ಎಪ್ರಿಲ್ 28 ತಾರಿಕೆರ್ ಮಂಗ್ಳುರ್ ಕೊಟ್ಟರ್ ಕ್ರೊಸ್ ಲಾಗ್ಸಾರ್ ಗಿಮಾಳಿ ಕವಿಗೋಶ್ಟಿ
ಹ್ಯಾಚ್ ಆಯ್ತಾರಾ ಎಪ್ರಿಲ್ 28 ತಾರಿಕೆರ್ ಸಾಂಜೆಚ್ಯಾ ಚ್ಯಾರ್ ವೊರಾಂಚೆರ್ ಕೊಂಕಣಿ ಲೇಖಕ್ ಪಾವ್ಲು ಮೊರಾಸಾಚ್ಯಾ ಘರ್ಚ್ಯಾ ಆಂಗ್ಣಾಂತ್ ಕವಿತಾ ಟ್ರಸ್ಟಾನ್ `ಗಿಮಾಳಿ ಕವಿಗೋಷ್ಟಿ’ ಮಾಂಡುನ್ ಹಾಡ್ಲ್ಯಾ. ಕೊಂಕಣಿ ಕವಿ, ವಿಮರ್ಶಕ್, ಲೇಖಕ್ ತಶೆಂ ಕೋಶ್ಕಾರ್ ಸ್ಟೀವನ್ ಕ್ವಾಡ್ರಸ್ ಪೆರ್ಮುದೆ ಹೆ ಕವಿಗೋಷ್ಟಿಚೆಂ ಅಧ್ಯಕ್ಷಪಣ್ ಘೆತಲೊ.
ಹೆ ಕವಿಗೋಷ್ಟಿಂತ್ ಮಂಗ್ಳುರ್ ತಶೆಂ ಆಸ್ಪಾಸ್ಚೆ ಚಡುಣೆಂ ವೀಸ್ ಕವಿ ಆಪಾಪ್ಲ್ಯೊ ಕವಿತಾ ವಾಚ್ತಲೆ. ವಾಲ್ಟರ್ ದಾಂತಿಸ್, ಎಚ್ಚೆಮ್ ಪೆರ್ನಾಳ್, ವಿಲ್ಸನ್ ಕಟೀಲ್, ನವೀನ್ ಕುಲ್ಶೇಕರ್, ಜೈಸನ್ ಸಿಕ್ವೇರಾ, ಕ್ಲೆಮೆಂಟ್ ಫೆರ್ನಾಂಡಿಸ್, ಗುರು ಬಾಳಿಗಾ, ಮೆಲ್ವಿನ್ ರೊಡ್ರಿಗಸ್, ವಿನ್ಸಿ ಪಿಂಟೊ ಆಂಜೆಲೊರ್, ಮನು ಬಾಹ್ರೇನ್, ರೊನಿ ಸಿಕ್ವೇರಾ ಸುರತ್ಕಲ್, ಸ್ಟೀವನ್ ಕ್ವಾಡ್ರಸ್ ಆನಿ ಹೆರಾಂನಿ ಹೆ ಕವಿಗೋಷ್ಟಿಂತ್ ಭಾಗ್ ಘೆಂವ್ಕ್ ಆಪ್ಲಿ ಖುಶಿ ದಾಕಯ್ಲ್ಯಾ.
ಹ್ಯಾಚ್ ಸಂದರ್ಭಾರ್ ಕೊಂಕಣಿ ಲೇಖಕ್, ಕಾಣಿಯಾಂಗಾರ್ ಎಡಿ ನೆಟ್ಟೊಕ್ ‘ಕಲಾಸಾಗರ್’ ತರ್ಫೆನ್ ಮಾನ್-ಸನ್ಮಾನ್ ಆಸ್ತಲೊ. ತಶೆಂಚ್ ಲೇಖಕ್ ಪಾವ್ಲು ಮೊರಾಸ್ ಆನಿ ಎಡಿ ನೆಟ್ಟೊಚ್ಯಾ ಜಲ್ಮಾದಿಸಾಚೆಂ ಆಚರಣ್ ಚಲ್ತಲೆಂ.
ಸರ್ವ್ ಕೊಂಕಣಿ ಮೋಗಿಂಕ್ ಹ್ಯಾ ದೋನಯ್ ಕಾರ್ಯಾಂಕ್ ಆಪೊವ್ಣೆಂ ಆಸಾ. ಸಾಂಜೆರ್ 3:30 ಥಾವ್ನ್ 4:00 ಪರ್ಯಾಂತ್ ಚ್ಹಾ-ಕಾಫಿಯೆಚಿ ವ್ಯವಸ್ಥಾ ಆಸ್ತಲಿ.
ಜಾಗೊ: Pradeep, Kottara Cross, 1st Cross, Via Bejai-Kapikad, Mangalore - 575004