ಅರುಣಾ ರಾವಾಚ್ಯಾ ‘ಸಾಕ್ಷಾತ್ಕಾರ್’ ಕಾವ್ಯಸಂಗ್ರಹಾಕ್ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಪುಸ್ತಕ್ ಪ್ರಶಸ್ತಿ
ಕವಿತಾ ಟ್ರಸ್ಟಾಚೆಂ ಪ್ರಕಾಶನ್, ಕವಿತಾ ಪಬ್ಲಿಕೇಶನ್ಸ್ ದ್ವಾರಿಂ 2012 ವರ್ಸಾ ಪರ್ಗಟ್ ಕೆಲ್ಲ್ಯಾ ಅರುಣಾ ರಾವ್ ಹಿಚ್ಯಾ ‘ಸಾಕ್ಷಾತ್ಕಾರ್’ ಕವಿತಾ ಸಂಗ್ರಹಾಕ್ ಹ್ಯಾ ವರ್ಸಾ ಜಾಹೀರ್ ಕೆಲ್ಲೊ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೊ ಅತ್ಯುತ್ತಮ್ ಕೊಂಕಣಿ ಪುಸ್ತಕ್ ಪುರಸ್ಕಾರ್ ಫಾವೊ ಜಾಲಾ.
ಅರುಣಾ ರಾವಾಚೊ ಹೊ ಪುರಸ್ಕಾರ್ ಹ್ಯಾಚ್ ಮಾಯ್ ಮ್ಹಯ್ನ್ಯಾಚೆ 25 ತಾರಿಕೆರ್ ಕುಮ್ಟಾ ಗಿಬ್ಸ್ ಶಾಳೆಂತ್ ಚಲ್ಚ್ಯಾ ಎಕಾ ಸಂಭ್ರಮಾ ವೆಳಾ ಹೊ ಪುರಸ್ಕಾರ್ ದಿತಲೆ ಮ್ಹಣೊನ್ ಅಕಾಡೆಮಿನ್ ಕಳಯ್ಲಾಂ.
ಕವಿತಾ ಪಬ್ಲಿಕೇಶನ್ಸಾನ್ ಪರ್ಗಟ್ ಕೆಲ್ಲ್ಯಾ ಒಲಿವೇರಾ ಫ್ಲೇವಿಯಾಚ್ಯಾ ‘ಸುಖಾ ದುಖಾಚಿಂ ಪಾನಾಂ, ಪುಣ್ ಮೊಗಾಚಿಂ’ (2007); ಎಮ್.ಪಿ. ರೊಡ್ರಿಗಸಾಚ್ಯಾ ‘ರುಮ್ಡಿ ಫುಲಾಂ’ (2010); ಎಂಟನಿ ಬಾರ್ಕೂರಾಚ್ಯಾ ‘ಕಾಟ್ ತುಟ್ಚೊ ವೇಳ್’ (2011) ಹ್ಯಾ ಕಾವ್ಯಸಂಗ್ರಹಾಂಕ್ ಹಾಚ್ಯಾ ಆದಿಂ ಅಕಾಡೆಮಿಚೊ ಪುರಸ್ಕಾರ್ ಮೆಳ್ಳಾ. ತಶೆಂಚ್ ಸ್ಟೀವನ್ ಕ್ವಾಡ್ರಸಾಚ್ಯಾ ‘ಯಶೋಧರ ಚರಿತ’ (2011) ಪುಸ್ತಕಾಕ್ ಅತ್ಯುತ್ತಮ್ ಅನುವಾದಿತ್ ಪುಸ್ತಕ್ ಪುರಸ್ಕಾರ್ ಫಾವೊ ಜಾಲಾ.
ಕವಿತಾ ಟ್ರಸ್ಟಾಚೊ ಮಥಾಯಸ್ ಕುಟಮ್ ಸಾಹಿತ್ಯ್ ಪುರಸ್ಕಾರ್ (2008) ಜೊಡಲ್ಲಿ ಅರುಣಾ ರಾವ್, ಸಾಹಿತ್ಯ್ ಆನಿ ಸಂಗೀತ್ ಹ್ಯಾ ದೋನ್ಯ್ ಕಲೆಂತ್ ಧ್ಯಾನ್ ಮನ್ ದವರಲ್ಲಿ ವ್ಯಕ್ತಿ. ಸತಾರಾ ಶಾಳೆಂತ್ ಆನಿ ಪುಣೆಚ್ಯಾ ಫರ್ಗ್ಯುಸನ್ ಕೊಲೆಜಿಂತ್ ಉತ್ತಮ್ ಸಾಹಿತ್ಯಿಕ್ ವಾತಾವರಣಾನಿಮ್ತಿಂ ತಿಕಾ ಲೇಖನಾಚಿ ಆಸಕ್ತ್ ಉಬ್ಜಾಲಿ ಅಶೆಂ ಬಾಯ್ ಅರುಣಾ ಸಾಂಗ್ತಾ. ತಿಗೆಲೆ ಮರಾಠಿ ಲೇಖ್ ತಶೆಂ ಕಥಾ ಪುಣೆಚ್ಯಾ ಪ್ರಮುಖ್ ಮಾಸಿಕಾಂನಿ ಛಾಪುನ್ ಯೆತಾಲ್ಯೊ. ಸ್ತ್ರೀ ಮಾಸಿಕಾಂತ್ಲಿ ಏಕ್ ಕಥಾ ‘ಸರ್ವೋತ್ಕೃಷ್ಠ್ ಮರಾಠಿ ಕಥಾ’ ಹ್ಯಾ ಸಂಗ್ರಹಾಂತ್ ಛಾಪುನ್ ಆಯ್ಲ್ಯಾ. ತ್ಯಾ ವೆಳಾರ್ ಥಾವ್ನ್ ತಿಣೆಂ ಮರಾಠಿಂತ್ ಬರೊಂವ್ಚೆಂ ರಾವವ್ನ್ ಸಂಪೂರ್ಣ್ ಲಕ್ಷ್ ಕೊಂಕಣಿಕ್ ದಿಲೆಂ. ಭುರ್ಗ್ಯಾಂ ಖಾತೀರ್ ತಶೆಂ ವ್ಹಡಾಂ ಖಾತೀರ್ ವಿವಿಧ್ ಪ್ರಕಾರಾಚ್ಯೊ ಕವಿತಾ ಆನಿ ಲೇಖ್ ಬರಯ್ಲೆ. ಮುಂಬಯ್ ಆಕಾಶ್ವಾಣಿಚೆರ್ ಚಾಳೀಸ್ ವರ್ಸಾಂ ಥಾವ್ನ್ ತಿಚ್ಯೊ ಕವಿತಾ ಪ್ರಸಾರ್ ಜಾಲ್ಯಾತ್. ‘ವಿಶ್ವ್ ಕೊಂಕಣಿ ಸಮ್ಮೇಳನ್’ ಕವಿ ಸಮ್ಮೇಳನಾಂತ್ ತಿಣೆಂ ಕವಿತಾ ವಾಚ್ಲ್ಯಾ.
‘ಮೃಗಜಳ್’ (ತೀನ್ ಅಂಕಿ ನಾಟಕ್), ‘ಆಕಾಶ್ ಮಾಂಟವ್’ (ತೀನ್ ಅಂಕಿ ನಾಟಕ್ - ಭುರ್ಗ್ಯಾಂ ಖಾತೀರ್), ‘ಆಮ್ಮಿ ಆಮ್ಚಿಗೆಲ್ಯೊ’ (ಸ್ತ್ರೀ ನಾಟ್ಯ್), ‘ಗವಳ್ಣ್ಯೊ’ (ಕೃಷ್ಣಗೀತಾಂ), ‘ರಂಗ್ ತರಂಗ್’(ಭುರ್ಗ್ಯಾಂ ಖಾತೀರ್ ಕವಿತಾ) ಆನಿ ಹೆರ್ ಪುಸ್ತಕಾಂ ತಿಣೆಂ ಬರೊವ್ನ್ ಪರ್ಗಟ್ಲ್ಯಾಂತ್.
ಬಾಯ್ ಅರುಣಾನ್ ಆಗ್ರಾ ಅಥ್ರೋಲಿ ಘರಾಣಾ ಥಾವ್ನ್ ಶಾಸ್ತ್ರೀಯ್ ಸಂಗೀತ್ ಶಿಕ್ಲ್ಯಾ ಮಾತ್ರ್ ನ್ಹಯ್ ತಿಚಿ ಧುವ್ ವೃಂದಾ ಮುಂಡ್ಕೂರ್ ಫಾಮಾದ್ ಶಾಸ್ತ್ರೀಯ್ ಸಂಗೀತ್ ಗಾಯಕಿ.
1928
ಇಸ್ವೆಂತ್ ಜಲ್ಮಲ್ಲಿ ಅರುಣಾ ರಾವ್ ಕುಂದಾಜೆ ಆಪ್ಲೊ ಪೂತ್ ಗಿರೀಶ್ ತಶೆಂ ಸುನೆ ಸಾಂಗಾತಾ ಮುಂಬಂಯ್ತ್ ವಸ್ತಿ ಕರ್ತಾ.
अरुणा रावाच्या ‘साक्षात्कार’ काव्यसंग्रहाक कर्नाटक कोंकणी साहित्य अकाडेमी पुसतक प्रशसती
कविता ट्रसटाचें प्रकाशन, कविता पबलिकेशन्स द्वारीं २०१२ वर्सा पर्गट केल्ल्या अरुणा राव हिच्या ‘साक्षात्कार’ कविता संग्रहाक ह्या वर्सा जाहीर केल्लो कर्नाटक कोंकणी साहित्य अकाडेमिचो अत्युत्तम कोंकणी पुसतक पुरसकार फावो जाला.
अरुणा रावाचो हो पुरसकार ह्याच माय म्हयन्याचे २५ तारिकेर कुमटा गिबस शाळेंत चल्च्या एका संभ्रमा वेळा हो पुरसकार दितले म्हणोन अकाडेमीन कळयलां.
कविता पबलिकेशन्सान पर्गट केल्ल्या ओलिवेरा फ्लेवियाच्या ‘सुखा दुखाचीं पानां, पूण मोगाचीं’ (२००७); एम.पी. रोड्रिगसाच्या ‘रुमडी फुलां’ (२०१०); एंटनी बार्कूराच्या ‘काट तुटचो वेळ’ (२०११) ह्या काव्यसंग्रहांक हाच्या आदीं अकाडेमिचो पुरसकार मेळ्ळा. तशेंच स्टीवन क्वाड्रसाच्या ‘यशोधर चरीत’ (२०११) पुसतकाक अत्युत्तम अनुवादीत पुसतक पुरसकार फावो जाला.
कविता ट्रसटाचो मथायस कुटम साहित्य पुरसकार (२००८) जोडल्ली अरुणा राव, साहित्य आनी संगीत ह्या दोनय कलेंत ध्यान मन दवरल्ली व्यक्ती. सतारा शाळेंत आनी पुणेच्या फर्ग्युसन कोलेजिंत उत्तम साहित्यीक वातावरणानिमतीं तिका लेखनाची आसक्त उबजाली अशें बाय अरुणा सांग्ता. तिगेले मराठी लेख तशें कथा पुणेच्या प्रमूख मासिकांनी छापून येताल्यो. स्त्री मासिकांतली एक कथा ‘सर्वोत्कृषठ मराठी कथा’ ह्या संग्रहांत छापून आयल्या. त्या वेळार थावन तिणें मराठिंत बरोंवचें राववन संपूर्ण लक्ष कोंकणीक दिलें. भुर्ग्यां खातीर तशें व्हडां खातीर विवीध प्रकाराच्यो कविता आनी लेख बरयले. मुंबय आकाशवाणिचेर चाळीस वर्सां थावन तिच्यो कविता प्रसार जाल्यात. ‘विश्व कोंकणी सम्मेळन’ कवी सम्मेळनांत तिणें कविता वाचल्या.
‘मृगजळ’ (तीन अंकी नाटक), ‘आकाश मांटव’ (तीन अंकी नाटक - भुर्ग्यां खातीर), ‘आम्मी आमचिगेल्यो’ (स्त्री नाट्य), ‘गवळण्यो’ (कृषणगीतां), ‘रंग तरंग’(भुर्ग्यां खातीर कविता) आनी हेर पुसतकां तिणें बरोवन पर्गटल्यांत.
बाय अरुणान आग्रा अथ्रोली घराणा थावन शासत्रीय संगीत शिकल्या मात्र न्हय तिची धूव वृंदा मुंडकूर फामाद शासत्रीय संगीत गायकी.
१९२८ इस्वेंत जल्मल्ली अरुणा राव कुंदाजे आपलो पूत गिरीश तशें सुने सांगाता मुंबंयत वसती कर्ता.