ಕವಿತಾ:
ಮರ್ಣಾಚೆಂ ಸೊನೆಟ್
ತಾಂಣಿ ದವರ್ಲ್ಲ್ಯಾ ಬರ್ಫಾಚ್ಯಾ ಬಿಳಾಥಾವ್ನ್
ತುಜಿ ಕೂಡ್ ಹಾಂವ್
ಸುರ್ಯಾಚೊ ಉಜ್ವಾಡ್ ಆಸ್ಚೆ ಭುಂಯ್ಕ್ ದೆಂವಯ್ತಾಂ
ತಾಂಕಾಂ ಕಳಿತ್ ನಾ - ಹಾಂವೆಂಯ್ ತುಜೆಸರ್ಶಿಂಚ್ ನಿದಜೆ
ಆನಿ ಎಕಾಚ್ ಉಶ್ಯಾರ್ ಸಪ್ಣಾಂ ದೆಕಜೆ ಮ್ಹಣೊನ್
ವೊತಾಂತ್ ಉಬೆಲ್ಲೆ ಮಾತಿಯೆಂತ್ ತುಕಾ ದವರ್ತಾಂ
ಆವಯ್ನ್ ಆಪ್ಲ್ಯಾ ಬಾಳ್ಶಾಕ್ ಸಾಂಬಾಳ್ಚ್ಯಾ ಮೊವಾಳ್ಪಣಾಂತ್
ಭುಂಯ್ ತವಳ್ ನಾಜೂಕ್ ಪಾಳ್ಣೆಂ ಜಾತಲಿ
ಘಾಯೆಲ್ಲ್ಯಾ ಬಾಳ್ಶಾ ತಸಲಿ ತುಜಿ ಕೂಡ್ ಆಪ್ಣಾಯ್ತಾನಾ
ಮಾತಿಯೆಚಿಂ ಕಣಾಂ ಶಿಂಪ್ತಾಂ, ಗುಲೊಬಾಚ್ಯೊ ಪಾಕ್ಳ್ಯೊಯ್
ಚಂದ್ರಾಚೊ ಉಜ್ವಾಡ್ ಆನಿ ನಿಳೆ ಧುಳಿಂತ್
ಕಯ್ದ್ ಜಾವ್ನ್ ಉರ್ತಲಿ ತುಜಿ ಕೂಡ್
ಗಾವುನ್ ಭೊಂವ್ತಾಂ ಹಾಂವ್ ತುಜೊ ಮೊಗಾಚೊ ಪ್ರತಿಕಾರ್
ಖಂಯ್ಚೊ ಹಾತ್ಯೀ ಪಾಂವ್ಚೊನಾ ಕಾಳೊಕಾಚೆ ತೆ ಗುಂಡಾಯೆಕ್
ಮೂಟ್ಭರ್ ತುಜ್ಯಾ ಹಾಡಾಂಚೆರ್ ವಾದ್ ಮಾಂಡುಂಕ್!
ಮೂಳ್ : ಗಾಬ್ರಿಯೆಲಾ ಮಸ್ಟ್ರಾಲ್
ಕೊಂಕ್ಣೆಕ್ : ವಿಲ್ಸನ್ ಕಟೀಲ್
कविता:
मर्णाचें सोनेट
तांणी दवरल्ल्या बर्फाच्या बिळाथावन
तुजी कूड हांव
सुर्याचो उजवाड आसचे भुंयक देंवयतां
तांकां कळीत ना - हांवेंय तुजे सरशींच न्हिदजे
आनी एकाच उश्यार सपणां देकजे म्हणोन
वोतांत उबेल्ले मातयेंत तुका दवरतां
आवयन आपल्या बाळशाक सांबाळच्या मोवाळपणांत
भुंय तवळ नाजूक पाळणें जातली
घायेल्ल्या बाळशा तसली तुजी कूड आपणायताना
मातयेचीं कणां शिंपतां, गुलोबाच्यो पाकळ्योय
चंद्राचो उजवाड आनी निळे धुळींत
कयद जावन उरतली तुजी कूड
गावून भोंवतां हांव तुजो मोगाचो प्रतीकार
खंयचो हातयी पांवचोना काळोकाचे ते गुंडायेक
मूटभर तुज्या हाडांचेर वाद मांडूंक!
मूळ : गाब्रीयेला मस्ट्राल
कोंकणेक : विल्सन कटील