218. Mangalore Auditions of Konkani Poetry Reciting Competition for Children and Seniors
20 Nov 2022
217. Kerala Auditions of Konkani Poetry Reciting Competition for Children and Seniors
19 Nov 2022
216. Biri Biri Pavs - Season 1 - Finals
17 Nov 2022
215. Madgaon Auditions of Konkani Poetry Reciting Competition for Children and Seniors
15 Nov 2022
214. Panaji Auditions of Konkani Poetry Reciting Competition for Children and Seniors
14 Nov 2022
214. ಅಖಿಲ್ ಭಾರತ್ ಕೊಂಕಣಿ ಕವಿತಾ ಸಾದರೀಕರಣ್ ಸರ್ತ್ - ಪಣಜಿ ಪಾಂವ್ಡೊ
ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್ - ಚಾಫ್ರಾ ದೆಕೊಸ್ತಾ ಸ್ಮಾರಕ್ ಅಖಿಲ್ ಭಾರತ್ ಕೊಂಕಣಿ ಕವಿತಾ ಸಾದರೀಕರಣ್ ಸರ್ತೆಚೊ ಪಣಜಿ ಪ್ರಾಥಮಿಕ್ ಪಾಂವ್ಡೊ ಕೊಂಕಣಿ ಭಾಷಾ ಮಂಡಳ್, ಗೊಂಯ್ ಹಾಂಚ್ಯಾ ಸಹಕಾರಾನ್ ಪಣ್ಜೆಚ್ಯಾ ಇನ್‌ಸ್ಟಿಟ್ಯೂಟ್ ಮಿನೇಜಸ್ ಬ್ರಗಾಂಜಾ ಸಭಾಸಾಲಾಂತ್ ಚಲ್ಲೊ.
ಕೊಂಕಣಿ ಭಾಷಾ ಮಂಡಳ್, ಗೊಂಯ್ ಹಾಚೊ ಆದ್ಲೊ ಅಧ್ಯಕ್ಷ್ ಚೇತನ್ ಆಚಾರ್ಯನ್ ಸುರ್ವೆರ್ ಯೆವ್ಕಾರ್ ದಿತಚ್, ಕವಿತಾ ಟ್ರಸ್ಟ್ ಸ್ಥಾಪಕ್ ಮೆಲ್ವಿನ್ ರೊಡ್ರಿಗಸಾನ್ ಸರ್ತೆಚಿಂ ನೆಮಾಂ ಸಾಂಗ್ಲಿಂ. ವೊರಯ್ಣಾರ್ ಜಾವ್ನ್ ವಿಲಿಯಮ್ ಪಾಯ್ಸ್ ತಶೆಂಚ್ ಕಿಶೂ ಬಾರ್ಕೂರ್ ಆಸಲ್ಲೆ, ಟ್ರಸ್ಟಿ ವಿತೊರಿ ಕಾರ್ಕಳಾನ್ ವೆದಿವಯ್ಲಿ ಜವಾಬ್ದಾರಿ ಸಾಂಬಾಳ್‌‍ಲ್ಲಿ.
ಭುರ್ಗ್ಯಾಂಚ್ಯಾ ವಿಭಾಗಾಂತ್ 26 ಭುರ್ಗ್ಯಾಂನಿ ವಾಂಟೊ ಘೆತ್‌ಲ್ಲೊ ತರ್, ತೀಸ್ ವರ್ಸಾಂ ವಯ್ಲ್ಯಾಂಚ್ಯಾ ವಿಭಾಗಾಂತ್ 4 ಜಣಾಂನಿ ಕವಿತಾ ಸಾದರ್ ಕೆಲಿ. ಪಣಜಿ ಥಾವ್ನ್ ಫೈನಲಾಕ್ ವಿಂಚುನ್ ಆಯಿಲ್ಲ್ಯಾಂಚಿಂ ನಾಂವಾಂ ಹ್ಯೆಪರಿಂ ಆಸಾತ್:
ಭುರ್ಗ್ಯಾಂಚೊ ವಿಭಾಗ್:
ಪಾರ್ಥ್ ಕಾಮತ್ ಸಾತೊಸ್ಕಾರ್; ಸನಾ ಸಾತೇಲ್ಕಾರ್; ವರ್ದಾನ್ ಚೋಪ್ಡೆಕಾರ್; ಶಾರ್ವಿ ಗವ್ಣೆಕಾರ್; ಊರ್ವಿ ನಾಯ್ಕ್.
ವ್ಹಡಾಂಚೊ ವಿಭಾಗ್:
ನೀತಾ ಪರಬ್.
ಹ್ಯಾ ಸಂದರ್ಭಾರ್ ಕೊಂಕಣಿ ಕವಿ ಉದಯ್ ಮ್ಹಾಂಬ್ರೊ ಹಾಜರ್ ಆಸ್ಲ್ಲೊ ಆಸುನ್, ಸರ್ತೆಂತ್ ಭಾಗ್ ಘೆತಲ್ಲ್ಯಾ ಸರ್ವಾಂಕ್ ತಾಣೆಂ ಪ್ರಮಾಣ್ ಪತ್ರಾಂ ವಾಂಟ್ಲಿಂ.
213. Udupi Auditions of Konkani Poetry Reciting Competition for Children and Seniors
6 Nov 2022
213. ಅಖಿಲ್ ಭಾರತ್ ಕೊಂಕಣಿ ಕವಿತಾ ಸಾದರೀಕರಣ್ ಸರ್ತ್ - ಉಡುಪಿ ಪಾಂವ್ಡೊ
ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್ - ಚಾಫ್ರಾ ದೆಕೊಸ್ತಾ ಸ್ಮಾರಕ್ ಅಖಿಲ್ ಭಾರತ್ ಕೊಂಕಣಿ ಕವಿತಾ ಸಾದರೀಕರಣ್ ಸರ್ತೆಚೊ ಉಡುಪಿ ಪ್ರಾಥಮಿಕ್ ಪಾಂವ್ಡೊ ಉದ್ಯಾವರ್ ಸೈಂಟ್ ಫ್ರಾನ್ಸಿಸ್ ಕ್ಸೇವಿಯರ್ ಶಾಳೆಂತ್ ಚಲ್ಲೊ.
ನಿರಂತರ್ ಉದ್ಯಾವರ್ ಹಾಂಚ್ಯಾ ಸಾಂಗಾತ್ಪಣಾನ್ ಚಲೊವ್ನ್ ವ್ಹೆಲ್ಲೆ ಹ್ಯೆ ಸರ್ತೆಕ್ ಮುಕೆಲ್ ಸೈರೊ ಜಾವ್ನ್ ಫಾಮಾದ್ ಕನ್ನಡ ನಟ್, ತಶೆಂ ಹಾಸ್ಯಾಂಗಾರ್ ರಿಚರ್ಡ್ ಲುವಿಸ್ ತಾಚೆ ಪತಿಣೆ ಬರಾಬರ್ ಹಾಜರ್ ಆಸ್ಲ್ಲೊ. ನಿರಂತರ್ ಉದ್ಯಾವರ್ ಹಾಚೊ ಅಧ್ಯಕ್ಷ್ ಸ್ಟೀವನ್ ಕುಲಾಸೊನ್ ಯೆವ್ಕಾರ್ ದಿಲೊ.
ಕಿಶೂ ಬಾರ್ಕೂರ್, ಎಂಡ್ರ್ಯೂ ಎಲ್. ಡಿಕುನ್ಹಾ ಆನಿ ವಿಲಿಯಮ್ ಪಾಯ್ಸ್ ವೊರಯ್ಣಾರ್ ಜಾವ್ನ್ ಆಸ್ಲ್ಲೆ.
ಭುರ್ಗ್ಯಾಂಚ್ಯಾ ವಿಭಾಗಾಂತ್ ದೊಗಾಂನಿ ವಾಂಟೊ ಘೆತಲ್ಲೊ. ರಿಹಾ ಡಿಸೋಜಾ, ಉದ್ಯಾವರ್ ಫೈನಲಾಕ್ ವಿಂಚುನ್ ಆಯ್ಲೆಂ. ವ್ಹಡಾಂಚ್ಯಾ ವಿಭಾಗಾಂತ್ ಸ ಜಣಾಂನಿ ವಾಂಟೊ ಘೆತಲ್ಲೊ ಆಸುನ್ ಲವೀಟಾ ಡಿಸೋಜಾ, ನಕ್ರೆ ಆನಿ ರಿತೇಶ್ ಡಿಸೋಜಾ, ಉದ್ಯಾವರ್ ಫೈನಲಾಕ್ ವಿಂಚುನ್ ಆಯ್ಲಿಂ.
ಹ್ಯಾ ಸಂದರ್ಭಾರ್ ನಿರಂತರ್ ಉದ್ಯಾವರ್ ಸಂಚಾಲಕ್ ಮೈಕಲ್ ಡಿಸೋಜಾ ಹಾಜರ್ ಆಸ್ಲ್ಲೊ.
212. Udyavar Poetry Session
18 Sep 2022
212. ಉದ್ಯಾವರ್ - ಕಾವ್ಯಾಳ್ ಉದೆವ್ ಕಾರ್ಯಾವಳ್
ನಿರಂತರ್ ಉದ್ಯಾವರ್ ಹಾಂಚೆ ಸಾಂಗಾತಾ ಮೆಳುನ್ ಸೈಂಟ್ ವಿನ್ಸೆಂಟ್ ಪ್ಯಾಲೊಟೈನ್ ಕೊವೆಂತಾಚ್ಯಾ ಮೈದಾನಾರ್ ’ಉದ್ಯಾವರ್ - ಕಾವ್ಯಾಳ್ ಉದೆವ್’ ಕಾರ್ಯಾವಳ್ ಮಾಂಡುನ್ ಹಾಡಲ್ಲಿ. ಹ್ಯಾ ಸಂದರ್ಭಾರ್ ಉದ್ಯಾವರಾಕ್ ಉಂಚಾಯ್ ದಿಲ್ಲ್ಯಾ ದೊಗ್ ಮ್ಹಾನ್ ಕವಿಂಕ್ - ರಾನ್ ಉದ್ಯಾವರ್ (ಹೆನ್ರಿ ಡಿಸಿಲ್ವ) ತಶೆಂ ಎಕ್ಸೆಮ್ ಉದ್ಯಾವರ್ (ಸಾವೆರ್ ಮೆಂದೊಸ್) -ಹಾಂಕಾಂ ನಮಾನ್ ಕೆಲೊ
ಕವಿತಾ ಟ್ರಸ್ಟ್ ಅಧ್ಯಕ್ಷ್ ಕಿಶೂ ಬಾರ್ಕೂರಾನ್ ಯೆವ್ಕಾರ್ ದಿಲೊ.
ಫಾ. ಸ್ಟೇನಿ ಬಿ. ಲೋಬೊ, ಚಾನ್ಸಲರ್, ಉಡುಪಿ ದಿಯೆಸೆಜ್ ಆನಿ ಉದ್ಯಾವರ್ ಫಿರ್ಗಜೆಚೊ ವಿಗಾರ್, ಸಿಸ್ಟರ್ ಲೀನಾ, ಸುಪೀರಿಯರ್, ಸೈಂಟ್ ವಿನ್ಸೆಂಟ್ ಪ್ಯಾಲೊಟ್ಟಿ ಕೊವೆಂತ್, ಕಿಶೂ ಬಾರ್ಕೂರ್, ಅಧ್ಯಕ್ಷ್, ಕವಿತಾ ಟ್ರಸ್ಟ್, ಮೆಲ್ವಿನ್ ರೊಡ್ರಿಗಸ್, ಸ್ಥಾಪಕ್, ಕವಿತಾ ಟ್ರಸ್ಟ್, ಸ್ಟೀವನ್ ಕುಲಾಸೊ, ಅಧ್ಯಕ್ಷ್, ನಿರಂತರ್ ಉದ್ಯಾವರ್, ಮೈಕಲ್ ಡಿಸೊಜಾ, ಕಾರ್ಯಾಚೊ ಸಂಯೋಜಕ್, ಒಲಿವೀರಾ ಮಥಾಯಸ್, ಕಾರ್ಯದರ್ಶಿ, ನಿರಂತರ್ ಉದ್ಯಾವರ್, ವಿಲ್ಸನ್ ಕಟೀಲ್, ಕೊಂಕಣಿ-ಕನ್ನಡ ಕವಿ ಹಾಂಣಿ ಸಾಂಗಾತಾ ಮೆಳುನ್ ಕಾರ್ಯಾಚೆಂ ಉಗ್ತಾವಣ್ ಕೆಲೆಂ.
ಮೈಕಲ್ ಡಿಸೋಜಾನ್ ಉದ್ಯಾವರಾಚೆಂ ನಾಂವ್ ಥಿರಾಯಿಲ್ಲೊ ಕಥಾಕಾರ್ ಜೊನಿ ಮರಿಯಭೂಮಿಚಿ (ಜೊನ್ ಗ್ಯಾಬ್ರಿಯೆಲ್ ಮಾರ್ಸೆಲ್ ಡಿಸೋಜಾ) ವಳಖ್ ಕರುನ್ ದಿತಚ್ ಮೆಲ್ವಿನ್ ರೊಡ್ರಿಗಸಾನ್ ಶೊಲ್ ಪಾಂಗುರ‍್ನ್, ಫಾ, ಸ್ಟೇನಿ ಲೋಬೊನ್ ಕಳ್ಯಾಂಚೊ ಹಾರ್ ಘಾಲುನ್ ಆನಿ ಸಿಸ್ಟರ್ ಲೀನಾನ್ ಪುಸ್ತಕಾಂಚೊ ಪೊಟ್ಲೊ ಭೆಟ್‍ವಸ್ತ್ ದಿವುನ್ - ಜೊನಿ ಮರಿಯಭೂಮಿ ಹಾಂಕಾಂ ಮಾನ್ ಕೆಲೊ. ತ್ಯಾಉಪ್ರಾಂತ್ ತಾಂಚೆಲಾಗಿಂ ಸಂವಾದ್ ಚಲಯ್ಲೊ.
ಉಪ್ರಾಂತ್ ಚಲಲ್ಲೆ ಕವಿಗೋಷ್ಟಿಚೆಂ ಅಧ್ಯಕ್ಷಪಣ್ ಕೊಂಕಣಿ-ಕನ್ನಡ ಕವಿ ವಿಲ್ಸನ್ ಕಟೀಲಾನ್ ಘೆತಲ್ಲೆಂ. ರೊಬರ್ಟ್ ಫೆರ್ನಾಂಡಿಸಾನ್ ವಿಲ್ಸನಾಚಿ ವಳಖ್ ಕರುನ್ ದಿಲಿ. ತ್ಯಾ ಉಪ್ರಾಂತ್ ಚಲಲ್ಲೆ ಕವಿಗೋಷ್ಟಿಂತ್ ಡೊ. ಉರ್ಬಾನ್ ಡಿಸೊಜಾ, ರಿತೇಶ್ ಡೀಸೋಜಾ, ರೊಬರ್ಟ್ ಡಿಸೋಜಾ ಪಿತ್ರೋಡಿ, ವನಿತಾ ಮಾರ್ಟಿಸ್, ಬಾರ್ಕೂರ್, ಡಾ. ಫ್ಲಾವಿಯ ಕ್ಯಾಸ್ಟಲೀನೊ, ಮಣಿಪಾಲ್,ಬ್ರಿಜಿತ್ ಗೊನ್ಸಾಲ್ವಿಸ್, ಬಾರ್ಕೂರ್ (ಜಿತಾ ಬಾರ್ಕೂರ್), ಪಿ.ಜೆ. ಕರುಗಳ್ನಡೆ, ರಿಕಿತಾ ನಿಯೋಲಾ ಸಲ್ಡಾನ್ಹಾ, ಪಾಂಬೂರ್, ಇ. ಎ. ಪಡುಬಿದ್ರಿ, ವಲೇರಿಯನ್ ಮೆಂಡೊನ್ಸಾ, ರೋಶು ಬಜ್ಪೆ, ಆಂತೊನ್ ಲುವಿಸ್, ಜುಡಿತ್ ಫೆರ್ನಾಂದಿಸ್, ಫಾ ಲಿಯೊ ಪ್ರವೀಣ್ ಡಿಸೋಜಾ, ಕ್ಯಾಥರಿನ್ ರೊಡ್ರಿಗಸ್ ಕಟ್ಪಾಡಿ, ರೊಬರ್ಟ್ ಫೆರ್ನಾಂಡಿಸ್, ಸಿಸ್ಟರ್ ವಿಲ್ಮಾ ಪಿಂಟೊ, ಡೊ. ರುಡೊಲ್ಫ್ ಜೊಯರ್ ನೊರೊನ್ಹಾ ಕಿನ್ನಿಗೋಳಿ, ಆಲ್ವಿ ದಾಂತಿ, ಟೈಟಸ್ ನೊರೊನ್ಹಾ, ಜೊಯ್ಸ್ ಪಿಂಟೊ ಕಿನ್ನಿಗೋಳಿ, ಗೊಡ್‌ಫ್ರಿ ಮಾಸ್ಟರ್ ಆನಿ ಮೆಲ್ವಿನ್ ರೊಡ್ರಿಗಸ್ - ಅಶೆಂ ಚೊವೀಸ್ ಜಣಾಂನಿ ಭಾಗ್ ಘೆತ್ಲೊ.
ಮನೋಜ್ ಫೆರ್ನಾಂಡಿಸ್ ಹಾಣೆ ಕವಿಂಚಿ ವಳಖ್ ಕರುನ್ ದಿಲ್ಲಿ ತರ್, ರೊಬರ್ಟ್ ಫೆರ್ನಾಂಡಿಸ್ ಹಾಣೆ ಸಗ್ಳ್ಯಾ ಕಾರ್ಯಾಚೆಂ ಸುಂಕಾಣ್ ಧರಲ್ಲೆಂ.
ಸಿಸ್ಟರ್ ಲೀನಾ ಹಿಣೆ ಕಾರ್ಯಾವಳಿಚೆ ಯಶಸ್ವೆ ಖಾತೀರ್ ವಾವುರ‍್ಲಲ್ಯಾ ಸಮೇಸ್ತಾಂಚೊ ಉಪ್ಕಾರ್ ಭಾವುಡ್ಲೆ. ಸ್ಟೀವನ್ ಕುಲಾಸೊನ್ ನಿರಂತರ್ ಉದ್ಯಾವರಾಚ್ಯಾ ಕಾರ್ಯಾಂವಿಶಿಂ ವಿವರ್ ದಿಲೊ. ಹ್ಯಾ ಸಂದರ್ಭಾರ್ ನಿರಂತರ್ ಉದ್ಯಾವರ್ ಹಾಂಣಿ ಕವಿತಾ ಟ್ರಸ್ಟ್ ವಾಂಗ್ಡಿ ಮೆಲ್ವಿನ್ ರೊಡ್ರಿಗಸ್, ಕಿಶೂ ಬಾರ್ಕೂರ್, ವಿಲಿಯಮ್ ಪಾಯ್ಸ್, ತಶೆಂಚ್ ಕವಿ ವಿಲ್ಸನ್ ಕಟೀಲ್, ಮನೋಜ್ ಫೆರ್ನಾಂಡಿಸ್, ರೊಬರ್ಟ್ ಫೆರ್ನಾಂಡಿಸ್ ಆನಿ ಸಿಸ್ಟರ್ ಲೀನಾ ಹಾಂಕಾಂ ಶೊಲ್ ಪಾಂಗುರ‍್ನ್ ಮಾನ್ ಕೆಲೊ.
ಸನ್‌ಶೈನ್ ಕುಟಮ್ ಅಂಬಾಗಿಲು ಹಾಂಣಿ ಹ್ಯಾ ಕಾರ್ಯಾಕ್ ಸಹಕಾರ್ ದಿಲ್ಲೊ.
211. Semi Final Rounds of Biri Biri Pavs Poetry Reciting Reality Show held at World Konkani Centre
18 Jun 2022
211. ಬಿರಿ ಬಿರಿ ಪಾವ್ಸ್ - ಕೊಂಕಣಿ ಕವಿತಾ ಸಾದರೀಕರಣ್ ರಿಯಾಲಿಟಿ ಶೋ -ಚೊ ಸೆಮಿಫೈನಲ್ ಪಾಂವ್ಡೊ ವಿಶ್ವ ಕೊಂಕಣಿ ಕೇಂದ್ರಾಂತ್
2022 ಜ್ಯೂನ್ 18 ಆನಿ 19 ತಾರಿಕೆಂನಿ ಚಲಲ್ಲ್ಯಾ ಹ್ಯಾ ಸೆಮಿಫೈನಲ್ ಪಾಂವ್ಡ್ಯಾಂತ್ ಬಾವೀಸ್ ಜಣಾಂನಿ ಭಾಗ್ ಘೆತ್ಲೊ.
ಹಾಸ್ಯ್ ಕವಿತಾ ಪಾಂವ್ಡೊ, ಕವಿತಾ ಗಾಯನ್ ಪಾಂವ್ಡೊ ತಶೆಂಚ್ ಪುರಸ್ಕೃತ್ ಕವಿ ಪಾಂವ್ಡೊ - ಅಶೆಂ ತೀನ್ ವಿಭಾಗಾಂಚೆಂ ಸಾದರೀಕರಣ್ ರೆಕೊರ್ಡಿಂಗ್ ಚಲ್ಲೆಂ. ಮನೋಜ್ ಫೆರ್ನಾಂಡಿಸ್ ಹಾಣೆ ಸೂತ್ರ್ ಸಂಚಾಲನ್ ಕೆಲ್ಲೆಂ ತರ್, ಮೆಲ್ವಿನ್ ರೊಡ್ರಿಗಸ್ ಆನಿ ಟೈಟಸ್ ನೊರೊನ್ಹಾ ವೊರಯ್ಣಾರ್ ಜಾವ್ನಾಸಲ್ಲೆ. ದಾಯ್ಜಿವರ್ಲ್ಡ್ ಟೆಲಿವಿಶನಾಚ್ಯಾ ಸ್ಟೇನಿ ಬೆಳಾ ಹಾಚ್ಯಾ ಮುಕೆಲ್ಪಣಾಚ್ಯಾ ಟೀಮಾನ್ ಹ್ಯಾ ರೆಕೊರ್ಡಿಂಗಾಚೊ ಹಾರ್-ಭಾರ್ ಘೆತಲ್ಲೊ. ಸ್ಪರ್ಧಿಕಾಂಕ್ ವಿಶ್ವ ಕೊಂಕಣೀ ಕೇಂದ್ರಾಂತ್ ರಾವ್ಪಾಚಿ ವ್ಯವಸ್ಥಾ ಆಸಾ ಕೆಲ್ಲಿ. ಕಾಮತ್ ಕೆಟರರ್ಸ್ ಜೆವ್ಣಾ ಖಾಣಾಚೆ ಪ್ರಾಯೋಜಕ್ ಆಸಲ್ಲೆ.
ಗೊಂಯಾಂ ಥಾವ್ನ್ ಪ್ರಾಧ್ನ್ಯಾ ಉಪಾಧ್ಯೆ ಹಿಕಾ ಹಾಜರ್ ಜಾಂವ್ಕ್ ಜಾಲೆಂನಾ ಜಾಲ್ಲ್ಯಾನ್ ಗವ್ರಂಗ್ ಭಾಂಡಿಯೆ ಹಾಣೆ ಆವ್ಕಾಸ್ ಜೊಡ್ಲೊ ತರ್, ಮಂಗ್ಳುರ್ ಥಾವ್ನ್ ಎಶ್ಲಿನ್ ವಿಸ್ಮಯ್ ಲೋಬೋಕ್ ವೈಲ್ಡ್ ಕಾರ್ಡ್ ಎಂಟ್ರಿ ಜಾವ್ನ್ ಆವ್ಕಾಸ್ ದಿಲ್ಲೊ.
ದಾಯ್ಜಿವರ್ಲ್ಡ್ ಟಿವಿಚೆರ್ 2022 ಮಾಯ್ 12 ತಾರಿಕೆ ಥಾವ್ನ್ ಹರ್ ಬ್ರೇಸ್ತಾರಾ 9 ವೊರಾಂಕ್ ಹೊ ರಿಯಾಲಿಟಿ ಶೋ ಪ್ರಸಾರ್ ಜಾತಾ. ಜೇಮ್ಸ್ ಆನಿ ಶೋಭಾ ಮೆಂಡೊನ್ಹಾ ಹ್ಯಾ ರಿಯಾಲಿಟಿ ಶೋ-ಚೆ ಪ್ರಮುಖ್ ಪ್ರಾಯೋಜಕ್ ಆಸಾತ್.
210. Samiksha Samvad - Program Held at Konkani Bhasha Mandal School, Madgaon
13 May 2022
210. ಎಚ್ಚೆಮ್ ಪೆರ್ನಾಳಾಚ್ಯಾ ’ರುಪಾಂ ಆನಿ ರೂಪಕಾಂ’ ಪುಸ್ತಕಾಚೆರ್ ಉಗ್ತೊ ಸಂವಾದ್
ಕವಿತಾ ಟ್ರಸ್ಟ್ ಆನಿ ಕೊಂಕಣಿ ಭಾಷಾ ಮಂಡಳ್, ಗೊಂಯ್ ಹಾಂಚ್ಯಾ ಜೋಡ್ ಆಯೋಜಕ್ಪಣಾಖಾಲ್ ಮಡ್ಗಾಂವ್ ಭಾಷಾ ಮಂಡಳ್ ಇಸ್ಕೊಲಾ ಸಾಲಾಂತ್ 2022 ಮಾಯ್ ಮ್ಹಯ್ನ್ಯಾಚ್ಯೆ 12 ತಾರಿಕೆರ್ ಕೊಂಕ್ಣಿ ಸಾಹಿತಿ, ವಿಮರ್ಶಕ್ ಎಚ್ಚೆಮ್ ಪೆರ್ನಾಲಾಚ್ಯಾ ’ಕೊಂಕ್ಣಿ ಕಾವ್ಯೆಂ: ರುಪಾಂ ಆನಿ ರೂಪಕಾಂ’ ಪುಸ್ತಕಾಚೆರ್ ಉಗ್ತೊ ಸಂವಾದ್ ಚಲ್ಲೊ.
ಪತ್ರ್‌ಕಾರ್ ಆನಿ ನಾಮ್ನೆಚೊ ಸಾಹಿತಿ ಉದಯ್ ಭೆಂಬ್ರೆ ಹಾಂಣಿ ಅಧ್ಯಕ್ಷ್‌ಪಣ್ ಘೆತ್‌ಲ್ಲ್ಯಾ ಹ್ಯಾ ಕಾರ್ಯಾಚ್ಯೆ ವೆದಿರ್ ಜ್ಞಾನ್‌ಪೀಠ್ ಜೊಡ್ಪಿ ಕೊಂಕ್ಣಿ ಸಾಹಿತಿ ದಾಮೋದರ್ ಮಾವ್ಜೊ, ಕೊಂಕಣಿ ಭಾಷಾ ಮಂಡಳ್ ಅಧ್ಯಕ್ಷಾ ಅನ್ವೇಷಾ ಸಿಂಗ್‌ಬಾಳ್ ಆನಿ ಕವಿತಾ ಟ್ರಸ್ಟ್ ಅಧ್ಯಕ್ಷ್ ಕಿಶೂ ಬಾರ್ಕೂರ್ ಹಾಜರ್ ಆಸ್ಲ್ಲೆ.
ವೆದಿ ಕಾರ್ಯಾ ಉಪ್ರಾಂತ್ ಪ್ರಾಧ್ಯಾಪಕ್ ಆನಿ ನಾಮ್ನೆಚೊ ಗೀತ್‌ಕಾರ್ ಜಾವ್ನಾಸ್ಚ್ಯಾ ಪೂರ್ಣನಂದ್ ಚಾರಿ ಹಾಂಣಿ ಎಚ್ಚೆಮ್ ಪೆರ್ನಾಲಾಸಂಗಿಂ ’ರುಪಾಂ ಆನಿ ರೂಪಕಾಂ’ ಪುಸ್ತಕಾವಯ್ರ್ ಉಗ್ತೊ ಸಂವಾದ್ ಚಲೊವ್ನ್ ವೆಲೊ.
ಕಿಶೂ ಬಾರ್ಕೂರಾನ್ ಕವಿತಾ ಟ್ರಸ್ಟಾವಿಶಿಂ ಮಟ್ವಿ ಝಳಕ್ ದಿಲಿ. ಅನ್ವೇಷಾ ಸಿಂಗ್‌ಬಾಳ್ ಹಿಣೆಂ ಸ್ವಾಗತ್ ಮಾಗ್ಲೊ. ಕವಿತಾ ಟ್ರಸ್ಟ್ ಸ್ಥಾಪಕ್ ಮೆಲ್ವಿನ್ ರೊಡ್ರಿಗಸ್ ಹಾಂಣಿ ಸಯ್ರ್ಯಾಂಕ್ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಮಾನ್ ಕೆಲೊ. ಅನಂತ್ ಅಗ್ನಿನ್ ಕಾರ್ಯೆಂ ಚಲೊವ್ನ್ ವೆಲೆಂ.
209. Kavita Trust visits Senior Konkani Writers of Goa
12 May 2022
209. ಗೊಂಯ್ಚ್ಯಾ ಮ್ಹಾಲ್ಗಡ್ಯಾ ಕೊಂಕಣಿ ಲೇಖಕಾಂಚಿ ಭೆಟ್
2022 ಮಾಯ್ ಮ್ಹಯ್ನ್ಯಾಚೆ 12 ತಾರಿಕೆರ್ ಸಕಾಳಿಂ ಕವಿತಾ ಟ್ರಸ್ಟಾನ್ ಗೊಂಯ್ಚ್ಯಾ ಮ್ಹಾಲ್ಗಡ್ಯಾ ಕೊಂಕಣಿ ಲೇಖಕಾಂಚಿ ಭೆಟ್ ಕೆಲಿ.
ಪಯ್ಲ್ಯಾನ್ ಮಡ್ಗಾಂವ್ ಹಾಂಗಾಸರ್ ವಸ್ತಿ ಕರ್ಚ್ಯಾ, 2022 ವರ್ಸಾ ಜ್ಞಾನ್‌ಪೀಠ್ ಪುರಸ್ಕಾರ್ ಜೊಡ್ಪಿ ದಾಮೋದರ್ ಭಾಯ್ ಮಾವ್ಜೊ ಹಾಂಚ್ಯಾ ಘರಾ ಭೆಟ್ ಕೆಲಿ. ಭಾಯಿ ಮಾವ್ಜೊ, ತಾಂಚಿ ಪತಿಣ್ ಶೈಲಾ ತಶೆಂಚ್ ಧುವ್ ಸೊಬಿತಾ ಹಾಂಣಿ ಮಂಗ್ಳುರ್ ಥಾವ್ನ್ ಆಯಿಲ್ಲ್ಯಾ ಕವಿಂಚೊ ತಶೆಂ ಲೇಖಕಾಂಚೊ ಸತ್ಕಾರ್ ಕೆಲೊ. ವಳಖ್ ಕರೊವ್ನ್ ಘೆತ್ಲಿ. ತಾಂಚೆಂ ಬರೊವ್ಪಾಕೂಡ್ ದಾಕಯ್ಲೆಂ. ಸಂವಾದ್ ಚಲಯ್ಲೊ. ಸೊಬಿತಾನ್ ಕೊಂಕಣಿ ಕವಿತಾ ವಾಚ್ಲಿ.
ಉಪ್ರಾಂತ್ ಪಣ್ಜೆಚ್ಯಾ ರಾಯಿ -ಹಾಂಗಾಸರ್ ವಸ್ತಿ ಕರ್ಚ್ಯಾ, ಸುಟ್ಕೆಝುಜಾರಿ ತಶೆಂಚ್ ಸಾಹಿತ್ಯ್ ಅಕಾಡೆಮಿ ಪ್ರಶಸ್ತಿ ವಿಜೇಜ್ ಕವಿ ನಾಗೇಶ್ ಕರ್ಮಳಿ ಹಾಂಚ್ಯಾ ಘರಾ ಭೆಟ್ ಜಾಲಿ. ತಾಂಣಿ ಕಾಂಯ್ ಥೊಡ್ಯೊ ತಾಂಚ್ಯೊ ಕವಿತಾ ವಾಚ್ಲ್ಯೊ. ಲೈಬ್ರೆರಿ ದಾಕಯ್ಲಿ. ಸಂವಾದ್ ಚಲಯ್ಲೊ.
ನಿಮಾಣೆ ಫೊಣ್ಯಾಂತ್ಲ್ಯಾ ಪುಂಡಲೀಕ್ ನಾರಾಯಣ್ ನಾಯ್ಕ್ ಹಾಂಚ್ಯಾ ಘರಾ ಭೆಟ್ ದಿಲಿ. ಪುಂಡಲೀಕ್ ಬಾಬ್ ತಶೆಂ ತಾಂಚಿ ಪತಿಣ್ ಹೇಮಾ ನಾಯ್ಕ್ ಹಾಂಚೆಲಾಗಿಂ ಸಂವಾದ್ ಚಲ್ಲೊ.
ಟ್ರಸ್ಟಾ ತರ್ಫೆನ್ ಕಿಶೂ ಬಾರ್ಕೂರ್, ಮೆಲ್ವಿನ್ ರೊಡ್ರಿಗಸ್, ವಿಲಿಯಮ್ ಪಾಯ್ಸ್ ತಶೆಂಚ್ ವಿನ್ಸಿ ಪಿಂಟೊ ಆಂಜೆಲೊರ್, ಸಿಕೆರಾಮ್ ಸುರತ್ಕಲ್, ರೊನ್ ರೊಚ್ ಕಾಸ್ಸಿಯಾ, ಎಚ್ಚೆಮ್ ಪೆರ್ನಾಳ್, ವಿಲ್ಸನ್ ಕಟೀಲ್, ಆಲ್ಫೊನ್ಸ್ ಮೆಂಡೊನ್ಸಾ, ಸ್ಟೇನಿ ಬೆಳಾ, ಫೊಟೋಗ್ರಾಫರ್ ದಯಾನಂದ ಕುಕ್ಕಾಜೆ, ವೀಡಿಯೊಗ್ರಾಫರ್ ಕಿರಣ್ ಹ್ಯೆ ಭೆಟೆವೆಳಾರ್ ಹಾಜರ್ ಆಸಲ್ಲೆ.
208. Goa Auditions of Biri Biri Pavs Poetry Reciting Reality Show held at Ravindra Bhavan, Madgoan
11 May 2022
208. ಬಿರಿಬಿರಿ ಪಾವ್ಸ್ - ಕೊಂಕಣಿ ಕವಿತಾ ಸಾದರೀಕರಣ್ ರಿಯಾಲಿಟಿ ಶೋ -ಚೊ ಗೊಂಯ್ಚೊ ವಿಂಚ್ಣುಕೆ ಪಾಂವ್ಡೊ
2022 ಮಾಯ್ ಮ್ಹಯ್ನ್ಯಾಚೆ 11 ತಾರಿಕೆರ್ ಹ್ಯಾ ರಿಯಾಲಿಟೀ ಶೋ-ಚೊ ಗೊಂಯ್ಚೊ ವಿಂಚ್ಣುಕೆ ಪಾಂವ್ಡೊ ಚಲ್ಲೊ.
ಗೊಂಯ್ಚ್ಯಾ ರವೀಂದ್ರ ಭವನಾಚ್ಯಾ ಬ್ಲ್ಯಾಕ್ ಬೊಕ್ಸ್ ಹೊಲಾಂತ್ ಹೆಂ ರೆಕೊರ್ಡಿಂಗ್ ಚಲ್ಲೆಂ. ಮನೋಜ್ ಫೆರ್ನಾಂಡಿಸ್ ಹಾಣೆ ಸೂತ್ರ್ ಸಂಚಾಲನ್ ಕೆಲ್ಲೆಂ ತರ್, ಮೆಲ್ವಿನ್ ರೊಡ್ರಿಗಸ್ ಆನಿ ಟೈಟಸ್ ನೊರೊನ್ಹಾ ವೊರಯ್ಣಾರ್ ಜಾವ್ನಾಸಲ್ಲೆ. ದಾಯ್ಜಿವರ್ಲ್ಡ್ ಟೆಲಿವಿಶನಾಚ್ಯಾ ಸ್ಟೇನಿ ಬೆಳಾ ಹಾಚ್ಯಾ ಮುಕೆಲ್ಪಣಾಚ್ಯಾ ಟೀಮಾನ್ ಹ್ಯಾ ರೆಕೊರ್ಡಿಂಗಾಚೊ ಹಾರ್-ಭಾರ್ ಘೆತಲ್ಲೊ. ಗೊಂಯ್ಚ್ಯಾ ವೆವೆಗ್ಳ್ಯಾ ಪ್ರದೇಶಾಂ ಥಾವ್ನ್ ಸ್ಪರ್ಧಿಕ್ ಹಾಜರ್ ಆಸಲ್ಲೆ.
ಗೊಂಯ್ಚ್ಯಾ ಕೊಂಕಣಿ ಭಾಷಾ ಮಂಡಳ್ ತಶೆಂ ರವೀಂದ್ರ ಕೆಳೇಕಾರ್ ಗ್ಯಾನ್‍ಮಂದಿರ್ ಹಾಂಣಿ ಹ್ಯಾ ವಿಂಚ್ಣುಕೆ ಪಾಂವ್ಡ್ಯಾಕ್ ಸಹಕಾರ್ ದಿಲ್ಲೊ.
207. 16th Edition of Kavita Fest at World Konkani Centre
24 Apr 2022
207. ವಿಶ್ವ ಕೊಂಕಣಿ ಕೇಂದ್ರಾಂತ್ ಸೊಳಾವೆಂ ಕವಿತಾ ಫೆಸ್ತ್
ಕವಿತಾ ಟ್ರಸ್ಟ್ ಹಾಂಣಿ ಚಲೊವ್ನ್ ವ್ಹೆಲ್ಲೆಂ ಸೊಳಾವೆಂ ಕವಿತಾ ಫೆಸ್ತ್ 2022 ಎಪ್ರಿಲ್ 24 ತಾರಿಕೆರ್ ವಿಶ್ವ ಕೊಂಕಣಿ ಕೇಂದ್ರಾಂತ್ ಆಖ್ಖೊ ದೀಸ್‌ಭರ್ ಚಲ್ಲೆಂ.
ಕವಯಿತ್ರಿ, ಶಿಕ್ಷಣ್ ತಜ್ಞ್, ಗೀತ್‌ಕಾರ್ ಡೊ. ಉಷಾಪ್ರಭಾ ನಾಯಕ್, ಕೊಂಕಣಿ ಭಾಸ್ ಆನಿ ಸಂಸ್ಕೃತಿ ಪ್ರತಿಷ್ಠಾನಾಚೊ ಅಧ್ಯಕ್ಷ್ ನಂದಗೋಪಾಲ್ ಶೆಣೈ, ಟ್ರಸ್ಟಾಚೊ ಅಧ್ಯಕ್ಷ್ ಕಿಶೋರ್ ಗೊನ್ಸಾಲ್ವಿಸ್ ಆನಿ ಕಾರ್ಯದರ್ಶಿ ಎವ್ರೆಲ್ ರೊಡ್ರಿಗಸ್ ವೇದಿರ್ ಆಸಲ್ಲಿಂ. ಹಾಂಣಿ ಟ್ರಸ್ಟಾಚ್ಯಾ ಟ್ರಸ್ಟಿಂ ಸಾಂಗಾತಾ ಗುಲೊಬಾಚ್ಯೊ ಪಾಕ್ಳ್ಯೊ ವಾರ‍್ಯಾರ್ ಉಬೊವ್ನ್ ಕಾರ್ಯೆಂ ಉಗ್ತಾಯ್ಲೆಂ.
ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್, ಚಾಫ್ರಾ ದೆಕೊಸ್ತಾ ಸ್ಮಾರಕ್ ಅಖಿಲ್ ಭಾರತ್ ಭುರ್ಗ್ಯಾಂಚ್ಯಾ, ಯುವಜಣಾಂಚ್ಯಾ ತಶೆಂ ಮ್ಹಾಲ್ಗಡ್ಯಾಂಚ್ಯಾ ಕವಿತಾ ಸಾದರೀಕರಣ್ ಸರ್ತೆಚೆಂ ಫೈನಲ್ಸ್ ಹ್ಯಾ ಸಂದರ್ಭಾರ್ ಚಲ್ಲೆಂ. ಅನಂತ್ ಅಗ್ನಿ, ಗ್ವಾದಲೂಪ್ ಡಾಯಸ್, ಟೈಟಸ್ ನೊರೊನ್ಹಾ, ವಿಲಿಯಮ್ ಪಾಯ್ಸ್, ಶಕುಂತಲಾ ಆರ್. ಕಿಣಿ ತಶೆಂಚ್ ಮೆಲ್ವಿನ್ ರೊಡ್ರಿಗಸ್ ಹಾಂಣಿ ಸರ್ತೆಚಿ ವೊರವ್ಣಿ ಕೆಲಿ. ವಿಕ್ಟರ್ ಮಥಾಯಸಾನ್ ಸೂತ್ರ್ ಸಂಚಾಲನ್ ಕೆಲೆಂ.
ಹ್ಯಾ ಸಂದರ್ಭಾರ್ ’ಲ್ಹಾರಾಂಚೆಂ ಗೀತ್’ ಪುಸ್ತಕಾಚೊ ಕವಿ ಜೋವಿನ್ ಸಿಕ್ವೇರಾ ಲಾಗಿಂ ಕವಿ ಎಂಡ್ರ್ಯೂ ಎಲ್. ಡಿಕುನ್ಹಾನ್ ಸಂವಾದ್ ಚಲಯ್ಲೊ.
ಸಾಂಜೆಚ್ಯಾ ಸಮಾರೋಪ್ ಸುವಾಳ್ಯಾಕ್ ಕೊಂಕಣಿ ಭಾಷಾ ಮಂಡಳ್, ಗೊಂಯ್ ಹಾಚೊ ಆದ್ಲೊ ಅಧ್ಯಕ್ಷ್ ಚೇತನ್ ಆಚಾರ್ಯ ಮುಕೆಲ್ ಸೈರೊ ಜಾವ್ನ್ ಆಯಿಲ್ಲೊ. ವಿಶ್ವ ಕೊಂಕಣಿ ಕೇಂದ್ರಾಚೊ ಸಿ.ಇ.ಓ. ಗುರು ಬಾಳಿಗ ತಶೆಂಚ್ ಗೊಂಯ್ಚಿ ಕವಯಿತ್ರಿ ಯೋಗಿನಿ ಆಚಾರ್ಯ ಮಾನಾಚಿಂ ಸೈರಿಂ ಜಾವ್ನ್ ಆಯಿಲ್ಲಿಂ.
ಆರ್. ರಾಮನಾಥ್ ಹಾಂಕಾಂ ಮಥಾಯಸ್ ಕುಟಮ್ ಕವಿತಾ ಪುರಸ್ಕಾರ್ ಭೆಟಯ್ಲೊ. ವೇದಿರ್ ಆಸಲ್ಲ್ಯಾ ಸೈರ‍್ಯಾಂನಿ ರು. 25000, ಮಾನ್ ಪತ್ರ್, ಯಾದಸ್ತಿಕಾ, ಶೊಲ್ ದೀವ್ನ್ ರಾಮನಾಥಾಕ್ ಮಾನ್ ಕೆಲೊ. ಮೆಲ್ವಿನ್ ರೊಡ್ರಿಗಸಾನ್ ಮಾನ್ ಪತ್ರ್ ವಾಚ್ಲೆಂ. ವಿಲಿಯಮ್ ಪಾಯ್ಸಾನ್ ರಾಮಾನಾಥಾಚಿ ವಳಖ್ ಕರುನ್ ದಿಲಿ.
ಹ್ಯಾ ಸಂದರ್ಭಾರ್ ಕವಿತಾ ಸಾದರೀಕರಣ್ ಸರ್ತೆಂತ್ ಜಿಕ್ಲಲ್ಯಾ ಭುರ್ಗ್ಯಾಂಕ್, ಯುವಜಣಾಂಕ್ ತಶೆಂ ಮ್ಹಾಲ್ಗಡ್ಯಾಂಕ್ ಇನಾಮಾಂ ವಾಂಟ್ಲಿಂ.
ಭುರ್ಗ್ಯಾಂಚೊ ವಿಭಾಗ್:
ಪಯ್ಲೆಂ ಇನಾಮ್: ಆಯನ್ ಮಂಗಳದಾಸ್ ಭಟ್, ಗೊಂಯ್
ದುಸ್ರೆಂ ಇನಾಮ್: ನಿಶೆಲ್ ಮೊಂತೇರೊ, ಮಂಗ್ಳುರ್
ತಿಸ್ರೆಂ ಇನಾಮ್: ಡೆನಿಕಾ ಪಹಾಲ್ ಕೇರಳ್
ಪ್ರೋತ್ಸಾಹಕ್ ಇನಾಮಾಂ: ಸನಾ ಸಾತೆಲ್ಕರ್ ಗೊಂಯ್ ಆನಿ ಡೆನಿತ್ ರೊಡ್ರಿಗಸ್ ಮಂಗ್ಳುರ್
ಯುವಜಣಾಂಚೊ ವಿಭಾಗ್:
ಪಯ್ಲೆಂ ಇನಾಮ್: ರೂಸಿ ಮಹೇಂದ್ರ ಪರಬ್, ಗೊಂಯ್
ದುಸ್ರೆಂ ಇನಾಮ್: ಶರ್ವಾನಿ ನಾಯ್ಕ್, ಗೊಂಯ್
ತಿಸ್ರೆಂ ಇನಾಮ್: ಗವ್ರಂಗ್ ಭಾಂಡಿಯೆ, ಗೊಂಯ್
ಪ್ರೋತ್ಸಾಹಕ್ ಇನಾಮ್: ಆದಿ ವೆರ್ಣೇಕಾರ್, ಕಾಣ್‌ಕೊಣ್, ಗೊಂಯ್
ಮ್ಹಾಲ್ಗಡ್ಯಾಂಚೊ ವಿಭಾಗ್:
ಪಯ್ಲೆಂ ಇನಾಮ್: ಮಾಧವ್ ಸಾತು ಗಾಂವ್ಕಾರ್, ಗೊಂಯ್
ದುಸ್ರೆಂ ಇನಾಮ್: ಲವೀಟಾ ಡಿ ಸೋಜಾ ನಕ್ರೆ
ತಿಸ್ರೆಂ ಇನಾಮ್: ಪ್ರೀತನ್ ಪಿರೇರಾ, ಮಂಗ್ಳುರ್
ಕಾರ್ಯಾಚೆ ಸುರ್ವೆರ್ ರೊನಿ ನಜರೆತ್ ತಶೆಂ ರೊವಿನಾ ನಜರೆತ್ ಹಾಂಣಿ ಕವಿತಾ ಟ್ರಸ್ಟಾಚೆಂ ಆಶಯ್ ಗೀತ್ ಗಾಯ್ಲೆಂ. ಸಕಾಳಿಂಚ್ಯಾ ಕಾರ್ಯಾಂತ್ ಎವ್ರೆಲ್ ರೊಡ್ರಿಗಸ್ ಹಿಣೆಂ ತಶೆಂಚ್ ಸಾಂಜೆಚ್ಯಾ ಸಮಾರೋಪ್ ಸುವಾಳ್ಯಾಕ್ ಕಿಶೂ ಬಾರ್ಕೂರಾನ್ ಸ್ವಾಗತ್ ಕೆಲ್ಲೊ. ವಿತೊರಿ ಕಾರ್ಕಳಾನ್ ಕಾರ್ಯಾಚೆಂ ಸುಂಕಾಣ್ ಸಾಂಬಾಳಲ್ಲೆಂ.
206. Mangalore Auditions of Biri Biri Pavs Konkani Poetry reality show held at Daijiworld Studio
3 Apr 2022
206. ಮಂಗ್ಳುರಾಂತ್ ’ಬಿರಿಬಿರಿ ಪಾವ್ಸ್’ ರಿಯಾಲಿಟಿ ಶೋ ಖಾತೀರ್ ಸ್ಪರ್ದಿಕಾಂಚಿ ವಿಂಚವ್ಣ್
ಕೊಂಕ್ಣಿ ಕವಿತಾ ಸಾದರೀಕರಣಾಚೊ ಟಿವಿ ರಿಯಾಲಿಟಿ ಶೋ ’ಬಿರಿಬಿರಿ ಪಾವ್ಸ್’ ಹಾಚ್ಯಾ ಕರ್ನಾಟಕ್ ಆನಿ ಕೇರಳ್ ರಾಜ್ಯಾಂಚ್ಯಾ ಸ್ಪರ್ದಿಕಾಂಚಿ ವಿಂಚವ್ಣ್ 2022 ಎಪ್ರಿಲಾಚ್ಯೆ 3 ತಾರಿಕೆರ್ ಮಂಗ್ಳುರ್ ದಾಯ್ಜಿವರ್ಲ್ಡ್ ಸ್ಟುಡಿಯೋಂತ್ ಚಲ್ಲಿ.
ಕೇಂದ್ರ್ ಸಾಹಿತ್ಯ್ ಅಕಾಡೆಮಿ ಪುರಸ್ಕೃತ್ ಕವಿ ಮೆಲ್ವಿನ್ ರೊಡ್ರಿಗಸ್ ಆನಿ ಕೊಂಕ್ಣಿ ಕವಿ, ಸಂಘಟಕ್ ಟೈಟಸ್ ನೊರೊನ್ಹಾ ಹಾಂಣಿ ವೊರವ್ಣಿ ಕೆಲಿ. ಉದೆತೊ ಸೂತ್ರ್‌ಸಂಚಾಲಕ್ ತಶೆಂ ಪ್ರಾಧ್ಯಾಪಕ್ ಮನೋಜ್ ಫೆರ್ನಾಂಡಿಸ್ ಹಾಣೆ ಹ್ಯಾ ಶೋ-ಚೆಂ ಸುಂಕಾಣ್ ಧರಲ್ಲೆಂ. ಸ್ಟೇನಿ ಬೆಳಾ ಹ್ಯಾ ಶೋ-ಚೊ ನಿರ್ದೇಶಕ್ ಜಾವ್ನಾಸಾ. ವೀಸ್ ಸ್ಪರ್ಧಿಕಾಂನಿ ಹ್ಯೆ ವಿಂಚ್ಣುಕೆ ಖಾತೀರ್ ಕವಿತಾ ಸಾದರ್ ಕೆಲ್ಲಿ.
ದಾಯ್ಜಿವರ್ಲ್ಡ್ ಟಿವಿಚೆರ್ 2022 ಮಾಯ್ 12 ತಾರಿಕೆ ಥಾವ್ನ್ ಹರ್ ಬ್ರೇಸ್ತಾರಾ 9 ವೊರಾಂಕ್ ಹೊ ರಿಯಾಲಿಟಿ ಶೋ ಪ್ರಸಾರ್ ಜಾತಾ.
205. Konkani Poetry Session in association with Ankri Online in Dubai
27 Mar 2022
205. ದುಬಾಯಾಂತ್ ಕೊಂಕ್ಣಿ ಕವಿಂಚೊ ಅಪ್ರೂಪ್ ಮೆಳಾವೊ ಆನಿ ಕವಿಗೋಷ್ಟಿ
ಕವಿತಾ ಟ್ರಸ್ಟ್ ಹಾಂಣಿ ಆಂಕ್ರಿ ಒನ್‍ಲೈನ್ ಜಾಳಿಜಾಗ್ಯಾಚ್ಯಾ ಸಹಯೋಗಾನ್ ಮಾರ್ಚ್ 27, 2022 ಆಯ್ತಾರಾ ಸಕಾಳಿಂ ದುಬಾಯ್ ಶಹರಾಂತ್ಲ್ಯಾ ಕರಾಮಾ ಪೋಸ್ಟ್ ಒಫಿಸಾ ಲಾಗ್ಸಾರ‍್ಚ್ಯಾ ರೊಕ್ಕಿ ಬಿಲ್ಡಿಂಗಾಚ್ಯಾ ಪೆಂಟ್ ಹೌಸ್ ಸಾಲಾಂತ್ ಸಕಾಳಿಂಚ್ಯಾ ಸಾಡೆ ಧಾ ವೊರಾಂಚೆರ್ ಕೊಂಕಣಿ ಕವಿಗೋಷ್ಟಿ ಚಲೊವ್ನ್ ವ್ಹೆಲಿ.
ಮೆರಿಟ್ ಫ್ರೈಟ್ ಸಿಸ್ಟಮ್ಸ್ ಸಂಸ್ಥ್ಯಾಚ್ಯಾ ಜೋಸೆಫ್ ಮಥಾಯಸಾನ್ ಕಾರ್ಯಾಚೆಂ ಉಗ್ತಾವಣ್ ಕೆಲೆಂ. ಹ್ಯಾ ಸಂದರ್ಭಾರ್ ಕವಿತಾ ಟ್ರಸ್ಟಾಚೊ ಪೋಷಕ್ ಜೇಮ್ಸ್ ಮೆಂಡೊನ್ಸಾ ಉಲಯ್ಲೊ. ಕವಿತಾ ಟ್ರಸ್ಟ್ ಅಧ್ಯಕ್ಷ್ ಕಿಶೋರ್ ಗೊನ್ಸಾಲ್ವಿಸ್ ಹಾಜರ್ ಆಸಲ್ಲೊ.
ಸನ್ನು ಮೊನಿಸಾನ್ ಕವಿಗೋಷ್ಟಿ ಚಲೊವ್ನ್ ವೆಲಿ.
ಭಾಗೆಲಿ ಕವಿ: ಅನಿಲ್ ಕಾರ್ಡೊಜಾ, ಬೆಳ್ಮಣ್; ರೊಬರ್ಟ್ ಫೆರ್ನಾಂಡಿಸ್, ಉದ್ಯಾವರ್; ಆಲ್ವಿನ್ ಪಿಂಟೊ; ವಿವಿಯನ್ ಬಜಾಲ್; ಪ್ರೀತಿ ಸೀಮಾ ಡಿಸೊಜಾ; ಕಾರ್ಕಳ ಸುದರ್ಶನ ಹೆಗ್ಡೆ; ಡ್ಯಾರಲ್ ವಾಮಂಜೂರು; ಸೂಚನಾ, ಗೊಂಯ್; ಸೀಮಾ ತಾಕೊಡೆ; ರೋಶನ್ ಡಿಸಿಲ್ವ ವಾಮಂಜೂರ್; ಮ್ಯಾಕ್ಸಿಮ್ ಮಿರಾಂದಾ, ಲೊರೆಟ್ಟೊ; ಮಿಲಾಗ್ರಿಣ್ ಫೆರ್ನಾಂಡಿಸ್, ಗೊಂಯ್; ಜಾನೆಟ್ ಡಿಸೋಜಾ ಮಡಂತ್ಯಾರ್; ಮೆಲ್ವಿನ್ ಕಲಾಕುಲ್; ರೂಪಾಲಿ ಮಾವ್ಜೊ ಕೀರ್ತನಿ; ಜೊನ್ ಅಡ್ಯಾರ್; ಸನ್ನು ನಿಡ್ಡೋಡಿ; ಕಿರಣ್ ನಿರ್ಕಾಣ್.
ಆರ್ಥರ್ ಪಿರೇರ್ ಹಾಣೆಂ ಕವಿತಾ ಸಾದರ್ ಕರ್ಚಿ ಕಲಾ ದಾಕೊಂವ್ಚೆ ಖಾತೀರ್ ಆಪ್ಣಾಚ್ಯೊಚ್ ಕಾಂಯ್ ಥೊಡ್ಯೊ ಕವಿತಾ ಸಾದರ್ ಕೆಲ್ಯೊ.
ಕಿರಣ್ ನಿರ್ಕಾಣ್ ಹಾಣೆಂ ಸಗ್ಳೆಂ ಕಾರ್ಯೆಂ ಸಾಂಬಾಳ್ಳೆಂ.
204. Halekodi Poetry Session on the banks of Sita River, Barkur
26 Mar 2022
204. ಬಾರ್ಕೂರ್, ಸೀತಾ ನಂಯ್ಚೆ ತಡಿರ್ ಹಾಲೆಕೊಡಿ ಕವಿಗೋಷ್ಠಿ
ಸೀತಾ ನಂಯ್ಚೆ ತಡಿರ್, ಬಾರ್ಕೂರ್ ಹಾಲೆಕೊಡಿ ಜುಂವ್ಯಾರ್ ಆಸ್ಚ್ಯಾ ಆಲ್ವಿನ್ ದಾಲ್ಮೇದಾಚ್ಯಾ ಭಾಟಾಂತ್ 2022 ಮಾರ್ಚ್ 26 ತಾರಿಕೆರ್ ಸನ್ವಾರಾ ಸಾಂಜೆರ್ ಕವಿಗೋಷ್ಠಿ ಮಾಂಡುನ್ ಹಾಡಲ್ಲಿ.
ಕವಿತಾ ಟ್ರಸ್ಟ್ ಸ್ಥಾಪಕ್ ಮೆಲ್ವಿನ್ ರೊಡ್ರಿಗಸಾನ್ ಪ್ರಾಸ್ತಾವಿಕ್ ಉಲೊವ್ಪ್ ಕೆಲೆಂ.
ಬಾರ್ಕೂರ್ ಇಗರ್ಜೆಚೊ ವಿಗಾರ್ ಫಾ. ಫಿಲಿಪ್ ನೆರಿ ಆರಾನ್ಹಾ ಹ್ಯಾವೆಳಿಂ ಹಾಜರ್ ಆಸುನ್, ಥಳೀಯ್ ಪೋಷಕ್ ಪಿಜೆ ಕರುಗಳ್ನಡೆ, ಆಲಿಸ್ ಡಿಸೋಜಾ, ಆಲ್ವಿನ್ ದಾಲ್ಮೇದ್, ಎರಿಕ್ ಸೋನ್ಸ್, ಆಲ್ವಿನ್ ಆಂದ್ರಾದೆ ತಶೆಂ ಕವಿತಾ ಟ್ರಸ್ಟಾಚೆ ಟ್ರಸ್ಟಿ ಮೆಲ್ವಿನ್ ರೊಡ್ರಿಗಸ್, ವಿಲಿಯಮ್ ಪಾಯ್ಸ್, ಸಹಯೋಗಿ ವಿನ್ಸಿ ಪಿಂಟೊ ಆಂಜೆಲೊರ್ ಹಾಂಚೆ ಸಾಂಗಾತಾ ಪಣ್ತ್ಯೊ ಪೆಟೊವ್ನ್ ಕಾರ್ಯಾವಳಿಚೆಂ ಉಗ್ತಾವಣ್ ಕೆಲೆಂ.
ಎರಿಕ್ ಸೋನ್ಸ್ ಬಾರ್ಕೂರ್ ಹಾಣೆ ಕವಿಗೋಷ್ಟೀಚೆಂ ಸುಂಕಾಣ್ ಧರಲ್ಲೆಂ. ಮೆಲ್ವಿನ್ ರೊಡ್ರಿಗಸಾನ್ ಕವಿಂಚಿ ವಳಖ್ ಕರುನ್ ದಿಲಿ. ಪ್ರೊ. ಆರ್ಚಿಬಾಲ್ಡ್ ಫುಡ್ತಾದೊ; ಡೊ. ಫ್ಲಾವಿಯಾ ಕಾಸ್ತೆಲಿನೊ, ಮಣಿಪಾಲ್; ಹೆನ್ರಿ ಲುವಿಸ್, ಬ್ರಹ್ಮಾವರ್; ಜಿತಾ ಗೊನ್ಸಾಲ್ವಿಸ್, ಬಾರ್ಕೂರ್; ಸುಜಾತಾ ಅಂದ್ರಾದೆ, ಸಾಸ್ತಾನ್; ಆಲಿಸ್ ಡಿಸೋಜಾ, ಬಾರ್ಕೂರ್; ಪಿ. ಜೆ. ಕರುಗಳ್ನಡೆ ಆನಿ ಎರಿಕ್ ಸೋನ್ಸ್ ಬಾರ್ಕೂರ್ ಹಾಂಣಿ ಕವಿತಾ ಸಾದರ್ ಕೆಲ್ಯೊ.
ಫಾಮಾದ್ ನಾಟಕ್‌ಕಾರ್ ಆಲ್ವಿನ್ ಅಂದ್ರಾದೆ ಸಾಸ್ತಾನ್ ಹಾಣೆ ಪಿ. ಜೆ. ಕರುಗಳ್ನಡೆ ಲಾಗಿಂ ತಾಚ್ಯಾ ಕವಿತಾವಿಶಿಂ ತಶೆಂ ಜಿವಿತಾವಿಶಿಂ ಸಂವಾದ್ ಚಲಯ್ಲೊ.
ಎವ್ಜಿನ್ ಕ್ವಾಡ್ರಸ್, ನೊರಿನ್ ಲೋಬೊ ತಶೆಂ ವಿವೆಟ್ ಲುವಿಸ್ ಹಾಂಣಿ ಬಾಳಾಂಕ್ ಝೊಂಪಿ ಕಾಡ್ಚಿಂ ಗಾಣಿಂ ಗಾಯ್ಲಿಂ.
ಪಿ. ಜೆ. ಕರುಗಳ್ನಡೆನ್ ನಿಮಾಣೆಂ ಉಪ್ಕಾರ್ ಆಟಯ್ಲೆ. ಪಿ. ಜೆ. ಕರುಗಳ್ನಡೆ ತಶೆಂ ಆಲ್ವಿನ್ ದಾಲ್ಮೇದಾ ಹಾಂಚ್ಯಾ ಕುಟ್ಮಾನ್ ತಶೆಂ ಸಾಂಗೊಡ್ಯಾಂನಿ ಹ್ಯಾ ಕಾರ್ಯಾಚೆ ಯಶಸ್ವೆಕ್ ಸಹಕಾರ್ ದಿಲ್ಲೊ. ಕವಿತಾ ಟ್ರಸ್ಟ್ ಪೋಷಕ್ ಆಮೇರಿಕಾಂತ್ ಆಸ್ಚ್ಯಾ ಜೇಮ್ಸ್ ಫೆರ್ನಾಂಡಿಸಾನ್ ಹೆಂ ಕಾರ್ಯೆಂ ಲೈವ್ ದಾಕೊಂವ್ಚೆ ಖಾತೀರ್ ಮಜತ್ ಕೆಲ್ಲಿ.
203. Young Writers' Conclave: Interaction with Jnanpeeth Awardee Mauzo
20 Mar 2022
203. ಯುವ ಪ್ರತಿಭೆಂಚಿ ಮಾವ್ಜೊ ಮುಲಾಖತ್
ವಿಶ್ವ ಕೊಂಕಣಿ ಕೇಂದ್ರಾಚ್ಯಾ ಸಾಹಿತ್ಯ್ ಸಮಾರೋಹ್ ಸಮಾರಂಭಾಚ್ಯಾ ಸುವಾಳ್ಯಾರ್ ಕವಿತಾ ಟ್ರಸ್ಟಾನ್ ’ಯುವ ಪ್ರತಿಭೆಂಚಿ ಮಾವ್ಜೊ ಮುಲಾಖತ್’ ಮ್ಹಳ್ಳೆಂ ನವ್ಯಾಚ್ ಚಿಂತ್ಪಾಚೆಂ ಕಾರ್ಯಕ್ರಮ್ ಮಾಂಡುನ್ ಹಾಡಲ್ಲೆಂ. ಹೆಂ ಕಾರ್ಯೆಂ ಮಾರ್ಚಾಚೆ 20 ತಾರಿಕೆರ್ ದೊನ್ಪಾರಾಂ ಚಲ್ಲೆಂ.
ಕವಿತಾ ಟ್ರಸ್ಟ್ ಸ್ಥಾಪಕ್ ಮೆಲ್ವಿನ್ ರೊಡ್ರಿಗಸಾನ್ ಅಸಲ್ಯಾ ಮುಲಾಖತೆಂಚಿ ಗರ್ಜ್ ಆಸ್ತಾನಾ ಕವಿತಾ ಟ್ತ್ರಸ್ಟಾವಿಶಿಂ ಮ್ಹಾಯೆತ್ ದಿಲಿ ಆನಿ ಮಾವ್ಜೊಕ್ ಹಾಜರ್ ಆಸಲ್ಲ್ಯಾ ಸೊಳಾ ಜಣಾಂ ಯುವ ಸಾಹಿತಿಂಚಿ ವಳಖ್ ಕರುನ್ ದಿಲಿ.
ಹ್ಯೆ ಮುಲಾಖತೆಂತ್ ಭಾಗ್ ಘೆತಲ್ಲಿಂ ಜಾವ್ನಾಸಾತ್ – ವಿಲ್ಸನ್ ಕಟೀಲ್, ಗ್ಲಾನಿಶ್ ಮಾರ್ಟಿಸ್, ಸ್ಮಿತಾ ಶೆಣೈ, ಜೊ.ಸಿ. ಸಿದ್ಧಕಟ್ಟೆ, ಮುದ್ದು ತೀರ್ಥಹಳ್ಳಿ, ರುಡೊಲ್ಫ್ ಜೊಯೆರ್ ನೊರೊನ್ಹಾ, ಫಾ. ರೊಯ್ಸನ್ ಫೆರ್ನಾಂಡಿಸ್, ವೆಂಕಟೇಶ್ ನಾಯಕ್, ಜೈಸನ್ ಸಿಕ್ವೇರಾ, ಜೆ.ವಿ. ಸಿಕೇರ್, ರೋಶು ಬಜ್ಪೆ, ಲವಿ ಗಂಜಿಮಠ, ಮನೋಜ್ ಫೆರ್ನಾಂಡಿಸ್, ಪ್ರಮಿಳಾ ಫ್ಲಾವಿಯಾ ರೆಂಜಾಳ್, ಸುರೇಶ್ ಬಾಳಿಗಾ ಆನಿ ಐವನ್ ಮಿಯಾರ್.
ಮುಲಾಖತೆ ವೆಳಾರ್ ಥೊಡ್ಯಾಂನಿ ಆಪ್ಲಿ ಕವಿತಾ ವಾಚ್ಲಿ ಆನಿ ತಾಚೊ ಸಂಕ್ಶಿಪ್ತ್ ಸಾರಾಂಶ್ ದಿಲೊ. ಥೊಡ್ಯಾಂನಿ ಆಪ್ಣೆಂ ಬರಯಿಲ್ಲ್ಯಾ ಲೇಖನಾಂಚೊ ಏಕ್ ವಿಂಚ್ಣಾರ್ ವಾಂಟೊ ವಾಚುನ್ ಸಾಂಗ್ಲೊ. ಥೊಡ್ಯಾಂನಿ ಸಾಮಾಜಿಕ್ ಪರಿಗತೆ ವಿಶಿಂ ಆಪ್ಲಿ ಅಭಿಪ್ರಾಯ್ ಉಚಾರ‍್ಲಿ ಆನಿ ಥೊಡ್ಯಾಂನಿ ಸಾಹಿತ್ಯಾಂತ್ ಸಾಮಾಜಿಕ್ ಸಂಗ್ತಿಂಕ್ ಸ್ಪಂದನ್ ಕರ‍್ಚೆವಿಶಿಂ ಸಲಹಾ ವಿಚಾರ್ಲಿ.
ಕಾರ್ಯೆಂ ಸುಮಾರ್ ದೋನ್ ಘಂಟೆ ಚಲ್ಲೆಂ. ಹ್ಯಾ ವೆಳಿಂ ಸಮಾಜಾಚ್ಯಾ ಮೂಲಭೂತ್‌ವಾದಾ ವಿರೋಧ್ ಆಪ್ಲೊ ಆಪ್ಲೊ ಆವಾಜ್ ಉಟೊಂವ್ಚೆವಿಶಿಂ ಆನಿ ಹ್ಯಾ ವೆಳಿಂ ಸಾಹಿತಿಚ್ಯಾ ಪಾತ್ರಾವಿಶಿಂ ಮಾವ್ಜೊನ್ ಆಪ್ಲಿ ಅಭಿಪ್ರಾಯ್ ಕಳಿತ್ ಕೆಲಿ ಆನಿ ಥೊಡಿಂ ಸುಚನಾಂಯ್ ದಿಲಿಂ.
ಕೊಂಕಣಿ ಭಾಸ್ ಆನಿ ಸಂಸ್ಕೃತಿ ಪ್ರತಿಷ್ಠಾನಾನ್ ಹ್ಯಾ ಕಾರ್ಯಾಕ್ ಸಹಯೋಗ್ ದಿಲ್ಲೊ.
202. Workshop on Konkani Grammar
27 Feb 2022
202. ಕೊಂಕ್ಣಿ ವ್ಯಾಕರಣಾಚ್ಯೊ ಸಾದ್ಯೊ ಗಜಾಲಿ
ಕೊಂಕಣಿ ಭಾಸ ಆನಿ ಸಂಸ್ಕೃತಿ ಪ್ರತಿಷ್ಠಾನ ಹಾಂಚ್ಯಾ ಸಹಕಾರಾನ್ ’ಕೊಂಕ್ಣಿ ವ್ಯಾಕರಣಾಚ್ಯೊ ಸಾದ್ಯೊ ಗಜಾಲಿ’ ವಿಷಯಾಚೆರ್ ಅರ್ಧ್ಯಾ ದಿಸಾಚೆಂ ಕಾಮಾಸಾಳ್ ವಿಶ್ವ ಕೊಂಕಣಿ ಕೇಂದ್ರಾಂತ್ ಮಾಂಡುನ್ ಹಾಡ್‍ಲ್ಲೆಂ. ಹೆಂ ಕಾಮಾಸಾಳ್ ಕವಿತಾ ಟ್ರಸ್ಟಾಚೊ ಟ್ರಸ್ಟಿ ಮೆಲ್ವಿನ್ ರೊಡ್ರಿಗಸ್ ಹಾಣೆ ಚಲೊವ್ನ್ ವೆಲೆಂ. ಸುರ್ವೆರ್ ಹ್ಯಾ ಎಕಾ ಕಾಮಾಸಾಳಾಚಿ ಗರ್ಜ್ ವಿವರಾವ್ನ್ ಹಾಜರ್ ಆಸ್‍ಲ್ಲ್ಯಾಂಕ್ ತಾಣೆ ಯೆವ್ಕಾರ್ ದಿಲೊ. ಕೊಂಕಣಿ ಭಾಸ ಆನಿ ಸಂಸ್ಕೃತಿ ಪ್ರತಿಷ್ಠಾನಾಚೊ ಅಧ್ಯಕ್ಷ್ ಶ್ರೀ ನಂದಗೋಪಾಲ್ ಶೆಣೈನ್ ಹ್ಯಾ ಕಾಮಾಸಾಳಾಕ್ ಚಾಲನ್ ದಿಲೆಂ.
ಕೊಂಕ್ಣಿ ಭಾಶೆಚಿಂ ವರ್ಣಾಂ, ಅಕ್ಷರಾಂ ಹ್ಯಾ ವಿಶಿಂ ದಾಖ್ಲ್ಯಾಂ ಸಮೇತ್ ಮ್ಹಾಯೆತ್, ವ್ಯಾಕರಣಾಕ್ ಸಂಬಂಧಿತ್ ನಾಮಾಂ, ಸರ್ವ್‍ನಾಮಾಂ, ವಿಶೇಷಣಾಂ, ಕ್ರಿಯಾಪದಾಂ, ಕ್ರಿಯಾ ವಿಶೇಷಣಾಂ, ಪರಸರ್ಗ್, ಸಮುಚ್ಚಯ್, ಉದ್ಗಾರ್ ಆನಿ ನಿಪಾತ್ - ಹ್ಯಾ ವಿಶಿಂ ಮೆಲ್ವಿನಾನ್ ವಿವರ್ ದಿಲೊ. ಇತ್ಲೆಂಚ್ ನ್ಹಯ್ ಉತ್ರಾಂ ಮ್ಹಳ್ಳಿಂ ತಿಂ ವಚನ್, ಲಿಂಗ್ ದಾಕೊಂವ್ಚೆ ಖಾತೀರ್ ವಾಕ್ಯಾಚ್ಯಾ ಸಂದರ್ಭಾರ್ ಕಶಿಂ ಬದಲ್ತಾತ್ ಮ್ಹಳ್ಳೆಂ ದಾಕೊವ್ನ್ ದಿಲೆಂ. ಕೊಂಕ್ಣಿಚ್ಯೆ ಬರ‍್ಪಾ ರಿತಿ ವಿಶಿಂ ಕಾಂಯ್ ಥೊಡ್ಯೊ ಸುಚೊವ್ಣ್ಯೊ ತಾಣೆ ದಿಲ್ಯೊ.
ಕಾಮಾಸಾಳಾಚ್ಯೆ ಆಕೇರಿಕ್ ಚರ್ಚಾ ಚಲ್ಲಿ. ಹ್ಯಾ ಕಾಮಾಸಾಳಾಕ್ ವಿಶ್ವ ಕೊಂಕಣಿ ಕೇಂದ್ರಾಚೊ ಮುಖೆಲ್ ನಿರ್ವಹಣ್ ಅಧಿಕಾರಿ ಗುರು ಬಾಳಿಗಾ ಹಾಜರ್ ಆಸ್ಲ್ಲೊ. ಉಡುಪಿ, ಮಂಗ್ಳುರ್, ಮೂಡಬಿದ್ರಿ, ಕಾಸರ್‌ಗೋಡ್ ಪ್ರದೇಶಾಂ ಥಾವ್ನ್ ಚೊವೀಸ್ ಬರೊವ್ಪಿ ಹಾಜರ್ ಆಸ್ಲ್ಲೆ.
201. Naman - Basti Vaman
5 Feb 2022
201. ನಮನ್ - ಬಸ್ತಿ ವಾಮನ್ ಕಾರ್ಯಾವಳ್
ಜನೆರ್ 2, 2022 ತಾರಿಕೆರ್ ಅಂತರಲ್ಲ್ಯಾ ವಿಶ್ವ ಕೊಂಕ್ಣಿ ಸರ್ದಾರ್ ಬಸ್ತಿ ವಾಮನ್ ಶೆಣೈ ಮಾಮಾಕ್ ಶೃದ್ಧಾಂಜಲಿ ಭೆಟೊಂವ್ಚಿ ಕಾರ್ಯಾವಳ್ ವಿಶ್ವ ಕೊಂಕಣಿ ಕೇಂದ್ರಾಂತ್ ಫೆಬ್ರೆರ್ 5, 2022 ತಾರಿಕೆರ್ ಚಲ್ಲಿ.
ಟ್ರಸ್ಟಿಂನಿ, ಕೊಂಕಣಿ ಭಾಸ್ ಆನಿ ಸಂಸ್ಕೃತಿ ಪ್ರತಿಷ್ಠಾನ್ ಹಾಚೊ ಅಧ್ಯಕ್ಷ್ ನಂದಗೋಪಾಲ್ ಶೆಣೈ ಹಾಚ್ಯಾ ಸಾಂಗಾತಾ ಬಸ್ತಿ ಮಾಮಾಚ್ಯೆ ತಸ್ವಿರೆಕ್ ಫುಲಾಂ ಸಮರ್ಪಿತಾನಾ, ಭಾರತ್ ರತ್ನ್ ಭೀಮಸೇನ್ ಜೋಶಿ ಹಾಂಣಿ ಗಾಯ್ಲಲೆಂ ಗೀತ್ ’ಕಿತ್ಯಾಕ್ ಮೊನೊ ಜಾಲಾಯ್ ದೆವಾ’ ಸಂಗೀತ್ ವ್ಹಾಜ್ಲೆಂ.
ಕವಿ ಟೈಟಸ್ ನೊರೊನ್ಹಾನ್ ಬಸ್ತಿ ಮಾಮಾಚೊ ಆತ್ಮೊ ಸುಂರ್ಗಾರಾಂವ್ಚೆಂ ಉಲೊವ್ಪ್ ಕರುನ್ ತೊ ಕೊಂಕಣಿ ಚಳುವಳೆಕ್ ದೆಂವ್ಚ್ಯಾ ಪಯ್ಲೆಂಚ್ಯೊ ಯಾದಿ ಜಿವ್ಯೊ ಕೆಲ್ಯೊ. ಟ್ರಸ್ಟಿ ವಿಲಿಯಮ್ ಪಾಯ್ಸಾನ್ ವಿಜ್ಞಾನಾಂತ್ ಉಲೊಂವ್ಚೆಪರಿಂ ಬಸ್ತಿ ಮಾಮ್ ಖಂಯ್ಚೆ ನಮುನ್ಯಾಚಿ ಏಕ್ ಸ್ಥಿತಿ, ಕಶಿ ಆನಿ ಕಿತ್ಯಾಕ್ ಮ್ಹಳ್ಳೆವಿಶಿಂ ಉಲೊವ್ಪ್ ಕರುನ್ ತಾಚಿ ಯಾದ್ ಜಿವಿ ದವರ್ಚೆವಿಶಿಂ ಕಾಂಯ್ ಸುಚನಾಂ ದಿಲಿಂ.
ಮೆಲ್ವಿನ್ ರೊಡ್ರಿಗಸಾನ್ ಸುರ್ವೆರ್ ಯೆವ್ಕಾರ್ ದಿಲ್ಲೊ ಆನಿ ನಿಮಾಣೆ ಉಪ್ಕಾರ್ ಆಟಯ್ಲೆ.
ಕವಿತಾ ಟ್ರಸ್ಟಾನ್ ಹ್ಯಾ ಸಂದರ್ಭಾರ್ ಮೆಲ್ವಿನ್ ರೊಡ್ರಿಗಸ್, ಗೌರೀಶ್ ವೆರ್ಣೆಕಾರ್ ತಶೆಂ ಸ್ಮಿತಾ ಶೆಣೈ ಹಾಂಣಿ ಬರಯಿಲ್ಲ್ಯೊ ಕವಿತಾ ಆಟಾಪಿಲ್ಲೆಂ ಪುಸ್ತಿಕಾ ಹ್ಯಾ ವೆಳಾರ್ ಹಾಜರಾರ್ಥಿಂಕ್ ವಾಂಟ್ಲೆಂ.