ಮುಂಬಯ್ ಮಾಟುಂಗಾಂತ್ ಕವಿರಾಜ್ ಜೆ.ಬಿ. ಸಿಕ್ವೇರಾ ಸ್ಮಾರಕ್ ಕವಿಗೋಷ್ಟಿ

ಮುಂಬಯ್ ಮಾಟುಂಗಾಂತ್ ಕವಿರಾಜ್ ಜೆ.ಬಿ. ಸಿಕ್ವೇರಾ ಸ್ಮಾರಕ್ ಕವಿಗೋಷ್ಟಿ

ಹ್ಯಾಚ್ ಫೆಬ್ರೆರ್ ಮ್ಹಯ್ನ್ಯಾಚೆ 19 ತಾರಿಕೆರ್ ಮುಂಬಯ್, ಮಾಟುಂಗಾಂತ್ಲ್ಯಾ ಸರಸ್ವತಿ ಮಂದಿರ್ ಸಭಾಘರಾಂತ್ ದಿವಂಗತ್ ಕೊಂಕಣಿ ಕವಿ, ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಜೊಡ್ಪಿ ಕವಿರಾಜ್ ಜೆ.ಬಿ.ಸಿಕ್ವೇರಾ ಹಾಂಚ್ಯಾ ಉಡಾಸಾಕ್ ಕವಿಗೋಷ್ಟಿ ಚಲ್ಲಿ. ಹಿ ಕವಿಗೋಷ್ಟಿ ಮುಂಬಯ್ಚ್ಯಾ ಕೊಂಕಣಿ ಭಾಷಾ ಮಂಡಳಾನ್ ಘಡೊವ್ನ್ ಹಾಡಲ್ಲಿ.

ಅಧ್ಯಕ್ಷ್ ಜೊನ್ ಡಿಸಿಲ್ವಾನ್ ಸುರ‍್ವೆರ್ ಸರ್ವಾಂಕ್ ಯೆವ್ಕಾರ್ ದಿತಚ್, ಕಾರ್ಯದರ್ಶಿ ಲೊರೆನ್ಸ್ ಡಿಸೋಜಾ ಕಮಾನಿನ್ ಕಾರ್ಯಕ್ರಮಾಚೆ ಗರ್ಜೆವಿಶಿಂ ಮ್ಹಾಯೆತ್ ದಿಲಿ. ಉಪಾಧ್ಯಕ್ಷ್ ಆಲ್ಬರ್ಟ್ ಡಬ್ಲ್ಯೂ ಡಿಸೋಜಾ ಹ್ಯಾ ಕಾರ್ಯಾಚೊ ಮುಕೆಲ್ ಸೈರೊ ಜಾವ್ನ್ ಆಸಲ್ಲೊ. ಕ್ರಿಶ್ಚಿಯನ್ ಚೇಂಬರ್ ಒಫ್ ಕೊಮರ್ಸ್ ಆನಿ ಇಂಡಸ್ಟ್ರೀಸ್ ಹಾಚೊ ಅಧ್ಯಕ್ಷ್ ಹೆನ್ರಿ ಲೋಬೊ, ದಿವೊ ಕೊಂಕಣಿ ಹಫ್ತ್ಯಾಳ್ಯಾಚೊ ಸಂಪಾದಕ್ ಲೊರೊನ್ಸ್ ಕುವೆಲ್ಲೊ, ನಾಟಕ್‍ಕಾರ್ ಫ್ರಾನ್ಸಿಸ್ ಫೆರ್ನಾಂಡಿಸ್ ಕಾಸ್ಸಿಯಾ ಹ್ಯಾವೆಳಿಂ ಹಾಜರ್ ಆಸಲ್ಲೆ.

ಕವಿತಾ ಬರೊಂವ್ಚೆವಿಶಿಂ ಆನಿ ಕವಿತೆಚೆ ಗರ್ಜೆವಿಶಿಂ ಸಂಪನ್ಮೂಳ್ ವ್ಯಕ್ತಿ ಜಾವ್ನ್ ಆಯಿಲ್ಲ್ಯಾ ಕೊಂಕಣಿ ಕವಿ ಆನ್ಸಿ ಪಾಲಡ್ಕಾನ್ ಸವಿಸ್ತಾರ್ ವಿವರ್ ದಿಲೊ. ಉಪ್ರಾಂತ್ ಚಲಲ್ಲೆ ಕವಿಗೋಷ್ಟಿಂತ್ ಫ್ರಾನ್ಸಿಸ್ ಫೆರ್ನಾಂಡಿಸ್ ಕಾಸ್ಸಿಯಾ, ಸುಧೀರ್ ಕೊಡ್ಕಣಿ, ರೀಟಾ ಆಲ್ಬುಕೆರ್ಕ್, ಐರಿನ್ ರೊಡ್ರಿಗಸ್, ಫಿಲಿಫ್ ಡಿಸೋಜಾ ಕಾಂಜೂರ್‌ಮಾರ್ಗ್, ವಿಕ್ಟರ್ ಕೊನ್ಸೆಸೊ, ವೆರೊನಿಕಾ ಡಿಸೋಜಾ, ಲಿಯೊ ಫೆರ್ನಾಂಡಿಸ್, ಸಿರಿಲ್ ಕಾಸ್ತೆಲಿನೊ ಹಾಂಣಿ ಭಾಗ್ ಘೆತ್ಲೊ.

-ಭಾತ್ಮಿ: ಆನ್ಸಿ ಪಾಲಡ್ಕಾ

मुंबय मातुंगांत कविराज जे.बी. सिकवेरा स्मारक कविगोषटी