ವಾಂಕ್ ಯೆವ್ಕಾರ್ ಮಾಗ್ತಚ್, ಕವಿತಾ ಟ್ರಸ್ಟ್ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸ್ ಹಾಣೆ ಕವಿತಾ ಮ್ಹಳ್ಯಾರ್ ಆಪುಣ್ ಕಿತೆಂ ಸಮ್ಜತಾಂ, ಕವಿತಾ ಕೊಣ್ ಕಿತ್ಯಾಕ್ ಬರಯ್ತಾ, ಕವಿತಾ ಕೊಣ್ ಕಿತ್ಯಾಕ್ ವಾಚ್ತಾ ಮ್ಹಳ್ಳೆವಿಶಿಂ ವೆವೆಗ್ಳ್ಯಾ ದಾಕ್ಲ್ಯಾಂ ಮಾರಿಫಾತ್ ವಿವರ್ ದಿಲೊ. ಉಪ್ರಾಂತ್ ಕವಿತಾ ಟ್ರಸ್ಟಾಚ್ಯಾ ಮಿಸಾಂವಾಂ ವಿಶಿಂ, ತಶೆಂ ಕಾರ್ಯಾಂವಿಶಿಂ ಉಲಯಿಲ್ಲ್ಯಾ ತಾಣೆಂ ಫುಡಾರಾಂತ್ ಕಾರ್ಮೆಲಿತ್ ಘರಾಚ್ಯಾ ತಶೆಂ ಹೆರ್ ಕೊಂಕಣಿ ಸಂಸ್ಥ್ಯಾಂಚ್ಯಾ ಸಹಕಾರಾನ್ ಅಸಲಿಂ ಕೊಂಕಣಿ ಕಾರ್ಯಕ್ರಮಾಂ ಸರಾಗ್ ಬೆಂಗ್ಳೂರಾಂತ್ ಮಾಂಡುನ್ ಹಾಡ್ಚೆವಿಶಿಂ ಹುಮೆದ್ ಪರ್ಗಟ್ ಕೆಲಿ.

ಹ್ಯಾ ನಂತರ್ ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಜೊಡ್ಪಿ ಕವಿ ಮೆಲ್ವಿನ್ ರೊಡ್ರಿಗಸಾಲಾಗಿಂ ಮ್ಯಾಕ್ಸಿಮ್ ಲೋಬೊನ್ ಸಂವಾದ್ ಚಲಯ್ಲೊ. ವಾಚ್ಪ್ಯಾಕ್ ಮಿಸ್ತಿಕತೆಚ್ಯಾ ಸಂಸಾರಾಕ್ ಆಪೊವ್ನ್ ವ್ಹರ್‍ಚಿ 'ಪ್ರಕೃತಿಚೊ ಪಾಸ್' ಕವಿತೆದ್ವಾರಿಂ ಸುರು ಕರುನ್, ಪ್ರಕೃತಿಚ್ಯಾ ಪಾಲ್ವಾಲಾಗಿಂ ಖೆಳ್ ಖೆಳ್ತಾನಾ, ಜೊಡಲ್ಲ್ಯಾ ಅನ್ಭೋಗಾಚಿ ವೆಗ್ಳಿಚ್ ಕೂಸ್ ಪಾಚಾರ್‍ಚಿ 'ಮಲೆಕೊಡಿ' ಕವಿತೆಪರ್‍ಯಾಂತ್ ಹೊ ಸಂವಾದ್ ವೆವೆಗ್ಳ್ಯಾ ಸ್ತರಾಂಚೆರ್ ಚಿಂತಪ್ ಆಟಯೀತ್ ಗೆಲೊ. ಹಾಜರ್ ಆಸಲ್ಲ್ಯಾ ಪ್ರೇಕ್ಷಕಾಂನಿ ಸೈತ್ ತಾಂಚ್ಯಾ ಸವಾಲಾಂನಿ ಹಾಂತುಂ ವಾಂಟೊ ಘೆತ್ಲೊ.

ಉಪ್ರಾಂತ್ಲೆ ಕವಿಗೋಷ್ಟಿಂತ್ ಅಧ್ಯಕ್ಷ್‍ಪಣ್ ಘೆತಲ್ಲ್ಯಾ ಎಂಟನಿ ಬಾರ್ಕೂರಾನ್ ಹರ್‍ಯೆಕ್ಲ್ಯಾಂನಿ ತಾಂಚ್ಯೊ ಕವಿತಾ ಸಾದರ್ ಕರ್‍ತಾನಾ, ಚಾಫ್ರಾ, ಎಂಡ್ರ್ಯೂ, ಕಿಶೂ ಬಾರ್ಕೂರ್, ವಿಲ್ಸನ್ ಕಟೀಲಾಚಿಂ ಚುಟ್ಕುಲಾಂ ಸಾಂಗೊನ್ ಕವಿಗೋಷ್ಟಿಕ್ ಕಳಾ ಹಾಡ್ಲಿ. ಇಂದು ಗೇರಸೊಪ್ಪೆನ್ ಆಪ್ಲ್ಯಾ ಚಿತ್ಪಾವನ್ ಶೈಲಿರ್ ತಶೆಂ ಗೊಂಯ್ಚೆ ಶೈಲಿರ್ ಕಾಂಯ್ ಕವಿತಾ ಪೇಶ್ ಕೆಲ್ಯೊ. ತಿಚಿ 'ವಣತಿ' ಕವಿತಾ  ತಶೆಂ ಮ್ಯಾಕ್ಸಿಮ್ ಲೋಬೊಚಿ 'ದೊರೊ' ಕವಿತಾ ಆಶಯಾಚೆ ನದ್ರೆನ್ ಏಕ್‍ಚ್ ಭೊಗ್ಲ್ಯೊ ತರೀ, ತಾಂಚಿ ಪಾಟ್‍ಭುಂಯ್ ವೆಗ್ಳಿ ಆಸಲ್ಲಿ.  ವಿನೋದ್ ಕುಲಾಸೊನ್ ಆಪ್ಲ್ಯಾ 'ಸಮ್ಜನಾತಲ್ಲೆಂ' ಕವಿತೆ ಮಾರಿಫಾತ್, ಆಮಿ ಜಿವಿತಾಂತ್ ಕಿತೆಂ ಸಗ್ಳೆಂ ಕಿತ್ಲೆಂ ಸಮ್ಜತಾಂವ್ ಮ್ಹಳ್ಳ್ಯಾವಿಶಿಂ ಬೋವ್‍ಚ್ ಕುಚುಲ್ಯಾಂನಿ ಮೊಲಾಮಾಪ್ಣಿ ಕೆಲಿ.  ಆಪ್ಲ್ಯಾ 'ಸುಖಾದುಖಾಚಿಂ ಪಾನಾಂ, ಪುಣ್ ಮೊಗಾಚಿಂ' ಪುಸ್ತಕಾ ಖಾತೀರ್ ಪ್ರಶಸ್ತಿ ಆಪ್ಣಾಯಿಲ್ಲ್ಯಾ ಕ್ಯಾರಲ್ ಮಾರ್ಟಿಸಾನ್ ಆಪ್ಲ್ಯಾ ಪುಸ್ತಕಾಂತ್ಲ್ಯೊ ದೋನ್ ಕವಿತಾ ಸಾದರ್ ಕೆಲ್ಯೊ ಜಾಲ್ಯಾರ್ ಎಂಟನಿಚಿ ಕವಿತಾ ' ಬೊಂಬ್' ಕವಿತಾ ನಿಜಾಯ್ಕಿ ಬೊಂಬ್ ಫುಟೊಂವ್ಕ್ ಸಕ್ಲಿ. ದಫ್ತರಾಕ್ ಸಂಬಂಧಿತ್ ಸಾದ್ಯಾ ವಿಶಯಾ ಥಾವ್ನ್ ಸುರು ಜಾವ್ನ್, ಜಿವಿತಾಂತ್ಲೆಂ ಫುಗಾಸಾಂವ್ ವ್ಹರ್‍ತೆ ಚಮತ್ಕಾರಿಕ್ ರಿತಿನ್ ಸಾಂಗ್ಚಿ ಹಿ ಕವಿತಾ ಯಶಸ್ವಿ ಕವಿಗೋಷ್ಟಿಂತ್ ಹಾಜರ್ ಆಸಲ್ಲ್ಯಾಂಕ್ ಕವಿತೆಚ್ಯಾ ನಂದನಾವನಾಂತ್ ಧಲಂವ್ಕ್ ವ್ಹರಿಲಾಗ್ಲಿ. ಮೆಲ್ವಿನ್ ರೊಡ್ರಿಗಸಾನ್ ಪಾಕಿಸ್ತಾನ್-ಭಾರತ್ ಸಂಬಂಧಾಚೆರ್ ಹೊಂದೊನ್ ಬರಯಿಲ್ಲಿ "ಝುಜ್' ಕವಿತಾ ವಾಚ್ತಚ್ ಹೆಂ ಕಾರ್ಯಕ್ರಮ್ ಆಕೇರ್ ಜಾಲೆಂ.

ಮ್ಯಾಕ್ಸಿಮ್ ಲೋಬೊನ್ ಧನ್ಯವಾದ್ ದಿಲೆ. ಹೆ ಕವಿಗೋಷ್ಟಿಕ್ ಕಾರ್ಮೆಲಿತ್ ಫ್ರಾದ್, ಪತ್ರಕರ್ತ್ ಗಾಬ್ರಿಯೆಲ್ ವಾಜ್, ಸಂಗೀತ್‌ಗಾರ್ ಕ್ಯಾಜೆಟನ್ ಡಾಯಸ್ ಹಾಜರ್ ಆಸಲ್ಲಿಂ. ಸಗ್ಳೆಂ ಕಾರ್ಯೆಂ ಮಾಂಡುನ್ ಹಾಡುಂಕ್ ಎಂಟನಿ ಬಾರ್ಕೂರ್, ಮ್ಯಾಕ್ಸಿಮ್ ಲೋಬೊ ಆನಿ ಕ್ಯಾರಲ್ ಮಾರ್ಟಿಸಾನ್ ಸಹಕಾರ್ ದಿಲ್ಲೊ.

-ಭಾತ್ಮಿ

बेंगळूर उद्यान‍नगरिंत कोंकणी काव्याचरण. मेलवीन रोड्रिगसालागीं संवाद.

बेंगळूर उद्यान‍नगरिंत कविता ट्रसटा तर्फेन पयले पावटीं ह्याच ज्यून म्हयन्याचे २२ तारिकेर चलल्ली कविगोषटी, हाजर आसल्ल्या थोड्याच - पूण विंचलले कोंकणी पर्जेच्या काळजामनांनी शास्वीत कवितेचे दाधोसकायेची अदभूत म्होर दांबून गेली. राजाजिनगरांतल्या कार्मेलीत फ्रादिंच्या सदभावना सभासालाचे शांततेच्या वातावरणांत रंगल्ले हे गोषटिचें सुंकाण, कर्नाटक कोंकणी साहित्य अकाडेमिथावन पुसतक पुरसकृत विजेत कवी एंटनी बार्कूर हाणे घेतल्लें.

थळीय संयोजकां पयकी एकलो जावनासल्ल्या, कविता.कोम जाळिजाग्यार आपल्या 'मोतियांचीं मोलां' अंकणाद्वारीं वोळकिचो म्याक्सीम लोबो हाणें चा.फ्रा. देकोसताच्या 'खंय पूर‍ला कवीक?' कविते मारिफात काऱ्याचे सूर‍वेर सर्वांक येवकार माग्तच, कविता ट्रसट अध्यक्ष मेलवीन रोड्रिगस हाणे कविता म्हळ्यार आपूण कितें समजतां, कविता कोण कित्याक बरयता, कविता कोण कित्याक वाचता म्हळ्ळेविशीं वेवेगळ्या दाकल्यां मारिफात विवर दिलो. उपरांत कविता ट्रसटाच्या मिसांवां विशीं, तशें काऱ्यांविशीं उलयिल्ल्या ताणें फुडारांत कार्मेलीत घराच्या तशें हेर कोंकणी संस्थ्यांच्या सहकारान असलीं कोंकणी काऱ्यक्रमां सराग बेंगळूरांत मांडून हाडचेविशीं हुमेद पर्गट केली.

ह्या नंतर केंद्र साहित्य अकाडेमी प्रशसती जोडपी कवी मेलवीन रोड्रिगसालागीं म्याक्सीम लोबोन संवाद चलयलो. वाचप्याक मिसतिकतेच्या संसाराक आपोवन व्हर‍ची 'प्रकृतिचो पास' कवितेद्वारीं सुरू करून, प्रकृतिच्या पालवालागीं खेळ खेळताना, जोडल्ल्या अनभोगाची वेगळीच कूस पाचार‍ची 'मलेकोडी' कवितेपर‍यांत हो संवाद वेवेगळ्या स्तरांचेर चिंतप आटयीत गेलो. हाजर आसल्ल्या प्रेक्षकांनी सैत तांच्या सवालांनी हांतूं वांटो घेतलो.

उपरांतले कविगोषटिंत अध्यक्ष‍पण घेतल्ल्या एंटनी बार्कूरान हर‍येकल्यांनी तांच्यो कविता सादर कर‍ताना, चाफ्रा, एंडऱ्यू, किशू बार्कूर, विल्सन कटीलाचीं चुटकुलां सांगोन कविगोषटीक कळा हाडली. इंदू गेरसोप्पेन आपल्या चित्पावन शैलीर तशें गोंयचे शैलीर कांय कविता पेश केल्यो. तिची 'वणती' कविता  तशें म्याक्सीम लोबोची 'दोरो' कविता आशयाचे नद्रेन एक‍च भोगल्यो तरी, तांची पाट‍भुंय वेगळी आसल्ली.  विनोद कुलासोन आपल्या 'समजनातल्लें' कविते मारिफात, आमी जिवितांत कितें सगळें कितलें समजतांव म्हळ्ळ्याविशीं बोव‍च कुचुल्यांनी मोलामापणी केली.  आपल्या 'सुखादुखाचीं पानां, पूण मोगाचीं' पुसतका खातीर प्रशसती आपणायिल्ल्या क्यारल मार्टिसान आपल्या पुसतकांतल्यो दोन कविता सादर केल्यो जाल्यार एंटनिची कविता ' बोंब' कविता निजायकी बोंब फुटोवंक सकली. दफ्तराक संबंधीत साद्या विशया थावन सुरू जावन, जिवितांतलें फुगासांव व्हर‍ते चमत्कारीक रितीन सांगची ही कविता यशस्वी कविगोषटिंत हाजर आसल्ल्यांक कवितेच्या नंदनावनांत धलवंक व्हरिलागली. मेलवीन रोड्रिगसान पाकिसतान-भारत संबंधाचेर होंदोन बरयिल्ली "झूज' कविता वाचतच हें काऱ्यक्रम आकेर जालें.

म्याक्सीम लोबोन धन्यवाद दिले. हे कविगोषटीक कार्मेलीत फ्राद, पत्रकर्त गाबरियेल वाज, संगीत‌गार क्याजेटन डायस हाजर आसल्लीं. सगळें काऱ्यें मांडून हाडुंक एंटनी बार्कूर, म्याक्सीम लोबो आनी क्यारल मार्टिसान सहकार दिल्लो.

-भात्मी