Kavita Khobro

ಕೊಂಕಣಿ ಕವಿತಾ ವಾಚನ್ ಸರ್ತ್ - ಮಂಗ್ಳುರ್‍ಚೊ ಹಂತ್ ನವೆಂಬರ್ 26 ತಾರಿಕೆರ್

ರೋಹನ್ ಆನಿ ಲವೀಟಾ ಮೊಂತೇರೊ
ಅಖಿಲ್ ಭಾರತ್ ಕೊಂಕಣಿ ಕವಿತಾ ವಾಚನ್ ಸರ್ತ್

ಕೊಂಕಣಿ ಕವಿತೆಚೆ ಸಮಗ್ರ್ ವಾಡಾವಳಿ ಖಾತೀರ್ ವಾವುರ್ಚ್ಯಾ ಕವಿತಾ ಟ್ರಸ್ಟಾನ್ ಅಖಿಲ್ ಭಾರತ್ ಕೊಂಕಣಿ ಕವಿತಾ ವಾಚನ್ ಸರ್ತ್ ಆಸಾ ಕೆಲ್ಯಾ. ಹ್ಯೆ ಸರ್ತಿಂತ್ ಪಂದ್ರಾ ಥಾವ್ನ್ ತೀಸ್ ವರ್ಸಾಂ ಭಿತರ್‍ಲ್ಯಾ ವ್ಯಕ್ತಿಂನಿ ಭಾಗ್ ಘೆವ್ಯೆತಾ. ಸ್ಪರ್ಧಿಕ್ ಕೊಂಕಣಿ ಭಾಷಿಕಚ್ ಆಸಾಜಯ್ ಮ್ಹಣೊನ್ ನಾ. ಭಾಗ್ ಘೆತಲ್ಯಾಂಕ್ ಸ್ವತಾಚಿ ಯಾ ಹೆರ್ ಖಂಯ್ಚ್ಯಾಯ್ ಕವಿಚಿ ಏಕ್ ಕೊಂಕಣಿ ಕವಿತಾ ವಾಚುಂಕ್ ಆವ್ಕಾಸ್ ಆಸ್ತಲೊ.

ಹಿ ಸರ್ತ್ ದೋನ್ ಹಂತಾಂನಿ ಚಲ್ಚಿ ಆಸೊನ್ ಪಯ್ಲ್ಯಾ ಹಂತಾಚೊ ಸ್ಪರ್ಧೊ ಮಂಗ್ಳುರ್ ಆನಿ ಗೊಂಯಾಂತ್ ಒಕ್ಟೋಬರ್ / ನವೆಂಬರ್ ಮ್ಹಯ್ನ್ಯಾಂನಿ ಚಲ್ತಲೊ. ಮಂಗ್ಳುರಾಂತ್ ಚಲ್ಚೆ ಸರ್ತೆಕ್ ಗೊಂಯ್ ಸೊಡ್ನ್ ಕರ್ನಾಟಕ ತಶೆಂ ಹೆರ್ ರಾಜ್ಯಾಚ್ಯಾಂನಿ ಭಾಗ್ ಘೆವ್ಯೆತಾ ತರ್ ಗೊಂಯಾಂತ್ ಚಲ್ಚೆ ಸರ್ತೆಕ್ ಫಕತ್ ಗೊಂಯ್ಚ್ಯಾ ಸ್ಪರ್ಧಿಕಾಂಕ್ ಮಾತ್ರ್ ಆವ್ಕಾಸ್.

ಕವಿತಾ ತಿ ವಾಚ್ತಾಸ್ತಾನಾ ಉಣ್ಯಾರ್ ದೇಡ್ ಮಿನುಟಾಂ ಆನಿ ಚಡ್ ಮ್ಹಳ್ಯಾರ್ ತೀನ್ ಮಿನುಟಾಂಚಿ ಆಸುಂಯೆತಾ. ಭಾಗ್ ಘೆತಲ್ಯಾಂನಿ ಆಪ್ಣೆಂ ವಾಚ್ಚ್ಯಾ ಕವಿತೆಚಿ ಏಕ್ ಪ್ರತಿ ಸರ್ತೆ ದಿಸಾ, ಪ್ರಾಯೆಚೆ ರುಜ್ವಾತೆಸವೆಂ, ವ್ಯವಸ್ಥಾಪಕಾಂಕ್ ದೀಜಾಯ್. ಹಿ ಪ್ರತಿ ಟೈಪ್ ಕೆಲ್ಲಿ ಆಸೊಂಕ್ ಜಾಯ್. ಹೆ ಪ್ರತಿಯೆಂತ್ ಕವಿತಾ ಸಾಂಗಾತಾ, ಕವಿತೆಚೆಂ ಆನಿ ಕವಿಚೆಂ ನಾಂವ್, ವಾಚ್ಪ್ಯಾಚೆಂ ನಾಂವ್, ಪತ್ತೊ, ಫೊನ್ ನಂಬರ್, ಈಮೇಯ್ಲ್ ಪತ್ತೊ, ಪ್ರಾಯ್ ಬರಯಿಲ್ಲಿ ಆಸೊಂಕ್ ಜಾಯ್.

ಪಯ್ಲ್ಯಾ ಹಂತಾಚೆ ಸರ್ತೆಕ್ ಸ್ಪರ್ಧಿಕಾಂಕ್ ಖರ್ಚಾ ಬಾಬ್ತಿಂ ಕಸಲೇಂಯ್ ಭಾತೆಂ ಕವಿತಾ ಟ್ರಸ್ಟ್ ದೀನಾ. ಮಂಗ್ಳುರಾಂತ್ ಧಾ ತಶೆಂ ಗೊಂಯಾಂತ್ ಧಾ - ಅಶೆಂ ಜುಮ್ಲಾ ವೀಸ್ ಸ್ಪರ್ಧಿಕ್ ನಿಮಾಣ್ಯಾ ಹಂತಾಚೆ ಸರ್ತೆಕ್ ವಿಂಚುನ್ ಯೆತಲಿಂ. ನಿಮಾಣ್ಯಾ ಹಂತಾಚಿ ಸರ್ತ್ ಕವಿತಾ ಫೆಸ್ತ್ ಸಂದರ್ಭಾರ್ ಜನೆರ್ ಮ್ಹಯ್ನ್ಯಾಚ್ಯಾ ದುಸ್ರ್ಯಾ ಆಯ್ತಾರಾ ಚಲ್ತಲಿ. ಭಾಗ್ ಘೆಂವ್ಚ್ಯಾ ಸ್ಪರ್ಧಿಕಾಂಕ್ ಪಯ್ಣಾ ಭಾತೆಂ, ರಾವ್ಪಾಚೊ ಖರ್ಚ್ ಕವಿತಾ ಟ್ರಸ್ಟ್ ದಿತಲೆಂ.

ನಿಮಾಣ್ಯಾ ಹಂತಾಕ್ ವಿಂಚುನ್ ಅಯಿಲ್ಲ್ಯಾಂನಿ ವಾಚ್ಯೆತ್ ಜಾಲ್ಲ್ಯೊ ತೀನ್ ಕವಿತಾ ಕವಿತಾ ಟ್ರಸ್ಟಾಕ್ ಎಕಾ ಮ್ಹಯ್ನ್ಯಾ ಆದಿಂ ಪಾವೀತ್ ಕರಿಜಾಯ್. ಸರ್ತೆ ದಿಸಾ ಕವಿತಾ ಟ್ರಸ್ಟಾನ್ ವಿಂಚಲ್ಲಿ ಏಕ್ ಕವಿತಾ ಮಾತ್ರ್ ತಾಂಕಾಂ ವಾಚನ್ ಕರುಂಕ್ ಆವ್ಕಾಸ್.

ಕವಿತಾ ವಾಚ್ತಾನಾ ಕವಿತೆಚೆಂ ಆನಿ ಕವಿಚೆಂ ನಾಂವ್ ಸಾಂಗುಂಯೆತಾ ಸೊಡ್ಲ್ಯಾರ್ ಹೆರ್ ಖಂಯ್ಚೋಯ್ ವಿವರ್ ದೀಂವ್ಕ್ ಆವ್ಕಾಸ್ ನಾ. ಕವಿತಾ ವಾಚನಾ ವೆಳಾರ್, ಕವಿತೆಂತ್ಲೊ ವಿಷಯ್ ಲೊಕಾಕ್ ಸಲೀಸಾಯೆನ್ ಕಳೊಂವ್ಚ್ಯಾಂತ್ ವಾಚಕಾಕ್ ಆಸ್ಚಿ ಪ್ರತಿಭಾ ಲೆಕಾಕ್ ಧರ್‍ತಲ್ಯಾಂವ್ ಸೊಡ್ಲ್ಯಾರ್ ಕವಿತಾ ನ್ಹಯ್. ತರಿಪುಣ್ ವಿಂಚ್ಲಲಿ ಕವಿತಾ ಇನಾಮ್ ಜೊಡ್ಚ್ಯಾಕ್ ಪೂರಕ್ ಜಾತಾ ಮ್ಹಣೊನ್ ಸಮ್ಜೊಂಚೆಂ. ತಾಳೊ, ಸುಡಾಳಾಯ್ ಹೇಂಯ್ ಗರ್ಜೆಚೆಂ.

ಭಾಗ್ ಘೆತಲ್ಯಾಂನಿ ತಾಂಚಿಂ ನಾಂವಾಂ, ಪತ್ತೊ, ಫೊನ್ ನಂಬರ್ kavitatrust@gmail.com ಹ್ಯಾ ಈಮೇಯ್ಲಾಕ್ ಕಳೊಂವ್ಚೆಂ.  ಫೊನ್ ನಂಬರ್: 9980136297.  ಸರ್ತೆಚೊ ಜಾಗೊ, ತಾರೀಕ್ ಭಾಗ್ ಘೆತಲ್ಯಾಂಕ್ ಈಮೇಯ್ಲಾರ್ ಯಾ ಫೊನಾಚೆರ್ ಕಳಯ್ತಲ್ಯಾಂವ್.

ತೀನ್ ಇನಾಮಾಂ ಆಸ್ತಲಿಂ : ಪಯ್ಲೆಂ: ರುಪಯ್ 2500 ತಶೆಂ ಟ್ರೋಫಿ ಆನಿ ಸರ್ಟಿಫಿಕೆಟ್; ದುಸ್ರೆಂ: ರುಪಯ್ 2000 ತಶೆಂ ಟ್ರೋಫಿ ಆನಿ ಸರ್ಟಿಫಿಕೆಟ್; ತಿಸ್ರೆಂ: ರುಪಯ್ 1000 ತಶೆಂ ಟ್ರೋಫಿ ಆನಿ ಸರ್ಟಿ ಫಿಕೆಟ್.

ನೆಮಾಂ ಖಾತೀರ್ ಹಾಂಗಾಸರ್ ಚಿಚಾಯ್


ಮಂಗ್ಳುರಾಂತ್ ಜಾಂವ್ಚೊ ಪಯ್ಲೊ ಹಂತ್

ನವೆಂಬರ್ 26, 2011 ತಾರಿಕೆರ್ ದೊನ್ಪಾರಾಂ 1:00 ವೊರಾಂಚೆರ್

ಸಾಂ ಲುವಿಸ್ ಕೊಲೆಜ್, ಮಂಗ್ಳುರ್

 

ಗೊಂಯಾಂತ್ ಜಾಂವ್ಚೊ ಪಯ್ಲೊ ಹಂತ್

ಒಕ್ಟೋಬರ್ 28  ತಾರಿಕೆರ್, ಸುಕ್ರಾರಾ ಸಕಾಳಿಂ 10 ವೊರಾಂಚೆರ್

ಶ್ರೀಮತಿ ಪಾರ್ವತಿಬಾಯ್ ಚೌಗುಳೆ ಕೊಲೆಜ್ ಒಫ್ ಆರ್ಟ್ಸ್ ಎಂಡ್ ಸಾಯನ್ಸ್, ಮಡ್ಗಾಂವ್

रोहन आनी लवीटा मोंतेरो
अखिल भारत कोंकणी कविता वाचन सर्त

कोंकणी कवितेचे समग्र वाडावळी खातीर वावुरच्या कविता ट्रस्टान अखिल भारत कोंकणी कविता वाचन सर्त आसा केल्या. ह्ये सरतींत पंद्रा थावन तीस वरसां भितरल्या व्यक्तिंनी भाग घेव्येता. स्पर्धिक कोंकणी भाषिकच आसाजय म्हणोन ना. भाग घेतल्यांक स्वताची या हेर खंयच्याय कविची एक कोंकणी कविता वाचूंक अवकास आसतलो.

ही सर्त दोन हंतांनी चलची आसोन पयल्या हंताचो स्पर्धो मंगळूर आनी गोंयांत ओक्टोबर / नवेंबर म्हयन्यांनी चलतलो. मंगळुरांत चलचे सरतेक गोंय सोडून कर्नाटक तशें हेर राज्याच्यांनी भाग घेव्येता तर गोंयांत चलचे सरतेक फकत गोंयच्या स्पर्धिकांक मात्र अवकास.

कविता ती वाचतासताना उण्यार देड मिनुटां आनी चड म्हळ्यार तीन मिनुटांची आसुंयेता. भाग घेतल्यांनी आपणें वाचच्या कवितेची एक प्रती सरते दिसा, प्रायेचे रुजवातेसवें, व्यवस्थापकांक दीजाय. ही प्रती टैप केल्ली आसोंक जाय. हे प्रतियेंत कविता सांगाता, कवितेचें आनी कविचें नांव, वाचप्याचें नांव, पत्तो, फोन नंबर, ईमेय्ल पत्तो, प्राय बरयल्ली आसोंक जाय.

पयल्या हंताचे सरतेक स्पर्धिकांक खर्चा बाबतीं कसलेंय भातें कविता ट्रस्ट दीना. मंगळुरांत धा तशें गोंयांत धा - अशें जुमला वीस स्पर्धिक निमाण्या हंताचे सर्तेक विंचून येतलीं. निमाण्या हंताची सर्त कविता फेस्त संदर्भार जनेर म्हयन्याच्या दुसऱ्या आयतारा चलतली. भाग घेंवच्या स्पर्धिकांक पयणा भातें, रावपाचो खर्च कविता ट्रस्ट दितलें.

निमाण्या हंताक विंचून अयल्ल्यांनी वाच्येत जाल्ल्यो तीन कविता, `कविता ट्रस्टाक' एका म्हयन्या आदीं पावीत करिजाय. सर्ते दिसा कविता ट्रस्टान विंचल्ली एक कविता मात्र तांकां वाचन करुंक अवकास.

कविता वाचताना कवितेचें आनी कविचें नांव सांगुंयेता सोडल्यार हेर खंयचोय विवर दींवक अवकास ना. कविता वाचना वेळार, कवितेंतलो विषय लोकाक सलीसायेन कळोंवच्यांत वाचकाक आसची प्रतिभा लेकाक धरतल्यांव सोडल्यार कविता न्हय. तरीपुण विंचलली कविता इनाम जोडच्याक पूरक जाता म्हणोन समजोंचें. ताळो, सुडाळाय हेंय गरजेचें.

भाग घेतल्यांनी तांचीं नांवां, पत्तो, फोन नंबर kavitatrust@gmail.com  ह्या ईमेय्लाक बरोवन कळोवंचें. फोन नंबर: 9980136297

सर्तेचो जागो, तारीक भाग घेतल्यांक आमी ईमेय्लार या फोनाचेर कळयतल्यांव.

तीन इनामां आसतलीं : पयलें: रुपय 2500 ; तशें ट्रोफी आनी सर्टिफिकेट; दुसरें: रुपय 2000 ; तशें ट्रोफी आनी सर्टिफिकेट; तिसरें: रुपय 1000 तशें ट्रोफी आनी सर्टिफिकेट.

नेमां खातीर हांगासर क्लिक करा

मंगळुरांत जांवचो पयलो हंत

नवेंबर 26, 2011  तारकेर, दोनपारां 1:00 वोरांचेर

सां लुवीस कॉलेज, मंगळूर

 

गोंयांत जांवचो पयलो हंत

ओक्टोबर 28 तारकेर, सुक्रारा सकाळीं 10 वोरांचेर

श्रीमती पार्वतीबाय चौगुळे कॉलेज ओफ आर्ट्स एंड सायन्स, मडगांव

TO READ IN ENGLISH - CLICK HERE



Title : ಕೊಂಕಣಿ ಕವಿತಾ ವಾಚನ್ ಸರ್ತ್ - ಮಂಗ್ಳುರ್‍ಚೊ ಹಂತ್ ನವೆಂಬರ್ 26 ತಾರಿಕೆರ್

Please fill in the form below with your feedback/ suggestions .

Fields marked with * are necessary



Disclaimer : Please write your correct name and email address. Kindly do not post any personal, abusive, defamatory, infringing, obscene, indecent, discriminatory or unlawful or similar comments. kavitaa.com/konkanipoetry.com will not be responsible for any defamatory message posted under this article.

Please note that sending false messages to insult, defame, intimidate, mislead or deceive people or to intentionally cause public disorder is punishable under law. It is obligatory on kavitaa.com / konkanipoetry.com to provide the IP address and other details of senders of such comments, to the authority concerned upon request.

Hence, sending offensive comments using kavitaa.com / konkanipoetry.com will be purely at your own risk, and in no way will kavitaa.com / konkanipoetry.com be held responsible.