ಕವಿತಾ ಫೆಸ್ತ್ -2013 ಕೊಂಕಣಿ ಕಾವ್ಯಾಚೊ ಅಪ್ರೂಪ್ ಉತ್ಸವ್
ಬಸ್ತಿ ಗಾರ್ಡನ್ಸಾಂತ್ ಕವಿತೆಚ್ಯಾ ನವ್ಯಾ ವಿಚಾರಾಂಚೆರ್ ಚರ್ಚಾ
ಸಾತ್ವ್ಯಾ ವರ್ಸಾಕ್ ಮೇಟ್ ತೆಂಕಲ್ಲೆಂ ಕವಿತಾ ಫೆಸ್ತ್-2013, ಹ್ಯಾ ಪಾವ್ಟಿಂ ತುಂಬೆಚ್ಯಾ ಬಸ್ತಿ ವಾಮನ ಶೆಣೈ ಹಾಂಚ್ಯಾ ಘರ್ಚ್ಯಾ ಮಾಟ್ವಾಂತ್, ಜನೆರಾಚ್ಯಾ 13 ತಾರಿಕೆರ್, ಆಯ್ತಾರಾ, ವರ್ತ್ಯಾ ಗದ್ದಳಾಯೆನ್ ಚಲ್ಲೆಂ.
ಕಾರ್ಯಕ್ರಮಾಚಿ ಸುರ್ವಾತ್ ಬಿ. ಎ, ನರ್ಸಿಂಗ್ ಆಸ್ಪತ್ರೆಚ್ಯಾ ಮಯ್ದಾನಾರ್ ಜಾಲಿ. ತುಂಬೆಚೊ ಮ್ಹಾಲ್ಘಡೊ ವ್ಯಕ್ತಿ ಆನಿ ಉದ್ಯಮಿ ಶ್ರೀ ಬಿ. ಅಹ್ಮದ್ ಹಾಜಿ ಮೊಯುದ್ದೀನ್ ಹಾಣೆಂ ಧೊಲ್ ಬಡವ್ನ್ ಪುರ್ಶಾಂವಾಚಿ ಉಗ್ತಾವ್ಣಿ ಕೆಲಿ. ಹ್ಯಾ ವೆಳಾರ್ ಉಲಯಿಲ್ಲ್ಯಾ ತಾಣೆಂ "ಜೆದ್ನಾ ಮೆಂದ್ವಾಕ್ ಮೆಂದು ಮೆಳ್ತಾತ್, ತೆದ್ನಾ ನವ್ಯಾಚೊ ಉದೆವ್ ಜಾತಾ, ಹ್ಯಾ ದಿಸಾ ಹಾಂಗಾಸರ್ ಹೊ ಎಕ್ತಾರ್ ಘಡ್ಲಾ ಹಾಚೆನಿಮ್ತಿ ನವೆಸಾಂವ್ ಯೆತಲೆಂ, ಸಂಸ್ಕೃತೆಚಿ ಅಭಿವ್ರದ್ಧಿ ಜಾತಲಿ" ಅಶೆಂ ಆಶಯ್ ಉಚಾರ್ಲೊ. ಬೆಂಡಾಚ್ಯಾ ಆವಾಜಾರ್ ಚಲಲ್ಲೊ ಪುರ್ಶಾಂವ್ ಮುಖೆಲ್ ರಸ್ತ್ಯಾ ಥಾವ್ನ್ ಬಸ್ತಿ ವಾಮನ ಶೆಣೈಚ್ಯಾ ಮಾಟ್ವಾಕ್ ಪಾವ್ತಾ ಮ್ಹಣಾಸರ್, ಭೊಂವ್ತಿಚ್ಯಾ ಲೊಕಾಂಚಿಂ ಮನಾಂ ಆಕರ್ಶಿತ್ ಕರಿತ್ ಆಯ್ಲೊ.
ಆಯಿಲ್ಲ್ಯಾ ಸೈರ‍್ಯಾಂಕ್ ಶೆಣೈ ಕುಟ್ಮಾಚ್ಯಾ ಬಸ್ತಿ ಮಾಧವ ಶೆಣೈ ಆನಿ ಬಸ್ತಿ ಗೌರಿ ಮಾಧವ ಶೆಣೈ ಹಾಂಣಿ ಗೊಡಾ ಉದಕ್ ಆನಿಂ ಪಾನ್ ಪೋಡ್ ದೀವ್ನ್ ಮಾಟ್ವಾಂತ್ ಘೆತ್ಲೆಂ. ವೆದಿ ಕಾರ್ಯೆಂ ಆಶಯ್ ಗಿತಾ ಸವೆಂ ಆರಂಭ್ ಜಾಲೆಂ. ನೆತ್ತರೆಕೆರೆಚ್ಯಾ ರೊಬರ್ಟ್ ಡಿ’ಸೋಜಾ ಆನಿ ತಾಚ್ಯಾ ಪಂಗ್ಡಾನ್ ಆಶಯ್ ಗೀತ್ ಸಾದರ್ ಕೆಲೆಂ. ಉಪ್ರಾಂತ್ ಕರ್ನಾಟಕ, ಕೇರಳ, ಗೊಂಯ್, ಮಹಾರಾಷ್ಟ್ರ ತಶೆಂಚ್ ವಿದೇಶಾ ಥಾವ್ನ್ ಫೆಸ್ತಾಕ್ ಆಯಿಲ್ಲ್ಯಾ ಸರ್ವ್ ಸೈರ‍್ಯಾಂಕ್, ಕವಿತಾ ಟ್ರಸ್ಟಾಚೊ ಕಾರ್ಯದರ್ಶಿ ಕಿಶೂ ಬಾರ್ಕುರ್ ಹಾಣೆಂ ಸ್ವಾಗತ್ ಕೆಲೊ. ತಶೆಂಚ್ ತಾಣೆಂ ವೆದಿರ್ ಆಸಲ್ಲ್ಯಾ ಶೆಣೈ ಕುಟ್ಮಾಚಿ ಆನಿ ಮುಖೆಲ್ ಸೈರೊ ಉದಯ್ ಭೆಂಬ್ರೆ ಹಾಂಚಿ ವೊಳಕ್ ಕರುನ್ ದಿಲಿ.
ವೆದಿರ್ ಆಸಲ್ಲ್ಯಾ ಮಾನೆಸ್ತಾಂನಿ ಗುಲೊಬಾಚ್ಯೊ ಪಾಕ್ಳ್ಯೊ ವಾರ‍್ಯಾರ್ ಉಬೊವ್ನ್ ಕವಿತಾ ಫೆಸ್ತಾಚೆಂ ಉಗ್ತಾವಣ್ ಕೆಲೆಂ. ತ್ಯಾ ಉಪ್ರಾಂತ್ ಕವಿತಾ ಟ್ರಸ್ಟ್ ಪೋಷಕಾಂನಿ, ಕವಿತಾ ಫೆಸ್ತ್ ದಾನಿಂನಿ, ಕಾರ್ಯಕಾರಿ ಸಮಿತಿನ್, ಟ್ರಸ್ಟಿಂನಿ ಆನಿ ವೆವೆಗ್ಳ್ಯಾ ಸಂಸ್ಥ್ಯಾಂಚ್ಯಾ ಮುಕೆಲ್ಯಾಂನಿ ಉದ್ಕಾಚೆ ಕಡಾಯೆಂತ್ ಪಾಕ್ಳ್ಯೊ ಧಲೊಂವ್ಕ್ ಸೊಡುನ್ ಸಭೆಕ್ ಕಳಾ ಹಾಡ್ಲಿ. ಹ್ಯಾ ವೆಳಾರ್ ವಲ್ಲಿ ವಗ್ಗಚೊ ಕವಿತಾ ಸಂಗ್ರಹ್ ’ನೆಕೆತ್ರಾಂ’ ಉದಯ್ ಭೆಂಬ್ರೆನ್ ಮೊಕ್ಳಿಕ್ ಕೆಲೊ.
ವಿಚಾರ್ ಸಾತೆಂ : ಕವಿಚಿ ಸಾಮಾಜಿಕ್ ಜವಾಬ್ದಾರಿ:
ಸಕಾಳಿಂಚೆ ಆವ್ದೆಚೆಂ ಪಯ್ಲೆಂ ಕಾರ್ಯೆಂ ಜಾವ್ನಾಸ್ಲ್ಲೆಂ ’ಕವಿಚಿ ಸಾಮಾಜಿಕ್ ಜವಾಬ್ದಾರಿ’ ಮ್ಹಳ್ಳ್ಯಾ ವಿಷಯಾಚೆರ್ ವಿಚಾರ್ ಮಂಡನ್. ಹಾಂತುಂ ಉದಯ್ ಭೆಂಬ್ರೆ ಉಲವ್ನ್ ಅಶೆಂ ಮ್ಹಣಾಲೊ: "ಗೊಂಯ್ಚೆ ಸುಟ್ಕೆಚಿ ಚಳುವಳ್ ಆರಂಭ್ ಜಾಲಿ ತೆದ್ನಾಂ ಬಾಕಿಬಾಬ್ ಬೋರ್ಕರ್ ಹಾಣೆಂ ಸಬಾರ್ ಕವಿತಾ ಬರಯ್ಲ್ಯೊ ಆನಿ ತ್ಯೊ ಲೊಕಾಕ್ ಪಾವಯ್ಲ್ಯೊ. ತಶೆಂಚ್ ಮನೋಹರ್ ಸರ್ದೆಸಾಯ್ ಹೊ ಪಯ್ಶಿಲ್ಯಾ ಫ್ರಾನ್ಸಾಂತ್ ಆಸ್ಲೊ ತರೀ ತಾಣೆಂಯ್ ಆಪ್ಲೊ ಆವಾಜ್ ಕವಿತೆ ದ್ವಾರಿಂ ಉಟಯ್ಲೊ. ಹ್ಯಾಚ್ ವೆಳಾರ್ ಹೆರ್ ಸಬಾರ್ ಕವಿ ವೆಗ್ಳ್ಯಾಚ್ ವಿಷಯಾಚೆರ್ ಕವಿತಾ ಬರೊವ್ನ್ ರಾವ್ಲೆ. ಹಾಂತುಂ ಖಂಯ್ಚೆಂ ಸಾರ್ಕೆಂ ಯಾ ಚೂಕ್ ಮ್ಹಣ್ ಸಾಂಗ್ಚೆಂ ಇಲ್ಲೆಂ ಕಷ್ಟ್. ಕವಿ ಏಕ್ ಸಮಾಜೆಚೊ ವಾಂಟೊ ಆನಿ ತಾಚೆ ಕವಿತೆಂತ್ ಸಮಾಜಾಚೆ ವಿಚಾರ್, ಕಷ್ಟ್ ಪಡ್‌ಬಿಂಬಿತ್ ಜಾಯ್ಜಾಯ್. ತೆಂ ಗರ್ಜೆಚೆಂ. ಪುಣ್ ಹೆಂ ಕವಿನ್ ಆಪ್ಲೆಚ್ ಖುಶೆನ್, ತಾಚೆ ಥಂಯ್ ಶಿಜ್ಚ್ಯಾ ಭೊಗ್ಣಾಂ ಮಾರಿಫತ್ ಕೆಲೆಂ ತರ್ ಬರೆಂ. ಪುಣ್ ಅಶೆಂ ಕರಿಜಾಯ್ ಮ್ಹಣ್ ತಾಚೆರ್ ಒತ್ತಾಯ್ ಕರುಂಕ್ ಜಾಯ್ನಾ. ಕವಿತಾ ಕಾರ್ಖಾನ್ಯಾಂಚಿ ವೊರ್ವಿ ಜಾಯ್ನಾಯೆ. ವಿವಿಧತಾ ಉರೊಂಕಚ್ ಜಾಯ್. ಅಶೆಂ ಜಾಯ್ ತರ್ ಕವಿನ್ ಸ್ವತಂತ್ರ್ ಉರೊಂಕ್ ಜಾಯ್.
ಕವಿ ಸಮಾಜಾಂತ್ಲೊ ವ್ಯಕ್ತಿ. ತಾಕಾ ಸ್ವಾತಂತ್ರ್ಯ್ ಆಸಾ ಆನಿ ಜವಾಬ್ದಾರಿಯ್ ಆಸಾ. ತಶೆಂ ಆಸ್ತಾಂ ತಾಣೆಂ ವೆಗ್ಳೊ ಮ್ಹಣ್ ಪಯ್ಸ್ ರಾವೊಂಕ್ ಜಾಯ್ನಾ. ಆಮ್ಕಾಂ ‘freedom of expression’ ಆಸಾ. ಎಕಾ ಕವಿನ್ ಜಯಪ್ರದಾ ಆನಿ ಹೇಮಾಮಾಲಿನಿ ಪಾರ್ಲಿಮೆಂಟಾಕ್ ಗೆಲ್ಲ್ಯಾ ವಯ್ರ್ ಆನಿ ಮಲ್ಲಿಕಾ ಶೆರಾವತ್ ಪಾರ್ಲಿಮೆಂಟಾಕ್ ಗೆಲ್ಯಾರ್ ಕಿತೆಂ ಜಾಯ್ತ್ ಮ್ಹಣ್ ಕವಿತಾ ಬರಯ್ಲ್ಯಾ. ಅಶೆಂ ಕೆಲ್ಯಾರ್, ಕವಿತಾ ಜಾಲ್ಲ್ಯಾಂಚಿ ಆನಿಂ ಕವಿತಾ ಬರಯಿಲ್ಲ್ಯಾಂಚಿ, ದೊಗಾಂಚೀಯ್ ಪ್ರತಿಷ್ಟಾ ವಾಡನಾ. ಅಶೆಂ ಜಾಯ್ನಾಶೆಂ ಕವಿನ್ ಜಾಗ್ರೂತ್ ಆಸಜಾಯ್" ಅಶೆಂ ಸವಿಸ್ತಾರ್ ರಿತಿನ್ ದಾಕ್ಲ್ಯಾಂ ಮಾರಿಫಾತ್ ತಾಂಣಿ ಆಪ್ಲೊ ವಿಚಾರ್ ಸ್ಪಷ್ಟ್ ಕೆಲೊ.
ವಿಚಾರ್ ಸಾತ್ಯಾಕ್ ಪ್ರತಿಕ್ರಿಯಾ:
ಹಾಕಾ ಪ್ರತಿಕ್ರಿಯಾ ಜಾವ್ನ್ ಚಲಲ್ಲ್ಯಾ ವಿಚಾರ್ ಸಾತ್ಯಾಂತ್ ನೂತನ್ ಸಾಖರ್‌ದಾಂಡೆ ಆನಿ ಮ್ಯಾಕ್ಸಿಮ್ ಲೋಬೊ ಹಾಂಣಿ ಆಪ್ಲೆ ವಿಚಾರ್ ಸಾದರ್ ಕೆಲೆ.
ನೂತನ್ ಸಾಖರ್‌ದಾಂಡೆ ಅಶೆಂ ಮ್ಹಣಾಲಿ: "ಜೆದ್ನಾಂ ಸಮಾಜಾಂತ್ ಕಸಲೆಂಯ್ ಘಡಿತ್ ಘಡ್ತಾ, ತೆಂ ಮ್ಹಾಕಾ ಅಸ್ವಸ್ತ್ ಕರ್ತಾ ಆನಿ ತಿ ಅಸ್ವಸ್ತತಾ ಕವಿತಾ ಜಾವ್ನ್ ಯೆತಾ. ಮ್ಹಜ್ಯೊ ಜಾಯ್ತ್ಯೊ ಕವಿತಾ ಸಮಾಜಾಕ್ ಸ್ಪಂದನ್ ಜಾವ್ನ್ ಬರಯಿಲ್ಲ್ಯೊ. ಜರ್ ಮ್ಹಾಕಾ ಅಶೆಂ ಭೊಗ್ತಾ ತರ್ ಮ್ಹಜೆ ಬರಿಚ್ ಹರ್ ಕವಿಕ್ ಅಶೆಂ ಭೊಗ್ತಾ ಆನಿ ತಾಕಾ ಭೊಗ್ತಾ ಜಾಲ್ಲ್ಯಾನ್ ತಾಚೆ ಕವಿತೆಂತ್ ಜರ್ ಹಾಚೊ ಆವಾಜ್ ಉಟನಾ ತರ್, ತೊ ಸಮಾಜಾಕ್ ಸ್ಪಂದನ್ ಕರಿನಾ ಮ್ಹಣ್ ಸಾಂಗ್ಯೆತ್.
ದಿಲ್ಲಿಂತ್ ಅತ್ಯಾಚಾರಾಕ್ ಬಲಿ ಜಾಲ್ಲೆ ಚಲಿಯೆಚ್ಯೊ ಕಿಂಕ್ರಾಟ್ಯೊ ಹಾಂವೆಂ ಖುದ್ ಸೊಸುಂಕ್ ಜಾಯ್. ಹಿ ಗರ್ಜ್. ಸಮಾಜೆಚ್ಯೋಯ್ ಗರ್ಜೊ ಆಸ್ತಾತ್. ಜೀಣ್ ಆಸ್ಚಿ ಸಮಾಜಾ ಖಾತಿರ್. ಆನಿಂ ಹ್ಯಾ ಸಮಾಜಾಕ್ ಕವಿನ್ ಇಲ್ಲೆಂ ತರೀ ಸ್ಪಂದಿತ್ ಜಾಂವ್ಕ್ ಜಾಯ್."
ಉಪ್ರಾಂತ್ ಹ್ಯಾಚ್ ವಿಷಯಾಚೆರ್ ಮ್ಯಾಕ್ಸಿಮ್ ಲೋಬೊ ಉಲಯ್ಲೊ: "ಫಕತ್ ಭೊಗ್ಣಾಂಚೊ ಉಮಾಳೊ ಕವಿತಾ ಜಾತಾ ತರ್ ತಿ ಕವಿತಾ ಉತಳ್ ಜಾತಾ. "ಉತರ್ ಭಿತರ್ ಶಿಜ್ಲ್ಯಾ ಶಿವಾಯ್ ಪಾನಾರ್ ವಾಡ್ಚೆಂ ನ್ಹಯ್." ಕವಿತಾ ಬದ್ಲಾವಣ್ ಹಾಡ್ತಾಗೀ ಮ್ಹಳ್ಳ್ಯಾ ವಿಶ್ಯಾಂತ್ ಸವಾಲಾಂ ಆಸಾತ್. ತರೀ ಬದ್ಲಾವಣ್ ಜಾತಾ ಮ್ಹಣ್ ಸಾಂಗೊಂಕ್ ಸಬಾರ್ ದಾಖ್ಲೆ ಆಸಾತ್. ಪ್ಯಾಬ್ಲೊ ಆನಿ ಹೆರ್ ಕವಿ ರಾಜಕೀಯ್ ಆನಿ ಕವಿತಾ ಮಧೆಂ ಸಾಂಖೊವ್ ಜಾಂವ್ಕ್ ಪಾವ್ಲೆ. ಇರಾಕಾಚ್ಯಾ ಝುಜಾ ವೆಳಾರ್ ಕವಿಂನಿ ಆವಾಜ್ ಉಟಯಿಲ್ಲೊ.
ಕವಿತಾ ಸಪ್ಣೆಂವ್ಕ್ ಶಿಕಯ್ತಾ ಆನಿ ಸಪ್ಣಾಂ ಸಂಸಾರ್ ಚಲಯ್ತಾತ್. ದೇಶ್ ಅಸ್ವಸ್ಥ್ ಜಾಲಾ. ದಿಲ್ಲಿಂತ್ ಅತ್ಯಾಚಾರಾಚೊ ವಿರೋಧ್ ಕರುಂಕ್ ಗೆಲ್ಲೆಕಡೆ ಸಯ್ತ್ ಚೆಡ್ವಾಂಕ್ ಧೊಶಿ ಭೊಗುಂಕ್ ಮೆಳ್ತಾ. ಅಸಲೆ ಪರಿಗಂತೆಂತ್ ಫಕತ್ ಕವಿಂಚಿ ಜವಾಬ್ದಾರಿ ಫಕತ್ ಕವಿತಾ ನ್ಹಯ್. ಪುಣ್ ಹಿ ಕವಿತಾ ಸರ್ವಾಂ ಥಂಯ್ ಪಾವಶೆಂ ಕರ‍್ಚೇಂಯ್ ತಾಚಿ ಜವಾಬ್ದಾರಿ. ಹ್ಯಾ ಬಾಬ್ತಿನ್ ತಾಣೆಂ ಥೊಡೆ ಹಿಶಾರೆ ದಿಲೆ: 1) ಫಾಯ್ಸ್ ಜಾಲ್ಲ್ಯೊ ಕವಿತಾ ಸರ್ವಾಂಕ್ ಪಾವಜಾಯ್ 2) ವೆವೆಗ್ಳ್ಯಾ ಭಾಸಾಂನಿ / ಲಿಪಿಂನಿ ಕವಿತಾ ಲಾಭಜಾಯ್. ಲಿಪಿಂಚೆ ದೊರೆ ಉಣೆಂ ಕರಿಜಾಯ್. 3) ಭುರ್ಗ್ಯಾಂಕ್ ಕೊಂಕಣಿ ಆನಿ ಕವಿತಾ ಕಡೆ ಆಕರ್ಷಿತ್ ಕರಂವ್ಕ್ ಜಾಯ್.
ಹಾಚೆ ಉಪ್ರಾಂತ್ ಸಬಾರ್ ಸಭಿಕಾಂನಿ ಆಪ್ಲಿಂ ಸವಾಲಾಂ ವಿಚಾರ‍್ಲಿಂ. ಹಾಕಾ ಉದಯ್ ಭೇಂಬ್ರೆ ಹಾಣಿಂ ಜಾಪ್ ದಿಲಿ ಆನಿ ವಿಚಾರ್ ಸಾತೆಂ ಆಖೇರ್ ಕೆಲೆಂ.
ಅಖಿಲ್ ಭಾರತ್ ಕೊಂಕಣಿ ಕವಿತಾ ವಾಚನ್ ಸರ್ತ್:
ಸಕಾಳಿಂಚ್ಯಾ ಆದೆಸಾಚೆಂ ದುಸ್ರೆಂ ಕಾರ್ಯೆಂ ಜಾವ್ನಾಸ್ಲ್ಲೆಂ - 15 ಥಾವ್ನ್ 30 ವರ್ಸಾಂಚ್ಯಾ ಯುವಜಣಾಂ ಖಾತಿರ್ ಆಸಾ ಕೆಲ್ಲೆಂ – ರೋಹನ್ ಆನಿ ಲವೀಟಾ ಮೊಂತೇರೊ ಅಖಿಲ್ ಭಾರತೀಯ್ ಕೊಂಕಣಿ ಕವಿತಾ ವಾಚನ್ ಸರ್ತ್. ಹಾಚಿ ಸುರ್ವಿಲೆ ಸ್ಪರ್ಧೆ ಪಣಜಿ, ಮಡಗಾಂವ್ , ಉಡುಪಿ ಆನಿ ಮಂಗ್ಳುರಾಂತ್ ಆಸಾ ಕೆಲ್ಲೆ. ತಾಂತುಂ ವಿಂಚುನ್ ಆಯಿಲ್ಲ್ಯಾ 21 ಯುವಜಣಾಂನಿ ಕವಿತಾ ಸಾದರ್ ಕೆಲ್ಯೊ. ಕಿಶೂ ಬಾರ್ಕುರ್, ಕ್ರಿಸ್ಟೊಫರ್ ನಿನಾಸಂ, ಮೆಲ್ವಿನ್ ರೊಡ್ರಿಗಸ್ ಆನಿ ಎಂಡ್ರ್ಯೂ ಎಲ್ ಡಿಕುನ್ಹಾ. ಪ್ರಸ್ತುತ್ ಕೆಲ್ಲ್ಯೊ ಕವಿತಾ ಸಭಿಕಾಂಕ್ ಖೂಬ್ ಆವಡ್ಲ್ಯೊ.
ದೊನ್ಪಾರಾಂಚೊ ಭಾಗ್
ಬಹುಭಾಶಾ ಕವಿಗೋಷ್ಟಿ:
ದೊನ್ಪಾರಾಂಚ್ಯಾ ಕಾರ್ಯಕ್ರಮಾಚೊ ಪಯ್ಲೊ ಭಾಗ್ ಆಸ್‌ಲ್ಲಿ ಬಹುಭಾಷಾ ಕವಿಗೋಷ್ಟಿ ಶ್ರೀ ಉದಯ್ ಮ್ಹಾಂಬ್ರೊ ಹಾಚ್ಯಾ ಅಧ್ಯಕ್ಷಪಣಾರ್ ಚಲ್ಲಿ. ಹಾಂತುಂ ಇಂದು ಗೇರುಸೊಪ್ಪೆ, ಸ್ಟೆನಿ ಬೆಳಾ, ವಿಲ್ಮಾ ಬಂಟ್ವಾಳ್, ಜಿಯೊ ಆಗ್ರಾರ್, ಅಶೋಕ್ ಭೊಂಸ್ಲೊ, ಡಾ. ಎಲ್. ಸುನೀತಾ ಬಾಯ್, ಅಶ್ರಫ್ ಅಪೊಲ್ಲೊ (ಬ್ಯಾರಿ), ವಿ. ಎಸ್. ಭಟ್ (ಕನ್ನಡ), ಅಮೃತಾ ಅತ್ರಾಡಿ (ತುಳು) ಆನಿ ಕಿರಣ್ ಪರ್ಮಾರ್ (ಹಿಂದಿ) - ಹಾಂಣಿ ಕವಿಗೋಷ್ಟಿಂತ್ ಭಾಗ್ ಘೆವ್ನ್ ಆಪ್ಲ್ಯೊ ಕವಿತಾ ಪ್ರಸ್ತುತ್ ಕೆಲ್ಯೊ.
ಸಮಾರೋಪ್ ಕಾರ್ಯೆಂ:
ಸಮಾರೋಪ್ ಕಾರ್ಯಾಚಿ ಸುರ್ವಾತ್ ಕವಿತಾ ಟ್ರಸ್ಟಾಚೊ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸಾನ್ ಕೆಲಿ. ವೆದಿರ್ ಹಾಜರ್ ಆಸಲ್ಲೊ ಮುಕೆಲ್ ಸೈರೊ ಫಾ. ಪ್ರಶಾಂತ್ ಮಾಡ್ತಾ, ಮಾನಾಚೆ ಸೈರೆ ಜೇಮ್ಸ್ ಮೆಂಡೊನ್ಸಾ, ಲವೀಟಾ ಮೊಂತೇರೊ ಆನಿ ರೋಹನ್ ಮೊಂತೇರೊ ಹಾಂಚಿ ವೊಳಕ್ ಆನಿಂ ಕವಿತಾ ಟ್ರಸ್ಟಾಕ್ ತಾಂಣಿ ದಿಲ್ಲ್ಯಾ ಆಧಾರಾಚೊ ವಿವರ್ ದಿಲೊ. ಯೆದೊಳ್ ಚಲ್‌ಲ್ಲ್ಯಾ ಕವಿತಾ ಟ್ರಸ್ಟಾಚ್ಯಾ ಕಾರ್ಯಕ್ರಮಾಂಚೊ ವಿವರ್ ತಶೆಂಚ್ ಆಸಾ ಕೆಲ್ಲ್ಯಾ ಪುರಸ್ಕಾರ್ ಆನಿ ಸ್ಪರ್ಧ್ಯಾಂಚೊ ವಿವರ್ ಸೈತ್ ಆಪ್ಲ್ಯಾ ಯೆವ್ಕಾರ್ ಭಾಷಣಾಂತ್ ತಾಣೆ ದಿಲೊ.
ದೆ. ಚಾರ್ಲ್ಸ್ ಆನಿ ತೆರೆಸಾ ರೊಡ್ರಿಗಸ್ ಹಾಂಚ್ಯಾ ಉಗ್ಡಾಸಾಕ್ ಆಸಾ ಕೆಲ್ಲ್ಯಾ 'ಸವ್ಯಾ ಅಖಿಲ್ ಭಾರತೀಯ್ ಕೊಂಕಣಿ ಕವಿತಾ ಬರೊಂವ್ಚೊ ಸ್ಫರ್ಧೊ' - ಹಾಂತ್ಲ್ಯಾ ವಿಜೇತಾಂಕ್ ಇನಾಮಾಂ ವಾಂಟ್ಲಿಂ. ಪಯ್ಲೆಂ ಇನಾಮ್ ಜೊಡಲ್ಲೆಂ ಗೊಂಯ್ಚೆಂ ರೊಶೆಲ್ ದಿನಿಜ್ ಆಪ್ಲೆ ಆವಯ್ ತಶೆಂ ಇಸ್ಕೊಲಾಚೆ ಮುಕೆಲ್ ಮೆಸ್ತ್ರಿಣಿ ಸವೆಂ ಹಾಜರ್ ಆಸೊನ್, ಹ್ಯಾ ಸಂದರ್ಭಾರ್ ರುಪಯ್ ದೇಡ್ ಹಜಾರ್, ಯಾದಸ್ತಿಕಾ ತಶೆಂ ಪ್ರಮಾಣ್ ಪತ್ರ್ ಸ್ವೀಕಾರ್ ಕೆಲೆಂ. ದುಸ್ರೆಂ ಇನಾಮ್ ಜೊಡಲ್ಲೆಂ ಗೊಂಯ್ಚೆಂ ಕನಕ ಆತ್ಮರಾಮ್ ನಾರ್ವೆಕಾರ್ ಯೇಂವ್ಕ್ ಪಾವ್ಲೆಂ ನಾ ತರ್, ತಿಸ್ರೆಂ ಇನಾಮ್ ಜೊಡಲ್ಲೊ ಬಜ್ಪೆಚೊ ಸ್ಟೀವನ್ ಡಿ’ಸೋಜಾ ಆಪ್ಲೆ ಆವಯ್ ಆನಿ ಭಯ್ಣಿ ಸವೆಂ ಯೇವ್ನ್, ರುಪಯ್ ಸಾಡೆ-ಸಾತ್ಶಿಂ, ಯಾದಸ್ತಿಕಾ ಆನಿ ಪ್ರಮಾಣ್ ಪತ್ರ್ ಸ್ವೀಕಾರ್ ಕರುನ್ ಗೆಲೊ.
ಉಪ್ರಾಂತ್ "ರೋಹನ್ ಆನಿ ಲವೀಟಾ ಮೊಂತೆರೊ ಅಖಿಲ್ ಭಾರತ್ ಕೊಂಕಣಿ ಕವಿತಾ ವಾಚನ್ ಸರ್ತೆಚ್ಯಾ ನಿಮಾಣ್ಯಾ ಹಂತಾಂತ್ ಭಾಗ್ ಘೆತಲ್ಲ್ಯಾ ಸರ್ವಾಂಕ್ ಪ್ರಮಾಣ್ ಪತ್ರಾಂ ದಿಲಿಂ. ಹ್ಯಾ ಸ್ಪರ್ಧ್ಯಾಂತ್ ಪಯ್ಲೆಂ ಇನಾಮ್ ಜಾವ್ನ್ ರುಪಯ್ ಅಡೇಜ್ ಹಜಾರ್, ಯಾದಸ್ತಿಕಾ ಆನಿ ಪ್ರಮಾಣ್ ಪತ್ರ್ ಗೊಂಯ್ಚ್ಯಾ ಮಂಗೇಶ್ ಪಿ. ಹಾಣೆಂ ಜೊಡ್ಲೆಂ ತರ್, ದುಸ್ರೆಂ ಇನಾಮ್ ಜಾವ್ನ್ ರುಪಯ್ ದೋನ್ ಹಜಾರ್ ಮಂಗ್ಳುರ‍್ಚ್ಯಾ ಜೈಸನ್ ಸಿಕ್ವೇರಾಕ್ ಲಾಭ್ಲೆ ಜಾಲ್ಯಾರ್, ತಿಸ್ರೆಂ ಇನಾಮ್ ಜಾವ್ನ್ ರುಪಯ್ ಏಕ್ ಹಜಾರ್ ಗೊಂಯ್ಚ್ಯಾ ಸುಶ್ಮಿತಾ ಪೈ ಹಿಕಾ ಲಾಭ್ಲೆ. ಸಮಾಧಾನಾಚಿಂ ಇನಾಮಾಂ ಜಾವ್ನ್ ರುಪಯ್ ಪಾಂಯ್ಶಿಂ ಆಮೋರಾ ಮೊಂತೇರೊ, ಮಂಗ್ಳುರ್, ಸಿದ್ಧಿ ಟಿ ಶೇಟ್ ರಾಯ್ಕರ್, ಗೊಂಯ್ ಆನಿ ಕ್ಲೆಮೆಂಟ್ ಫೆರ್ನಾಂಡಿಸ್, ಮಂಗ್ಳುರ್ ಹಾಂಕಾಂ ಫಾವೊ ಜಾಲೆ.
ಉಪ್ರಾಂತ್ 'ಮಥಾಯಸ್ ಕುಟಮ್ ಕವಿತಾ ಪುರಸ್ಕಾರ್" ರಾಜಯ್ ಪವಾರಾಕ್ ಪಾಟಯ್ಲೊ. ಹೊ ಪುರಸ್ಕಾರ್ ತಾಂಣಿ ಕೊಂಕಣಿ ಕಾವ್ಯಾಚೆರ್ ಸಂಸೊಧ್ ಚಲವ್ನ್ ಮಹಾಪ್ರಬಂಧ್ ಬರವ್ನ್ ದೊತೊರ್ ಪದ್ವಿ ಆಪ್ಣಾಯಿಲ್ಲೆಂ ಮಾಂದುನ್ ಘೆವ್ನ್ ಹೊ ಪುರಸ್ಕಾರ್ ತಾಕಾ ಜಾಹೀರ್ ಕೆಲ್ಲೊ. ಖಾಸ್ಗಿ ಕಾರಣಾಂ ಪಾಸತ್ ತಾಕಾ ಸಮಾರಂಭಾಕ್ ಹಾಜರ್ ಜಾಂವ್ಕ್ ಜಾಲೆಂನಾ ದೆಕುನ್ ನೂತನ್ ಸಾಖರ್‌ದಾಂಡೆನ್ ಹೊ ಪುರಸ್ಕಾರ್ ಸ್ವೀಕಾರ್ ಕೆಲೊ.
ಹ್ಯಾ ವೆಳಾರ್ ಸಮಾರೋಪ್ ಭಾಷಣ್ ಫಾ. ಪ್ರಶಾಂತ್ ಮಾಡ್ತಾ ಹಾಂಣಿ ದಿಲೆಂ ಆನಿ ಹ್ಯಾ ವೆಳಾರ್ ಉಲವ್ನ್ ತೊ ಅಶೆಂ ಮ್ಹಣಾಲೊ: ಸಾಹಿತ್ಯ್ ಮ್ಹಳ್ಳೊ ಸಬ್ದ್ 'ಸಹಿತ' ಮ್ಹಳ್ಳ್ಯಾ ಸಬ್ದಾ ಥಾವ್ನ್ ಉಬ್ಜಾತಾ. 'ಸಹಿತ' ಮ್ಹಳ್ಳ್ಯಾರ್ ಜೆಂ ಜಿಣ್ಯೆಚೆಂ ಸರ್ವ್ ಆಟಾಫುನ್ ಆಸಾ ತೆಂ. ತಾಂತುಂ ಜೆನ್ನಾಂ ಸಂಗೀತ್ ಮೆಳ್ತಾ ತೆದ್ನಾಂ ಕವಿತಾ ಉದೆತಾ. ಶೆಂಭರ್ ರಿತಿಂನಿ "ವ್ಹಯ್' ಮ್ಹಣೊಂಕ್ ಶಿಕ್ಲ್ಯಾರ್ ಆಮಿ ಕವಿತೆ ವಿಶ್ಯಾಂತ್ ಮಸ್ತ್ ಶಿಕ್ಯೆತ್.
ಅಧುನಿಕ್ ಕವಿತೆಚೆಂ ಏಕ್ ವ್ಯಾಖ್ಯಾನಾ ಪ್ರಕಾರ್ 'ಕವಿಚೆಂ ಕಾಮ್ ಜಾವ್ನಾಸಾ ಫಕತ್ ಸಬ್ದ್ ಗುಂತ್ಚೊ. ತಾಚೊ ಅರ್ಥ್ ಕರ್ಚೆಂ ಕಾಮ್ ವಾಚ್ಪ್ಯಾಚೆಂ". 'ಮೋವ್ ಬಟನ್', 'ಬಾಳೆಯ ಕೊನೆ ಗೊನೆ' ಅಸಲೆ ಸಾದೆ ಸಬ್ದ್ ಸಯ್ತ್ ಸಬಾರ್ ಅರ್ಥ್ ಝಳ್ಕಾಂವ್ಕ್ ಸಕ್ತಾತ್. ಎಕಾ ಕವಿ ಪ್ರಕಾರ್ 'ರಾಂದಪ್ ಮ್ಹಜೆಂ, ರೂಚ್ ತುಜಿ' - ವಾಚ್ಪಿ ಜಶೆಂ ಕಾವ್ಯೆಂ ಚಾಕ್ತಾ ತಶೆಂ.
ಕವಿತೆಚೊ ಏಕ್ ವಿಶೇಷ್ ಗೂಣ್ ಆಸಾ ಪ್ರಾಸ್. ತಶೆಂಚ್ ಶಬ್ಡಾಲಂಕಾರ್ ಕವಿತೆಚಿ ಸೊಭಾಯ್ ವಾಡಯ್ತಾತ್. ಪುಣ್ ಪ್ರಾಸಾಕ್ ದಾಸ್ ಜಾವ್ನ್ 'ಭಾವ್' ಮೊರಾನಾಯೆ."
ಬರೆಂ ಕವನ್ ಮ್ಹಳ್ಳ್ಯಾರ್ ತೆಂ ಥೊಡ್ಯೊ ಸಂಗ್ತಿ ಹಾಲವ್ನ್ ಸೊಡ್ತಾ. ತಶೆಂ ಕವನಾಕ್ ಆರ್ಥಾಕ್ ಜಾಗೊ (suggestiveness) ಆಸ್ತಾ. ದಾಖ್ಲ್ಯಾಕ್ 'ಇಗರ್ಜೆಚ್ಯಾ ತೊರಿಂತ್ ಘರ್ ಮ್ಹಜೆಂ ಧಾಂಪುನ್ ಗೆಲೆಂ"..
ತಶೆಂಚ್ ಏಕ್ ಬರೆಂ ಕವನ್ ಮ್ಹಳ್ಯಾರ್ ತ್ಯಾ ಕವನಾನ್ ಕಿತೆಂ ತರೀ ಕರಿಜಾಯ್. ಆಮ್ಚಿಂ ಸಬಾರ್ ಕವನಾಂ, ಗಿತಾಂ 'ಸ್ತೀಯೆಕ್ ರುತಾ' ಕರ್ತಾತ್. ಅಶೆಂ ಸಾಂಗುನ್ ಸಾಂಗುನ್ ಏಕ್ ರುಪ್ಣೆಂ ಉಬೆಂ ಕರ್ತಾ ಆನಿಂ ಕ್ರಮೇಣ್ ತೆಂ ರುಪ್ಣೆಂ ಸಮಾಜಾಚೆಂ ಆದರ್ಶ್ ಜಾತಾ. ತಶೆಂಚ್ ಕವಿತೆಂಚೊ ಅರ್ಥ್ ಕರ್ತಾನಾ ಆಮಿ 'ವಸಾಹತುಶಾಯಿ' ಚಿಂತಪ್ ಘೆತ್ಲ್ಯಾರ್ ತಾಕಾ ವೆಗ್ಳೊಚ್ ಅರ್ಥ್ ಯೇಂವ್ಕ್ ಜಾತಾ."
ಫಾ. ಮಾಡ್ತಾಚ್ಯಾ ಉಲವ್ಣ್ಯಾನ್ ಸಭಿಕಾಂಕ್ ಖೂಬ್ ಹಾಸಯ್ಲೆಂ ಮಾತ್ರ್ ನ್ಹಯ್ ಅರ್ಥಾಭರಿತ್ ವಿಚಾರ್ ಸಮ್ಜಶೆಂ ಕರೊಂವ್ಚ್ಯಾಂತ್ ತ್ಯೊ ಉಪ್ಕಾರಾಚ್ಯೊ ಜಾಲ್ಯೊ.
ಆಖ್ರೇಚೊ ವಾಂಟೊ:
ಕವಿತಾ ಟ್ರಸ್ಟಾನ್ 'ಬಸ್ತಿ ವಾಮನ್ ಶೆಣೈ' ಹಾಕಾ ಕೊಂಕ್ಣೆಕ್ ತಾಣೆಂ ದಿಲ್ಲ್ಯಾ ದೆಣ್ಗೆ ಪಾಸತ್ ಉಪ್ಕಾರಾಚಿ ಕಾಣಿಕ್ ಜಾವ್ನ್ ವಿಲ್ಸನ್ ಕಯ್ಯಾರಾನ್ ಚಿತ್ರಾಯಿಲ್ಲೆಂ ಪಿಂತುರ್ ಹ್ಯಾ ಸಂದರ್ಭಾರ್ ದಿಲೆಂ.
ಕವಿತಾ ಟ್ರಸ್ಟಾಚೊ ಟ್ರಸ್ಟಿ ವಿಕ್ಟರ್ ಮಥಾಯಸ್ (ವಿತೊರಿ ಕಾರ್ಕಳ್) ಹಾಣೆಂ ಸರ್ವಾಂಕ್ ಧನ್ಯವಾದ್ ದಿಲೆ. ಸಗ್ಳೆಂ ಕಾರ್ಯೆಂ 'ಎರಿಕ್ ಸೋನ್ಸ್ ಬಾರ್ಕುರ್' ಹಾಣೆಂ ನಿರ್ವಹಣ್ ಕೆಲೆಂ.
ಸಾಂಸ್ಕೃತಿಕ್ ಕಾರ್ಯೆಂ:
ಡಾ. ಪಾಂಡುರಂಗಾನ್ 'ಮಾಂಡ್ ಸಮೇಳ್' ಪಂಗ್ಡಾಚಿ ವೊಳಕ್ ದಿಲಿ. ಹ್ಯಾ ಪಂಗ್ಡಾನ್ 'ದಿವ್ಯಾ ನಾಚ್', 'ಇಣ್ಯೆ ನಾಚ್' ಅಸಲ್ಯಾ ವಿವಿಧ್ ಜಾನಪದ್ ನಾಚ್ ಆನಿ ಗಾಣ್ಯಾಂನಿ ಲೊಕಾಂಚಿಂ ಮನಾಂ ಸಂತೊಸಾಯ್ಲಿಂ.
ಸಕಾಳಿಂ ನಾಸ್ಟೊ, ದೊನ್ಪಾರಾಂ ಜೆವಣ್, ಸಾಂಜೆರ್ ಚಾ ಆನಿ ರಾತಿಂ ಜೆವಣ್ ಮ್ಹಣೊನ್ ಸರ್ವಯ್ ರಿತಿಂಚೆ ರುಚಿಂಕ್ ಹ್ಯಾ ಕವಿತಾ ಫೆಸ್ತಾನ್ ಸಮಾಧಾನ್ ಕೆಲೆಂ.
कविता फेसत -२०१३ कोंकणी काव्याचो अपरूप उत्सव
बसती गार्डन्सांत कवितेच्या नव्या विचारांचेर चर्चा
सात्व्या वर्साक मेट तेंकल्लें कविता फेसत-२०१३, ह्या पावटीं तुंबेच्या बसती वामन शेणै हांच्या घर्च्या माटवांत, जनेराच्या १३ तारिकेर, आयतारा, वर्त्या गद्दळायेन चल्लें.
काऱ्यक्रमाची सुर्वात बी. ए, नर्सिंग आस्पत्रेच्या मयदानार जाली. तुंबेचो म्हालघडो व्यक्ती आनी उद्यमी श्री बी. अह्मद हाजी मोयुद्दीन हाणें धोल बडवन पुर्शांवाची उग्तावणी केली. ह्या वेळार उलयिल्ल्या ताणें "जेदना मेंद्वाक मेंदू मेळतात, तेदना नव्याचो उदेव जाता, ह्या दिसा हांगासर हो एक्तार घडला हाचेनिमती नवेसांव येतलें, संसकृतेची अभिवरद्धी जातली" अशें आशय उचारलो. बेंडाच्या आवाजार चलल्लो पुर्शांव मुखेल रसत्या थावन बसती वामन शेणैच्या माटवाक पावता म्हणासर, भोंवतिच्या लोकांचीं मनां आकर्शीत करीत आयलो.
उग्तावण काऱ्यें:
आयिल्ल्या सैर्यांक शेणै कुटमाच्या बसती माधव शेणै आनी बसती गौरी माधव शेणै हांणी गोडा उदक आनीं पान पोड दीवन माटवांत घेतलें. वेदी काऱ्यें आशय गिता सवें आरंभ जालें. नेत्तरेकेरेच्या रोबर्ट डी’सोजा आनी ताच्या पंगडान आशय गीत सादर केलें. उपरांत कर्नाटक, केरळ, गोंय, महाराषट्र तशेंच विदेशा थावन फेसताक आयिल्ल्या सर्व सैर्यांक, कविता ट्रसटाचो काऱ्यदर्शी किशू बार्कूर हाणें स्वागत केलो. तशेंच ताणें वेदीर आसल्ल्या शेणै कुटमाची आनी मुखेल सैरो उदय भेंबरे हांची वोळक करून दिली.
वेदीर आसल्ल्या मानेसतांनी गुलोबाच्यो पाकळ्यो वार्यार उबोवन कविता फेसताचें उग्तावण केलें. त्या उपरांत कविता ट्रसट पोषकांनी, कविता फेसत दानिंनी, काऱ्यकारी समितीन, ट्रसटिंनी आनी वेवेगळ्या संस्थ्यांच्या मुकेल्यांनी उदकाचे कडायेंत पाकळ्यो धलोवंक सोडून सभेक कळा हाडली. ह्या वेळार वल्ली वग्गचो कविता संग्रह ’नेकेत्रां’ उदय भेंबरेन मोकळीक केलो.
विचार सातें : कविची सामाजीक जवाब्दारी:
सकाळिंचे आवदेचें पयलें काऱ्यें जावनासल्लें ’कविची सामाजीक जवाब्दारी’ म्हळ्ळ्या विषयाचेर विचार मंडन. हांतूं उदय भेंबरे उलवन अशें म्हणालो: "गोंयचे सुटकेची चळुवळ आरंभ जाली तेदनां बाकिबाब बोर्कर हाणें सबार कविता बरयल्यो आनी त्यो लोकाक पावयल्यो. तशेंच मनोहर सर्देसाय हो पयशिल्या फ्रान्सांत आसलो तरी ताणेंय आपलो आवाज कविते द्वारीं उटयलो. ह्याच वेळार हेर सबार कवी वेगळ्याच विषयाचेर कविता बरोवन रावले. हांतूं खंयचें सार्कें या चूक म्हण सांगचें इल्लें कषट. कवी एक समाजेचो वांटो आनी ताचे कवितेंत समाजाचे विचार, कषट पडबिंबीत जायजाय. तें गर्जेचें. पूण हें कवीन आपलेच खुशेन, ताचे थंय शिजच्या भोगणां मारिफत केलें तर बरें. पूण अशें करिजाय म्हण ताचेर ओत्ताय करुंक जायना. कविता कार्खान्यांची वोर्वी जायनाये. विविधता उरोंकच जाय. अशें जाय तर कवीन स्वतंत्र उरोंक जाय.
कवी समाजांतलो व्यक्ती. ताका स्वातंतऱ्य आसा आनी जवाब्दारीय आसा. तशें आसतां ताणें वेगळो म्हण पयस रावोंक जायना. आमकां ‘freedom of expression’ आसा. एका कवीन जयपरदा आनी हेमामालिनी पारलिमेंटाक गेल्ल्या वयर आनी मल्लिका शेरावत पारलिमेंटाक गेल्यार कितें जायत म्हण कविता बरयल्या. अशें केल्यार, कविता जाल्ल्यांची आनीं कविता बरयिल्ल्यांची, दोगांचीय प्रतिषटा वाडना. अशें जायनाशें कवीन जाग्रूत आसजाय" अशें सविसतार रितीन दाकल्यां मारिफात तांणी आपलो विचार स्पषट केलो.
विचार सात्याक प्रतिक्रिया:
हाका प्रतिक्रिया जावन चलल्ल्या विचार सात्यांत नूतन साखरदांडे आनी म्याक्सीम लोबो हांणी आपले विचार सादर केले.
नूतन साखरदांडे अशें म्हणाली: "जेदनां समाजांत कसलेंय घडीत घडता, तें म्हाका अस्वसत कर्ता आनी ती अस्वसतता कविता जावन येता. म्हज्यो जायत्यो कविता समाजाक स्पंदन जावन बरयिल्ल्यो. जर म्हाका अशें भोग्ता तर म्हजे बरीच हर कवीक अशें भोग्ता आनी ताका भोग्ता जाल्ल्यान ताचे कवितेंत जर हाचो आवाज उटना तर, तो समाजाक स्पंदन करिना म्हण सांग्येत.
दिल्लिंत अत्याचाराक बली जाल्ले चलियेच्यो किंक्राट्यो हांवें खूद सोसुंक जाय. ही गर्ज. समाजेच्योय गर्जो आसतात. जीण आसची समाजा खातीर. आनीं ह्या समाजाक कवीन इल्लें तरी स्पंदीत जावंक जाय."
उपरांत ह्याच विषयाचेर म्याक्सीम लोबो उलयलो: "फकत भोगणांचो उमाळो कविता जाता तर ती कविता उतळ जाता. "उतर भितर शिजल्या शिवाय पानार वाडचें न्हय." कविता बदलावण हाडतागी म्हळ्ळ्या विश्यांत सवालां आसात. तरी बदलावण जाता म्हण सांगोंक सबार दाखले आसात. प्याबलो आनी हेर कवी राजकीय आनी कविता मधें सांखोव जावंक पावले. इराकाच्या झुजा वेळार कविंनी आवाज उटयिल्लो.
कविता सपणेवंक शिकयता आनी सपणां संसार चलयतात. देश अस्वस्थ जाला. दिल्लिंत अत्याचाराचो विरोध करुंक गेल्लेकडे सयत चेडवांक धोशी भोगुंक मेळता. असले परिगंतेंत फकत कविंची जवाब्दारी फकत कविता न्हय. पूण ही कविता सर्वां थंय पावशें कर्चेंय ताची जवाब्दारी. ह्या बाबतीन ताणें थोडे हिशारे दिले: १) फायस जाल्ल्यो कविता सर्वांक पावजाय २) वेवेगळ्या भासांनी / लिपिंनी कविता लाभजाय. लिपिंचे दोरे उणें करिजाय. ३) भुर्ग्यांक कोंकणी आनी कविता कडे आकरषीत करवंक जाय.
हाचे उपरांत सबार सभिकांनी आपलीं सवालां विचार्लीं. हाका उदय भेंबरे हाणीं जाप दिली आनी विचार सातें आखेर केलें.
अखील भारत कोंकणी कविता वाचन सर्त:
सकाळिंच्या आदेसाचें दुस्रें काऱ्यें जावनासल्लें - १५ थावन ३० वर्सांच्या युवजणां खातीर आसा केल्लें – रोहन आनी लवीटा मोंतेरो अखील भारतीय कोंकणी कविता वाचन सर्त. हाची सुर्विले स्पर्धे पणजी, मडगांव , उडुपी आनी मंगळुरांत आसा केल्ले. तांतूं विंचून आयिल्ल्या २१ युवजणांनी कविता सादर केल्यो. किशू बार्कूर, क्रिसटोफर निनासं, मेलवीन रोड्रिगस आनी एंडऱ्यू एल डिकुन्हा. प्रसतूत केल्ल्यो कविता सभिकांक खूब आवडल्यो.
दोनपारांचो भाग
बहुभाशा कविगोषटी:
दोनपारांच्या काऱ्यक्रमाचो पयलो भाग आसल्ली बहुभाषा कविगोषटी श्री उदय म्हांबरो हाच्या अध्यक्षपणार चल्ली. हांतूं इंदू गेरुसोप्पे, स्टेनी बेळा, विल्मा बंटवाळ, जियो आग्रार, अशोक भोंसलो, डा. एल. सुनीता बाय, अश्रफ अपोल्लो (ब्यारी), वी. एस. भट (कन्नड), अमृता अत्राडी (तुळू) आनी किरण पर्मार (हिंदी) - हांणी कविगोषटिंत भाग घेवन आपल्यो कविता प्रसतूत केल्यो.
समारोप काऱ्यें:
समारोप काऱ्याची सुर्वात कविता ट्रसटाचो अध्यक्ष मेलवीन रोड्रिगसान केली. वेदीर हाजर आसल्लो मुकेल सैरो फा. प्रशांत माडता, मानाचे सैरे जेम्स मेंडोन्सा, लवीटा मोंतेरो आनी रोहन मोंतेरो हांची वोळक आनीं कविता ट्रसटाक तांणी दिल्ल्या आधाराचो विवर दिलो. येदोळ चलल्ल्या कविता ट्रसटाच्या काऱ्यक्रमांचो विवर तशेंच आसा केल्ल्या पुरसकार आनी स्पर्ध्यांचो विवर सैत आपल्या येवकार भाषणांत ताणे दिलो.
दे. चारल्स आनी तेरेसा रोड्रिगस हांच्या उगडासाक आसा केल्ल्या 'सव्या अखील भारतीय कोंकणी कविता बरोंवचो स्फर्धो' - हांतल्या विजेतांक इनामां वांटलीं. पयलें इनाम जोडल्लें गोंयचें रोशेल दिनीज आपले आवय तशें इसकोलाचे मुकेल मेसत्रिणी सवें हाजर आसोन, ह्या संदर्भार रुपय देड हजार, यादसतिका तशें प्रमाण पत्र स्वीकार केलें. दुस्रें इनाम जोडल्लें गोंयचें कनक आत्मराम नार्वेकार येवंक पावलें ना तर, तिस्रें इनाम जोडल्लो बजपेचो स्टीवन डी’सोजा आपले आवय आनी भयणी सवें येवन, रुपय साडे-सातशीं, यादसतिका आनी प्रमाण पत्र स्वीकार करून गेलो.
उपरांत "रोहन आनी लवीटा मोंतेरो अखील भारत कोंकणी कविता वाचन सर्तेच्या निमाण्या हंतांत भाग घेतल्ल्या सर्वांक प्रमाण पत्रां दिलीं. ह्या स्पर्ध्यांत पयलें इनाम जावन रुपय अडेज हजार, यादसतिका आनी प्रमाण पत्र गोंयच्या मंगेश पी. हाणें जोडलें तर, दुस्रें इनाम जावन रुपय दोन हजार मंगळूर्च्या जैसन सिकवेराक लाभले जाल्यार, तिस्रें इनाम जावन रुपय एक हजार गोंयच्या सुश्मिता पै हिका लाभले. समाधानाचीं इनामां जावन रुपय पांयशीं आमोरा मोंतेरो, मंगळूर, सिद्धी टी शेट रायकर, गोंय आनी क्लेमेंट फेर्नांडीस, मंगळूर हांकां फावो जाले.
उपरांत 'मथायस कुटम कविता पुरसकार" राजय पवाराक पाटयलो. हो पुरसकार तांणी कोंकणी काव्याचेर संसोध चलवन महापरबंध बरवन दोतोर पद्वी आपणायिल्लें मांदून घेवन हो पुरसकार ताका जाहीर केल्लो. खासगी कारणां पासत ताका समारंभाक हाजर जावंक जालेंना देकून नूतन साखरदांडेन हो पुरसकार स्वीकार केलो.
ह्या वेळार समारोप भाषण फा. प्रशांत माडता हांणी दिलें आनी ह्या वेळार उलवन तो अशें म्हणालो: साहित्य म्हळ्ळो सब्द 'सहीत' म्हळ्ळ्या सब्दा थावन उबजाता. 'सहीत' म्हळ्ळ्यार जें जिण्येचें सर्व आटाफून आसा तें. तांतूं जेन्नां संगीत मेळता तेदनां कविता उदेता. शेंभर रितिंनी "व्हय' म्हणोंक शिकल्यार आमी कविते विश्यांत मसत शिक्येत.
अधुनीक कवितेचें एक व्याख्याना प्रकार 'कविचें काम जावनासा फकत सब्द गुंतचो. ताचो अर्थ कर्चें काम वाचप्याचें". 'मोव बटन', 'बाळेय कोने गोने' असले सादे सब्द सयत सबार अर्थ झळकावंक सक्तात. एका कवी प्रकार 'रांदप म्हजें, रूच तुजी' - वाचपी जशें काव्यें चाक्ता तशें.
कवितेचो एक विशेष गूण आसा प्रास. तशेंच शबडालंकार कवितेची सोभाय वाडयतात. पूण प्रासाक दास जावन 'भाव' मोरानाये."
बरें कवन म्हळ्ळ्यार तें थोड्यो संग्ती हालवन सोडता. तशें कवनाक आर्थाक जागो (suggestiveness) आसता. दाखल्याक 'इगर्जेच्या तोरिंत घर म्हजें धांपून गेलें"..
तशेंच एक बरें कवन म्हळ्यार त्या कवनान कितें तरी करिजाय. आमचीं सबार कवनां, गितां 'स्तीयेक रुता' कर्तात. अशें सांगून सांगून एक रुपणें उबें कर्ता आनीं क्रमेण तें रुपणें समाजाचें आदर्श जाता. तशेंच कवितेंचो अर्थ कर्ताना आमी 'वसाहतुशायी' चिंतप घेतल्यार ताका वेगळोच अर्थ येवंक जाता."
फा. माडताच्या उलवण्यान सभिकांक खूब हासयलें मात्र न्हय अर्थाभरीत विचार समजशें करोंवच्यांत त्यो उपकाराच्यो जाल्यो.
आखरेचो वांटो:
कविता ट्रसटान 'बसती वामन शेणै' हाका कोंकणेक ताणें दिल्ल्या देणगे पासत उपकाराची काणीक जावन विल्सन कय्यारान चित्रायिल्लें पिंतूर ह्या संदर्भार दिलें.
कविता ट्रसटाचो ट्रसटी विकटर मथायस (वितोरी कार्कळ) हाणें सर्वांक धन्यवाद दिले. सगळें काऱ्यें 'एरीक सोन्स बार्कूर' हाणें निर्वहण केलें.
सांसकृतीक काऱ्यें:
डा. पांडुरंगान 'मांड समेळ' पंगडाची वोळक दिली. ह्या पंगडान 'दिव्या नाच', 'इण्ये नाच' असल्या विवीध जानपद नाच आनी गाण्यांनी लोकांचीं मनां संतोसायलीं.
सकाळीं नासटो, दोनपारां जेवण, सांजेर चा आनी रातीं जेवण म्हणोन सर्वय रितिंचे रुचिंक ह्या कविता फेसतान समाधान केलें.