ಕವಿತಾ ಟ್ರಸ್ಟಾಚೊ ವರ್ಸಾಚೊ ಉಪನ್ಯಾಸ್: ಆರುಂಧತಿ ಸುಬ್ರಹ್ಮಣ್ಯಮ್ ಮಂಗ್ಳುರಾಕ್
ಕವಿತಾ ಟ್ರಸ್ಟಾನ್ ಮಾಂಡುನ್ ಹಾಡ್ಚೆಂ 'ಜೇಮ್ಸ್ ಆನಿ ಶೋಭಾ ಮೆಂಡೊನ್ಸಾ - ಚವ್ತೊ ಕವಿತಾ ಉಪನ್ಯಾಸ್' ಕಾರ್ಯಕ್ರಮ್ ಹ್ಯಾಚ್ ಆಗೋಸ್ತ್ ಮ್ಹಯ್ನ್ಯಾಚೆ 22 ತಾರಿಕೆರ್ ಚಲ್ತಲೆಂ. ಖ್ಯಾತ್ ಇಂಗ್ಲಿಷ್ ಕವಯಿತ್ರಿ ತಶೆಂ ಲೇಖಕಿ ಆರುಂಧತಿ ಸುರ್ಬಹ್ಮಣ್ಯಮ್ ಹಿ ಹ್ಯಾ ಸಂದರ್ಭಾರ್ ಉಪನ್ಯಾಸ್ ದಿತಲಿ. ಮಂಗ್ಳುರ್ ಕೆ. ಎಸ್. ರಾವ್ ರಸ್ತ್ಯಾರ್ ಆಸ್ಚ್ಯಾ ಮಿಸ್ಚೀಫ್ ಮಾಲಾಚೆ ದುಸ್ರೆ ಮಾಳಿಯೆರ್ ಗ್ಯಾಲರಿ ಓರ್ಕಿಡ್ ಹಾಂಗಾಸರ್ ಸಾಂಜೆಚ್ಯಾ ಸಾಡೆ-ಪಾಂಚ್ ವೊರಾಂಚೆರ್ ಹೊ ಉಪನ್ಯಾಸ್ ಮಾಂಡುನ್ ಹಾಡ್ಲಾ.
ಕವಿತಾ ಟ್ರಸ್ಟಾನ್ ಮಾಂಡುನ್ ಹಾಡ್ಚ್ಯಾ ಜಾಯ್ತ್ಯಾ ಕಾರ್ಯಕ್ರಮಾಂ ಪಯ್ಕಿ, ಹೆಂ ಉಪನ್ಯಾಸ್ ಕಾರ್ಯಕ್ರಮ್ ಮಹತ್ವಾಚೆಂ. ಪಾಟ್ಲ್ಯಾ ತೀನ್ ವರ್ಸಾಂನಿ ಫಾಮಾದ್ ಕವಿ ಗುಲ್ಝಾರ್, ಅಶೋಕ್ ವಾಜಪೇಯಿ ತಶೆಂ ಜೆರಿ ಪಿಂಟೊ - ಹ್ಯಾ ಉಪನ್ಯಾಸಾ ಖಾತೀರ್ ಮಂಗ್ಳುರಾಕ್ ಆಯ್ಲ್ಯಾತ್.
ಆರುಂಧತಿ ಸುಬ್ರಹ್ಮಣ್ಯಮ್ ಸಂಸ್ಕೃತಿ ತಶೆಂ ಅಧ್ಯಾತ್ಮಿಕ್ ಸಂಗ್ತಿಂಚೆರ್ ಬರೊಂವ್ಚಿ ಪ್ರಶಸ್ತಿ ವಿಜೇತ್ ಕವಯಿತ್ರಿ ತಶೆಂ ಲೇಖಕಿ. ಹ್ಯಾ ವರ್ಸಾಂ ಸ್ಥಾಪಿತ್ ಜಾಲ್ಲೆಂ ಖುಶ್ವಂತ್ ಸಿಂಘ್ ಸ್ಮಾರಕ್ ಕವಿತೆ ಖಾತೀರ್ ಆಸ್ಚೆಂ ಇನಾಮ್ ಜನೆರಾಂತ್ ತಿಕಾ ಫಾವೊ ಜಾಲಾಂ. ಹ್ಯಾ ಭಾಯ್ರ್ ರಝಾ ಕವಿತಾ ಪುರಸ್ಕಾರ್, ಅಂತರಾಷ್ಟ್ರೀಯ್ ಪಿಯೆರೊ ಬಿಗೋಂಜಿಯರಿ ಇನಾಮ್ ತಿಕಾ ಫಾವೊ ಜಾಲಾಂ. ಯೆದೊಳ್ ತಿಣೆಂ ದೋನ್ ಕವಿತೆಚಿಂ, ದೋನ್ ಗದ್ಯ್ ತಶೆಂ ಸಭಾರ್ ಆಧ್ಯಾತ್ಮಿಕ್ ಆನಿ ಕವಿತಾ ಸಂಗ್ರಹ್ ಸಂಪಾದನ್ ಕೆಲ್ಯಾತ್. ತಿಚ್ಯೊ ಕವಿತಾ ಸಂಸಾರಾಚ್ಯಾ ಜಾಯ್ತ್ಯಾ ಭಾಸಾಂನಿ ಅನುವಾದ್ ಜಾತಾತ್ ಆನಿ ಕವಿತಾ ಸಂಗ್ರಹಾಂನಿ ಪರ್ಗಟ್ ಜಾತಾತ್. ಆದ್ಲ್ಯಾ ವರ್ಸಾ ಪರ್ಗಟ್ ಜಾಲ್ಲೊ ತಿಚೊ 'ವೆನ್ ಗೊಡ್ ಈಸ್ ಎ ಟ್ರಾವೆಲರ್' ಟಿ. ಎಸ್. ಇಲಿಯಟ್ ಇನಾಮಾ ಖಾತೀರ್ ನಾಮಾಂಕಿತ್ ಜಾಲ್ಲೊ. ಗದ್ಯ್ ಬರೊವ್ಪಿ ಜಾವ್ನ್ ತಿಚೊ 'ದಿ ಬುಕ್ ಒಫ್ ಬುದ್ಧ' ಆನಿ 'ಸದ್ಗುರು: ಮೋರ್ ದ್ಯಾನ್ ಎ ಲೈಫ್' ಪುಸ್ತಕಾಂ ಲೊಕಾಮೊಗಾಳ್ ಜಾಲ್ಯಾಂತ್.
ಆರುಂಧತಿನ್ ಭಾರತ್ ಮಾತ್ರ್ ನ್ಹಯ್ ಯುಕೆ, ಇಟಲಿ, ಸ್ಪೇನ್, ಹೊಲ್ಲೆಂಡ್, ತುರ್ಕಿ, ಚೀನಾ, ವೆಸ್ಟ್ ಆಫ್ರಿಕಾ ಆನಿ ಇಸ್ರೇಲ್ ರಾಷ್ಟ್ರಾಂನಿ ಸಾಹಿತ್ಯ್ ತಶೆಂ ಕವಿತಾ ಸಮ್ಮೇಳನಾಂನಿ ವಾಂಟೊ ಘೆತ್ಲಾ, ತಿಕಾ ಚಾರ್ಲ್ಸ್ ವಾಲೆಸ್ ಫೆಲೊಶಿಪ್, ದಿ ವಿಸಿಟಿಂಗ್ ಆರ್ಟ್ಸ್ ಫೆಲೊಶಿಪ್ ಫೊರ್ ಪೊಯೆಟ್ರಿ ಟೂರ್ ಒಫ್ ದಿ ಯುಕೆ ಆನಿ ಹೋಮಿ ಭಾಭಾ ಫೆಲೊಶಿಪ್ ಫಾವೊ ಜಾಲ್ಯಾತ್.
ಸಾಂಜೆಚ್ಯಾ ಸಾಡೆ-ಪಾಂಚಾಂಕ್ ಸುರು ಜಾಂವ್ಚೆಂ ಹೆಂ ಕಾರ್ಯಕ್ರಮ್ ಸಾಡೆ-ಸಾತಾ ಪಯ್ಲೆಂ ಸಂಪ್ತಲೆಂ. ಕಾರ್ಯಕ್ರಮಾ ಖಾತೀರ್ ಆಮಂತ್ರಣ್ ಪತ್ರಾಂ ಛಾಪಲ್ಲಿಂ ಆಸುನ್ ಹಾಜರ್ ಜಾಂವ್ಕ್ ಆಶೆತೆಲ್ಯಾಂನಿ 9980136297 ಫೊನ್ ನಂಬ್ರಾಕ್ ಯಾ kavitatrust@gmail.com ಹ್ಯಾ ಈಮೇಯ್ಲಾಕ್ ಬರೊವ್ನ್ ಸಂಪರ್ಕ್ ಕರ್‍ಯೆತ್.
To Reserve Your Seat - CLICK HERE
कविता ट्रस्टाचो वर्साचो उपन्यास: आरुंधती सुब्रह्मन्यम मंगळूराक
कविता ट्रस्टान मांडून हाडचें 'जेम्स आनी शोभा मेंडोन्सा - चवतो कविता उपन्यास' कार्यक्रम ह्याच आगोस्त म्हयन्याचे २२ तारिकेर चलतलें. ख्यात इंगलिष कवयित्री तशें लेखकी आरुंधती सुब्रह्मण्यम ही ह्या संदर्भार उपन्यास दितली. मंगळूर के. एस. राव रस्त्यार आसच्या मिस्चीफ मॉलाचे दुसरे माळियेर गॅलरी ऑर्कीड हांगासर सांजेच्या साडे-पांच वोरांचेर हो उपन्यास मांडून हाडला.
कविता ट्रस्टान मांडून हाडच्या जायत्या कार्यक्रमां पयकी, हें उपन्यास कार्यक्रम महत्वाचें. फाटल्या तीन वर्सांनी फामाद कवी गुलझार, अशोक वाजपेयी तशें जेरी पिंटो - ह्या उपन्यासा खातीर मंगळुराक आयल्यात.
आरुंधती सुब्रह्मण्यम संस्कृती तशें अध्यात्मिक संगतिंचेर बरोंवची प्रशस्ती विजेत कवयित्री तशें लेखकी. ह्या वरसा स्थापीत जाल्लें खुशवंत सिंघ स्मारक कविते खातीर आसचें इनाम जनेरांत तिका फावो जालां. ह्या भायर रझा कविता पुरस्कार, अंतराष्ट्रीय पियेरो बिगोंजियरी इनाम तिका फावो जालां. येदोळ तिणें दोन कवितेचीं, दोन गद्य तशें सभार आध्यात्मिक आनी कविता संग्रह संपादन केल्यात. तिच्यो कविता संसाराच्या जायत्या भासांनी अनुवाद जातात आनी कविता संग्रहांनी परगट जातात. आदल्या वर्सा परगट जाल्लो तिचो 'वेन गोड ईस ए ट्रावेलर' टी. एस. इलियट इनामा खातीर नामांकित जाल्लो. गद्य बरोवपी जावन तिचो 'दी बुक ओफ बुद्ध' आनी 'सदगुरू: मोर दॅन ए लैफ' पुस्तकां लोकामोगाळ जाल्यांत.
आरुंधतीन भारत मात्र न्हय युके, इटली, स्पेन, होल्लेंड, तुरकी, चीना, वेस्ट आफ्रिका आनी इस्रायेल राषट्रांनी साहित्य तशें कविता सम्मेळांनी वांटो घेतला, तिका चार्ल्स वालेस फेलोशीप, दी विसिटींग आर्ट्स फेलोशीप फोर पोयेट्री टूर ओफ दी युके आनी होमी भाभा फेलोशीप फावो जाल्यात.
सांजेच्या साडे-पांचांक सुरू जांवचें हें कार्यक्रम साडे-साता पयलें संपतलें. कार्यक्रमा खातीर आमंत्रण पत्रां छापल्लीं आसून हाजर जावंक आशेतेल्यांनी ९९८०१३६२९७ फोन नंबराक या kavitatrust@gmail.com ह्या ईमेयलाक बरोवन संपर्क करयेत.
To Know More About James and Shobha Mendonca Endowment Lecture Series - CLICK HERE