Kavita Khobro

ಶರತ್‌ಚಂದ್ರ ಶೆಣೈಚ್ಯಾ ಕವಿತಾ ಸಂಗ್ರಹಾಕ್ ಟಿ ಎಮ್ ಎ ಪೈ ಪ್ರತಿಷ್ಠಾನಾಚೊ ಪುರಸ್ಕಾರ್

ಶರತ್‌ಚಂದ್ರ ಶೆಣೈಚ್ಯಾ `ಆತ್ಮಾಯನ್' ಕವಿತಾ ಸಂಗ್ರಹಾಕ್ ಡೊ ಟಿ ಎಮ್ ಎ ಪೈ ಪ್ರತಿಷ್ಠಾನಾಚೊ ಅತ್ಯುತ್ತಮ್ ಪುಸ್ತಕ್ ಬಹುಮಾನ್

ಶರತ್‌ಚಂದ್ರ ಶೆಣೈಚ್ಯಾ `ಆತ್ಮಾಯನ್' ಕವಿತಾ ಝೆಲ್ಯಾಕ್ ಡೊ. ಟಿ. ಎಮ್. ಎ. ಪೈ ಫೌಂಡೇಶನ್ `ಅತ್ಯುತ್ತಮ್ ಕೊಂಕಣಿ ಪುಸ್ತಕ್ ಪುರಸ್ಕಾರ್ - 2010' ಜಾಹೀರ್ ಜಾಲಾ. ಹೊ ಪುರಸ್ಕಾರ್ ರು. 25,000 ನಗ್ದಿ ಆನಿ ಮಾನ್‍ಪತ್ರ್ ಆಟಾಪ್ತಲೆಂ.

ಶರತ್‍ಚಂದ್ರ ಶೆಣೈ ಕೇರಳಾಚ್ಯಾ ಕೊಚ್ಚಿಂತ್ ವಸ್ತಿ ಕರ್ತಾ. ತಾಣೆ ಬರಯಿಲ್ಲ್ಯಾ `ಅಂತರ್‌ನಾದ್' ಕವಿತಾ ಸಂಗ್ರಹಾಕ್ 1999 ವರ್ಸಾ ಕೇಂದ್ರ್ ಸಾಹಿತ್ಯ್ ಅಕಾಡೆಮಿಚೊ ಪುರಸ್ಕಾರ್ ಲಾಬ್ಲಾ.

ಮಣಿಪಾಲಾಂತ್ ಚಲ್ಚ್ಯಾ ಎಕಾ ಸುವಾಳ್ಯಾವೆಳಾರ್ ವೆಗಿಂಚ್ ಹೊ ಪುರಸ್ಕಾರ್ ದಿತಲೆ ಮ್ಹಣೊನ್ ಕಳೊನ್ ಆಯ್ಲಾಂ.

ಆದ್ಲ್ಯಾ ವರ್ಸಾ ಕವಿತಾ ಟ್ರಸ್ಟ್ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸ್ ಹಾಂಚ್ಯ `ಪ್ರಕೃತಿಚೊ ಪಾಸ್' ಕವಿತಾ ಸಂಗ್ರಹಾಕ್ ಹೊ ಪುರಸ್ಕಾರ್ ಲಾಭಲ್ಲೊ.

`ಕವಿತಾ' ನ್ ಜೆನ್ನಾಂ ಶರತ್‌ಚಂದ್ರ ಶಣೈಲಾಗಿಂ ಫೊನಾಚೆರ್ ಸಂಪರ್ಕ್ ಕೆಲೊ, ತೆನ್ನಾಂ ತಾಂಕಾಂ ಹಿ ಖಬರಚ್ ನಾತಲ್ಲಿ. ಆನಿ ತೆ ಎಕ್ದಮ್ ಖುಶ್ ಜಾಲೆ. ಆನಿ ಪಯ್ಲ್ಯಾನ್ ಪಯ್ಲೆಂ ಹಿ ಖಬರ್ ಕಳಯಿಲ್ಲ್ಯಾಕ್ ಧನ್ಯವಾದ್ ದಿಲೆ.


`ಅತ್ಮಾಯನ್' ಪುಸ್ತಕಾಚೊ ಮುಕ್ಲೊ ಫೊರ್ ತಶೆಂ ಕವಿ ಮನೋಹರ ರಾಯ್ ಸರ್ದೇಸಾಯಿನ್ ಶರತ್ ಚಂದ್ರ ಶೆಣೈಚ್ಯೊ ಕವಿತಾ ಮೆಚ್ವೊನ್ ಬರಯಿಲ್ಲ್ಯಾ ಪತ್ರಾಚಿ ಪ್ರತಿ

ಶರತ್‌ಚಂದ್ರ ಶೆಣೈಕ್ `ಮೀರಾ - ಜೀವನ್ ಆನಿ ಕವನ್' ಪುಸ್ತಕಾ ಖಾತೀರ್ ದೇವಕಿ ಕೃಷ್ಣ ಟ್ರಸ್ಟ್ ಅನುವಾದ್ ಪುರಸ್ಕಾರ್ ಲಾಬ್ಲಾ. ತಾಚ್ಯಾ `ಅಂತರ್‌ನಾದ್' ಕವಿತಾ ಪುಸ್ತಕಾಕ್ ಡೊ ಟಿ ಎಮ್ ಎ ಪೈ ಫೌಂಡೇಶನ್ ಪ್ರೋತ್ಸಾಹಕ್ ಬಹುಮಾನ್ ಲಾಭ್ಲಾಂ. ಕೊಚ್ಚಿಚ್ಯಾ `ವೈಶ್ಣವರತ್ನೆ' ಹಾಂಣಿ `ಕೊಂಕಣಿ ಸಾಹಿತ್ಯ ಸೇವಾ ರತ್ನ' ಪುರಸ್ಕಾರ್ ದಿಲಾ. ಸಂಸ್ಕೃತ್ ಭಾಶೆಥಾವ್ನ್ ದೋನ್ ಪುಸ್ತಕಾಂ ತಾಣೆಂ ಕೊಂಕಣಿಕ್ ಹಾಡ್ಲ್ಯಾಂತ್. ದೆವಾಧಿನ್ ಪಿ.ಜಿ. ಕಾಮ್ತಿ ಸಾಂಗಾತಾ ಮೆಳೊನ್ `ಕೊಂಕಣಿ ಬರಯ್ತಾನಾ' ಪುಸ್ತಕ್ ಛಾಪ್ಲಾಂ. `ಸಾಹಿತ್ಯ ಸಂಕಲನ್' `ಕಾವ್ಯೋದ್ಯಾನ್', `ಸಾಹಿತ್ಯದೀಪ್ತಿ' ಆನಿ `ನಂದಾದೀಪ್' ತಾಣೆ ಸಂಪಾದಿತ್ ಕೆಲ್ಲಿಂ ಪುಸ್ತಕಾಂ. ಶಾಂತಿನಿಕೇತನಾಂತ್ ಜಾಲ್ಲ್ಯಾ ರಾಷ್ಟ್ರೀಯ್ ಕಾವ್ಯ್-ವಿಚಾರ‍್ಸಾತ್ಯಾಂತ್ ತಾಂಣಿ ಭಾಗ್ ಘೆತ್ಲಾ.

ಶರತ್‍ಚಂದ್ರ ಶೆಣೈಚಿ ಕವಿತಾ ವಾಚಾ:



Title : ಶರತ್‌ಚಂದ್ರ ಶೆಣೈಚ್ಯಾ ಕವಿತಾ ಸಂಗ್ರಹಾಕ್ ಟಿ ಎಮ್ ಎ ಪೈ ಪ್ರತಿಷ್ಠಾನಾಚೊ ಪುರಸ್ಕಾರ್

Please fill in the form below with your feedback/ suggestions .

Fields marked with * are necessary



Disclaimer : Please write your correct name and email address. Kindly do not post any personal, abusive, defamatory, infringing, obscene, indecent, discriminatory or unlawful or similar comments. kavitaa.com/konkanipoetry.com will not be responsible for any defamatory message posted under this article.

Please note that sending false messages to insult, defame, intimidate, mislead or deceive people or to intentionally cause public disorder is punishable under law. It is obligatory on kavitaa.com / konkanipoetry.com to provide the IP address and other details of senders of such comments, to the authority concerned upon request.

Hence, sending offensive comments using kavitaa.com / konkanipoetry.com will be purely at your own risk, and in no way will kavitaa.com / konkanipoetry.com be held responsible.