ಕವಿತಾ ವಾಚನ್ ಸರ್ತ್: ಮಡ್ಗಾಂವ್ ಫೆರಿಯೆಂತ್ ಮಂಗೇಶ್, ಹೃಷಿಕೇಶ್ ಆನಿ ಮಿಲಿಂದ್ರಾ ಫೈನಲಾಕ್.
ಕವಿತಾ ಟ್ರಸ್ಟಾನ್ ಚಲೊಂವ್ಚ್ಯಾ ರೋಹನ್ ಆನಿ ಲವೀಟಾ ಮೊಂತೇರೊ ಚೊವ್ತ್ಯಾ ಅಖಿಲ್ ಭಾರತ್ ಕೊಂಕಣಿ ಕವಿತಾ ವಾಚನ್ ಸರ್ತೆಚೊ ಮಡ್ಗಾಂವ್ ಮುಳಾವೊ ಪಾಂವ್ಡೊ ಹ್ಯಾಚ್ ಸಪ್ಟೆಂಬರ್ 12 ತಾರಿಕೆರ್ ಮಡ್ಗಾಂವ್ಚ್ಯಾ ಕೊಂಕಣಿ ಭಾಷಾ ಮಂಡಳ್ ಸಭಾಸಾಲಾಂತ್ ಚಲ್ಲೊ. ಪಂದ್ರಾಥಾವ್ನ್ ತೀಸ್ ವರ್ಸಾಂ ಭಿತರ್‍ಲ್ಯಾ ಯುವಜಣಾಂಕ್ ಆಯೋಜಿತ್ ಕೆಲ್ಲ್ಯಾ ಹೆ ಸರ್ತೆಂತ್ ಪಂಚ್ವೀಸ್ ಯುವಜಣಾಂನಿ ಭಾಗ್ ಘೆತಲ್ಲೊ ಆಸೊನ್, ಜನೆರ್ 11 ತಾರಿಕೆರ್ ಬಾರ್ಕೂರ್‍ಚ್ಯಾ ಚೌಳಿಕೆರೆಂತ್ ಕವಿತಾ ಫೆಸ್ತ್ ಸಂದರ್ಭಾರ್ ಚಲ್ಚ್ಯಾ ಫೈನಲ್ಸಾಕ್ ಕೆಪೆಂ ಸರ್ಕಾರಿ ಕೊಲೆಜಿಚೊ ಮಂಗೇಶ್ ಹರಿಜನ್, ಮಡ್ಗಾಂವ್ ಜಿ. ಆರ್. ಕರೆ ಕಾನೂನ್ ಕೊಲೆಜಿಚೊ ಮಿಲಿಂದ್ರಾ ವೆಳಿಪ್ ಆನಿ ತ್ಯಾಚ್ ಕೊಲೆಜಿಚೊ ಹೃಷಿಕೇಶ್ ಕದಮ್ ವಿಂಚುನ್ ಆಯ್ಲ್ಯಾತ್.
Hrishikesh Kadam, Milindra Velip, Mangesh Harijan
ಹಾಂಚ್ಯಾ ಸಾಂಗಾತಾ ಫಾ. ಆಗ್ನೆಲ್ ಕೊಲೆಜ್ ಪಿಲಾರ್ ಹಾಂಗಾಚಿ ಎವಿಟಾ ಡಿಸೋಜಾ, ಚೌಗುಳೆ ಕೊಲೆಜಿಚಿ ಸುಶ್ಮಿತಾ ಪೈ ಕಾಣೆ ಆನಿ ಕೆಪೆಂಚ್ಯಾ ಸರ್ಕಾರಿ ಕೊಲೆಜಿಚಿ ಸುಪ್ರಿಯಾ ಕಾಣ್ಕೋಣ್ಕಾರ್ ಹಾಂಕಾಂ ರಿಸರ್ವ್ ಮ್ಹಣೊನ್ ವಿಂಚುನ್ ಕಾಡ್ಲಾಂ. ಫೈನಲಾಕ್ ವಿಂಚುನ್ ಆಯಿಲ್ಲಿಂ ಭಾಗ್ ಘೆಂವ್ಚ್ಯಾಕ್ ಪಾಟಿಂ ಸರ್‍ಲಲ್ಯಾ ಸಂದರ್ಭಾರ್ ಹಾಂಕಾಂ ಆವ್ಕಾಸ್ ಲಾಭ್ತಲೊ ಮ್ಹಣೊನ್ ಆಯೋಜಕಾಂನಿ ಕಳಯ್ಲಾಂ.
Supriya Kankonkar, Evita D'Souza, Sushmita Pai Kane
ಹಿ ಸರ್ತ್ ಕೊಂಕಣಿ ಭಾಷಾ ಮಂಡಳ್, ಗೊಂಯ್ ಹಾಂಚ್ಯಾ ಸಹಕಾರಾನ್ ಮಾಂಡುನ್ ಹಾಡಲ್ಲಿ. ಮಂಡಳಾಚೊ ಅಧ್ಯಕ್ಷ್ ಚೇತನ್ ಆಚಾರ್ಯ ಹಾಣೆಂ ಸುರ್‍ವೆರ್ ಸರ್ವಾಂಕ್ ಯೆವ್ಕಾರ್ ದಿತಚ್, ಕವಿತಾ ಟ್ರಸ್ಟ್ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸ್ ಹಾಣೆ ಭಾಷಾ ಮಂಡಳಾಚ್ಯಾ ಸಹಕಾರಾ ಖಾತೀರ್ ತಾಂಚೊ ಆಭಾರ್ ಮಾಂದ್ಲೊ. ಹ್ಯಾಚ್ ಸಂದರ್ಭಾರ್ ತಾಣೆ ಕವಿತಾ ಟ್ರಸ್ಟಾಚ್ಯಾ ವಾವ್ರಾವಿಶಿಂ, ವಿಸಾಂವಾಂ ವಿಶಿಂ ಹಾಜರ್ ಆಸಲ್ಲ್ಯಾಂಕ್ ಮ್ಹಾಯೆತ್ ದಿಲಿ. ಸರ್ತೆಚ್ಯಾ ನೆಮಾಂವಿಶಿಂ ಸಾಂಗ್ತಚ್ ಜನೆರಾಂತ್ ಚಲ್ಚ್ಯಾ ಕವಿತಾ ಫೆಸ್ತಾಕ್ ಸರ್ವಾಂಕ್ ತಾಣೆ ವೊವ್ಳಿಗ್ ದಿಲಿ.
ಹೆ ಸರ್ತೆಕ್ ವೊರಯ್ಣಾರ್ ಮ್ಹಣೊನ್ ಕಿಶೂ ಬಾರ್ಕೂರ್, ವಿಲಿಯಮ್ ಪಾಯ್ಸ್ ಆನಿ ಆಂಡ್ರ್ಯೂ ಎಲ್ ಡಿಕುನ್ಹಾ ಹಾಂಣಿ ಸಹಕಾರ್ ದಿಲ್ಲೊ ತರ್, ಎವ್ರೆಲ್ ರೊಡ್ರಿಗಸಾನ್ ಕಾರ್ಯಾಚೆಂ ಸುತ್ ಸಾಂಬಾಳ್ಳೆಂ.
ಭಾಗ್ ಘೆತಲ್ಲ್ಯಾ ಸರ್ವಯ್ ಸ್ಪರ್ಧಿಕಾಂಕ್ ಪ್ರಮಾಣ್ ಪತ್ರ್ ತಶೆಂ ಕವಿತೆಚಿಂ ಪುಸ್ತಕಾಂ ಕವಿತಾ ಟ್ರಸ್ಟ್ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸಾನ್ ದಿಲಿಂ.
ಹ್ಯಾ ಕಾರ್ಯಾಕ್ ಕೊಂಕಣಿ ಭಾಷಾ ಮಂಡಳ್ ಶಾಳೆಚೊ ಮುಕೆಲ್ ಅಧ್ಯಾಪಕ್ ಅನಂತ್ ಅಗ್ನಿ, ಭಾಷಾ ಮಂಡಳಾಚೊ ಕಾರ್ಯದರ್ಶಿ ಸುರೆಲ್ ತಿಳ್ವೆ, ಆದ್ಲಿ ಕಾರ್ಯದರ್ಶಿ ಅನ್ವೇಶಾ ಸಿಂಗಬಾಳ್. ಅಧ್ಯಾಪಕ್ ಪ್ರಶಾಂತ್ ಆನಿ ಹೆರ್ ಮೋಗಿ ಹಾಜರ್ ಆಸಲ್ಲೆ.
कविता वाचन सर्त: मडगांव फेरियेंत मंगेश, हृषिकेश आनी मिलिंद्रा फैनलाक.
कविता ट्रस्टान चलोंवच्या रोहन आनी लवीटा मोंतेरो चोवत्या अखिल भारत कोंकणी कविता वाचन सरतेचो मडगांव मुळावो पांवडो ह्याच सप्टेंंबर १२ तारिकेर मडगांवच्या कोंकणी भाषा मंडळ सभासालांत चल्लो. पंद्राथावन तीस वर्सां भितरल्या युवजणांक आयोजीत केल्ल्या हे सरतेंत पंचवीस युवजणांनी भाग घेतल्लो आसोन, जनेर ११ तारिकेर बारकूरच्या चौळिकेरेंत कविता फेस्त संदर्भार चलच्या फैनल्साक केपें सरकारी कॉलेजिचो मंगेश हरिजन, मडगांव जी. आर. करे कानून कोलेजिचो मिलिंद्रा वेळीप आनी त्याच कोलेजिचो हृषिकेश कदम विंचून आयल्यात.
हांच्या सांगाता फा. आग्नेल कोलेज पिलार हांगाची एविटा डिसोजा, चौगुळे कोलेजिची सुश्मिता पै काणे आनी केपेंच्या सरकारी कोलेजिची सुपरिया काणकोणकार हांकां रिसर्व म्हणोन विंचून काडलां. फैनलाक विंचून आयिल्लीं भाग घेंवच्याक पाटीं सरलल्या संदरभार हांकां आवकास लाभतलो म्हणोन आयोजकांनी कळयलां.
ही सर्त कोंकणी भाषा मंडळ, गोंय हांच्या सहकारान मांडून हाडल्ली. मंडळाचो अध्यक्ष चेतन आचार्य हाणें सुर्वेर सरवांक येवकार दितच, कविता ट्रस्ट अध्यक्ष मेलविन रोडरिगस हाणे भाषा मंडळाच्या सहकारा खातीर तांचो आभार मांदलो. ह्याच संदरभार ताणे कविता ट्रसटाच्या वावराविशीं, विसांवां विशीं हाजर आसल्ल्यांक म्हायेत दिली. सरतेच्या नेमांविशीं सांगतच जनेरांत चलच्या कविता फेस्ताक सरवांक ताणे वोवळीग दिली.
हे सरतेक वोरयणार म्हणोन किशू बारकूर, विलियम पायस आनी आंडऱ्यू एल डिकुन्हा हांणी सहकार दिल्लो तर, एवरेल रोडरिगसान काऱ्याचें सूत सांबाळ्ळें.
भाग घेतल्ल्या सर्वय स्परधिकांक प्रमाण पत्र तशें कवितेचीं पुस्तकां कविता ट्रस्ट अध्यक्ष मेलविन रोडरिगसान दिलीं.
ह्या कार्याक कोंकणी भाषा मंडळ शाळेचो मुकेल अध्यापक अनंत अग्नी, भाषा मंडळाचो कार्यदर्शी सुरेल तिळवे, आदली कार्यदर्शी अनवेशा सिंगबाळ. अध्यापक प्रशांत आनी हेर मोगी हाजर आसल्ले.