ಕವಿತಾ ಟ್ರಸ್ಟಾಚೆಂ ಪುಸ್ತಕ್ 'ಗಾಂಧಿಚೆಂ ಪರ್ಜಳಿಕ್ ಫುಡಾರ್‌ಪಣ್' ಲೋಕಾರ್ಪಣ್.
ಕವಿತಾ ಪಬ್ಲಿಕೇಶನ್ಸಾನ್ ಪರ್ಗಟ್ ಕೆಲ್ಲೊ, ಪಾಸ್ಕಲ್ ಆಲೆನ್ ನಜ್ರೆತಾಚ್ಯಾ 'Gandhi's Outstanding Leadership' ಇಂಗ್ಲಿಷ್ ಪುಸ್ತಕಾಚೊ ಕೊಂಕಣಿ ಅನುವಾದ್ ಹ್ಯಾಚ್ ಸಪ್ಟೆಂಬರ್ 21 ತಾರಿಕೆರ್ ಆಯ್ತಾರಾ ಮಿಲಾಗ್ರಿಸ್ ಸಭಾಸಾಲಾಂತ್ ಮಂಗ್ಳುರ್ ದಿಯೆಸೆಜಿಚೊ ಬಿಶಪ್ ಅಧಿಕ್ ಮಾನಾಧಿಕ್ ಅಲೋಶಿಯಸ್ ಪಾವ್ಲ್ ಡಿಸೋಜಾ ಹಾಂಣಿ ಲೋಕಾರ್ಪಣ್ ಕೆಲೊ. ಕಥೊಲಿಕ್ ಎಸೋಶಿಯೇಶನ್ ಒಫ್ ಸೌತ್ ಕೆನರಾ ಹಾಂಚ್ಯಾ ಶತಮಾನೋತ್ಸವಾ ಸಂದರ್ಭಿಂ ಮಾಂಡುನ್ ಹಾಡಲ್ಲ್ಯಾ ಹ್ಯಾ ಕಾರ್ಯಾಚೆ ಸುರ್‍ವೆರ್ ಭಾರತಾಚೆ ಉಪರಾಷ್ಟ್ರಪತಿ ಹಮೀದ್ ಅನ್ಸಾರಿ ಹಾಂಚಿ ಉಪಸ್ಥಿತಿ ಆಸಲ್ಲಿ.
ಮಾನೆಸ್ತ್ ಜೆ. ವಿ. ಕಾರ್ಲೊನ್ ಕೊಂಕಣಿ ಅನುವಾದ್ ಕೆಲ್ಲ್ಯಾ ಹ್ಯಾ ಪುಸ್ತಕಾಚೆಂ ನಾಂವ್ 'ಗಾಂಧಿಚೆಂ ಪರ್ಜಳಿಕ್ ಫುಡಾರ್‌ಪಣ್'. ಕೊಂಕಣಿ ಧರುನ್ ಯೆದೊಳ್ ಹೆಂ ಪುಸ್ತಕ್ ಆಟ್ರಾ ಭಾಸಾಂಕ್ ಅನುವಾದ್ ಜಾಲಾಂ. ಪುಸ್ತಕ್ ಲೋಕಾರ್ಪಣ್ ಕರ್‍ಚ್ಯಾ ಸಂದರ್ಭಾರ್ ನಿವೃತ್ತ್ ಐ. ಎಫ್. ಎಸ್. ಅಧಿಕಾರಿ ಎರಿಕ್ ಗೊನ್ಸಾಲ್ವಿಸ್ ಆನಿ ತಾಚಿ ಪತಿಣ್, ಕಾಸ್ಕಾಚೊ ಅಧ್ಯಕ್ಷ್ ಡೊ. ಡೆರೆಕ್ ಲೋಬೊ, ಕಾರ್ಯದರ್ಶಿ ಕ್ಯಾಪ್ಟನ್ ಜೊನ್ ಪ್ರಸಾದ್ ಮಿನೇಜಸ್ ಹಾಜರ್ ಆಸಲ್ಲೆ.
ಸುರ್‍ವೆರ್ ಕವಿತಾ ಟ್ರಸ್ಟಾಚೊ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸಾನ್ "ದೋನ್ ವರ್ಸಾಂ ಆದಿಂ ಪಾಸ್ಕಲ್ ಆಲೆನ್ ನಜ್ರೆತಾಚಿ ಮ್ಹಾಕಾ ಭೆಟ್ ಜಾಲ್ಲ್ಯಾ ಸಂದರ್ಭಾರ್ ಹೆಂ ಪುಸ್ತಕ್ ಹಾಂವೆಂ ಅನುವಾದ್ ಕರಿಜಾಯ್ ಮ್ಹಣೊನ್ ತಾಣೆ ಆಶಾ ಪರ್ಗಟ್ ಕೆಲ್ಲಿ. ಮ್ಹಜ್ಯಾನ್ ಹೆಂ ಕಾಮ್ ಕರುಂಕ್ ಆಸಾಧ್ಯ್ ದೆಕುನ್ ಆತಾಂ ದೋನ್ ವರ್ಸಾಂ ಉಪ್ರಾಂತ್ ಜೆ. ವಿ. ಕಾರ್ಲೊ ಮುಕಾಂತ್ರ್ ಹ್ಯಾ ಪುಸ್ತಕಾಚೆಂ ಕಾಮ್ ಸಂಪ್ಲಾಂ. ಹೆಂ ಪುಸ್ತಕ್ ಪರ್ಗಟ್ ಕರುಂಕ್ ಆವ್ಕಾಸ್ ಕರುನ್ ದಿಲ್ಲ್ಯಾ ಪಾಸ್ಕಲ್ ಆಲೆನ್ ನಜ್ರೆತಾಚೊ ಹಾಂವ್ ಉಪ್ಕಾರ್ ಭಾವುಡ್ತಾಂ ಆನಿ ಬಿಸ್ಪ್ ಸಾಯ್ಬಾಂನಿ ಹೆಂ ಆಪುರ್ಬಾಯೆಚೆಂ ಪುಸ್ತಕ್ ಲೊಕಾಕ್ ಭೆಟಯ್ಜಾಯ್" ಅಶೆಂ ಉಪ್ಕಾರ್ ಮಾಗ್ಲೊ.
ಹೆಂ ಪುಸ್ತಕ್ hardcase ತಶೆಂ paperback ಆವೃತ್ತೆಂನಿ ಮೆಳ್ತಾ. ಹಾರ್ಡ್‌ಕೇಸ್ ಪುಸ್ತಕಾಚೆಂ ಮೊಲ್ ರುಪಯ್ 200 ಜಾಲ್ಯಾರ್ ಪೇಪರ್‌‍ಬ್ಯಾಕ್ ಪುಸ್ತಕಾಚೆಂ ಮೊಲ್ ರುಪಯ್ 150. ಸರ್ವೋದಯ ಇಂಟರ್ನ್ಯಾಶನಲ್ ಟ್ರಸ್ಟ್ ಹಾಂಚ್ಯಾ ಸಹಕಾರಾನ್ ಕವಿತಾ ಪಬ್ಲಿಕೇಶನ್ಸಾನ್ ಹೆಂ ಪುಸ್ತಕ್ ಪರ್ಗಟ್ ಕೆಲ್ಲೆಂ ಆಸೊನ್ ಹ್ಯಾ ಪುಸ್ತಕಾಂತ್ 244 ಪಾನಾಂ ಆಸಾತ್. ಅನುವಾದಕ್ ಜೆ. ವಿ. ಕಾರ್ಲೊ ಹಾಸನಾಂತ್ ಆಪ್ಲೊ ವೆವ್ಹಾರ್ ಚಲಯ್ತಾ. ತಾಚ್ಯಾ ಮಟ್ವ್ಯಾ ಕಾಣಿಯಾಂಚೆಂ ಅನುವಾದಿತ್ ಪುಸ್ತಕ್ ಸಪ್ಟೆಂಬರ್ ಮ್ಹಯ್ನ್ಯಾಂತ್ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿನ್ ಪರ್ಗಟ್ ಕೆಲಾಂ. ಜೆ. ವಿ. ಕಾರ್ಲೊನ್ ಆನುವಾದ್ ಪ್ರಕಾರಾಂತ್ ಜಾಯ್ತೆಂ ನಾಂವ್ ಕೆಲಾಂ.
ಪಾಸ್ಕಲ್ ಆಲೆನ್ ನಜ್ರೆತ್:
ಮದ್ರಾಸ್ ವಿಶ್ವ್‌ವಿದ್ಯಾಲಯಾಥಾವ್ನ್ ಅರ್ಥ್‌ಶಾಸ್ತ್ರಾಂತ್ ಎಂ.ಎ. ಪದ್ವಿ ಜೊಡ್ಲಲ್ಯಾ ಶ್ರೀ ಪಾಸ್ಕಲ್ ಅಲೆನ್ ನಜ್ರೆತ್, ಹಾಂಕಾಂ ಮೇ 1959-ತ್ ಭಾರತೀಯ್ ವಿದೇಶಿ ಸೆವೆಕ್ ವಿಂಚುನ್ ಕಾಡ್ಲೆಂ. ತಾಂಣಿ ಟೋಕಿಯೋ, ರಂಗೂನ್, ಲಿಮಾ, ಲಂಡನ್, ಚಿಕಾಗೋ ಆನಿ ನ್ಯೂಯೋರ್ಕ್ ವಿದೇಶಿ ಮಿಸಾಂವ್ ಠಾಣ್ಯಾಂನಿ ಭಾರತಾಚೊ ಪ್ರತಿನಿಧಿ ಜಾವ್ನ್ ಸೆವಾ ದಿಲ್ಯಾ. ನ್ಹಯ್ ಆಸ್ತಾಂ ಘಾನಾಂತ್ ಭಾರತಾಚೊ ಹೈಕಮಿಶನರ್ ಜಾವ್ನ್ ಆನಿ ಲೈಬೀರಿಯಾ, ಅಪ್ಪರ್ ವೋಲ್ಟಾ, ಟೋಗೊ, ಎಜಿಪ್ತ್, ಮೆಕ್ಸಿಕೊ, ಗ್ವಾಟೆಮಾಲಾ, ಎಲ್ ಸಾಲ್ವಾದೊರ್ ಆನಿ ಬೆಲಿಝ್ ಹಾಂಚೊ ರಾಯ್‌ಭಾರಿ ಜಾವ್ನ್‌ಯೀ ಕಾಮ್ ಕೆಲಾಂ.
1982-85 ವರ್ಸಾಂ ಮದ್ಲೆ ಆವ್ದೆಂತ್ ಮಾನೆಸ್ತ್ ನಜ್ರೆತ್ ಇಂಡಿಯನ್ ಕೌನ್ಸಿಲ್ ಫೊರ್ ಕಲ್ಚರಲ್ ರಿಲೇಶನ್ಸ್ - (ವಿದೇಶಾಂನಿ ಭಾರತೀಯ್ ಸಂಸ್ಕೃತೆಚಿ ವೊಳಕ್ ಕರುನ್ ದಿಂವ್ಚೊ ಸರ್ಕಾರಿ ಸಂಸ್ಥೊ)-ಚೆ ಡೈರೆಕ್ಟರ್ ಜನರಲ್ ಜಾವ್ನಾಸ್ತಾನಾ ಭಾರತಾಚ್ಯಾ ಬಹುಮುಖಿ ಸಂಸ್ಕೃತೆಚಿ ಪರಬ್ ಬ್ರಿಟನಾಂತ್, ಆಮೆರಿಕಾಂತ್, ಫ್ರಾನ್ಸಾಂತ್ ಮಾಂಡುನ್ ಹಾಡಲ್ಲಿ ಕೀರ್ತ್ ತಾಂಕಾಂ ಫಾವೊ ಜಾತಾ, ತಶೆಂಚ್ 'ಬುದ್ಧಿಸಮ್ ಆನಿ ರಾಷ್ಟ್ರೀಯ್ ಸಂಸ್ಕೃತಿ', 'ಭಾರತ್ ಆನಿ ಜಾಗತಿಕ್ ಸಾಹಿತ್ಯ್' ತಸಲೆ ಅಂತರಾಷ್ಟ್ರೀಯ್ ಸಮ್ಮೇಳ್ ತಶೆಂಚ್ ಡೆಲ್ಲಿಂತ್ 'ಜಾಗತಿಕ್ ಕವಿಗೋಷ್ಟಿ' ಆಯೋಜಿತ್ ಕೆಲ್ಲೊ ಮಾನ್ ತಾಂಕಾಂ ಫಾವೊ ಜಾತಾ. ಗ್ರೀಸಾಚ್ಯಾ ಡೆಲ್ಫಿಂತ್ ಆಯೋಜಿತ್ ಕೆಲ್ಲ್ಯಾ 'ಭಾರತ್ ಆನಿ ಗ್ರೀಸ್' ಭಾಸಾಭಾಶೆಚ್ಯಾ ಪರಿಣಾಮಾನ್ ರಚಿತ್ ಜಾಲ್ಲಿ ತಾಂಚಿ ಮಹತ್ವಾಚಿ ಕೃತಿ ಜಾವ್ನಾಸಾ, 'ಭಾರತ್ ಆನಿ ಗ್ರೀಸ್'. ತ್ಯಾ ನಂತರ್ ಮಾನೆಸ್ತ್ ನಜ್ರೆತ್ ಎಜಿಪ್ತ್ ಆನಿ ಮೆಕ್ಸಿಕೋಚೆ ರಾಯ್‌ಭಾರಿ ಜಾವ್ನಾಸ್ಲಲ್ಯಾ ವಗ್ತಾ ಕೈರೊಂತ್ ಆನಿ ಮೆಕ್ಸಿಕೊ ಶ್ಹೆರಾಂತ್ ಜಾಲ್ಲೆ ಭಾಸಾಭಾಶೆ ಉಪ್ರಾಂತ್ ಪರ್ಗಟ್ ಜಾಲ್ಲಿಂ ತಾಂಚಿಂ ಪುಸ್ತಕಾಂ ಜಾವ್ನಾಸಾತ್: 'ಭಾರತ್ ಆನಿ ಎಜಿಪ್ತ್' ಆನಿ 'ಭಾರತ್ ಆನಿ ಮೆಕ್ಸಿಕೊ'.
Pascal Alan Nazareth, J V Carlo
ಮಾನೆಸ್ತ್ ನಜ್ರೆತ್ 1994-ತ್ ನಿವೃತ್ತ್ ಜಾಲೆ ಆನಿ ತೆ 'ನ್ಯಾಶನಲ್ ಇನ್ಸ್ಟಿಟ್ಯೂಟ್ ಒಫ್ ಅಡ್ವಾನ್ಸ್‌ಡ್ ಸ್ಟಡೀಸ್' ಆನಿ 'ಇಂಡಿಯನ್ ಇನ್ಸ್ಟಿಟ್ಯೂಟ್ ಒಫ್ ಮೆನೇಜ್‌ಮೆಂಟ್' ಬೆಂಗ್ಳೂರ್, ತಶೆಂಚ್ 'ನ್ಯಾಶನಲ್ ಡಿಫೆನ್ಸ್ ಕೊಲೆಜ್' ಡೆಲ್ಲಿ, ಹಾಂಗಾ ಸಯ್ರೆ ಉಪನ್ಯಾಸಕ್ ಜಾವ್ನ್ ಸೆವಾ ದೀತ್ ಆಯ್ಲ್ಯಾತ್. ಹಾಚೆ ಶಿವಾಯ್ ವಿದೇಶಿ ಸಯ್ರೆ ಉಪನ್ಯಾಸಕ್ ಜಾವ್ನ್, ವ ವೊವ್ಳೆ ಪ್ರತಿನಿಧಿ ಜಾವ್ನ್ ವಾಷಿಂಗ್‌ಟನ್ ಡಿ.ಸಿ., ಚ್ಯಾ 'ಗಾಂಧಿ ಮೆಮೋರಿಯಲ್ ಸೆಂಟರ್', ಆಮೆರಿಕನ್, ಯೇಲ್, ಕೊಲಂಬಿಯಾ, ಸ್ಟೊನಿಬ್ರುಕ್, ಯು.ಸಿ., ಬರ್ಕ್‌ಲೀ ಆನಿ ಸ್ಟ್ಯಾನ್‌ಫೋರ್ಡ್, ಎಂ.ಐ.ಟಿ., ಹವಾಯ್, ಫಿಲಿಪೈನ್, ಇಂಡೋನೇಶ್ಯಾಚ್ಯಾ ಉದಯಾನಾ ಆನಿ ಶಿಯಾರಿಫ್ ಹಿದಾಯತುಲ್ಲಾ ಇಸ್ಲಾಮಿಕ್, ಟ್ರಿನಿಡಾಡ್ ಆನಿ ಟೊಬ್ಯಾಗೊ ಆನಿ ವೆಸ್ಟ್ ಇಂಡೀಸ್, ಪೋರ್ಟ್ ಒಫ್ ಸ್ಪೇಯ್ನ್ ವಿಶ್ವವಿದ್ಯಾಲಯಾಂನಿ ಆನಿ ಆಮೆರಿಕಾಚೆಂ ಆಸ್ಪೆನ್ ಇನ್ಸ್ಟಿಟ್ಯೂಟ್, ಫಿಲಿಫೈನ್ಸಾಚೆಂ ಏಷಿಯನ್ ಇನ್ಸ್ಟಿಟ್ಯೂಟ್ ಒಫ್ ಮೆನೇಜ್‌ಮೆಂಟ್, ಮೊಕಾ, ಮಾರಿಷಸ್ ಹಾಂಗಾಚೆಂ ಮಹಾತ್ಮಾ ಗಾಂಧಿ ಇನ್ಸ್ಟಿಟ್ಯೂಟ್ ಹಾಂಗಾ ಉಪನ್ಯಾಸಾಂ ದಿಲ್ಯಾಂತ್. ತಾಂಚೆ ಉಪನ್ಯಾಸ್ ಎಲೊಕ್ಟ್ರೋನಿಕ್ ರುಪಾರ್ ದೋನ್ ಭಾಗಾಂನಿ ಪರ್ಗಟ್ ಜಾಲ್ಯಾತ್; 'ಆಸಿಯಾ - ಏಕ್ ಐತಿಹಾಸಿಕ್ ದೃಷ್ಟಿಕೋನ್' ಆನಿ 'ಎರೊಪ್ - ಏಕ್ ಐತಿಹಾಸಿಕ್ ದೃಷ್ಟಿಕೋನ್'
ಮಾನೆಸ್ತ್ ನಜ್ರೆತ್, ಸರ್ವೋದಯ ಇಂಟರ್ನ್ಯಾಶನಲ್ ಹಾಚೊ ಸ್ಥಾಪಕ್ ತಶೆಂ ನಿರ್ವಾಹಕ್ ಟ್ರಸ್ಟಿ ಜಾವ್ನಾಸಾ. ಹಾಚೊ ಧ್ಯೇಯ್, ಗಾಂಧಿಚೆ ವಿಚಾರ್ ಮ್ಹಣ್ಜೆ, ಸತ್, ಅಹಿಂಸಾ, ಸಾಮಾಜಿಕ್ ಸಾಮರಸ್ಯ್, ಮಾನವತ್‌ವಾದಿ ಸೆವಾ ಆನಿ ಶಾಂತಿ ಖಾತಿರ್ ವಾವುರ್‍ಚೆಂ. ಹ್ಯಾ ಟ್ರಸ್ಟಾಚೆಂ ಸ್ಥಾಪನ್ 1995-ತ್ ಘಡ್ಲೆಂ. ಹಾಚೊ ಜಾಳಿಜಾಗೊ www.sarvodayatrust.org ಮಾನೆಸ್ತ್ ನಜ್ರೆತ್ ಹಾಂಚೊ ನಾಂವ್ ವೆಲ್ಲೊ, ಪಾಂಡಿತ್ಯ್‌ಪೂರ್ಣ್ 'Gandhi's Outstanding Leadership' ನಾಂವಾಚೊ ಗ್ರಂಥ್ ಭಾರತಾಚೊ ಆದ್ಲೊ ಪ್ರಧಾನಿ ದೆವಾಧಿನ್ ಡೊ. ಐ.ಕೆ. ಗುಜ್ರಾಲ್ ಹಾಂಣಿ ಡೆಲ್ಲಿಂತ್ ಆನಿ ವಿಶ್ವಸಂಸ್ಥ್ಯಾಚೊ ಅಧೀನ್ ಮಹಾ ಕಾರ್ಯದರ್ಶಿ ಶ್ರೀ ಶಶಿ ತರೂರ್ ಹಾಂಣಿ ನ್ಯೂಯೋರ್ಕಾಂತ್ ಉಗ್ತಾಯಿಲ್ಲೊ.
ಆಪ್ಲ್ಯಾ, ಗಾಂಧಿ ವಿಚಾರ್ ಜಾವ್ನಾಸ್ಚ್ಯಾ ಸತ್, ಅಹಿಂಸಾ, ಕೋಮು ಸಾಮರಸ್ಯ್ ಆನಿ ಮನ್ಶಾಕುಳಾಚೆ ಸೆವೆ ಖಾತಿರ್ ಮಾನೆಸ್ತ್ ನಜ್ರೆತ್ ಹಾಂಕಾಂ ಅಕ್ತೊಬರ್ 9, 2007ವ್ಯಾ ವರ್ಸಾ ಶ್ರೀ ಚಿನ್ಮಯ್ ಶಾಂತಿ ಧ್ಯಾನ್ ಕೂಟಾನ್ ವಿಶ್ವಸಂಸ್ಥ್ಯಾ ಮಾರಿಫಾತ್ ಯು-ಥಾಂಟ್ ಶಾಂತಿ ಪುರಸ್ಕಾರ್ ಪ್ರಧಾನ್ ಕೆಲೊ. ಹ್ಯಾ ಆದಿಂ ಹೊ ಪುರಸ್ಕಾರ್ ಜೊಡಲ್ಲೆ ಜಾವ್ನಾಸ್ಲೆ; ಪಾಪ್ ಸಾಯ್ಬ್ ಜುವಾಂವ್ ಪಾವ್ಲ್ ದುಸ್ರೊ, ದಲಾಯ್ ಲಾಮಾ, ಮದರ್ ತೆರೆಸಾ, ಮಿಕಾಯಿಲ್ ಗೊರ್ಬಾಚೆವ್, ನೆಲ್ಸನ್ ಮಂಡೆಲಾ ಆನಿ ಡೆಸ್ಮಂಡ್ ಟುಟು.
कविता ट्रसटाचें पुस्तक गांधिचें पर्जळीक फुडारपण लोकारपण.
कविता पब्लिकेशन्सान परगट केल्लो, पासकल आलेन नजरेताच्या घनड्हिस ओउटस्टनडिनग ळेअडेर्स्हिप इंगलिष पुस्तकाचो कोंकणी अनुवाद ह्याच सपटेंबर २१ तारिकेर आयतारा मिलागरिस सभासालांत मंगळूर दियेसेजिचो बिशप अधिक मानाधिक अलोशियस पावल डिसोजा हांणी लोकारपण केलो. कथोलिक एसोशियेशन ओफ सौत केनरा हांच्या शतमानोत्सवा संदर्भीं मांडून हाडल्ल्या ह्या काऱ्याचे सुर्वेर भारताचे उपराष्ट्रपती हमीद अनसारी हांची उपस्थिती आसल्ली.
मानेस्त जे. वी. कारलोन कोंकणी अनुवाद केल्ल्या ह्या पुस्तकाचें नांव गांधिचें पर्जळीक फुडारपण. कोंकणी धरून येदोळ हें पुस्तक आटरा भासांक अनुवाद जालां. पुस्तक लोकारपण करच्या संदरभार निवृत्त ऐ. एफ. एस. अधिकारी एरीक गोन्सालविस आनी ताची पतिण, कासकाचो अध्यक्ष डो. डेरेक लोबो, कार्यदर्शी क्यापटन जोन प्रसाद मिनेजस हाजर आसल्ले.
सुर्वेर कविता ट्रसटाचो अध्यक्ष मेलविन रोडरिगसान "दोन वर्सां आदीं पासकल आलेन नजरेताची म्हाका भेट जाल्ल्या हें पुस्तक हांवें अनुवाद करिजाय म्हणोन ताणे आशा परगट केल्ली. म्हज्यान हें काम करूंक आसाध्य देकून आतां दोन वर्सां उपरांत जे. वी. कारलो मुकांत्र ह्या पुस्तकाचें काम संपलां. हें पुस्तक परगट करूंक आवकास करून दिल्ल्या पासकल आलेन नजरेताचो हांव उपकार भावुडतां आनी बिस्प सायबांनी हें आपुरबायेचें पुस्तक लोकाक भेटयजाय" अशें उपकार मागलो.
हें पुस्तक हर्ड्चसे तशें पपेरबचक आवृत्तेंनी मेळता. हारडकेस पुस्तकाचें मोल रुपय २०० जाल्यार पेपरब्याक पुस्तकाचें मोल रुपय १५०. सर्वोदय इंटरन्याशनल ट्रस्ट हांच्या सहकारान कविता पब्लिकेशन्सान हें पुस्तक परगट केल्लें आसोन ह्या पुस्तकांत २४४ पानां आसात. अनुवादक जे. वी. कारलो हासनांत आपलो वेव्हार चलयता. ताच्या मटव्या काणियांचें अनुवादीत पुस्तक सपटेंबर म्हयन्यांत कर्नाटक कोंकणी साहित्य अकाडेमिन परगट केलां. जे. वी. कारलोन आनुवाद प्रकारांत जायतें नांव केलां.