ಕವಿತಾ ಟ್ರಸ್ಟಾನ್ ಹ್ಯಾಚ್ ಎಪ್ರಿಲ್ 28 ತಾರಿಕೆರ್ ಆಯ್ತಾರಾ ಸಾಂಜೆರ್ ದೆರೆಬೈಲ್ ಕೊಟ್ಟಾರ್ ಕ್ರೊಸ್ ಲಾಗ್ಸಾರ್ ಆಸ್ಚ್ಯಾ ಕೊಂಕಣಿ ಲೇಖಕ್ ಪಾವ್ಲು ಮೊರಾಸಾಚ್ಯಾ ಘರ‍್ಚ್ಯಾ ಆಂಗ್ಣಾಂತ್ ಚಲೊವ್ನ್ ವೆಲ್ಲಿ ಗಿಮಾಳಿ ಕವಿಗೋಷ್ಠಿ, ಭಾಯ್ಲ್ಯಾ ಕಠಿಣ್ ಧಗಿಕ್ ಘಾಮಾಂತ್ ಬುಡಲ್ಲ್ಯಾ ಲೊಕಾಚ್ಯಾ ಮನಾಂಕ್ ಥಂಡಾಯೆಚೆಂ ವಾರೆಂ ದಿಂವ್ಚ್ಯಾಕ್ ಯಶಸ್ವಿ ಜಾಲಿ. ಮೋಗ್ ಸೊಡುನ್ ಹೆರ್ ವಿಷಯಾಂಚೆರ್ ಭಾಗ್ ಘೆತಲ್ಲ್ಯಾ ಆಟ್ರಾ ಕವಿಂನಿ ಆಪ್ಲ್ಯೊ ಕವಿತಾ ವಾಚ್ಲ್ಯೊ ಜಾಲ್ಯಾರ್, ಹೆ ಕವಿಗೋಷ್ಟಿಚೆಂ ಸುಂಕಾಣ್ ಕೊಂಕಣಿ ಕವಿ, ವಿಮರ್ಶಕ್ ತಶೆಂ ಕೋಶ್‌ಕಾರ್ ಸ್ಟೀವನ್ ಕ್ವಾಡ್ರಸ್ ಪೆರ್ಮದೆ ಹಾಣೆಂ ಘೆತಲ್ಲೆಂ. ಕವಿತಾ ಟ್ರಸ್ಟಾಚೊ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸಾನ್ ಸುರ‍್ವೆರ್ ಸರ್ವಾಂಕ್ ಯೆವ್ಕಾರ್ ಮಾಗ್ಲೊ. ಆಪ್ಲ್ಯಾ ಉಲೊವ್ಪಾಂತ್ ದೆರೆಬೈಲ್ಚೊ ಗಾಂವ್ ಆಪ್ಣಾಕ್ ಮೊಗಾಚೊ, ಹ್ಯಾಚ್ ಗಾಂವಾಂತ್ ಆಪ್ಲೊ ಜಲ್ಮ್ ಜಾಲ್ಲೊ, ಹ್ಯಾ ಗಾಂವ್ಚ್ಯೊ ಹರ‍್ಯೆಕ್ ವಾಟೊ...