ಕವಿತಾ ಸಾದರೀಕರಣಾಂತ್ ಚಲಿಯಾಂಚೊ ಉಕಲ್ಲಲೊ ಹಾತ್

ಕವಿತಾ ಟ್ರಸ್ಟ್ ಆನಿ ಕೊಂಕಣಿ ನಾಟಕ್ ಸಭಾ ಹಾಂಣಿ ಸಾಂಗಾತಾ ಮೆಳುನ್ ಭುರ್ಗಿಂ, ಯುವಜಣಾಂ ಆನಿ ಜ್ಯೇಷ್ಟಾಂ ಖಾತೀರ್ ಜುಲಾಯ್ 6, 2025 ತಾರಿಕೆರ್ ಮಂಗ್ಳುರ‍್ಚ್ಯಾ ಡೊನ್ ಬೊಸ್ಕೊ ಹೊಲಾಂತ್ ಕೊಂಕಣಿ ಕವಿತಾ ಸಾದರೀಕರಣ್ ಸರ್ತ್ ಮಾಂಡುನ್ ಹಾಡ್ಲಿ.

ಪ್ರಾರ್ಥನ್ ಆನಿ ಕೊಂಕಣಿ ನಾಟಕ್ ಸಭೆಚ್ಯಾ ಆಶಯ್ ಗೀತಾಸವೆಂ ಸುರು ಜಾಲ್ಲೆ ಕಾರ್ಯಾವಳಿಂತ್ ನಾಟಕ್ ಸಭೆಚೊ ಅಧ್ಯಕ್ಷ್ ಫಾ. ರೊಕಿ ಡಿಕುನ್ಹಾನ್ ಸಗ್ಳ್ಯಾ ಭಾಗೆಲಿಂಕ್, ವೊರಯ್ಣಾರಾಂಕ್ ತಶೆಂ ಸಭಿಕಾಂಕ್ ಯೆವ್ಕಾರ್ ಮಾಗ್ಲೊ. ಕವಿತಾ ಟ್ರಸ್ಟ್ ಸ್ಥಾಪಕ್ ಮೆಲ್ವಿನ್ ರೊಡ್ರಿಗಸಾನ್ ಕವಿತಾ ಸರ್ತೆಚಿ ನೆಮಾವಳ್ ಸಾಂಗುನ್ ಸಗ್ಳ್ಯಾಂಕ್ ಬರೆಂ ಮಾಗ್ಲೆಂ.

ಪಣ್ಟಿ ಪೆಟೊವ್ನ್ ಸರ್ತೆಚಿ ಉಗ್ತಾವಣ್ ಜಾಲಿ. ಹ್ಯೆ ಉಗ್ತಾವಣೆಂತ್ ಉಪಾಧ್ಯಕ್ಷ್ ಫ್ಲೊಯ್ಡ್ ಡಿಮೆಲ್ಲೊ, ಸಚಿವ್ ಪ್ಯಾಮೆಲಾ ಸಾಂತೊಸ್, ಉಪಸಚಿವ್ ಜೆರೊಮ್ ಮೊರಾಸ್, ಖಜಾನಿ ಐವನ್ ಡಿಸಿಲ್ವಾ ಆನಿ ಸರ್ತೆಚೆ ಸಂಚಾಲಕ್ ಜೋಕಿಮ್ ಪಿಂಟೊ ಆನಿ ವಿನ್ಸೆಂಟ್ ಪಿಂಟೊ ಹಾಜರ್ ಆಸಲ್ಲಿಂ.

ನಾಮ್ಣೆಚೆ ಕವಿ ಟೈಟಸ್ ನೊರೊನ್ಹಾ, ಆಂಡ್ರ್ಯೂ ಎಲ್. ಡಿಕುನ್ಹಾ ಆನಿ ವಿಲಿಯಮ್ ಪಾಯ್ಸ್ ವೊರಯ್ಣಾರ್ ಜಾವ್ನ್ ಬಸಲ್ಲೆ.

ಸರ್ತೆಂತ್ 35 ಜಣಾಂನಿ ವಾಂಟೊ ಘೆತಲ್ಲೊ ಆಸುನ್ ತಾಂಣಿ ತಾಂಚಿ ಕವಿತಾ ಸಾದರ್ಪಣಾಚಿ ಪ್ರತಿಭಾ ದಾಕಯ್ಲಿ.

ನಾಟಕ್ ಸಭೆಚೊ ಮ್ಯಾನೇಜರ್ ಜೆರಾಲ್ಡ್ ಕೊನ್ಸೆಸೊ, ನಾಟಕ್ ಸಭೆಚ್ಯಾ ಬಜ್ಜೋಡಿ ತಶೆಂ ಆಂಜೆಲೊರ್ ಘಟಕಾಚ್ಯಾ ವಾಂಗ್ಡಿಂನಿ ಸಹಕಾರ್ ದಿಲೊ.

ವಿನ್ಸಿ ಪಿಂಟೊನ್ ಕಾರ್ಯೆಂ ಚಲೊವ್ನ್ ವ್ಹೆಲೆಂ. ಮೆಲ್ವಿನ್ ರೊಡ್ರಿಗಸಾನ್ ವೊರಯ್ಣಾರಾಂಚಿ ವಳಖ್ ಕರುನ್ ದಿಲಿ. ಜೋಕಿಮ್ ಪಿಂಟೊನ್ ಧನ್ಯವಾದ್ ಭೆಟಯ್ಲೆ. ಭಾಗ್ ಘೆತಲ್ಲ್ಯಾ ಸಗ್ಳ್ಯಾಂಕ್ ಕವಿತಾ ಟ್ರಸ್ಟಾನ್ ಆಪ್ಲ್ಯಾ ಪ್ರಕಾಶನಾಚಿಂ ಪುಸ್ತಕಾಂ ದಿಲಿಂ.

ಫಳಿತಾಂಶ್:

ಭುರ್ಗಿಂ - 15 ವರ್ಸಾಂ ಸಕಯ್ಲಿಂ
ಪಯ್ಲೆಂ: ನಿನಿಶಾ ಪ್ರಿಶಾ ಮೊಂತೇರೊ, ಬೊಂದೆಲ್
ದುಸ್ರೆಂ: ನಿಶೆಲ್ ಪರ್ಲ್ ಮೊಂತೇರೊ, ಬೊಂದೆಲ್
ತಿಸ್ರೆಂ: ಇವಾ ಲಿಸಾ ಲೋಬೊ, ಇಜಯ್

ಯುವಜಣಾಂ: 15 ಥಾವ್ನ್ 30 ವರ್ಸಾಂ ಭಿತರ‍್ಲಿಂ
ಪಯ್ಲೆಂ: ಅನ್ವಿಲಾ ನಿಯೋರಾ ಡಿಸೋಜಾ, ಬೊಂದೆಲ್
ದುಸ್ರೆಂ: ಎಲ್ವಿನ್ ಡೆಸಾ, ಶಿರ್ತಾಡಿ
ತಿಸ್ರೆಂ: ಜೆನ್ವಿನ್ ಒಲಿವಿಯಾ ಕ್ರಾಸ್ತಾ, ಬೆಳಾ

ಜ್ಯೇಷ್ಟಾಂ: 30 ವರ್ಸಾಂ ವಯ್ಲಿಂ
ಪಯ್ಲೆಂ: ಪ್ರೀತನ್ ರೆನಿಟಾ ಪಿರೇರಾ, ದೆರೆಬೈಲ್
ದುಸ್ರೆಂ: ವನಿತಾ ವಾಣಿ ಕ್ರಾಸ್ತಾ, ಬೆಳಾ
ತಿಸ್ರೆಂ: ಐರಿನ್ ಮೆಂಡೊನ್ಸಾ, ಕಾಸ್ಸಿಯಾ

कविता सादरीकरणांत चलयांचो उकल्ललो हात

कविता ट्रस्ट आनी कोंकणी नाटक सभा हांणी सांगाता मेळून भुरगीं, युवजणां आनी ज्येष्टां खातीर जुलाय 6, 2025 तारकेर मंगळूरच्या डॉन बॉस्को हॉलांत कोंकणी कविता सादरीकरण सर्त मांडून हाडली.

प्रार्थन आनी कोंकणी नातक सभेच्या आशय गितासवें सुरू जाल्ले कार्यावळींत नाटक सभेचो अध्यक्ष फा. रॉकी डिकून्हान सगळ्या भागेलींक, वोरयणारांक तशें सभिकांक येवकार मागलो. कविता ट्रस्ट स्थापक मेल्विन रोड्रीगसान कविता सर्तेची नेमावळ सांगून सगळ्यांक बरें मागलें.

पणटी पेटोवन सर्तेची उगतावण जाली. हे उगतावणेंत उपाध्यक्ष फ्लॉयड डिमेल्लो, सचीव पॅमेला सांतोस, उपसचीव जेरोम मोरास, खजानी आयवन डिसिल्वा आनी सर्तेचे संचालक जोकीम पिंटो आनी विन्सेंट पिंटो हाजर आसल्लीं.

नामनेचे कवी टैटस नोरोन्हा, आंड्र्यू डिकून्हा आनी विलियम पायस वोरयणार जावन आसल्ले.

नाटक सभेचो मॅनॅजर जेराल्ड कोन्सेसो, नाटक सभेच्या बज्जोडी आनी आंजेलोर घटकाच्या वांगडींनी सहकार दिलो.

विन्सी पिंटोन कार्यें चलोवन व्हेलें. मेल्विन रोड्रिगसान वोरयणारांची वळख करून दिली. जोकीम पिंटोन धन्यवाद भेटयले. भाग घेतल्ल्या सगळ्यांक कविता ट्रस्टान आपल्या प्रकाशनाचीं पुस्तकां दिलीं.

फळितांश:

भुरगीं - 15 वर्सां सकयलीं

पयलें : निनिशा प्रिशा मोंतेरो, बोंदेल
दुसरें: निशेल पर्ल मोंतेरो, बोंदेल
तिसरें: इवा लिसा लोबो, इजाय

युवजणां: 15 थावन 30 वर्सां भितरलीं

पयलें: अन्विला नियोरा डिसोजा, बोंदेल
दुसरें: एल्विन डेसा, शिर्ताडी
तिसरें: जेन्विन ओलीविया क्रास्ता, बेळा

ज्येष्टां: 30 वर्सां वयलीं.
पयलें: प्रीतन रेनीता पिरेरा, देरेबैल
दुसरें: वनिता वाणी क्रास्ता, बेळा
तिसरें: आयरीन मेंडोन्सा, कास्सीया