Kavita Khobro

ಕವಿತಾ ಟ್ರಸ್ಟಾಚಿ ಕೊಂಕಣಿ ಕವಿತಾ ಸಾದರ್ ಸರ್ತ್: ಪಣಜಿ ಥಾವ್ನ್ ತೆಗಾಂಚಿ ವಿಂಚವ್ಣ್

ಕವಿತಾ ಟ್ರಸ್ಟಾಚಿ ಕೊಂಕಣಿ ಕವಿತಾ ಸಾದರ್ ಸರ್ತ್: ಪಣಜಿ ಥಾವ್ನ್ ತೆಗಾಂಚಿ ವಿಂಚವ್ಣ್

ಕವಿತಾ ಟ್ರಸ್ಟಾನ್ ಮಾಂಡುನ್ ಹಾಡ್ಚೊ ರೋಹನ್ ಆನಿ ಲವೀಟಾ ಮೊಂತೇರೊ ಅಖಿಲ್ ಭಾರತ್ ಕೊಂಕಣಿ ಕವಿತಾ ಸಾದರ್ ಸರ್ತೆಚೊ ಪಣಜಿ ಪಾಂವ್ಡೊ ಹ್ಯಾಚ್ ಸಪ್ಟೆಂಬರ್ 11 ತಾರಿಕೆರ್ ಟಿ.ಬಿ. ಕುನ್ಹಾ ಸಭಾ ಸಾಲಾಂತ್ ಚಲ್ಲೊ. ಹಿ ಸರ್ತ್ ಆಂವ್ದುಂ ಸಾತ್ವ್ಯಾ ವರ್ಸಾಂತ್ ಆಸಾ.

ಕೊಂಕಣಿ ಭಾಷಾ ಮಂಡಳ್, ಗೊಂಯ್ ಹಾಂಚ್ಯಾ ಸಹಕಾರಾನ್ ಚಲಲ್ಲ್ಯಾ ಹ್ಯೆ ಸರ್ತೆಂತ್ ತೆಗಾಂ ಯುವಜಣಾಂಕ್ 2018 ಜನೆರ್ ದುಸ್ರ್ಯಾ ಆಯ್ತಾರಾ ಚಲ್ಚ್ಯಾ ಫೈನಲ್ಸಾಕ್ ವಿಂಚುನ್ ಕಾಡ್ಲೆಂ. ಹಾಂಚ್ಯಾ ಸಾಂಗಾತಾ ಚಡ್ತಿಕ್ ದೊಗಾಂಕ್ ರಿಸರ್ವ್ ವಿಭಾಗಾಂತ್ ದವರ್‍ಲಾಂ.

ಕವಿತಾ ಟ್ರಸ್ಟ್ ಸ್ಥಾಪಕ್ ಮೆಲ್ವಿನ್ ರೊಡ್ರಿಗ್ಸಾನ್ ಸುರ್‍ವೆರ್ ಯೆವ್ಕಾರ್ ದಿಲೊ ಆನಿ ಫಾಟ್ಲ್ಯಾ ಸ ವರ್ಸಾಂನಿ ಹಿ ಸರ್ತ್ ಗೊಂಯಾಂತ್ ಚಲೊವ್ನ್ ವ್ಹರುಂಕ್ ಮಜತ್ ಕರ್‍ಚ್ಯಾ ಕೊಂಕಣಿ ಭಾಷಾ ಮಂಡಳ್, ಗೊಂಯ್ ಹಾಂಚೊ ಉಪ್ಕಾರ್ ಮಾಂದ್ಲೊ. ವೊರಯ್ಣಾರ್ ಜಾವ್ನ್ ಕವಿತಾ ಟ್ರಸ್ಟ್ ಅಧ್ಯಕ್ಷ್ ಕಿಶೋರ್ ಗೊನ್ಸಾಲ್ವಿಸ್, ಭಾಷಾ ಮಂಡಳಾಚೊ ಅಧ್ಯಕ್ಷ್ ಚೇತನ್ ಆಚಾರ್ಯ ತಶೆಂ ಟ್ರಸ್ಟಿ ವಿಲಿಯಮ್ ಪಾಯ್ಸ್ ಆಸಲ್ಲೆ. ಎವ್ರೆಲ್ ರೊಡ್ರಿಗಸ್ ತಶೆಂ ವಿತೊರಿ ಕಾರ್ಕಳ್ ಹಾಂಣಿ ಸಹಕಾರ್ ದಿಲೊ.

ಭಾಗ್ ಘೆತಲ್ಲ್ಯಾ ಸರ್ವಾಂಕ್ ಪ್ರಮಾಣ್ ಪತ್ರಾಂ ತಶೆಂ ಎಮ್. ಪಿ. ರೊಡ್ರಿಗಸ್ ಹಾಂಚೆಂ ಕವಿತಾ ಪುಸ್ತಕ್ 'ರುಮ್ಡಿ ಫುಲಾಂ' ದಿಲೆಂ. ಕವಿ ಸುನೀಲ್ ಪಾಲ್ಕರ್ ಹ್ಯಾ ಸಂದರ್ಭಾರ್ ಹಾಜರ್ ಆಸಲ್ಲೆ.

ಪಣಜಿ ಥಾವ್ನ್ ವಿಂಚುನ್ ಆಯಿಲ್ಲ್ಯಾಂಚಿಂ ನಾಂವಾಂ ಹ್ಯೆಪರಿಂ ಆಸಾತ್: ವಿಶಾಲ್ ಗಾಂವ್ಕಾರ್, ಜಯೇಶ್ ಗಾಂವ್ಕಾರ್, ನಿಕಿತಾ ಎಸ್. ಭೋಂಸ್ಲೆ.
ರಿಸರ್ವ್: ಸುನೇತ್ರಾ ಕಾಮತ್ ಆನಿ ಗೌತಮ್ ಗಾವ್ಡೆ.

कविता ट्रस्टाची कोंकणी कविता सादर सर्त: पणजी थावन तेगांची विंचवण

कविता ट्रस्टान मांडून हाडचो रोहन आनी लवीटा मोंतेरो अखिल भारत कोंकणी कविता सादर सर्तेचो पणजी पांवडो ह्याच सप्टेंबर ११ तारकेर टी.बी. कून्हा सभा सालांत चल्लो. ही सर्त आंवदूं सातव्या वर्सांत आसा.

कोंकणी भाषा मंडळ, गोंय हांच्या सहकारान चलल्ल्या ह्ये सर्तेंत तेगां युवजणांक २०१८ जानेर दुसऱ्या आयतारा चलच्या फैनल्साक विंचून काडलें. हांच्या सांगाता चडतीक दोगांक रिसर्व विभागांत दवर‍लां.

कविता ट्रस्ट स्थापक मेल्विन रोड्रीगसान सुर‍वेर येवकार दिलो आनी फाटल्या स वर्सांनी ही सर्त गोंयांत चलोवन व्हरुंक मजत कर‍च्या कोंकणी भाषा मंडळ, गोंय हांचो उपकार मांदलो. वोरयणार जावन कविता ट्रस्ट अध्यक्ष किशोर गोन्साल्वीस, भाषा मंडळाचो अध्यक्ष चेतन आचार्य तशें ट्रस्टी विलियम पायस आसल्ले. एवरेल रोड्रीगस तशें वितोरी कार्कळ हांणी सहकार दिलो.

भाग घेतल्ल्या सर्वांक प्रमाण पत्रां तशें एम. पी. रोड्रीगस हांचें कविता पुस्तक 'रुमडी फुलां' दिलें. कवी सुनील पालकार ह्या संदर्भार हाजर आसल्ले.

पणजी थावन विंचून आयिल्ल्यांचीं नांवां ह्येपरीं आसात: विशाल गांवकार, जयेश गांवकार, निकिता एस. भोंसले.
रिसर्व: सुनेत्रा कामत आनी गौतम गावडे.

 



Title : ಕವಿತಾ ಟ್ರಸ್ಟಾಚಿ ಕೊಂಕಣಿ ಕವಿತಾ ಸಾದರ್ ಸರ್ತ್: ಪಣಜಿ ಥಾವ್ನ್ ತೆಗಾಂಚಿ ವಿಂಚವ್ಣ್

Please fill in the form below with your feedback/ suggestions .

Fields marked with * are necessary



Disclaimer : Please write your correct name and email address. Kindly do not post any personal, abusive, defamatory, infringing, obscene, indecent, discriminatory or unlawful or similar comments. kavitaa.com/konkanipoetry.com will not be responsible for any defamatory message posted under this article.

Please note that sending false messages to insult, defame, intimidate, mislead or deceive people or to intentionally cause public disorder is punishable under law. It is obligatory on kavitaa.com / konkanipoetry.com to provide the IP address and other details of senders of such comments, to the authority concerned upon request.

Hence, sending offensive comments using kavitaa.com / konkanipoetry.com will be purely at your own risk, and in no way will kavitaa.com / konkanipoetry.com be held responsible.