ಸಂಪಾದಕೀಯ್:
ಕೊಣಾಯ್ಕಿ ಫರಕ್ ಪಡನಾ ಮ್ಹಳ್ಯಾ ಉಪ್ರಾಂತ್ ?
ನಿರುಪೇಗಿ ವಾ ಕಾಂಯಿಂಚ್ ಉಪ್ಕಾರಾಕ್ ಪಡನಾಸ್ಚ್ಯಾ ಝುಜಾವಿಶಿಂ ಆನಿ ವಾಡುನ್ ವೆಚ್ಯಾ ಬೇಪರ್ವ್ಯಾವಿಶಿಂ ಹಿ ಕವಿತಾ ಸೊಂಪ್ಯಾನ್ ಉಲಯ್ತಾ. ಸಂಸಾರ್ ಸಗ್ಳೊ ಸ್ತಬ್ದ್ ಜಾಲಾ, ತಟಸ್ತ್ ಜಾವ್ನ್ ವಿರುನ್ ವೆತೇ ಆಸಾ.
ಅಶ್ವನಿ ಕುಮಾರ್ ವಳ್ಖಿಚೊ ಕವಿ. ಬಿಹಾರಾಂತ್ ತಾಚೊ ಜಲ್ಮ್ ತರೀ, ಮುಂಬಂಯ್ತ್ ರಾವ್ತಾ. ಪ್ರೊಫೆಸರ್ ಜಾವ್ನ್ ಶಿಕಯ್ತಾ. ಕವಿತಾಯ್ ಬರಯ್ತಾ.
- ಮೆಲ್ವಿನ್ ರೊಡ್ರಿಗಸ್
ಕವಿತಾ:
ಕಾಂಯ್ ಫರಕ್ ಪಡನಾ - ಝುಜ್ ಝುಜ್ಚ್
ಆನ್ಯೇಕ್ಲಿ ಚಲಿ ಮೆಲ್ಯಾ, ಆನ್ಯೇಕ್ಲೊ ಚಲೊ
ಘಾಯೆಲಾ. ಕಾಂಯ್ ಫರಕ್ ಪಡನಾ -
ಝುಜ್ ಝುಜ್ಚ್.
ಕುಜ್ನಾಂತ್ಲೆಂ ಅವನ್ ಮೊನೆಂ ಜಾಲಾಂ. ಏಕ್
ಕಪ್, ಜನೆಲಾಲಾಗಿಂ ಥಂಡ್ಗಾರ್ ಜಾತೇ
ಆಸಾ.
ಆಟಲ್ಲ್ಯಾ ದಿಸಾಚೊ ಹಾಂವ್ ಏಕ್ ಘಾಸ್ ಮಾರ್ತಾಂ,
ವಾತ್ ಪೆಟಯ್ತಾಂ, ಆನಿ ಮ್ಹಾಕಾಚ್
ಉಗ್ತಾಡಾಂತ್ ಶಿಜಯ್ತಾಂ ಕಾಫ್ಯೆ ಖಾತೀರ್
ಮರ್ತಲ್ಯಾಂಕ್.
ದಿಸತ್ ಆಜ್ಯಾಪ್ಶೆಂ: ಮ್ಹಾಕಾ ವಿಸರ್
ಪಡ್ಲ್ಯಾ ಶಹರಾಂತ್ ಬೇಕ್ರ್ಯೊ
ನಾಂತ್ ಮ್ಹಣುನ್.
ಹೊ ಕಾಂಯ್ ದೆವಾಚೊ ಕ್ರೋಧ್? ವಾ
ವಾಂಚುನ್ ಉರ್ಚ್ಯಾಕ್
ನಿರುಪೇಗಿ ಸಂಘರ್ಷ್?
ಆನ್ಯೇಕ್ಲಿ ಚಲಿ ಮೆಲ್ಯಾ, ಆನ್ಯೇಕ್ಲೊ ಚಲೊ
ಘಾಯೆಲಾ. ಕಾಂಯ್ ಫರಕ್ ಪಡನಾ -
ಝುಜ್ ಝುಜ್ಚ್.
-ಇಂಗ್ಲಿಷ್ ಮೂಳ್: ಅಶ್ವನಿ ಕುಮಾರ್
-ಕೊಂಕಣಿಕ್: ಮೆಲ್ವಿನ್ ರೊಡ್ರಿಗಸ್
संपादकीय:
कोणायकी फरक पडना म्हळ्या उपरांत ?
निरुपेगी वा कांयींच उपकाराक पडनासच्या झुजाविशीं आनी वाडून वेच्या बेपरव्याविशीं ही कविता सोंप्यान उलयता. संवसार सगळो स्तब्द जाला, तटस्त जावन विरून वेते आसा.
अश्वनी कुमार वळखीचो कवी. बिहारांत ताचो जल्म तरी, मुंबंयत रावता. प्रोफेसर जावन शिकयता. कविताय बरयता.
- मेल्विन रोड्रीगस
कविता:
कांय फरक पडना - झूज झुजच
आन्येकली चली मेल्या, आन्येकलो चलो
घायेला. कांय फरक पडना -
झूज झुजच.
कुजनांतलें अवन मोनें जालां. एक
कप, जनेलालागीं थंडगार जाते
आसा.
आटल्ल्या दिसाचो हांव एक घास मारतां,
वात पेटयतां, आनी म्हाकाच
उगताडांत शिजयतां कॉफी खातीर
मरतल्यांक.
दिसत आज्यापशें: म्हाका विसर
पडल्या शहरांत बेकर्यो
नांत म्हणून.
हो कांय देवाचो क्रोध? वा
वांचून उरच्याक
निरुपेगी संघर्श?
आन्येकली चली मेल्या, आन्येकलो चलो
घायेला. कांय फरक पडना -
झूज झुजच.
-इंगलीश मूळ: अश्वनी कुमार
-कोंकणीक: मेल्विन रोड्रीगस