Kavita Khobro

ಕರ್ನಾಟಕಾಚಿಂ ನೋವ್ ಜಣಾಂ ಅಖಿಲ್ ಭಾರತ್ ಕವಿತಾ ವಾಚನ್ ಸರ್ತೆಚ್ಯಾ ಫೈನಲಾಕ್

ಕರ್ನಾಟಕಾಚಿಂ ನೋವ್ ಜಣಾಂ ಅಖಿಲ್ ಭಾರತ್ ಕವಿತಾ ವಾಚನ್ ಸರ್ತೆಚ್ಯಾ ಫೈನಲಾಕ್

ಕವಿತಾ ಟ್ರಸ್ಟಾನ್ ಚಲೊವ್ನ್ ವ್ಹರ‍್ಚ್ಯಾ ರೋಹನ್ ಆನಿ ಲವೀಟಾ ಮೊಂತೇರೊ, ಅಖಿಲ್ ಭಾರತ್ ಕೊಂಕಣಿ ಕವಿತಾ ವಾಚನ್ ಸರ್ತೆಚ್ಯಾ ಅಂತಿಮ್ ಪಾಂವ್ಡ್ಯಾಕ್ ಪಾವಲ್ಲ್ಯಾಂಚಿಂ ನಾಂವಾಂ ಸಗ್ಳಿಂ ಆತಾಂ ನಿರ್ಧಾರ್ ಜಾಲ್ಯಾಂತ್. ಆಟ್ಟಾವೀಸ್ ಜಣಾಂಕ್ ಜನೆರ್ 13, 2013 ತಾರಿಕೆರ್ ಬಂಟ್ವಾಳ್ ಲಾಗ್ಸಾರ‍್ಚ್ಯಾ ತುಂಬೆ ಬಸ್ತಿ ಗಾರ್ಡನ್ಸ್ ಹಾಂಗಾಸರ್ ಚಲ್ಚ್ಯಾ ಕವಿತಾ ಫೆಸ್ತ್ ಸಂದರ್ಭಾರ್ ಚಲ್ಚ್ಯಾ ನಿಮಾಣ್ಯಾ ಪಾಂವ್ಡ್ಯಾಕ್ ಆವ್ಕಾಸ್ ಲಾಭ್ತಲೊ. ಹ್ಯಾ ಆದಿಂ ಪಣ್ಜೆ ತಶೆಂ ಮಡ್ಗಾಂವ್ ಶೆರಾಂನಿ ಪ್ರಾಥಮಿಕ್ ಪಾಂವ್ಡ್ಯಾಚಿ ಸರ್ತ್ ಚಲಲ್ಲಿ.

ತ್ಯಾ ಉಪ್ರಾಂತ್ ಸಪ್ಟೆಂಬ್ರಾಚೆ 9 ತಾರಿಕೆರ್ ಮಂಗ್ಳುರ‍್ಚ್ಯಾ ಕಲಾಂಗಣಾಂತ್ ಆನಿ ತ್ಯಾ ಉಪ್ರಾಂತ್ ಸಪ್ಟೆಂಬರ್ 16 ತಾರಿಕೆರ್ ಉಡುಪಿಚ್ಯಾ ದುಖಿ ಸಾಯ್ಬಿಣಿಚೆ ಇಗರ್ಜೆಚ್ಯಾ ಸಭಾಸಾಲಾಂತ್ ಪ್ರಾಥಮಿಕ್ ಪಾಂವ್ಡ್ಯಾಚಿ ಸರ್ತ್ ಚಲಲ್ಲಿ. ಕಲಾಂಗಣಾಂತ್ ತಶೆಂ ಉಡುಪಿಂತ್ ಚಲಲ್ಲೆ ಸರ್ತೆಕ್ ಎವ್ರೆಲ್ ರೊಡ್ರಿಗಸ್, ವಿಲಿಯಮ್ ಪಾಯ್ಸ್ ತಶೆಂ ಎಂಡ್ರ್ಯೂ ಎಲ್ ಡಿಕುನ್ಹಾ ವೊರಯ್ಣಾರ್ ಜಾವ್ನ್ ಬಸಲ್ಲೆ. ವಿತೊರಿ ಕಾರ್ಕೊಳಾನ್ ದೋನಯ್ ಜಾಗ್ಯಾಂನಿ ಮಾಂಚಿಯೆ ವಯ್ಲೆಂ ಕಾಮ್ ಸಾಂಬಾಳ್ಳಲೆಂ ತರ್, ಕವಿತಾ ಟ್ರಸ್ಟಾಚೊ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸಾನ್ ಸುರ‍್ವೆರ್ ಟ್ರಸ್ಟಾಚಿ ವೊಳಕ್ ಕರುನ್ ದಿತಾನಾ ಸರ್ವಾಂಕ್ ಯೆವ್ಕಾರ್ ದಿಲೊ.

ಕಲಾಂಗಣಾಂತ್ ಚಲಲ್ಲೆ ಸರ್ತೆಂತ್ ಫೈನಲಾಕ್ ಜಿಕುನ್ ಆಯಿಲ್ಲಿಂ ಹೆಪರಿಂ ಆಸಾತ್:


ಪ್ರಿಯಾ ಸುಮನ್ ಬಾರೆಟ್ಟೊ, ಆಮೋರಾ ಮೊಂತೇರೊ, ರೋಶ್ನಿ ಗೋವಿಯಸ್
प्रिया सुमन बारेट्‍टो, आमोरा मोंतेरो, रोश्नी गोवियस


ಜೈಸನ್ ಸಿಕ್ವೇರಾ, ಕ್ಲೆಮೆಂಟ್ ಫೆರ್ನಾಂಡಿಸ್, ಪ್ರಿವಿಲ್ ರಾಜ್ ರೊಡ್ರಿಗಸ್
जैसन  सिकवेरा, क्लेमेंट फरनांडिस, प्रिविल राज रोड्रीगस

 

1. ಆಮೋರಾ ಮೊಂತೇರೊ
2. ರೋಶ್ನಿ ಗೋವಿಯಸ್
3. ಪ್ರಿಯಾ ಸುಮನ್ ಬಾರೆಟ್ಟೊ
4. ಜೈಸನ್ ಜೆ. ಸಿಕ್ವೇರಾ
5. ಕ್ಲೆಮೆಂಟ್ ಫೆರ್ನಾಂಡಿಸ್
6. ಪ್ರಿವಿಲ್ ರಾಜ್ ರೊಡ್ರಿಗಸ್

ಉಡುಪಿಂತ್ ಚಲಲ್ಲೆ ಸರ್ತೆಂತ್ ಫೈನಲಾಕ್ ಜಿಕುನ್ ಆಯಿಲ್ಲಿಂ ಹೆಪರಿಂ ಆಸಾತ್:


ಲವೀಟಾ ಪಿಂಟೊ, ಅಮೃತಾ ಡಿ’ಸಿಲ್ವಾ, ರೈನಾ ರೊಡ್ರಿಗಸ್
लविटा पिंटो, अमृता डिसिलवा, रैना रोड्रीगस

1. ಅಮೃತಾ ಡಿ’ಸಿಲ್ವಾ
2. ರೈನಾ ರೊಡ್ರಿಗಸ್
3. ಲವಿಟಾ ಪಿಂಟೊ

ಫೈನಲಾಕ್ ಜಿಕುನ್ ಆಯಿಲ್ಲ್ಯಾಂನಿ ತಿತೀನ್ ಕವಿತಾ ತಯಾರ್ ಕರುಂಕ್ ಆಸೊನ್, ಸರ್ತೆ ದಿಸಾ ಸೊಡ್ತೆರ್ ತಾಂಕಾಂ ಏಕ್ ಕವಿತಾ ವಾಚುಂಕ್ ದಿತಲೆ. ಜಿಕುನ್ ಆಯಿಲ್ಲ್ಯಾಂಕ್ ನಗ್ದೆನ್ ಇನಾಮಾಂ, ಯಾದಸ್ತಿಕಾ ತಶೆಂ ಸರ್ಟಿಫಿಕೆಟಿ ಮೆಳ್ತಲ್ಯೊ. ಭಾಗ್ ಘೆತಲ್ಲ್ಯಾ ಸರ‍್ವಾಂಕ್ ಸರ್ಟಿಫಿಕೆಟಿ ಮೆಳ್ಚ್ಯೊ ಆಸೊನ್, ಪಯ್ಣಾ ಭಾತೆಂ, ರಾವ್ಪಾಚೊ, ಜೆವ್ಣಾಚೊ ಖರ್ಚ್ ಸಕ್ಕಡ್ ಕವಿತಾ ಟ್ರಸ್ಟ್ ಪಳೆತಲೆಂ.

 

कर्नाटकाचीं नोव जणां अखील भारत कविता वाचन सर्तेच्या फैनलाक

कविता ट्रसटान चलोवन व्हर‍्च्या रोहन आनी लवीटा मोंतेरो, अखील भारत कोंकणी कविता वाचन सर्तेच्या अंतीम पावंड्याक पावल्ल्यांचीं नांवां सगळीं आतां निर्धार जाल्यांत. आट्टावीस जणांक जनेर १३, २०१३ तारिकेर बंटवाळ लागसार‍्च्या तुंबे बसती गार्डन्स हांगासर चल्च्या कविता फेसत संदर्भार चल्च्या निमाण्या पावंड्याक आवकास लाभतलो. ह्या आदीं पणजे तशें मडगावं शेरांनी प्राथमीक पावंड्याची सर्त चलल्ली.

त्या उपरांत सपटेंबराचे ९ तारिकेर मंगळूर‍्च्या कलांगणांत आनी त्या उपरांत सपटेंबर १६ तारिकेर उडुपिच्या दुखी सायबिणिचे इगर्जेच्या सभासालांत प्राथमीक पावंड्याची सर्त चलल्ली. कलांगणांत तशें उडुपिंत चलल्ले सर्तेक एवरेल रोड्रिगस, विलियम पायस तशें एंड्र्यू एल डिकुन्हा वोरयणार जावन बसल्ले. वितोरी कार्कोळान दोनय जाग्यांनी मांचिये वयलें काम सांबाळ्ळलें तर, कविता ट्रसटाचो अध्यक्ष मेलवीन रोड्रिगसान सूर‍्वेर ट्रसटाची वोळक करून दिताना सर्वांक येवकार दिलो.

कलांगणांत चलल्ले सर्तेंत फैनलाक जिकून आयिल्लीं हेपरीं आसात:

१. आमोरा मोंतेरो
२. रोश्नी गोवियस
३. प्रिया सुमन बारेट्टो
४. जैसन जे. सिकवेरा
५. क्लेमेंट फेर्नांडीस
६. प्रिवील राज रोड्रिगस

उडुपिंत चलल्ले सर्तेंत फैनलाक जिकून आयिल्लीं हेपरीं आसात:

१. अमृता डी’सिलवा
२. रैना रोड्रिगस
३. लविटा पिंटो

फैनलाक जिकून आयिल्ल्यांनी तितीन कविता तयार करुंक आसोन, सर्ते दिसा सोडतेर तांकां एक कविता वाचुंक दितले. जिकून आयिल्ल्यांक नगदेन इनामां, यादसतिका तशें सर्टिफिकेटी मेळतल्यो. भाग घेतल्ल्या सर‍्वांक सर्टिफिकेटी मेळच्यो आसोन, पयणा भातें, रावपाचो, जेवणाचो खर्च सक्कड कविता ट्रसट पळेतलें



Title : ಕರ್ನಾಟಕಾಚಿಂ ನೋವ್ ಜಣಾಂ ಅಖಿಲ್ ಭಾರತ್ ಕವಿತಾ ವಾಚನ್ ಸರ್ತೆಚ್ಯಾ ಫೈನಲಾಕ್

Please fill in the form below with your feedback/ suggestions .

Fields marked with * are necessary



Disclaimer : Please write your correct name and email address. Kindly do not post any personal, abusive, defamatory, infringing, obscene, indecent, discriminatory or unlawful or similar comments. kavitaa.com/konkanipoetry.com will not be responsible for any defamatory message posted under this article.

Please note that sending false messages to insult, defame, intimidate, mislead or deceive people or to intentionally cause public disorder is punishable under law. It is obligatory on kavitaa.com / konkanipoetry.com to provide the IP address and other details of senders of such comments, to the authority concerned upon request.

Hence, sending offensive comments using kavitaa.com / konkanipoetry.com will be purely at your own risk, and in no way will kavitaa.com / konkanipoetry.com be held responsible.